Jump to content








Toggle Scoreboard
ibProArcade Scoreboard

aanil45 has obtained a high score of 0 Yesterday, 11:40 PM Playing Maze Race Play Now!                aanil45 has obtained a high score of 0 Yesterday, 11:29 PM Playing Bowling 3 Play Now!                aanil45 has obtained a high score of 2 Yesterday, 10:00 PM Playing Funky Pong Play Now!                InduChOOdaN has obtained a high score of 15941 Yesterday, 08:37 PM Playing American Idol: Sky Blocks Play Now!                BaaleTTaN has obtained a high score of 10870 Yesterday, 05:58 PM Playing Monkey Jumper Play Now!                
Photo

  • Please log in to reply
2 replies to this topic

#1 Malar

 
Malar

    ചായക്കട സെക്രട്ടറി

  • Sr Moderator
  • PipPipPipPipPipPipPipPipPipPip
  • 30,563 posts
  • Location:ആഴക്കടലിന്റെ അടിത്തട്ടിലെ പവിഴ കൊട്ടാരത്തിൽ
  • Interests:Music,Rain,Music
  • Gender:Female
  • Country: Country Flag
  • Current: Country Flag
 

Posted 10 June 2015 - 07:20 PM

കരച്ചിലോ?
 

 

(തപ്തഹൃദയം )

 

 

ഉള്ളൂർ എസ്. പരമേശ്വരയ്യരുടെ കൃതികൾ
 

 

കരയുന്നല്ലോ ! വരൂ!
 

 കാര്യമെന്തെൻ ചങ്ങാതി ?
 

വെറുതേ കണ്ണീർമുത്തു
 

പാഴ്മണ്ണിൽ വീഴ്ത്തുന്നല്ലോ!
 

കരയാനല്ലാതെ മ-
 

 റ്റെന്താകുമെന്നാൽ, ദൈവം
 

കരൾചുട്ടെരിക്കുമ്പോ,-
 

ളെന്നോ നിൻ മറുമൊഴി?
 

ആരു കാണുവാനാണി-
 

ച്ചൂടുവെള്ളത്തിൽക്കുളി-
 

യാരു കേൾക്കുമെന്നോർത്താ-
 

 ണീമട്ടിലയ്യംവിളി ?
 

വാനവൻ തിരിഞ്ഞൊന്നു
 

നില്ക്കാനില്ലൊരാൾ വിണ്ണിൽ
 

മാനവൻ കുനിഞ്ഞൊന്നു
 

നോക്കാനുമെങ്ങും മന്നിൽ
 

അരു,തിപ്പിച്ചും പേയു-
 

 മാണുങ്ങൾക്കടുത്തത-
 

ല്ലെരിയും ചെന്തീ കെടാ-
 

നെണ്ണയാരൊഴിച്ചീടും?

 

തുറ്റയ്‌ക്കൂ കണ്ണീർ, നിർത്തൂ
 

 കരച്ചി, ലെത്തിപ്പിടി-
 

ച്ചടക്കൂ കാലക്കേടിൻ
 

 കയ്യിലെജ്ജയക്കൊടി!
 

II


അറിയാം ദൈവത്തിന്നു-
 

മടിയാൽക്കാലും കയ്യും
 

മരവിച്ചിരിപ്പോന്റെ
 

തലയിൽക്കുതിച്ചേറാൻ;
 

പിണത്തിൻമുന്നിൽക്കട-
 

ന്നൂപ്പിടികാട്ടാൻ; കുറേ-
 

ച്ചുണയുള്ളോനെക്കണ്ടാൽ
 

ദൂരത്തുമാറിപ്പോകാൻ;
 

പലമട്ടിലും വന്നു
 

 താടിയും കരിയും നി-
 

ന്നലറിക്കോട്ടേ; ചാടി
 

യരങ്ങു തകർത്തോട്ടെ.
 

ആടിടാൻ വരുന്നോരു
 

 വേഷങ്ങൾകണ്ടാൽ ഞെട്ടി-
 

യാടൽപൂണ്ടരണ്ടിടാൻ
 

 കൈക്കുഞ്ഞുങ്ങളോ നമ്മൾ?
 

വെളിച്ചത്തിലേത്തുരു-
 

 മ്പിരുട്ടിൽപ്പാമ്പായ്‌ത്തോന്നും
 

വെളിച്ചത്തിലേക്കുറ്റി-
 

 യിരുട്ടിൽപ്പിശാചയായും.
 

ഇരുട്ടിൻ മകളാണു
 

പേടി; യാ മകൾ പെറ്റു
 

പെരുക്കിക്കൂട്ടുന്നതാ-
 

 ണീയഴൽക്കരിമ്പറ്റം.
 

പോരിക വെളിച്ചത്തു,
 

പകലോനൊഴുകുന്ന
 

വാരൊളിതങ്കച്ചാറി-
 

 ലാറാടിസ്സുഖിക്കുവാൻ
 

കൈവേല നേടിത്തരും
 

കാശു താൻ മഹാമേരു;
 

മേയ്‌വിയർപ്പിങ്കൽചെയ്യും
 

 സ്നാനംതാൻ ഗംഗാസ്നാനം.
 

കണ്ണുനീരൊഴുക്കുകിൽ-
 

 ക്കദനം മാത്രം കായുക്കു,-

 

മന്യമാം ധാന്യത്തിന്നു
 

വെറിട്ടു വേണം വെള്ളം.
 

നമ്മൾക്കാജ്ജലം മാറ-
 

ത്തലയ്ക്കും കയ്യാൽക്കോരാം;
 

വെൺമുകിൽകുലത്തോടു
 

 മാരിക്കാരിരന്നിടും?
 

വ്യാധിയേക്കാളും നര-
 

ർക്കാരോഗ്യം പരം കാമ്യം;
 

വൈരൂപ്യത്തിനെക്കാളും
 

 സൗന്ദര്യമാകർഷകം.
 

പ്രാണനാശത്തെക്കാളും
 

ജീവിതം മനോഹരം,
 

പാരതന്ത്ര്യത്തെക്കാളും
 

സ്വാതന്ത്ര്യം സുഖപ്രദം.
 

ഉറക്കം തൂങ്ങാനല്ലി-
 

ജ്ജീവനും ശരീരവു-
 

മുണർന്നു വേണ്ടും കാര്യ-
 

 മോരോന്നും നിത്യം ചെയ്‌വാൻ.
 

പേക്കിനാവായാലെന്തു ?
 

 പൊൻകിനാവായലെന്തു?
 

പാർക്കുമ്പോഴൊപ്പം രണ്ടും;
 

 നിഷ്ഫലം കിനാവെല്ലാം.
 

പരിതഃസ്ഥിതിയെ നാം
 

പ്രതികൂലമെന്നോർത്തു
 

കരയാനിരുന്നീടി-
 

 ലതിനേ കാണു നേരം.
 

ദുർദ്ദിഷ്ടമേതും നമു-
 

ക്കിഷ്ടദൈവമായ് മാറ്റാം;
 

ശുദ്ധി ചെയ്തെടുക്കുമ്പോൾ
 

 ക്ഷ്വേളവും സിദ്ധൗഷധം.
 

III


 പിറക്കുമ്പോഴെ കൂടെ-
 

ക്കൊണ്ടു പോന്നിട്ടുണ്ടൊരു
 

വരമാം നിധി നമ്മൾ, -
 

ആയതെന്തെന്നോ ? - ചിരി !
 

 ഏതിരുട്ടിലും വിള-
 

ക്കാവെള്ളിഗ്രഹം കാട്ടു-
 

മേതുകാലത്തും പൂന്തേ-
 

നൂറുമാപ്പിച്ചിച്ചെണ്ടിൽ

 

ചിരിക്കൂ ! കുറെപ്പൊട്ടി-
 

ച്ചിരിച്ചാലല്ലാതെയി-
 

ക്കരളിൻ പുണ്ണിന്നില്ല
 

കരിയാനേതും വഴി.
 

നാടകത്തിലെ‌ബ്ബഫൂൺ
 

പല്ലിളിച്ചീടും നേരം
 

കൂടവേ കാട്ടും ഗോഷ്ടി-
 

യല്ല ഞാൻ ചൊല്ലും ചിരി.
 

ചാരത്തു ദൈവം വന്നു
 

ശത്രുവായോരോതരം
 

സ്വൈര്യക്കേടുണ്ടാക്കുമ്പോൾ
 

വേണം നാം ചിരിക്കുവാൻ
 

നൂനമാ,ഹാസം കണ്ടാൽ
 

ദൈവവും ഹസിച്ചീടും;
 

വീണുപോമപ്പോളതിൻ
 

ദംഷ്ട്രയും മീശക്കൊമ്പും;
 

കൊടുക്കുന്നതേ വാങ്ങാൻ
 

കഴിയൂ നമ്മൾക്കെന്നും
 

കുടത്തിൽക്കൊള്ളുന്നതേ
 

 കോരാവൂ കടലിലും
 

ചിരിയാമുറുപ്പിക
 

 വായ്‌പ്പേകൂ ലോകത്തിന്നു;
 

തിരിയെത്തരും ലോകം
 

 മുതലും പലിശയും
 

ദേഹമിത്തരം പുമർ-
 

 ത്ഥാപ്തിക്കൂ ദാനം ചെയ്ത
 

ലോകനാഥനോടൊന്നേ
 

 നേരേണ്ടു നമുക്കെന്നും-;
 

"ആപത്തുനൽകൊല്ലെന്നു
 

 യാചിപ്പാൻ ലജ്ജിപ്പൂഞാ-
 

നാപത്തിൽച്ചിരിക്കുവാൻ
 

 മാത്രമേ വേണ്ടൂ വരം."

 

 


Edited by Malar, 12 June 2015 - 01:21 PM.

  • Vanampaadi likes this

#2 Vanampaadi

 
Vanampaadi

    Princess of Dreams

  • Arcade League
  • 47,139 posts
  • Location:Dubai
  • Interests:Kaattaruviyude sangeetham kaathorkkan,, Kodamanjhu pozhiyunna kunninmele thanichirikkan,, Mazhayude nanutha sparsham ettu vanghaan
  • Gender:Female
  • Country: Country Flag
  • Current: Country Flag
 

Posted 10 June 2015 - 08:40 PM

:thanks: Sreeja chechi


  • Malar likes this


Users Awards

#3 Malar

 
Malar

    ചായക്കട സെക്രട്ടറി

  • Sr Moderator
  • PipPipPipPipPipPipPipPipPipPip
  • 30,563 posts
  • Location:ആഴക്കടലിന്റെ അടിത്തട്ടിലെ പവിഴ കൊട്ടാരത്തിൽ
  • Interests:Music,Rain,Music
  • Gender:Female
  • Country: Country Flag
  • Current: Country Flag
 

Posted 10 June 2015 - 08:43 PM

:thanks: Sreeja chechi

 

vaanukutty :adiyan:


  • Vanampaadi likes this





Also tagged with one or more of these keywords: കരച്ചിലോ?, malayalam kavitha, Ulloor, Thaptha Hridayam, തപ്തഹൃദയം, malayalam kavitha lyrics, karachilo?, കവിതാസമാഹാരങ്ങൾ, punchapaadam, ഉള്ളൂർ എസ്. പരമേശ്വരയ്യരുടെ കൃതികൾ

0 user(s) are reading this topic

0 members, 0 guests, 0 anonymous users