Jump to content








Toggle Scoreboard
ibProArcade Scoreboard

dakini17 has obtained a high score of 760 Today, 09:00 PM Playing More Bloons Play Now!                InduChOOdaN has obtained a high score of 13139 Today, 07:29 PM Playing American Idol: Sky Blocks Play Now!                InduChOOdaN has obtained a high score of 322 Today, 05:52 PM Playing Spin Balls Play Now!                KD SimoN has obtained a high score of 33446 Today, 04:27 PM Playing Dogfight 2 Play Now!                KD SimoN has obtained a high score of 13346 Today, 12:21 PM Playing Pirates Second Blood - Full Play Now!                
Photo

Prepare For Exam.. Score High Result

Prepare exam score high result exam fear 2016 students help punchapaadam

  • Please log in to reply
5 replies to this topic

#1 PaTTaaLam PuRushU

 
PaTTaaLam PuRushU

    ചായക്കട പ്രസിഡന്റ്

  • Sr Moderator
  • PipPipPipPipPipPipPipPipPipPip
  • 21,032 posts
  • Location:peepeeeee
  • Interests:addict with PP
  • Gender:Male
  • Country: Country Flag
  • Current: Country Flag
 

Posted 07 February 2016 - 10:28 AM

പരീക്ഷയെ നേരിടാം മികച്ച വിജയം സ്വന്തമാക്കാം
 

1454668858_1454668858_1454668858_kidsexm

പരീക്ഷയ്‌ക്കുവേണ്ടിയാവരുത്‌ പഠിത്തം. അത്‌ അറിവിനുവേണ്ടിയാവണം. ഇനി പരീക്ഷയ്‌ക്കു വേണ്ടിയാണെങ്കില്‍ക്കൂടി പഠിക്കാന്‍ കുറുക്കുവഴികളില്ല. പക്ഷേ ശ്രദ്ധയോടെ പഠിച്ചാല്‍ ഓര്‍ത്തിരിക്കാനും നല്ല മാര്‍ക്കു വാങ്ങാനുമാവും. അതിനുവേണ്ടിയുള്ള ചില നിര്‍ദ്ദേശങ്ങളാണിവിടെ.

പരീക്ഷാക്കാലം മാതാപിതാക്കള്‍ക്കും, കുട്ടികള്‍ക്കും ഒരുപോലെ സമ്മര്‍ദ്ദം നല്‌കുന്നവയാണ്‌. എന്നാല്‍ ചില കാര്യങ്ങള്‍ ശ്രദ്ധിച്ചാല്‍ പരീക്ഷാക്കാലത്തെ സമ്മര്‍ദ്ദത്തെ അതിജീവിച്ച്‌ മികച്ച വിജയം സ്വന്തമാക്കാന്‍ വിദ്യാര്‍ഥികള്‍ക്കാവും. അതിനു സഹായകരമായ ഏതാനും നിര്‍ദ്ദേശങ്ങളിതാ.

 

1. പഠനത്തിനായി ആവശ്യത്തിന്‌ സമയം നീക്കിവയ്‌ക്കുക.

പലയാളുകളും പഠനം അവസാനനിമിഷത്തേയ്‌ക്ക് മാറ്റിവയ്‌ക്കുന്നവരാണ്‌. എന്നാല്‍ ഇതൊരു നല്ല നടപടിയല്ല. പരീക്ഷകളുടെ എണ്ണം, ലഭ്യമായ സമയം, വിഷയം പഠിച്ചു തീര്‍ക്കാനുള്ള ബുദ്ധിമുട്ട്‌ ഇവയുടെ അടിസ്‌ഥാനത്തില്‍ ഒരു ടൈംടേബിള്‍ തയാറാക്കുക. ഇത്‌ പരീക്ഷയ്‌ക്ക് ഒരുങ്ങുമ്പോഴുള്ള സമ്മര്‍ദ്ദം കുറയ്‌ക്കുവാന്‍ സഹായകരമാകും.

 

  2. പഠനസ്‌ഥലം ക്രമീകരിക്കുക

പഠനസ്‌ഥലം വൃത്തിയുള്ളതും, ചിട്ടയായി ക്രമീകരിച്ചിരിക്കുന്നതുമാണെന്ന്‌ ഉറപ്പുവരുത്തുക. പുസ്‌തകങ്ങള്‍ പഠിക്കേണ്ടതിന്റെ പ്രാധാന്യമനുസരിച്ച്‌ അടുക്കിവയ്‌ക്കുക. പഠനസ്‌ഥലം ഭക്ഷണം കഴിക്കാനോ, ടി.വി. കാണാനോ ഒന്നും ഉപയോഗിക്കരുത്‌. അങ്ങനെയാണെങ്കില്‍ പഠിക്കാനിരിക്കുമ്പോള്‍ ടി.വി. കാണാനും, ഭക്ഷണം കഴിക്കാനുമൊക്കെയുള്ള തോന്നല്‍ ഉണ്ടാകാനിടയുണ്ട്‌.

 

  3.ചോദ്യപേപ്പറുകള്‍ ചെയ്‌ത് പരിശീലിക്കാം

കഴിഞ്ഞ 5-10 വര്‍ഷത്തെ ചോദ്യപേപ്പറുകള്‍ ചെയ്‌ത് പരിശീലിക്കുന്നത്‌ പരീക്ഷാരീതി മനസിലാക്കാനും, തെറ്റു തിരുത്താനും സഹായിക്കും. ചോദ്യങ്ങള്‍ ആവര്‍ത്തിക്കുന്ന പ്രധാനപ്പെട്ട ഭാഗങ്ങള്‍ ഏതാണെന്ന്‌ മനസിലാക്കുന്നതിനും ഇത്‌ സഹായകരമാണ്‌.

 

  4. പ്രാര്‍ഥനയ്‌ക്കായി സമയം കണ്ടെത്തുക

പരീക്ഷാക്കാലത്തെ ടെന്‍ഷനെ നേരിടാനുള്ള മികച്ച മാര്‍ഗമാണ്‌ പ്രാര്‍ഥന. മനസിനെ ശാന്തമാക്കാനും, ആത്മവിശ്വാസം വര്‍ധിപ്പിക്കാനും, ശുഭാപ്‌തിവിശ്വാസമുള്ളവരായിത്തീരാനും പ്രാര്‍ഥന സഹായകമാണ്‌.

 

  5. കുറിപ്പുകള്‍/ ചാര്‍ട്ടുകള്‍ തയാറാക്കുക

ഓരോ വിഷയവും പഠിക്കുമ്പോള്‍ അതുമായി ബന്ധപ്പെട്ട കുറിപ്പുകളും ചാര്‍ട്ടുകളും തയാറാക്കുക. പരീക്ഷയ്‌ക്ക് തൊട്ടുമുമ്പുള്ള റിവിഷനിത്‌ സഹായകരമാണ്‌. ഓര്‍മയില്‍ കാര്യങ്ങള്‍ നിലനിര്‍ത്താന്‍ ചിത്രങ്ങളും, ഗ്രാഫുകളും സഹായിക്കും.

 

  6. ബന്ധപ്പെടുത്തി പഠിക്കുക

നമ്മുടെ മനസില്‍ രൂഢമൂലമായ ആളുകള്‍, വര്‍ഷങ്ങള്‍, സ്‌ഥലങ്ങള്‍ ഇവയൊക്കെയായി ബന്ധപ്പെടുത്തി കാര്യങ്ങള്‍ പഠിക്കുന്നത്‌ വളരെ സഹായകരമാണ്‌.
ഉദാഹരണത്തിന്‌ ഭരണഘടനയുടെ എട്ടാം ഷെഡ്യൂളില്‍ അവസാനം ചേര്‍ക്കപ്പെട്ട ഭാഷകള്‍ മൈഥിലി, ബോഡോ, ഡോഗ്രി, സാന്താളി എന്നിവയാണ്‌.

ഇത്‌ ഓര്‍ത്തിരിക്കാന്‍ ബുദ്ധിമുട്ടാണെങ്കില്‍ മൈഥിലി എന്ന പെണ്‍കുട്ടി ബി.ഡി.എസ്‌ പൂര്‍ത്തിയാക്കി ദന്തഡോക്‌ടറായതിനെക്കുറിച്ച്‌ ആലോചിക്കുക. അപ്പോള്‍ മൈഥിലി ബി.ഡി.എസ്‌. എന്ന സൂത്രവാക്യം രൂപപ്പെടുത്താനാകും.

ബോഡോ, സോഗ്രി, സാന്താളി എന്നിവയുടെ ചുരുക്കെഴുത്താണ്‌ ബി.ഡി.എസ്‌.ഇത്തരത്തില്‍ യോജിക്കല്‍ അല്ലാത്ത കാര്യങ്ങളുമായി ബന്ധപ്പെടുത്തി പഠിക്കുന്നത്‌ ഓര്‍ത്തിരിക്കാന്‍ സഹായകമാണ്‌.

 

  7. ചര്‍ച്ച ചെയ്‌ത് പഠിക്കുക/ മറ്റുള്ളവരെ പഠിപ്പിക്കുക

ഗ്രൂപ്പ്‌ സ്‌റ്റഡിയുടെ ഏറ്റവും വലിയ നേട്ടം കാര്യങ്ങള്‍ ചര്‍ച്ചചെയ്‌ത് പഠിക്കാം എന്നതാണ്‌. ഒറ്റയ്‌ക്ക് പഠിക്കുമ്പോഴുള്ള വിരസത ഒഴിവാക്കാനുമാവും. പഠിച്ച കാര്യങ്ങള്‍ മറ്റുള്ളവരെ പറഞ്ഞു കേള്‍പ്പിക്കുന്നതും, മറ്റുള്ളവരെ പഠിപ്പിക്കുന്നതും ഓര്‍മശക്‌തിയെ ഉണര്‍ത്തും.

പഠനം രസകരമാക്കാനും ഗ്രൂപ്പ്‌ സ്‌റ്റഡി സഹായമാണ്‌. എന്നാല്‍ പഠനവുമായി ബന്ധമില്ലാത്ത കാര്യങ്ങള്‍ ചര്‍ച്ച ചെയ്യുന്നതും, സമയം പാഴാക്കുന്നതും ഒഴിവാക്കുക.

 

  8. പഠനത്തിനിടയിലെ ഒഴിവുവേളകള്‍

നിശ്‌ചിതസമയത്തിനിടയ്‌ക്ക് ബ്രേക്ക്‌ എടുക്കാന്‍ മറക്കരുത്‌. ഈ സമയത്ത്‌ പത്രം വായിക്കുകയോ, വെയില്‍ കായുകയോ, നടക്കുകയോ ഒക്കെയാകാം. പ്രഭാതത്തിലെ സൂര്യരശ്‌മികളേറ്റ്‌ നടക്കുന്നത്‌ വിറ്റാമിന്‍ ഡി ലഭിക്കാന്‍ സഹായിക്കും. ആരോഗ്യകരമായ തലച്ചോറിന്‌ വിറ്റാമിന്‍ ഡി വളരെ പ്രാധാന്യമേറിയതാണ്‌.

 

  9. പരീക്ഷാ ദിവസം

പരീക്ഷയ്‌ക്ക് അരമണിക്കൂര്‍ മുമ്പെങ്കിലും പരീക്ഷാഹാളിലെത്തുക. ഓരോ ഉത്തരത്തിനും വേണ്ട സമയം ക്രമീകരിക്കുക. ചോദ്യപേപ്പര്‍ വായിച്ച്‌ മനസിലാക്കുക. കുപ്പിയില്‍ വെള്ളം കരുതുക. പെന്‍സില്‍, റബര്‍, പേന ഇവയൊക്കെ കരുതുക. വാച്ച്‌ സമയബന്ധിതമായി പരീക്ഷ പൂര്‍ത്തിയാക്കാന്‍ സഹായകരമാകും.

ഏറ്റവും മികച്ച രീതിയില്‍ പരീക്ഷയെഴുതും എന്ന്‌ നിങ്ങളുടെ ഉപബോധമനസിന്‌ ആജ്‌ഞ നല്‌കുക. ആവശ്യത്തിന്‌ വെള്ളം കുടിക്കുന്നത്‌ തലച്ചോറിന്റെ സുഗമമായ പ്രവര്‍ത്തനത്തെ സഹായിക്കും.

 

  പരീക്ഷാക്കാലത്തെ ഭക്ഷണശീലങ്ങള്‍

പരീക്ഷാക്കാലത്ത്‌ പല വിദ്യാര്‍ഥികളും കാണിക്കുന്ന മണ്ടത്തരം ആവശ്യത്തിന്‌ ഭക്ഷണം കഴിക്കാതിരിക്കുകയാണ്‌. ആരോഗ്യകരമായ ഭക്ഷണക്രമം ബുദ്ധിശക്‌തിയെ ഉണര്‍ത്തുന്നതിനൊപ്പം ഊര്‍ജസ്വലരായിരിക്കാനും സഹായിക്കും.

പരീക്ഷാക്കാലത്ത്‌ ഫാസ്‌റ്റ്ഫുഡ്‌ ഒഴിവാക്കുക. ഒമേഗ 3 ഫാറ്റി ആസിഡുകള്‍ അടങ്ങിയ സാല്‍മണ്‍, അയല, മത്തി തുടങ്ങിയ മത്സ്യങ്ങള്‍ ഈ ഘട്ടത്തില്‍ കുട്ടികള്‍ക്ക്‌ നല്‌കുക. ഇത്‌ തലച്ചോറിന്റെ പ്രവര്‍ത്തനം സുഗമമാക്കും.

തലച്ചോറിന്റെ പ്രവര്‍ത്തനത്തിനനുയോജ്യമായ മറ്റൊരു ഭക്ഷണം മുട്ടയാണ്‌. പരീക്ഷാക്കാലത്ത്‌ കുട്ടികള്‍ക്ക്‌ ദിവസേന ഒരു മുട്ടയെങ്കിലും നല്‌കാം. മുട്ടയില്‍ ആന്റി ഓക്‌സിഡന്റ്‌സ് അടങ്ങിയിരിക്കുന്നതിനാല്‍ പരീക്ഷാക്കാലത്തെ മാനസിക സമ്മര്‍ദ്ദത്തെ അതിജീവിക്കാന്‍ ഇത്‌ സഹായിക്കും. ധാരാളം ന്യൂട്രിയന്റ്‌സ് അടങ്ങിയ സമീകൃതാഹാരമാണ്‌ മുട്ട.

ആപ്പിള്‍, അവോക്കാഡോ, സ്‌ട്രോബറി, പഴം തുടങ്ങിയവയ്‌ക്കൊപ്പം പച്ചക്കറികളും ധാരാളമായി ഡയറ്റില്‍ ഉള്‍പ്പെടുത്തണം.
പലയാളുകളും ചിന്തിക്കുന്നത്‌ പീനട്ട്‌ ബട്ടര്‍ ഒരു ആരോഗ്യകരമല്ലാത്ത ഭക്ഷണമാണ്‌ എന്നാണ്‌. ഈ ധാരണ തെറ്റാണ്‌.

ശരീരത്തിനാവശ്യമുള്ള കൊഴുപ്പുകള്‍, പ്രോട്ടീനുകള്‍ എന്നിവയൊക്കെയുള്ള മികച്ച ഭക്ഷണമാണിത്‌. പഠനത്തിനിടയ്‌ക്ക് കുട്ടികള്‍ക്ക്‌ കൊടുക്കാവുന്ന മികച്ച സ്‌നാക്കാണ്‌ പീനട്ട്‌ ബട്ടര്‍ തേച്ച ബ്രഡ്‌.

തൈര്‌, കഞ്ഞിവെള്ളം തുടങ്ങിയവയൊക്കെയും തലച്ചോറിന്റെ ഉദ്ദീപനത്തിന്‌ സഹായകരമായ ഭക്ഷണങ്ങളാണ്‌. ചായ, കാപ്പി, പെപ്‌സി തുടങ്ങിയവയൊക്കെ പരീക്ഷാക്കാലത്ത്‌ ഒഴിവാക്കണം. പകരം ഫ്രഷ്‌ ജ്യൂസുകള്‍, ഗ്രീന്‍ടീ മുതലായവ ശീലിപ്പിക്കുക. ഇപ്രകാരം ഭക്ഷണശീലങ്ങള്‍ക്കൂടി ശ്രദ്ധിച്ച്‌ മികച്ച റിസള്‍ട്ട്‌ സ്വന്തമാക്കാം.

 

(രാജ്യാന്തരതലത്തില്‍ അറിയപ്പെടുന്ന വിജയ പരിശീലകനും മാനേജ്‌മെന്റ്‌ വിദഗ്‌ദ്ധനുമായ ജോബിന്‍ എസ്‌. കൊട്ടാരം ഇരുപതോളം സെല്‍ഫ്‌ ഹെല്‍പ്‌ പുസ്‌തകങ്ങളുടെ രചയിതാവാണ്‌.)


Edited by Pattaalam Purushu, 07 February 2016 - 10:30 AM.

  • Malar likes this

#2 Malar

 
Malar

    ചായക്കട സെക്രട്ടറി

  • Sr Moderator
  • PipPipPipPipPipPipPipPipPipPip
  • 30,555 posts
  • Location:ആഴക്കടലിന്റെ അടിത്തട്ടിലെ പവിഴ കൊട്ടാരത്തിൽ
  • Interests:Music,Rain,Music
  • Gender:Female
  • Country: Country Flag
  • Current: Country Flag
 

Posted 07 February 2016 - 07:04 PM

:thanks: purushu :)



#3 PaTTaaLam PuRushU

 
PaTTaaLam PuRushU

    ചായക്കട പ്രസിഡന്റ്

  • Sr Moderator
  • PipPipPipPipPipPipPipPipPipPip
  • 21,032 posts
  • Location:peepeeeee
  • Interests:addict with PP
  • Gender:Male
  • Country: Country Flag
  • Current: Country Flag
 

Posted 08 February 2016 - 07:25 PM

abevPtr.jpg


  • Malar likes this

#4 Malar

 
Malar

    ചായക്കട സെക്രട്ടറി

  • Sr Moderator
  • PipPipPipPipPipPipPipPipPipPip
  • 30,555 posts
  • Location:ആഴക്കടലിന്റെ അടിത്തട്ടിലെ പവിഴ കൊട്ടാരത്തിൽ
  • Interests:Music,Rain,Music
  • Gender:Female
  • Country: Country Flag
  • Current: Country Flag
 

Posted 09 February 2016 - 10:22 PM

nice share purushu :good:



#5 PaTTaaLam PuRushU

 
PaTTaaLam PuRushU

    ചായക്കട പ്രസിഡന്റ്

  • Sr Moderator
  • PipPipPipPipPipPipPipPipPipPip
  • 21,032 posts
  • Location:peepeeeee
  • Interests:addict with PP
  • Gender:Male
  • Country: Country Flag
  • Current: Country Flag
 

Posted 12 February 2016 - 04:52 PM

hdHvv80.jpg



#6 PaTTaaLam PuRushU

 
PaTTaaLam PuRushU

    ചായക്കട പ്രസിഡന്റ്

  • Sr Moderator
  • PipPipPipPipPipPipPipPipPipPip
  • 21,032 posts
  • Location:peepeeeee
  • Interests:addict with PP
  • Gender:Male
  • Country: Country Flag
  • Current: Country Flag
 

Posted 18 February 2016 - 04:24 PM

പരീക്ഷാപ്പേടി ഇല്ലാതാക്കാന്‍
 

image.jpgവരുന്നത് പരീക്ഷക്കാലം. തമാശകള്‍ക്കും കളികള്‍ക്കും അവധികൊടുത്ത് അല്‍പ്പം ഗൗരവമായി പഠനത്തെ സമീപിക്കേണ്ട സമയമാണിതെന്ന കാര്യത്തില്‍ സംശയമില്ല. എന്നാല്‍ ഗൗരവമായ പരിഗണനയില്‍നിന്ന് മാറി പരീക്ഷാപ്പേടി എന്ന തലത്തില്‍ കാര്യമെത്തിയാല്‍ ഫലം വിപരീതമാകും. അമിതമായ ആശങ്കയും മനസ്സംഘര്‍ഷവും പരീക്ഷയെഴുത്തിനെ ബാധിക്കുകയും ചെയ്യും.
 
പരീക്ഷാപ്പേടി എന്നത് ഒരു മാനസികാവസ്ഥയാണ്. കൂടിയ ആശങ്ക,മനസ്സംഘര്‍ഷം, അസ്വസ്ഥത, അകാരണമായ ഭീതി എന്നിങ്ങനെ പലവിധ മാനസികാവസ്ഥകള്‍ ഇതിന്റെ ഭാഗമാണ്.
   

കാരണങ്ങള്‍
 * യാഥാര്‍ത്ഥ്യബോധത്തിന് നിരക്കാതെ രക്ഷിതാക്കള്‍  കുട്ടികളെക്കുറിച്ച് പുലര്‍ത്തുന്ന പ്രതീക്ഷകള്‍
*രക്ഷിതാക്കളുടെ സമ്മര്‍ദ്ദത്തെതുടര്‍ന്ന് കുട്ടികള്‍ക്ക് തോല്‍വി,മോശം പ്രകടനം ഇവയെക്കുറിച്ചുണ്ടാകുന്ന ഭീതി.
* വേണ്ടത്ര പഠിക്കാത്ത അവസ്ഥ
*ഒബ്‌സസീവ് കംപല്‍സീവ് ഡിസോര്‍ഡര്‍(ചിന്തകളും ഭയവും ചില പെരുമാറ്റരീതികളും  നിയന്ത്രിക്കാനാകാതെ ആവര്‍ത്തിച്ചുവരുന്ന മാനസികാവസ്ഥ)
*ലക്ഷ്യം നേടുന്നതിനുുള്ള പ്രചോദനമില്ലാതിരിക്കുകയും ആത്മവിശ്വാസക്കുറവും
*പോഷകാഹാരക്കുറവും ഉറക്കമില്ലായ്മയും
 

ലക്ഷണങ്ങള്‍
പരീക്ഷാപ്പേടിയുടെ ലക്ഷണങ്ങളെ ശാരീരികം,പെരുമാറ്റ സംബന്ധിയായത്, വൈകാരികമായത് എന്നിങ്ങനെ മൂന്നായി തിരിക്കാം.
തലവേദന, വയറുവേദന, മനംപിരട്ടല്‍,വയറിളക്കം, അമിത വിയര്‍പ്പ്, ശ്വാസതടസ്സം, തലകറക്കം, ഹൃദയമിടിപ്പ് കൂടുക, വായ വരളുക, കൈകൈലുകള്‍ തണുക്കുകയോ വിറക്കുകയോ ചെയ്യുക, ഛര്‍ദ്ദി, വിറ, ഇടയ്ക്കിടെ മൂത്രമൊഴിക്കണമെന്ന് തോന്നുക  എന്നിവയാണ് ശാരീരിമായി അനുഭവപ്പെടുന്ന ലക്ഷണങ്ങള്‍.

തോല്‍ക്കുമെന്ന ഭയം, അടുക്കും ചിട്ടയുമില്ലാത്ത ചിന്തകള്‍, തനിക്ക് എന്തൊക്കെയോ കുറവുകള്‍(പഠനത്തിന്റെ കാര്യത്തില്‍)ഉണ്ടെന്ന തോന്നല്‍, ശുഭപ്രതീക്ഷയില്ലാ്ത്ത സംസാരം, കടുത്ത മാനസികസമ്മര്‍ദ്ദമുണ്ടെന്ന തോന്നല്‍,പഠനത്തില്‍ ശ്രദ്ധ കേന്ദ്രീകരിക്കാന്‍ കഴിയാതിരിക്കല്‍, ഉറക്കമില്ലായ്മയോ അമിത ഉറക്കമോ തുടങ്ങിയവയാണ് പഠനപരം അല്ലെങ്കില്‍ പെരുമാറ്റസംബന്ധിയായ  ലക്ഷണങ്ങള്‍.
 
തീരെ ആത്മവിശ്വാസമില്ലാതിരിക്കുക,നിരാശ,വിഷാദം,ദേഷ്യം, പ്രതീക്ഷയില്ലാതിരിക്കുകയും നിസ്സഹായത അനുഭവപ്പെടുകയും ചെയ്യുക, നിരാശ.
പരീക്ഷയെക്കുറിച്ചുള്ള ചെറിയ ഭയം നല്ലതാണ്. കൂടുതല്‍ നന്നായി പഠിക്കാനും സമയം നന്നായി ഉപയോഗപ്പെടുത്താനും അതുവഴി കഴിയും. എന്നാല്‍ മുകളില്‍പ്പറഞ്ഞ ലക്ഷണങ്ങളിലേക്ക് അവ എത്തുമ്പോള്‍ കുട്ടികളുടെ പരീക്ഷയെഴുത്തിനെ അത് ബാധിക്കും. ചിലപ്പോള്‍ ശാരികവും മാനസികവുമായ പ്രശ്‌നങ്ങളിലേക്ക് എത്തുകയും ചെയ്യും.

പേടി കളയാന്‍
പഠനത്തിന് സ്വന്തമായി ഒരു മാതൃകയുണ്ടാക്കുക: നേരത്തേ പഠിച്ചുതുടങ്ങുന്നതാണ് ഏറ്റവും നല്ലത്. ഓരോ വിഷയത്തിന്റെയും ഗൗരവവും അത് പഠിക്കാനുള്ള വിഷമവും പരിഗണിച്ച് സമയക്രമം ഉണ്ടാക്കിവെയ്ക്കുക. അതില്‍ ആദ്യവായന, രണ്ടാം വായന, കുറിപ്പെടുക്കല്‍, റിവിഷന്‍ എന്നിവയക്കെല്ലാം സമയം ഉള്‍പ്പെടുത്തുക. 

ശുഭാപ്തി വിശ്വാസം വളര്‍ത്തുക: നന്നായി പഠിക്കാന്‍ തനിക്കാവുമെന്നും നന്നായി പരീക്ഷ എഴുതാന്‍ കഴിയുമെന്നും സ്വയം ധരിപ്പിക്കുക. വീണ്ടും വീണ്ടും അതിനായി ശ്രമിക്കുക. ഇതേ സാന്ത്വന വാക്കുകള്‍ അധ്യാപകര്‍, രക്ഷിതാക്കള്‍ എന്നിവരും കുട്ടികളിലേക്ക് പകരണം.

ശ്രദ്ധ പഠനത്തില്‍ മാത്രം: പരീക്ഷയെക്കുറിച്ച് ആശങ്കമാത്രം പങ്കുവെയ്ക്കുന്ന കൂട്ടുകാരുമായുള്ള ആശയവിനിമയം കുറയ്ക്കുക. മറ്റുള്ളവര്‍ എത്ര പഠിച്ചു, എന്ത് പഠിച്ചു എന്ന് കൂടുതല്‍ അന്വേഷിക്കാതിരിക്കുക. പരീക്ഷാഹാളിന് പുറത്തും ഇത്തരം ചര്‍ച്ചകള്‍ ഒഴിവാക്കുക. മറ്റൊരാള്‍ പഠിച്ചത് താന്‍ വായിച്ചുപോലുമില്ലെന്ന് ചിലപ്പോള്‍ അവിടെവെച്ച് അറിയും. അത് പരീക്ഷയ്ക്ക് വരണമെന്നില്ല. എന്നാല്‍ അതുണ്ടാക്കുന്ന മനസ്സംഘര്‍ഷം പരീക്ഷയാകെ നാശമാക്കുകയും ചെയ്യും.

ഓര്‍മിയ്ക്കാനുള്ള തന്ത്രങ്ങള്‍: പദ്യരൂപത്തിലും ചാര്‍ട്ട്‌ രൂപത്തിലുമെല്ലാം പഠനവിവരങ്ങള്‍ ക്രമപ്പെടുത്തി രസകരമാക്കുക. എളുപ്പം ഓര്‍ക്കാന്‍ അത് ഉപകരിക്കും. താന്‍ പഠിച്ച കാര്യം മറ്റൊരാളോട് വിശദീകരിക്കുക.


ധ്യാനം
ഒരിടത്ത് ഏകാഗ്രമായി 10 മിനിട്ടു ഇരിക്കാന്‍ ശീലിക്കുക. ഇത് ദിവസവും ചെയ്യുന്നത് പഠനത്തെ സഹായിക്കും. സാവധാനത്തിലുള്ള ശ്വാസോച്ഛാസം, പേശികള്‍ അയച്ചുള്ള വ്യായാമങ്ങള്‍ ഇവയെല്ലാം നല്ലതാണ്.

ഉറക്കം
പരീക്ഷയുടെ തലേനാള്‍ നന്നായി ഉറങ്ങുക. ഉറക്കക്കുറവ് ഓര്‍മയെ ബാധിക്കും. പഠിച്ച കാര്യങ്ങള്‍ അടുക്കും ചിട്ടയോടെ ഓര്‍ത്തെടുക്കാന്‍ കഴിയാതെ വരും. ഉറക്കമൊഴിഞ്ഞ് നന്നായി പഠിച്ചിട്ടും അതുണ്ടാക്കുന്ന  ശാരീരിക പ്രശ്‌നങ്ങള്‍ കാരണം കുട്ടികള്‍ പരീക്ഷാഹാളില്‍ കുഴഞ്ഞ് വീഴുന്ന നിരവധി സന്ദര്‍ഭങ്ങളുണ്ടാകാറുണ്ട്.
 

കൗണ്‍സിലിങ്
പരീക്ഷാപ്പേടി സ്വയം നിയന്ത്രിക്കാന്‍ കഴിയുന്നില്ലെങ്കില്‍ മടികൂടൂതെ ഒരു കൗണ്‍സിലറുടെ സഹായം തേടുക. 

രക്ഷിതാക്കള്‍ ശ്രദ്ധിക്കാന്‍
ഓരോ കുട്ടിയ്ക്കും അവരുടേതായ കഴിവുകളുണ്ട്. അത് തിരിച്ചറിഞ്ഞ് അവരുടെ പഠനത്തില്‍ സഹായിക്കുക. അമിതമായ ആശങ്ക പ്രകടിപ്പിക്കാതിരിക്കുക. പഠനത്തിന് പ്രേരിപ്പിക്കുമ്പോള്‍ തന്നെ പ്രസാദാത്മകമായി പെരുമാറുക. പരീക്ഷയില്‍ മാര്‍ക്ക് കുറഞ്ഞാല്‍ ലോകാവസാനം എന്ന രീതിയില്‍ പെരുമാറാതിരിക്കുക. ഇത്ര മാര്‍ക്കുമേടിച്ചാല്‍ സമ്മാനം നല്‍കുമെന്ന വാഗ്ദാനം നല്‍കാതിരിക്കുക. മറ്റുകുട്ടികളുമായുള്ള താരതമ്യം ഒട്ടും വേണ്ട.


Edited by Pattaalam Purushu, 18 February 2016 - 04:25 PM.






Also tagged with one or more of these keywords: Prepare, exam, score, high, result, exam fear, 2016, students, help, punchapaadam

0 user(s) are reading this topic

0 members, 0 guests, 0 anonymous users