Jump to content

Toggle Scoreboard
ibProArcade Scoreboard

ChoTTa Bhim has obtained a high score of 2189 Today, 06:31 PM Playing Undead Billiards Play Now!                Sumeshsteephen has obtained a high score of 40 Today, 05:59 PM Playing AquaField Play Now!                Sumeshsteephen has obtained a high score of 2990 Today, 05:55 PM Playing Crack Man Play Now!                KD SimoN has obtained a high score of 22077 Today, 05:53 PM Playing Mario Hill Rider 2 Play Now!                Sumeshsteephen has obtained a high score of 1355 Today, 05:52 PM Playing Apple Shoot Play Now!                
Photo

Krishnagatha - Cherussery - Full Lyrics

Krishnagatha Cherussery കൃഷ്ണഗാഥ ചെറുശ്ശേരി kavitha malayalam poem kavitha lyrics

  • Please log in to reply
61 replies to this topic

#2555737 VIncenT GomeZ

VIncenT GomeZ

    Best Boy of PP - 2012

  • Premium Member
  • 9,151 posts
  • Location:root
  • Gender:Male
  • Country: Country Flag
  • Current: Country Flag

Posted 04 May 2015 - 10:44 AM

കൃഷ്ണഗാഥ

 

ക്രിസ്തുവർഷം 15-‌ാം നൂറ്റാണ്ടിൽ ജീവിച്ചിരുന്ന മലയാള കവിയാണ് ചെറുശ്ശേരി നമ്പൂതിരി(1375-1475). പ്രാചീന കവിത്രയത്തിൽ ഒരാളായിരുന്നു ഇദ്ദേഹം. ക്രി.വ 1466-75 കാലത്ത് കോലത്തുനാടു ഭരിച്ചിരുന്ന ഉദയവർമന്റെ പണ്ഡിതസദസ്സിലെ അംഗമായിരുന്നു ചെറുശ്ശേരി നമ്പൂതിരി. ഭക്തി, ഫലിതം, ശൃംഗാരം എന്നീ ഭാവങ്ങളാണു് ചെറുശ്ശേരിയുടെ കാവ്യങ്ങളിൽ ദർശിക്കാനാവുന്നത്.സമകാലീനരായിരുന്ന മറ്റ് ഭാഷാകവികളിൽ നിന്നു് ഒട്ടും വ്യത്യസ്തമായിരുന്നില്ല ഈ ശൈലി. എങ്കിലും സംസ്കൃത ഭാഷയോട് കൂടുതൽ പ്രതിപത്തി പുലർത്തിയിരുന്ന മലനാട്ടിലെ കവികൾക്കിടയിൽ ഭാഷാകവി എന്നിരിക്കെയും ഏറെ പ്രശസ്തനായിരുന്നു ചെറുശ്ശേരി. കൃഷ്ണഗാഥയാണു പ്രധാനകൃതി.
 
മലയാള ഭാഷയുടെ ശക്തിയും സൗന്ദര്യവും ആദ്യമായി കാണാൻ കഴിയുന്നതു്‌ ചെറുശ്ശേരിയുടെ കൃഷ്ണഗാഥ എന്ന മനോഹര കൃതിയിലാണു്‌. സംസ്കൃത പദങ്ങളും തമിഴ് പദങ്ങളും ഏറെക്കുറെ ഉപേക്ഷിച്ച് ശുദ്ധമായ മലയാള ഭാഷയിലാണു്‌ കൃഷ്ണഗാഥ രചിച്ചിരിക്കുന്നത്. അതുകൊണ്ടു തന്നെ മലയാളത്തിന്റെ ചരിത്രത്തിൽ കൃഷ്ണഗാഥയ്ക്ക് സുപ്രധാനമായ സ്ഥാനമുണ്ട്
 
മാനവിക്രമൻ സാമൂതിരിയുടെ സദസ്സിലെ അംഗമായിരുന്ന പൂനം നമ്പൂതിരി തന്നെയാണു് ചെറുശ്ശേരി നമ്പൂതിരിയെന്നു് ചില ചരിത്രകാരന്മാർ അഭിപ്രായപ്പെട്ടു കാണുന്നുണ്ട്.
 
 
ഭഗവാൻ ശ്രീകൃഷ്ണന്റെ ജീവിതകഥയെ അടിസ്ഥാനമാക്കി ചെറുശ്ശേരി രചിച്ച കാവ്യമാണ് കൃഷ്ണഗാഥ. രണ്ടു ഭാഗങ്ങളായാണ് കൃഷ്ണഗാഥ രചിച്ചിട്ടുള്ളത്. ശ്രീകൃഷ്ണന്റെ ജനനവും ബാലലീലകളും ഒന്നാംഭാഗത്തിൽ പ്രതിപാദ്യവിഷയമാകുന്നു. അവതാരലക്ഷ്യത്തിനായി പുറപ്പെടുന്നതു മുതൽ സ്വർഗ്ഗാരോഹണം വരെയുള്ള കാര്യങ്ങളാണ് രണ്ടാംഭാഗത്തിൽ വർണ്ണിക്കുന്നത്.
 

1. കൃഷ്ണോല്പത്തി

2. പൂതനാമോക്ഷം

3. ഉല്ലൂഖലബന്ധനം

4. വത്സസ്തേയം

5. കാളിയമർദ്ദനം

6. ഗ്രീഷ്മവർണ്ണനം

7. പ്രാവൃഡ്വർണ്ണനം

8. ശരദ്വർണ്ണനം

9. ഹേമന്തവർണ്ണനം

10. ഹേമന്തലീല

11. വിപ്രപത്ന്യനുഗ്രഹലീല

12. ഗോവർദ്ധനോദ്ധരണം

13. നന്ദമോക്ഷം

14. വേണുഗാനം

15. ഗോപികാദുഃഖം

16. രാസക്രീഡ

17. കംസമന്ത്രം

18. അക്രൂരാഗമനം

1. കംസസദ്‍ഗതി

2. ഗുരുദക്ഷിണ

3. ഉദ്ധവദൂത്

4. അക്രൂരദൂത്യം

5. ജരാസന്ധയുദ്ധം

6. രുക്മിണീസ്വയംവരം

7. ശംബരവധം

8. സ്യമന്തകം

9. നരകാസുരവധം

10. രുക്മീവധം

11. ബാണയുദ്ധം

12. നൃഗമോക്ഷം

13. ബലഭദ്രഗമനം

14. പൗണ്ഡ്രകവധം

15. സാംബോദ്വാഹം

16. നാരദപരീക്ഷ

17. ഖാണ്ഡവദാഹം

18. രാജസൂയം

19. സാല്വവധം

20. സീരിണസ്സൽക്കഥ

21. കുചേലഗതി

22. തീർത്ഥയാത്ര

23. കുമാരഷൾക്കാനയനം

24. സൗഭദ്രികകഥ

25. വൃകാസുരകഥ

26. ഭൃഗുപരീക്ഷ

27. സന്താനഗോപാലം

29. രാജ്യസ്ഥിതികഥ

30. സ്വർഗ്ഗാരോഹണം


Edited by PachalaM Hari, 04 May 2015 - 01:09 PM.

  • Vanampaadi, Mazha Thulli, Serikkum Mothalali and 4 others like this

#2 VIncenT GomeZ

VIncenT GomeZ

    Best Boy of PP - 2012

  • Premium Member
  • 9,151 posts
  • Location:root
  • Gender:Male
  • Country: Country Flag
  • Current: Country Flag

Posted 04 May 2015 - 10:46 AM

ഒന്നാം ഭാഗം
കൃഷ്ണോല്പത്തി
 
 
1 ഇന്ദിരാതന്നുടെ പുഞ്ചിരിയായൊരു
2 ചന്ദ്രികാ മെയ്യിൽ പരക്കയാലെ
3 പാലാഴിവെള്ളത്തിൽ മുങ്ങിനിന്നീടുന്ന
4 നീലാഭമായൊരു ശൈലംപോലെ
5 മേവിനിന്നീടുന്ന ദൈവതംതന്നെ, ഞാൻ
6 കൈവണങ്ങീടുന്നേൻ കാത്തുകൊൾവാൻ
7 കീർത്തിയെവാഴ്ത്തുവാനോർത്തുനിന്നീടുമെൻ
8 ആർത്തിയേ തീർത്തു തുണയ്ക്കേണമേ.
9 ദേശികനാഥൻതൻ പാദങ്ങളേശുമ
10 പ്പേശലമായൊരു രേണുലേശം
 
11 ക്ലേശങ്ങളേശുന്ന പാശങ്ങളേശായ്വാൻ
12 ആശയംതന്നുള്ളിലാക്കുന്നേൻ ഞാൻ
13 വാരണവീരൻതന്നാനനം കൈക്കൊണ്ടു
14 പൂരിച്ച വന്മദവാരി മെയ്യിൽ
15 നിന്നു വിളങ്ങുന്ന ദൈവതംതൻ കനി
16 വെന്നും വിളങ്ങുകയെന്നിൽ മേന്മേൽ;
17 ഭാരതീദേവിതൻ ഭൂരിയായുള്ളോരു
18 കാരുണ്യപൂരവും വേറിടാതെ
19 നന്മധുവോലുന്ന നന്മൊഴി നൽകുവാൻ
20 തണ്മകളഞ്ഞു വിളങ്ങുകെന്നിൽ
 
21 ഭാരതമായൊരു പീയൂഷരാശിക്കു
22 കാരണമായൊരു വാരിധിയായ്
23 വ്യാസനായുള്ളോരു മാമുനിതൻ കൃപ
24 ദാസനാമെന്നിൽ പുലമ്പേണമേ.
25 മൂഢതകൊണ്ടു ഞാനേതാനുമുണ്ടിന്നു
26 കാടായിച്ചൊല്ലുവാൻ ഭാവിക്കുന്നു;
27 ഭൂരികളായുള്ള സൂരികളെല്ലാരും
28 ചീറാതെ നിന്നു പൊറുക്കേണമേ
29 സംസാരമോക്ഷത്തിൻ കാരണമായതോ
30 വൈരാഗ്യമെന്നല്ലോ ചൊല്ലിക്കേൾപ്പൂ
 
31 എന്നതുതന്നെ വരുത്തിനിന്നീടുവാൻ
32 ഇന്നിതുതന്നെ ഞാൻ നിർമ്മിക്കുന്നു.
33 ബോധമില്ലാതെ ഞാനേതുമേ വല്ലാതെ
34 ഗാഥയായ് ചൊല്ലുന്നു ഭാഷയായി
35 നിർഗ്ഗുണനായുള്ളൊരീശനെക്കൊണ്ടല്ലോ
36 നിർഗ്ഗുണമായതു ചേരുമപ്പോൾ
37 കാടായിച്ചൊല്കിലും കൈടഭവൈരിതൻ
38 നീടാർന്നുനിന്നുള്ള ലീലയല്ലോ
39 എന്നതുകൊണ്ടെനിക്കുള്ളിലില്ലേതുമേ
40 മന്ദതയിന്നിതു നിർമ്മിക്കുമ്പോൾ
 
41 മാധവനാമമരപ്രഭൂവെന്നതോ
42 മാപാപം പോക്കുന്നോനെന്നു കേൾപ്പൂ
43 എന്നതുകൊണ്ടു ഞാൻ വന്ദ്യരായുള്ളോരെ
44 വന്ദിച്ചുകൊണ്ടിതു നിർമ്മിക്കുന്നു.
45 പാലാഴിമാതുതാൻ പാലിച്ചുപോരുന്ന
46 കോലാധിനാഥനുദയവർമ്മൻ
47 ആജ്ഞയെച്ചെയ്കയാലജ്ഞനായുള്ള ഞാൻ
48 പ്രാജ്ഞനെന്നിങ്ങനെ ഭാവിച്ചിപ്പോൾ,
49 ദേവകീസൂനുവായ്മേവിനിന്നീടുന്ന
50 കേവലൻതന്നുടെ ലീലചൊൽവാൻ
 
51 ആവതല്ലെങ്കിലുമാശതാൻ ചെല്കയാൽ
52 ആരംഭിച്ചീടുന്നേനായവണ്ണം.
53 ശ്രീപത്മനാഭൻതൻ ജായയെന്നിങ്ങനെ
54 പേർപെറ്റുനിന്നൊരു മേദിനിതാൻ,
55 ദുഷ്ടരായുള്ളൊരു മന്നവരെല്ലാരും
56 ഒട്ടേറെപ്പോന്നു പിറക്കയാലേ,
57 അന്തമില്ലാതൊരു ഭാരംകൊണ്ടേറുന്ന
58 സന്താപംപൂണ്ടു തളർന്നു മേന്മേൽ
59 ധേനുവായ് ചെന്നു വിരിഞ്ചനോടെല്ലാംതാൻ
60 വേദനയോതിനാൾ കാതരയായ്;
 
61 "കഷ്ടരായുള്ളൊരു ദുഷ്ടരെ സൃഷ്ടിച്ച
62 തൊട്ടേറിപ്പോകുന്നു തമ്പുരാനേ!
63 ഭാരത്തെക്കൊണ്ടു ഞാൻ പാതാളലോകത്തു
64 പാരാതെ വീഴുന്നതുണ്ടു നേരേ
65 ഇണ്ടലെത്തൂകുന്ന വൻഭാരമിങ്ങനെ
66 ഉണ്ടായീലെന്നുമേ പണ്ടെനിക്കോ.
67 കുമ്പിട്ടുനിന്നൊരു കൂർമ്മവും ചെഞ്ചെമ്മെ
68 തൺപെട്ടുപോകുന്നതുണ്ടു പാർത്താൽ
69 ഊക്കനായ് നിന്നൊരു പന്നഗനാഥനു
70 ശൂൽക്കാരമേറുന്നൂതിന്നിന്നെല്ലാം.
 
71 ആനകളെല്ലാമേ ദീനങ്ങളായിത്ത
72 ന്നാനനം താഴ്ത്തിത്തളർന്നുകൂടി
73 മാമയനായോനേ! ഭാരത്തെക്കൊണ്ടു ഞാൻ
74 നാമാവശേഷയായ്പോകുംമുമ്പെ
75 പാരാതെകണ്ടെന്നെപ്പാലിച്ചുകൊള്ളണം
76 കാരുണ്യക്കാതലേ! കൈതൊഴുന്നേൻ."
77 വേദനപൂണ്ടൊരു മേദിനിയാലിതു
78 വേദിതനായ വിരിഞ്ചനപ്പോൾ,
79 വാനവർ ചൂഴുറ്റു മേദിനിതാനുമായ്
80 വാർതിങ്കൾമൗലിതന്നാലയത്തിൽ
 
81 പാരാതെ ചെന്നവർ ചൊല്ലിനാരെല്ലാരും
82 പാലാഴിതന്നിലും ചെന്നു പിന്നെ
83 വാരുറ്റുനിന്നൊരു വാക്കുകൊണ്ടന്നേരം
84 വാരിജനേത്രനേ വാഴ്ത്തിച്ചൊന്നാർ;
85 "ഈരേഴുപാരിനും കാരണമായൊരു
86 കാരുണ്യപൂരമാം വാരിരാശേ!
87 പാരിടം പൂരിച്ച ഭാരത്തെത്തീർത്തിന്നു
88 പാലിച്ചുകൊളേളണം പാരാതെ നീ
89 നിൻകനിവില്ലായ്കിലെങ്ങളിന്നെങ്ങനെ
90 സങ്കടംപോക്കുന്നു തമ്പുരാനേ!
 
91 വങ്കനിവാണ്ടെങ്ങൾ സങ്കടം തീർക്കണം
92 പങ്കജലോചന! ശങ്കിയാതേ."
93 വാസവൻമുമ്പായ വാനവരിങ്ങനെ
94 വാഴ്ത്തിനനേരത്തു വാരിജാക്ഷൻ
95 പ്രത്യക്ഷനായിട്ടു ചൊല്ലിനിന്നീടിനാൻ
96 ഭക്തിയെക്കാണുമ്പോഴെന്നു ഞായം:
97 "മുന്നമേതന്നെയറിഞ്ഞു ഞാൻ പോരുന്നു
98 മന്നിടംചേരുന്ന ഭാരമെല്ലാം
99 ഇന്നിന്നു വന്നീടും നിങ്ങളെന്നുള്ളതും
100 എന്നുള്ളംതന്നിലുണ്ടോർച്ചയെന്നാൽ.
 
101 ഭൂഭാരംതന്നെത്തളർപ്പതിന്നോരോരോ
102 വ്യാപാരം ചെഞ്ചെമ്മേ ചെയ്‌വതിന്നായ്
103 മാനുഷനായിപ്പിറക്കുന്നതുണ്ടു ഞാൻ
104 ആനകദുന്ദുഭിസൂനുവായി,
105 മൂത്തവനായിപ്പിറന്നുനിന്നീടുമേ
106 മൂർത്തിവിശേഷമായ് ചേർത്തനന്തൻ
107 വാനവരെല്ലാരുമാദരവോടങ്ങു
108 യാദവന്മാരായിപ്പിറക്ക മന്നിൽ
109 മായയായ് മേവുന്ന ദേവിയും വന്നങ്ങു
110 മാനുഷിയായിപ്പിറക്കും പിന്നെ
 
111 വേണുന്ന കാര്യങ്ങൾ സാധിച്ചുകൊള്ളുവാൻ
112 ചേണുറ്റുനിന്നു തുണപ്പതിന്നായ്
113 പാരാതെ പിന്നെ ഞാൻ പാരിടം പൂരിച്ച
114 ഭാരത്തെത്തീർത്തു തളർത്തു നന്നായ്
115 മേദിനിതന്നുടെ വേദനപോക്കുവാൻ
116 ഖേദിക്കവേണ്ടായിന്നിങ്ങളാരും."
117 വാനവരെല്ലാരുമെന്നതു കേട്ടപ്പോൾ
118 വാരിജസംഭവന്താനുമായി
119 മേദിനിതന്നുടെ ഖേദത്തെത്തീർത്തുടൻ
120 മേളത്തിൽ പോയങ്ങു വിണ്ണിൽ പുക്കാർ.
 
121 ശ്രീമഥുരാപുരിയെന്നൊരു നാമമായ്
122 ശ്രീമതിയായൊരു രാജധാനി
123 യാദവന്മാർക്കെല്ലാമാഗാരമായിനി
124 ന്നാദിയിലുണ്ടായി പണ്ടു പാരിൽ
125 നാകികൾക്കെല്ലാമങ്ങാഗാരമായൊരു
126 നാകമഹാപുരിയെന്നപോലെ
127 സ്വർപ്പദംതന്നിലുള്ളശയുണ്ടായ്‌വരാ
128 അപ്പുരിതന്നിലിരിപ്പോർക്കെന്നും
129 നന്ദനംതന്നുടെ നിന്ദയെച്ചെയ്യുമ
130 മ്മന്ദിരേനിന്നെഴും നിഷ്ക്കുടങ്ങൾ
 
131 നിർജ്ജരദീർഘികതന്നുള്ളിലേറുന്ന
132 ലജ്ജയെച്ചേർക്കുമീ ദീർഘികകൾ
133 ധർമ്മിഷ്ഠരായൊരെച്ചിന്തിച്ചുകാൺകിലോ
134 ധർമ്മജൻശീലവും തണ്മകോലും,.
135 ആയങ്ങൾ കാണുമ്പോൾ തോയാകരന്തന്നിൽ
136 പായുന്ന വൻനദീജാലംപോലെ.
137 സ്വർണ്ണൗഘംതന്നുടെ തിണ്മയെക്കാണുമ്പോൾ
138 തിണ്ണമൊന്നഞ്ചുമമ്മേരുശൈലം
139 ദാനങ്ങൾ കാണുമ്പോൾ വാനവദാരുക്കൾ
140 ഹീനങ്ങളായ്‌വരും ദീനങ്ങളായ്,
 
141 വീരരായുള്ളോർതൻ വീരത കാണുമ്പോൾ
142 നേരായോരില്ലയിപ്പാരിലാരും
143 വിദ്യകൾകൊണ്ടുള്ള വേലകൾ കാണുമ്പോൾ
144 വിസ്മയംകോലുമദ്ധൂർജ്ജടിയും,
145 അസ്ത്രങ്ങൾകൊണ്ടവരഭ്യസിച്ചീടുമ്പോൾ
146 *എത്രയും പാഴ്പെടും ഭാർഗ്ഗവനും,
147 കാമുകന്മാരുടെ കാന്തിയെക്കാണുമ്പോൾ
148 കാമനും ചെഞ്ചെമ്മേയഞ്ചുമേറ്റം,
149 മാമിനിമാരുടെ മാപിനെക്കാകില
150 മ്മേനക ദീനയായ് നാണുമപ്പോൾ,
 
151 വെണ്മാടം തന്നുടെ വെണ്മയെക്കാണുമ്പോൾ
152 കന്മഷംതോന്നുമക്കൗമുദിക്കും,
153 അപ്പുരിതന്നിൽ വിളങ്ങിനിന്നീടുന്ന
154 ശില്പങ്ങളൊന്നൊന്നേ പാർത്തുകണ്ടാൽ
155 വാസവമന്ദിരം വായ്പോടു നിർമ്മിപ്പാൻ
156 മാതൃകയായിതെന്നു തോന്നും,
157 അപ്പുരിതന്നിലുള്ളത്ഭുതം ചൊല്ലുവാൻ
158 കെല്പുള്ളോരാരുമില്ലെന്നുവേണ്ടാ
159 തത്സാരമോർക്കിലോ വസ്വൗകസായും
160 നിസ്സാരയായിട്ടേ വന്നുകൂടൂ.
 
161 യാദവവീരരുമപ്പുരിപാലിച്ചി
162 ട്ടാദരവോടു വസിക്കുംകാലം
163 ദേവകനാകുന്ന യാദവന്തന്നുടെ
164 ദേവകിയാകുന്ന കന്യകയെ
165 ശ്രീവസുദേവർക്കു നൽകിനാനമ്പോടു
166 ശ്രീപതിതന്നുടെയമ്മയാവാൻ.
167 വേട്ടുനിന്നീടുന്ന ശ്രീവസുദേവർതാൻ
168 വാട്ടമകന്നൊരു തേരിലേറി
169 ദേവകിയാകുന്ന ജായയും താനുമായ്
170 പോവതിന്നായിത്തുടങ്ങുംന്നേരം
 
171 ഉർപന്നമോദനായ് നില്പോരു ദേവകൻ
172 നല്പൊലിക്കാണവും നല്കിനാൻതാൻ
173 സോദരിതന്നുടെ തോഷത്തെച്ചെയ്‌വാനാ
174 യാദരവോടു മുതിർന്നു കംസൻ
175 ചാരത്തു ചെന്നങ്ങു വാരുറ്റ തേർപുക്കു
176 സാരത്ഥ്യവേലയുമാചരിച്ചാൻ.
177 നാനാജനങ്ങളുമായ് നടന്നങ്ങനെ
178 നാനാവിനോദവുമോതിയോതി
179 ആമോദിച്ചെല്ലാരുമാമന്ദം പോകുമ്പോൾ
180 വ്യോമത്തിൽനിന്നൊരു വാക്കുണ്ടായി:
 
181 "ദേവകിതന്നുടെ അഷ്ടമഗർഭത്തിൽ
182 മേവിനിന്നുണ്ടായ ബാലകന്താൻ
183 നിന്നുടെ കാലനായ്പോന്നുവന്നീടുന്നോൻ
184 എന്നതു ചിന്തിച്ചുകൊൾക കംസ!"
185 ഘോരനായുള്ളോരു കംസൻതാനന്നേരം
186 വീരതയായതിതെന്നു നണ്ണി
187 പാവകഭാവത്തെക്കേവലം പൂണ്ടുടൻ
188 ദേവകിതൻ കൊലചെയ്‌വതിന്നായ്
189 തൽക്കചംതന്നെപ്പിടിച്ചു വളർന്നൊരു
190 ഖഡ്ഗവും വാങ്ങിയങ്ങോങ്ങി നിന്നാൻ.
 
191 കണ്ടുനിന്നീടുന്ന മാലോകരെല്ലാരു
192 മിണ്ടലുംപൂണ്ടു ചമഞ്ഞാരപ്പോൾ,
193 കണ്ണടച്ചീടിനാർ, കണ്ണുനീർ തൂകിനാർ
194 * തിണ്ണമങ്ങോടിനാർ ഖിന്നരായി
195 കൈതിരുമ്മീടിനാർ, കൺചുവത്തീടിനാർ
196 കൈയലച്ചീടിനാർ മെയ്യിലെങ്ങും
197 കേസരിവീരൻതന്നാനനംതന്നിലായ്
198 കേവലം കേഴുന്നോരേണം പോലെ
199 മേവിനിന്നീടുന്ന ദേവകിദേവിതാൻ
200 ദൈവമേയെന്നങ്ങു ചൊല്ലിച്ചൊല്ലി
 
201 ഘോരനായുള്ളോരു കംസനെ നോക്കീട്ടു
202 പാരം വിറച്ചു നടുങ്ങുമപ്പോൾ
203 ചൂഴം നിന്നീടുന്ന ലോകരേ നോക്കീട്ടു
204 കോഴപുണ്ടേറ്റവും കേഴും പിന്നെ.
205 ചങ്ങാതിമാരുടെ നന്മുഖം നോക്കിനി
206 ന്നിങ്ങനെയെൻ കർമ്മമെന്നും പിന്നെ.
207 അച്ഛനെത്തന്നെയും മെച്ചമേ നോക്കിനി
208 ന്നുച്ചത്തിൽ നീളെവിളിച്ചു കേഴും;
209 നിർമ്മായപ്രേമംപൂണ്ടമ്മാമൻതന്നെയും
210 അമ്മയെത്തന്നെയുമവ്വണ്ണമേ
 
211 ആങ്ങളെത്തന്നെ വിളിച്ചുനിന്നീടുവാൻ
212 ഓങ്ങിനി്ന്നങ്ങു നടുങ്ങും പിന്നെ.
213 ആനകദുന്ദുഭിതന്നുടെയാനനം
214 ദീനയായ് മെല്ലവേ നോക്കി വീർക്കും
215 ദേവകിതൻ ഭയമിങ്ങനെ കാണുമ
216 ശ്രീവസുദേവർതാനെന്നനേരം
217 പെട്ടെന്നു ചെന്നു വിലക്കിനിന്നീടിനാൻ
218 പൊട്ടിനിന്നീടുന്നോരുള്ളവുമായ്
219 പാപനായുള്ളോരു കംസനോടായിപ്പി
220 ന്നാപത്തു പോക്കുവാനായിച്ചൊന്നാൻ:
 
221 "നിർമ്മലമാനസനായിനിന്നീടുമി
222 ന്നിന്മനമിങ്ങനെ വന്നതെന്തേ?
223 ശങ്കയും കൈവിട്ടു പെകാലചെയ്കയോ
224 മംഗലനായ നിൻ വേലയിപ്പോൾ?
225 ഭേദമുണ്ടെന്നതിൽ കേവലം പെണ്ണല്ല
226 സോദരിയല്ലോയിന്നാരിതാനും
227 വേളികഴിഞ്ഞുള്ളോരുത്സവമല്ലോയി
228 ക്കാലവുമെന്നതുമോർത്തു കാൺ നീ;
229 ഭ്രാതാവായ് നിന്നതും മാതാവായ് നിന്നതും
230 താതനായ് നിന്നതും നീതാനത്രേ.
 
231 നീയൊഴിഞ്ഞാരുമില്ലാശ്രയം കേളിവൾ
232 ക്കാദരിച്ചീടുവാൻ ഭോജനാഥാ!
233 വീരനായുള്ള നീ ഘോരനായ് മേവുമീ
234 നാരിതൻ വങ്കൊല ചെയ്യൊല്ലാതെ."
235 ഇത്തരമായുള്ളോരുക്തികളിങ്ങനെ
236 സത്വരം ചെന്നവൻ ചൊന്നനേരം
237 പാപനായുള്ളോരു കംസന്റെ മാനസം
238 പാറയെപ്പോലെയങ്ങാകയാലെ
239 പിന്നെയും ചിന്തിച്ചു ചൊല്ലിനിന്നീടിനാൻ
240 *ഖിന്നനായ് നിന്നവനുണ്മയായി:
 
241 "ദേവകിയല്ലല്ലൊ നിന്നുടെ കാലനായ്
242 മേവുന്നതെന്നതോ വന്നുതല്ലൊ
243 അഷ്ടമനാകുന്ന ബാലകനല്ലോ നിൻ
244 കഷ്ടതയ്ക്കിന്നു നിമിത്ത,മെന്നാൽ
245 പെറ്റുപെറ്റീടുന്ന മക്കളെയെല്ലാമേ
246 തെറ്റെന്നു നിൻ കൈയ്യിൽ നൽകാമല്ലോ,
247 പിന്നെ നീ ചിന്തിച്ചു വേണ്ടതു ചെയ്താലും
248 നിന്നുടെ ഹാനി വരാതവണ്ണം."
249 എന്നതു കേട്ടൊരു കംസന്റെ കോപവും
250 മന്ദമായ് വന്നുതേ മെല്ലെ മെല്ലെ.
 
251 മന്ത്രംകൊണ്ടീഷൽ തളർന്നുനിന്നീടുന്ന
252 പന്നഗവീരൻതൻ കോപംപോലെ
253 രോദിതയായൊരു സോദരിതന്നെയും
254 ആദരവോടങ്ങയച്ചാൻ പിന്നെ.
255 വമ്പുലിവായിൽനിന്നമ്പാലെ വീണ്ടുപോയ്
256 കമ്പത്തെപ്പൂണുന്നോരേണംപോലെ
257 മേവിനിന്നീടുന്ന ദേവകീദേവിതാൻ
258 കേവലം കംസനെ നോക്കിനിന്നാൾ.
259 ചൂഴവും നിന്നിട്ടു കേഴുന്നോരെല്ലാരും
260 കോഴയും തീർത്തുനിന്നൊന്നു വീർത്താർ
 
261 ചങ്ങാതിമാരായുള്ളയംഗനമാരെല്ലാം
262 മംഗലമാകെന്നു ചൊല്ലിപ്പൂണ്ടാർ
263 ആനകദുന്ദുഭിതാനുമന്നേരത്തു
264 മാനിനിതാനുമായ് മന്ദിയാതെ
265 സുന്ദരമായുള്ള മന്ദിരം പൂകിനാൻ
266 വന്ദികൾ വാഴ്ത്തുന്ന വാർത്തയുമായ്
267 വേളിയെത്തൊട്ടുള്ളൊരുത്സവംതന്നെയും
268 മേളമായ് പിന്നെയങ്ങാചരിച്ചാൻ.
269 പേയറ്റു നിന്നോരു ജായയും താനുമായ്
270 മായം കളഞ്ഞു വസിക്കും കാലം
 
271 സുഭ്രുവായുള്ളോരു ദേവകീദേവിക്കു
272 ഗർഭവുമുണ്ടായി മെല്ലെ മെല്ലെ
273 അത്ഭുതകാന്തിയായ് ദുർഭഗനല്ലാതൊ
274 രർഭകനുണ്ടായിതെന്നുവന്നു.
275 സൂനുവെക്കണ്ടു നിന്നാനന്ദിച്ചീടുന്നൊ
276 രാനകദുന്ദുഭി ദീനയായി
277 കണ്ണുനീർ തൂകുന്ന ദേവകിതന്നുടെ
278 കൈയിൽനിന്നന്നേരം വാങ്ങി നേരേ
279 പെട്ടെന്നു കൊണ്ടുപോയ് കംസനു നല്കിനാൻ
280 പട്ടാങ്ങുചെയ്യുന്നോരെന്നു ഞായം
 
281 എന്നതു കണ്ടൊരു കംസന്താനന്നേരം
282 ചിന്തിച്ചു ചൊല്ലിനാനല്ലൽ നീക്കി:
283 "മേലിലുണ്ടാകുന്ന ബാലകനല്ലോയെൻ
284 കാലനായ് ചാരെ വരുന്നതെന്നാൽ
285 കൊല്ലുന്നേനല്ലയിപ്പൈതലെയിന്നു ഞാൻ
286 അല്ലലും തീർത്തു വളർത്താലും നീ."
287 ആനകദുന്ദുഭിതാനതു കേട്ടപ്പോൾ
288 ദീനത കൈവിട്ടു മാനിച്ചുടൻ
289 ബാലനെത്തന്നെയും ദേവകിക്കായിട്ടു
290 ചാല നല്കീടിനാൻ കൊണ്ടുപോയി.
 
291 പിന്നെയങ്ങെല്ലാരും തന്നുടെ തന്നുടെ
292 മന്ദിരംതന്നിലിരിക്കുംകാലം
293 ആഗതനായൊരു നാരദൻ കംസനോ
294 ടാദരവോടു പറഞ്ഞാനപ്പോൾ:
295 "ബന്ധുവെത്തന്നെയും വൈരിയെത്തന്നെയും
296 ചിന്തിച്ചുവേണം നീയൊന്നു ചെയ്‌വാൻ
297 നിന്നുടെ വൈരികളായി നിന്നീടുന്ന
298 വിണ്ണവരല്ലോയിപ്പാരിടത്തിൽ
299 വിഷ്ണുവിഞ്ചൊല്ലാലെ വന്നു പിറന്നിട്ടു
300 വൃഷ്ണികളായിച്ചമഞ്ഞതിപ്പോൾ
 
301 പണ്ടേയിന്നിന്നുടെ വൈരിയായ് മേവുന്ന
302 കൊണ്ടൽനേർവർണ്ണന്താനിന്നു നേരേ
303 ദേവകിതന്നുടെ ഗർഭഗനായിട്ടു
304 മേവിനിന്നാശു പിറന്നു പിന്നെ
305 നിന്നെയും നിന്നുടെ ചേകവന്മാരെയും
306 കൊന്നീടുമെന്നതു തേറിനാലും
307 മാഴ്കാതെ നിന്നെ നീ കാത്തുകൊള്ളായ്കിലോ
308 ആകാതെപോകുമേ ഭോജനാഥ!"
309 നാരദനിങ്ങനെ ചൊന്നതുകേട്ടിട്ടു
310 ഘോരനായുള്ളൊരു കംസനപ്പോൾ
 
311 യാദവന്മാരോടു പോരു തുടങ്ങിനാൻ
312 വാനവരെന്നതു നണ്ണി നേരെ.
313 പീഡിതരായവരോരോരോ നാട്ടില
314 ന്നാടും വെടിഞ്ഞു നടന്നാരെങ്ങും.
315 പിന്നെയണഞ്ഞാവനാനകദുന്ദുഭി
316 തന്നെയും ദേവകിതന്നെയും താൻ
317 ചങ്ങലകൊണ്ടു തളച്ചുനിന്നീടിനാൻ
318 തങ്ങളിലേശൊല്ലായെന്നു നണ്ണി.
319 ഉണ്ടായ ബാലകന്മാരെയും ചെഞ്ചെമ്മേ
320 കണ്ഠം പിരിച്ചു കഴിച്ചാൻ പാപി
 
321 ചീറിനിന്നീടുന്ന കംസനന്നിങ്ങനെ
322 ആറു കിടാങ്ങളെക്കൊന്നവാറേ
323 സപ്തമമാകുന്ന ഗർഭവുമുണ്ടായി
324 തുത്തമയാകുന്ന ദേവകിക്കോ.
325 ലക്ഷ്മീശൻതാനന്നു ചിന്തിച്ചു ചൊല്ലിനാൻ
326 അക്ഷണം തന്മായതന്നോടപ്പോൾ:
327 "പാരാതെ പോകേണം ഭൂതലംതന്നിൽ നീ
328 കാര്യങ്ങളോരോന്നേ സാധിപ്പാനായ്
329 ദേവകി തന്നുടെ ഗർഭഗനായിട്ടു
330 മേവിനിന്നീടുമനന്തനെ നീ
 
331 ഗോകുലംതന്നിൽ വസിച്ചുനിന്നീടുന്ന
332 രോഹിണിതന്നിലങ്ങാക്കവേണം.
333 ആനകദുന്ദുഭിതന്നുടെ സൂനുവായ്
334 ഞാനും പിറക്കുന്നതുണ്ടു നേരെ.
335 നന്ദവിലാസിനിനന്ദനയായിട്ടു
336 നന്നായിപ്പോന്നു പിറക്ക നീയും.
337 കൊല്ലുവാനോങ്ങുന്ന കംസനെ വഞ്ചിച്ചു
338 മെല്ലവേ പോയിക്കൊണ്ടംബരത്തിൽ,
339 മാലോകർക്കേലുന്നോരാപത്തെപ്പോക്കുവാൻ
340 ഭൂലോകംതന്നിൽ വസിക്ക പിന്നെ.
 
341 ഭക്തിയെപ്പൂണ്ടു ഭജിച്ചുനിന്നീടുന്നോ
342 ർക്കത്തലെത്തീർത്തു തുണപ്പതിന്നായ്.
343 "മാലിയന്നീടുന്ന ഭൂലോകവാസികൾ
344 ക്കാലംബമായെഴും മൂലതായേ!
345 കാൽത്താരിൽ കുമ്പിട്ടു കൈവണങ്ങീടുന്നേൻ
346 കാത്തുകൊള്ളേണമേ തമ്പുരാട്ടീ!"
347 ഇത്തരമോരോരോ നൽസ്തുതിയോതിനി
348 ന്നുത്തമമായൊരു ഭക്തിയുമായ്
349 വാഴ്ത്തിവണങ്ങുവരാസ്ഥപൂണ്ടോരോരോ
350 ധാത്രീസുരന്മാരും മറ്റുള്ളോരും."
 
351 വൈകല്യം തീർക്കുന്ന വൈകുണ്ഠനിങ്ങനെ
352 വൈകാതെ പോകെന്നു ചൊന്നനേരം
353 ഇങ്ങനെ ചൊൽ കേട്ട മായതാൻ പോയിച്ചെ
354 ന്നങ്ങനെയെല്ലാമങ്ങാചരിച്ചാൾ.
355 "ഇഷ്ടമായുണ്ടായ ഗർഭമോ ചെഞ്ചെമ്മേ
356 നഷ്ടമായ്പോയിപോൽ ദേവകിക്കോ."
357 എന്നൊരു വാർത്തയുമെങ്ങുമേ പൊങ്ങിതാ
358 യന്നുതുടങ്ങിയന്നാട്ടിലെങ്ങും.
359 "ആനകദുന്ദുഭിതന്നുടെ ജായയാം
360 മാനിനിയായുള്ള രോഹിണിക്കോ
 
361 സുന്ദരനായൊരു നന്ദനനുണ്ടായി"
362 എന്നൊരു വാർത്തയുമവ്വണ്ണമേ,
363 ഛിദ്രിച്ചുപോയൊരു ഗർഭവും ചിന്തിച്ചു
364 ദുഖിച്ചു ദേവകി മേവുംകാലം
365 ആഗമംതന്നുടെ കാതലിലായ് മറ
366 ഞ്ഞാരുമേ കാണാതെ നില്പോനപ്പോൾ
367 ദേവകിതന്നുടെ ഗർഭഗനായിട്ടു
368 മേവിനാൻ മേദിനിക്കല്ലൽ പോവാൻ.
369 കുപ്പിയിൽനിന്നൊരു നൽവിളക്കെങ്ങനെ
370 കുപ്പിയെച്ചാലെ *വിളക്കി ഞായം
 
371 ഗർഭഗമായുള്ള വൈഷ്ണവം ധാമമ
372 ഗ്ഗർഭിണിതന്നെയുമവ്വണ്ണമേ.
373 ഗർഭത്തിനുള്ളൊരു ചിഹ്നവും പോന്നവൾ
374 ക്കല്പമായ്ക്കാണത്തുടങ്ങി മെയ്യിൽ.
375 നേർത്തുനിന്നീടുന്ന ഗാത്രങ്ങളെല്ലാമേ
376 ചീർത്തുതുടങ്ങീതു നാളിൽനാളിൽ
377 ആണ്ണുപോയെങ്ങാനും വീണ്ണോരു നാഭിയും
378 പൂർണ്ണമായ് തൂർണ്ണമെഴത്തുടങ്ങി.
379 സൂക്ഷ്മമായുള്ളൊരു മദ്ധ്യവും ചെഞ്ചെമ്മേ
380 വീക്ഷണഗോചരമായി വന്നു.
 
381 * മാന്യമായുള്ള വലിത്രയം മാഞ്ഞുപോയ്
382 ശൂന്യമായ്വന്നിതു മെല്ലെ മെല്ലെ.
383 ആനകദുന്ദുഭി മാനിക്കും കൊങ്കകൾ
384 ക്കാനനം ചാലക്കറുത്തുതപ്പോൾ
385 നന്ദനുണ്ടായാലെങ്ങളെ സ്നേഹമി
386 ല്ലെന്നതു ചിന്തിച്ചിട്ടെന്നപോലെ.
387 ചാരുവായ് മേവുമമ്മാറോടു ചേരുന്നൊ
388 രാരവും പോയങ്ങു ദൂരമായി
389 ബാലകൻ വേണമിമ്മാറോടു ചേരുവാൻ
390 ഞാനിനി നീങ്ങണമെന്നപോലെ.
 
391 അന്യമായ് നിന്നുള്ള ഭൂഷണജാലവും
392 ഒന്നൊന്നേ പോയിച്ചുരുങ്ങീതായി.
393 ഈരേഴു പാരിനും ഭൂഷണമല്ലോയി
394 ന്നാരിയിൽനിന്നവനെന്തു ചേതം.
395 മാനിനിമാരുടെ മൗലികയാമവൾ
396 ക്കാനനം ചാലെ വിളർത്തുകൂടി
397 ഗർഭഗനായുള്ളൊരർഭഗന്തന്നുടെ
398 നിർഭരഹാസം കൊണ്ടെന്നപോലെ.
399 അംഗവികാരങ്ങൾ പിന്നെയുമോരോന്നേ
400 പൊങ്ങിത്തുടങ്ങീതു മേനിതന്നിൽ.
 
401 വിശ്വമശേഷം തന്നുള്ളിലേ ചേർത്തൊരു
402 വിഷ്ണുവെത്തന്നുദരത്തിലാക്കി
403 മേവിനിന്നീടുന്ന ദേവകീദേവിതൻ
404 മേന്മയെപ്പാർക്കിലിന്നാർക്കു ചൊല്ലാം.
405 ഗർഭിണിയായൊരു ദേവകിതന്നുടെ
406 അത്ഭുതകാന്തിയെക്കണ്ടു കംസൻ
407 തന്നിലെ നണ്ണിനാൻ "എന്നുടെ കാലനായ്
408 വന്നവനിന്നിവനെന്നുതന്നെ
409 പണ്ടിവൾക്കിങ്ങനെയുള്ളൊരു കാന്തിയെ
410 ക്കണ്ടതില്ലെന്നതുകൊണ്ടു കാണാം,
 
411 എന്തിനി നല്ലതെന്നിങ്ങനെ ചിന്തിച്ചാ
412 ലേതുമേ തോന്നുന്നതല്ലയൊന്നും.
413 ഗർഭിണിതൻ കൊലചെയ്‌വതിന്നായിട്ടോ
414 കെല്പു പുലമ്പുന്നൂതല്ല ചെമ്മേ
415 പെറ്റങ്ങു വീഴുമ്പോൾ തെറ്റെന്നു ചെന്നു ഞാൻ
416 പറ്റാതൊന്നാകിലും പാർത്തിടാതെ
417 കൊന്നങ്ങു വീഴ്ത്തിനാലൊന്നിനും ബാധയി
418 ല്ലെന്നതേ ചിന്തിച്ചാൽ നല്ലതുള്ളൂ."
419 ഇങ്ങനെ നണ്ണിനോരകാവലുമാക്കിത്തന്മന്ദിരം പൂകിനാൻ
420 ആവിലമായുള്ളോരുള്ളവുമായ്.
 
421 ദേവകിതന്നുടെ ഗർഭഗനായൊരു
422 കേവലന്തന്നെയറിഞ്ഞു നേരേ
423 ചാരത്തു ചെന്നു പുകണ്ണുനിന്നീടിനാർ
424 വാരുറ്റുനിന്നുള്ള വാനോരെല്ലാം.
425 "മിഥ്യയെച്ചെഞ്ചെമ്മേ വേരറുത്തീടുന്ന
426 സത്യമായുള്ളോരു ബോധവുമായ്
427 നിത്യമായ്നിന്നൊരു തത്വമായ് മേവുന്നൊ
428 രുത്തമരൂപേന! കാത്തുകൊൾ നീ.
429 വേദങ്ങൾതന്നെപ്പണ്ടാരാഞ്ഞുഴന്നുള്ള
430 ഖേദങ്ങൾ തീർപ്പതിനെന്നപോലെ
 
431 മോദം കലർന്നൊരു മീനായവറ്റെച്ചെ
432 തന്നെയപ്പന്നിയായ്ക്കൊന്നതു പാർക്കുമ്പോൾ
433 നിന്നുടെ കാരുണ്യമെന്നേയാവൂ.
434 കാണായതെല്ലാമേ താനെന്നു തേറുവാൻ
435 തൂണു പിളർന്നു പുറത്തു ചെമ്മേ
436 കാണായെഴും നരസിംഹമെന്നുള്ളത്തിൽ
437 കാണായതല്ലോ പൊറുത്തതിന്നും
438 മാനവരെല്ലാരെപ്പോലെ നടന്നു നാം
439 മാനവും കൈവിട്ടു പോരുംകാലം
440 ദാനവന്തന്നെ നീ വഞ്ചിക്കകൊണ്ടല്ലോ
 
441 ദീനം കളഞ്ഞു തെളിഞ്ഞു ഞങ്ങൾ.
442 ഭൂപാലരാലുള്ള ഭൂഭാരം പോക്കുവാൻ
443 ദുഖങ്ങൾ തീർത്തു നീ പാലിച്ചുകൊൾവതി
444 ന്നിക്ഷണം നാമിതാ കൈ തൊഴുന്നേൻ."
445 ഇങ്ങനെയോരോരോ മംഗലവാക്കുകൾ
446 ഭംഗിയിൽച്ചൊല്ലിപ്പുകണ്ണു പിന്നെ
447 വാനിടം മുന്നിട്ടു പോകത്തുടങ്ങിനാർ
448 വാനവരെല്ലാരും മെല്ലെ മെല്ലെ
449 മേദിനീദേവിയുമാദരവോടു തൻ
450 വേദന വേറിട്ടു നിന്നനേരം
 
451 മംഗല്യമാളുന്ന ദേവകിദേവിക്കു
452 ചിങ്ങമാം മാസവും പോന്നുവന്നു.
453 അഷ്ടമിരോഹിണി തങ്ങളിൽക്കൂടിനി
454 ന്നിഷ്ടമായുള്ളൊരു നൽ പൊഴുതും
455 മംഗലജാലങ്ങൾ തിങ്ങിനിന്നെങ്ങുമേ
456 പൊങ്ങിയെഴുന്നുതുടങ്ങീതപ്പോൾ
457 ആരണർകുണ്ഡത്തിലഗ്നികളെല്ലാമേ
458 പാതമെഴുന്നു വലം ചുഴന്നൂ
459 സ്വച്ഛങ്ങളായ്വന്നു തോയങ്ങളെല്ലാമേ
460 സജ്ജനമാനസമെന്നപോലെ
 
461 താരങ്ങളായുള്ള ഹാരങ്ങൾ പൂണ്ടിട്ടു
462 പാരം വിളങ്ങി വിയത്തുമപ്പോൾ.
463 മത്തങ്ങളായ്നിന്നു പാടിത്തുടങ്ങിനാർ
464 ചിത്തം തെളിഞ്ഞുള്ള ഭൃംഗങ്ങളും
465 മന്ദമായ് വന്നങ്ങു വീതുതുടങ്ങിനാൻ
466 സുന്ദരനായൊരു തെന്നൽതാനും.
467 ഇങ്ങനെയോരോരോ നന്മകൾ പിന്നെയും
468 മംഗലഹേതുക്കളായി വന്നൂ.
469 കാത്തുനിന്നീടുന്ന കംസനിയോഗികൾ
470 ചീർത്തോരുനിദ്രയെപ്പൂണ്ടാരപ്പോൾ
 
471 പാവനയായോരു ദേവകീദേവിക്കു
472 നോവു തുടങ്ങീതു മെല്ലെ മെല്ലെ
473 വേദന വേറിട്ടു മേദിനീദേവിക്കു
474 മേനിയിൽ നോവു കുറഞ്ഞുതപ്പോൾ
475 ചൊൽക്കണ്ണിതന്നിലേ ദീർഗ്ഘങ്ങളായുള്ള
476 ശൂൽക്കാരജാലവുമുണ്ടായപ്പോൾ
477 മൂർക്ക്വരെത്തിണ്ണം ചുമന്നുള്ളനന്തനു
478 ശൂൽക്കാരമീഷൽ തളർന്നതായി
479 ചീർത്തുനിന്നീടുന്നൊരീറ്റുനോവാണ്ടവൾ
480 ആർത്തയായേറ്റവും മേവുന്നേരം
 
481 ഇന്ദ്രദിഗംഗനാചന്ദ്രനായുള്ളൊരു
482 നന്ദനന്തന്നെയും പെറ്റാളപ്പോൾ.
483 അംബരമായുള്ളോരങ്കണംതന്നിലേ
484 രിംഖണംചെയ്തവൻ നിന്നനേരം
485 കോമളയായൊരു രുക്മിണിതന്നുടെ
486 വാർമുലതന്നിലലങ്കരിപ്പാൻ
487 ദേവകിയായൊരു കൽപകവല്ലിമേൽ
488 മേവി നിന്നീടുന്ന ദിവ്യരത്നം
489 ഭൂതലംതന്നിലങ്ങായതു കാണായി
490 പൂതനായുള്ളൊരു താതന്നപ്പോൾ
 
491 കാർമുകിൽമാലകൾ കാൽപിടിച്ചീടുന്ന
492 കാന്തിയെപ്പൂണ്ടൊരു മെയ്യുമായി.
493 രമ്യമായുള്ളൊരു മൗലിയിൽ ചേർന്നുണ്ടു
494 പൊന്മയമായൊരു നന്മകുടം
495 കാർമുകിൽമാലയിൽ പാതി മറഞ്ഞൊരു
496 വാർമതിപ്പൈതൽതാനെന്നപോലെ
497 കുന്തളജാലംകൊണ്ടഞ്ചിതമാകയാൽ
498 ചന്തത്തെക്കോലുന്ന ഫാലവുമായ്.
499 കമ്പത്തെക്കൊണ്ടേയിപ്പാരിടംതന്നുടെ
500 സംഭവന്തന്നെയും പാലനവും
 
501 ഇല്ലായ്മതന്നെയുമാചരിച്ചീടുവാൻ
502 കല്യത വെല്ലുന്ന ചില്ലിയുമായ്.
503 പങ്കജന്തന്നുടെ ഉന്മേഷന്തന്നെയും
504 സങ്കോചം തന്നെയും ചെയ്യിപ്പാനായ്
505 ദാക്ഷിണ്യംപൂണ്ടുള്ള വീക്ഷണദ്വന്ദ്വത്തിൽ
506 വീക്ഷണങ്കൊണ്ടുള്ള കാന്തിയുമായ്
507 ഭംഗിയെപ്പൂണ്ടൊരു പൈങ്കിളിച്ചുണ്ടോടു
508 സംഗത്തെക്കോലുന്ന നാസികയും
509 മണ്ഡനമായുള്ള കണ്ഡലകാന്തിയാൽ
510 മണ്ഡിതമായുള്ള ഗണ്ഡവുമായ്.
 
511 കുന്ദത്തിൻ പൂവെയും ചന്ദ്രികാതന്നെയും
512 നിന്ദിച്ചുനിന്നൊരു മന്ദഹാസം
513 കമ്രമായുള്ളൊരു കംബുതൻ കാന്തിയെ
514 കണ്ടിച്ചു മണ്ടിക്കും കണ്ഠകാണ്ഡം
515 ചക്രംതുടങ്ങിയുള്ളായുധമോരോന്നേ
516 നല്ക്കരം നാലിലുമുണ്ടുതാനും.
517 ശ്രീവത്സകാന്തിയും കൗസ്തുഭകാന്തിയും
518 നേരൊത്തു തങ്ങളിൽ കൂടുകയാൽ
519 കാളിന്ദിനീരോടു മേളിച്ചു മേവുന്ന
520 പാലാഴിത്തൂവെള്ളംതന്നിൽ ചെമ്മേ
 
521 മുങ്ങിനിന്നീടുന്നൊരജ്ഞനവേദിയെ
522 ന്നിങ്ങനെ തോന്നുമമ്മാറു കണ്ടാൽ
523 എണ്ണമറ്റീടുന്നൊരണ്ഡകടാഹങ്ങൾ
524 ക്കന്യൂനമായൊരു ഭാജനമായ്
525 മേവിനിന്നീടുന്ന നല്ലുദരത്തെ ഞാൻ
526 ഏവമെന്നെങ്ങനെ ചൊല്ലിക്കൂടൂ.
527 മഞ്ഞൾപിഴിഞ്ഞൊരു കൂറയെപ്പൂണ്ടിട്ടു
528 മഞ്ജുളമായൊരു മദ്ധ്യദേശം
529 ഊരുക്കൾ ജാനുക്കൾ ജംഘകളെന്നിവ
530 ചാരുക്കളെന്നേ ഞാൻ ചൊല്ലവല്ലൂ.
 
531 തിങ്കൾതൻ കാന്തിക്കു ശങ്കയെത്തന്നുള്ളി
532 ലങ്കുരിപ്പിക്കുമത്തൂനഖങ്ങൾ
533 അംഗുലിയായ ദലങ്ങളെക്കാണുമ്പോൾ
534 പങ്കജമത്രേയപ്പാദയുഗ്മം
535 ഉള്ളങ്കാൽതന്നുടെ മാർദ്ദവം ചിന്തിക്കിൽ
536 കല്ലെന്നേ തോന്നുമപ്പല്ലവത്തെ
537 ഖേദങ്ങൾ പോക്കുന്ന വേദങ്ങൾ നാലിന്നും
538 കാതലായ്മേവുന്ന നാഥനപ്പോൾ
539 മംഗലം നൽകുവാൻ മാലോകർക്കായിക്കൊ
540 ണ്ടിങ്ങനെ പോന്നു പിറന്നനേരം
 
541 വിസ്മിതനായുള്ളൊരാനകദുന്ദുഭി
542 വിഷ്ണുവെന്നിങ്ങനെ നണ്ണി നേരേ
543 വാക്കുകൊണ്ടേറ്റവും വാഴ്ത്തിനിന്നീടിനാൻ
544 വായ്പോടു കുമ്പിട്ടു കൂപ്പി നന്നായ്,
545 കേവലന്തന്നെത്തൻ പുത്രനായ്ക്കണ്ടൊരു
546 ദേവകീദേവിയുമവ്വണ്ണമേ.
547 ഉത്തമയായൊരു ഭക്തിയെപ്പൂണ്ടവർ
548 ചിത്തന്തെളിഞ്ഞു പുകണ്ണനേരം
549 നാഥനായുള്ളവൻ പ്രീതനായ് ചൊല്ലിനാൻ
550 താതനോടായിട്ടും മാതാവോടും:
 
551 "പണ്ടുമിന്നിങ്ങൾക്കു സൂനുവായ് മേവിനേൻ
552 രണ്ടു ജന്മങ്ങളിലിങ്ങനെ ഞാൻ
553 നിങ്ങൾക്കിന്നെന്നിലേ ഭക്തിയെക്കണ്ടിട്ടു
554 നിങ്ങളിലുള്ളൊരു കാരുണ്യത്താൽ
555 ഇങ്ങനെയുള്ളൊരു രൂപത്തെക്കാട്ടി ഞാൻ
556 നിങ്ങൾക്കു സന്തതം ചിന്തിപ്പാനായ്
557 ബന്ധത്തെപ്പോക്കുന്നൊരെന്നുടെ ദേഹത്തെ
558 സ്സന്തതം ചിന്തിച്ചിരുന്നുകൊണ്ടാൽ
559 *പാപങ്ങൽ വേരറ്റു പൂതന്മാരായ് വന്നെൻ
560 പാദങ്ങൾതന്നോടു കൂടും നിങ്ങൾ
 
561 ഇന്നിലന്തന്നിൽനിന്നെന്നെയും കൊണ്ടുപോയ്
562 നന്ദന്റെ മന്ദിരംതന്നിലാക്കി
563 ചാരത്തുകാണുന്ന ദാരികതന്നെയും
564 പാരാതെ കൊണ്ടിങ്ങു പോന്നുകൊൾവൂ."
565 മംഗലനായൊരു പങ്കജലോചനൻ
566 ഇങ്ങനെ ചൊന്നവരോടു പിന്നെ
567 താതനും മാതാവും നോക്കിനിന്നീടവേ
568 പൈതലായ്മേവിനാൻ കൈതവത്താൽ.
569 വിസ്മയം പൂണ്ടുള്ളൊരച്ഛനുമമ്മയ്ക്കും
570 വിഷ്ണുവെന്നുണ്ടായ ബോധമപ്പോൾ
 
571 എന്നുടെ പൈതലെന്നിങ്ങനെയുള്ളൊരു
572 നിർണ്ണയമായിച്ചമഞ്ഞുകൂടി
573 കോമളച്ചുണ്ടു പിളുക്കിനിന്നീടുന്നൊ
574 രോമനപ്പൈതൽതാൻ പൈ തുടർന്നു
575 അമ്മിഞ്ഞിതാരായിന്നെന്തിനിക്കമ്മയെ
576 ന്നമ്മയെ നോക്കി മയങ്ങുന്നേരം
577 ധന്യയായുള്ള യശോദതൻ പുത്രിയായ്
578 മന്നിടം പൂകിനാൾ മായതാനും
579 കംസനെപ്പേടിച്ചുള്ളാനകദുന്ദുഭി
580 പൈതലെത്തന്നുടെ കൈയിലാക്കി
 
581 അമ്പാടിതന്നിലേ പോവതിനായിക്കൊ
582 ണ്ടമ്പോടു ചാലെ നടന്നനേരം
583 തങ്ങളേതന്നേ തുറന്നതു കാണായി
584 ചങ്ങല പൂണ്ടുള്ള വാതിലെല്ലാം.
585 വ്യഗ്രവും കൈവിട്ടു ദുർഗ്ഗവും പിന്നിട്ടു
586 നിർഗ്ഗമിച്ചങ്ങവൻ നിന്നനേരം
587 എന്നുടെ കാന്തിയെക്കക്കുമിപ്പൈതലേ
588 ഖിന്നനാക്കേണമിന്നെന്നപോലെ
589 പാഴിടി പൂണുമക്കാർമുകിൽ വന്നിട്ടു
590 പാഴ്മഴ തൂകിത്തുടങ്ങീതപ്പോൾ
 
591 എന്നതു കണ്ടൊരു പന്നഗനായകൻ
592 തന്നുടെയാനനജാലകത്തെ
593 ഒക്കവേ ചാലപ്പരത്തിനിന്നങ്ങനെ
594 നൽക്കുടയാക്കി നടന്നു മീതെ
595 അമ്മഴതന്നെത്തടുത്തുനിന്നീടിനാൻ
596 വെണ്മയെപ്പൂണ്ടുള്ളോരെന്നു ഞായം.
597 ആനകദുന്ദുഭിതന്നുടെ ചേണെഴും
598 പാണിയായുള്ളോരു യാനമേറി
599 വാരുറ്റു നിന്നൊരു വാരിദനാദമാം
600 ഭേരിതൻ നാദവും പൂരിച്ചെങ്ങും
 
601 വങ്കനിവാണ്ടൊരു പന്നഗനാഥനാം
602 വെകുടതന്നെയും ചൂടി നന്നായ്
603 ശമ്പയായുള്ളൊരു ദീപവും സംഭാവി
604 ച്ചമ്പാടി മുന്നിട്ടു പോവതിന്നായ്
605 കൈതവമാണ്ടു നൽപ്പൈതലായ്മേവുമ
606 ക്കൈടഭവൈരിതാൻ ചെല്ലുന്നേരം,
607 മേളം കലർന്നൊരു കാളിമ പൂണ്ടു ന
608 ല്ലോളങ്ങളാളുമക്കാളിന്ദിതാൻ
609 നൽവഴി നന്നായി നൽകിനിന്നീടിനാൾ
610 നല്ലവർക്കങ്ങനെ തോന്നി ഞായം.
 
611 പാദങ്ങൾപോലും നനഞ്ഞുനിന്നീടാതെ
612 പാഴ്പറമ്പേറി നടക്കുമ്പോലെ
613 ആനന്ദംപൂണ്ടുള്ളോരാനകദുന്ദുഭി
614 കാളിന്ദിതന്നെയും പിന്നിട്ടപ്പോൾ
615 അംഭോജലോചനൻതന്നെയും പൂണ്ടുകൊ
616 ണ്ടമ്പാടിതന്നിലും ചെന്നുപുക്കാൻ
617 ചെന്നൊരു നേരത്തു സുന്ദരിയായൊരു
618 നന്ദവിലാസിനിതന്നെക്കണ്ടാൻ
619 സൂതികൊണ്ടുണ്ടായ മോഹത്തെപ്പൂണ്ടിട്ടു
620 ഭൂതലം തന്നിൽ കിടന്നതപ്പോൾ
 
621 മറ്റുള്ളോരെല്ലാരും നിദ്രയും പൂണ്ടിട്ടു
622 ചുറ്റും കിടന്നതും കണ്ടാൻ പിന്നെ
623 നന്ദവിലാസിനിതന്നുടെ ചാരത്തു
624 നല്ലൊരു പെപിള്ളതന്നെക്കണ്ടാൻ.
625 ബാലകന്മാരെക്കൊണ്ടാകദുന്ദുഭി
626 വാണിഭംചെയ്യുന്നോനെന്നപോലെ
627 തന്നുടെ പൈതലെക്കൊണ്ടുചെന്നങ്ങവൾ
628 തന്നുടെ ചാരത്തു ചേർത്തു പിന്നെ
629 പെൺപിള്ളതന്നെയും മെല്ലവെ കൊണ്ടുപോ
630 ന്നമ്പാടിതന്നെയും പിന്നിട്ടുടൻ
 
631 ഖിന്നത കൂടാതെ തന്നുടെ ഗേഹത്തിൽ
632 വന്നുനിന്നീടിനാനന്നുതന്നെ.
633 അമ്പോടു പിന്നെയദ്ദേവകീചാരത്തു
634 പെൺപിള്ളതന്നെയും ചേർത്തു ചെമ്മേ
635 കഞ്ചനെപ്പേടിച്ചു മുന്നെപ്പോലെ ചെന്ന
636 ച്ചങ്ങലതന്നെയും പൂണ്ടുകൊണ്ടാൻ.
637 ദേവകിതന്നുടെ ചാരത്തു ചേരുമ
638 ക്കേവലയായൊരു ദേവിയപ്പോൾ
639 മാറ്റൊലിക്കൊള്ളുമാറീറ്റില്ലംതന്നിൽനീ
640 ന്നേറ്റം കരഞ്ഞു, കരഞ്ഞുനിന്നാൾ;
 
641 ഞെട്ടിയുണർന്നുള്ള കംസനിയോഗികൾ
642 പെട്ടെന്നു ചെന്നങ്ങു ചൊന്നാരപ്പോൾ.
643 വാളുമായ് ചെഞ്ചെമ്മേ വന്നുനിന്നീടിനാൻ
644 കാലനു നേരായ കംസനപ്പോൾ,
645 കണ്ടൊരു നേരത്തു പണ്ടേതിലേറ്റവും
646 ഇണ്ടലും പൂണ്ടു വിറച്ചു പാരം.
647 കംസനോടന്നേരം മെല്ലവേ ചൊല്ലിനാൾ
648 കാതരയായൊരു ദേവകിതാൻ:
649 "പാമ്പെന്നു ചിന്തിച്ചു ശങ്കിച്ചു നിന്നതോ
650 പാശമായല്ലൊതാൻ വന്നുകൂടി
 
651 പാപങ്ങളിന്നും നീയാചരിച്ചീടാതെ
652 പാരാതെ പോകെങ്കിലെന്നേവേണ്ടു
653 എന്നുടെ ശോകത്തിൻ കാരണമാക്കൊല്ലാ
654 യിന്നിനിയെൻപൈതൽതന്നെയിപ്പോൾ
655 ഒന്നുരണ്ടല്ലല്ലൊ മുന്നം നീയെന്നുടെ
656 നന്ദനന്മാരെക്കൊലപ്പെടുത്തൂ;
657 ഒന്നല്ലയാതൊരു പെപിള്ള തന്നെ നീ
658 ഇന്നെനിക്കായി വഴങ്ങേണമേ."
659 ഇങ്ങനെ ചൊന്നു തങ്കന്യകതന്നെയും
660 പൊങ്ങിനിന്നീടുന്ന ശോകത്താലെ
 
661 മാറോടു ചേർത്തങ്ങു പൂണ്ടുകൊണ്ടീടിനാൾ
662 മാപാപി വന്നു തൊടാതവണ്ണം.
663 സോദരിതന്നുടെ രോദനം കണ്ടിട്ടു
664 രോഷിതനായൊരു കംസനപ്പോൾ
665 ഓടിയണഞ്ഞു വലിച്ചുകൊണ്ടീടിനാൻ
666 ഓമലായ്മേവുമപ്പൈതൽതന്നെ
667 പാദം പിടിച്ചു വെപാറമേൽ തല്ലുവാൻ
668 പാരം ചുഴറ്റി നിന്നോങ്ങുന്നേരം
669 കീഴ്പെട്ടു തല്ലുവാനോങ്ങിയനേരത്തു
670 മേല്പെട്ടുപോയതെക്കണ്ടു പിന്നെ
 
671 ഈർഷ്യയും പൂണ്ടവൻ നോക്കിനാനെന്നപ്പോൾ
672 ഈശ്വരിയാമവൾതന്നെ നേരെ;
673 അംബരംതന്നിരേ ലംബിതയായിനി
674 ന്നംബികതന്നെയും കാണായപ്പോൾ
675 നേത്രങ്ങൾക്കേതുമേ നോക്കരുതാതൊരു
676 ദീപ്തിയെപ്പൂണ്ടൊരു മെയ്യുമായി.
677 ദേവിതൻ മെയ്യുടെ ലാവണ്യം ചൊൽവാനി
678 ന്നാവിന്നു വൈഭവം വന്നുകൂടാ;
679 പൂഞ്ചായൽതന്നുടെ കാന്തിയെച്ചൊല്ലുവാൻ
680 വാഞ്ഛയുണ്ടാകുന്നു കാകെനിക്കോ
 
681 തുല്യതയില്ലാതെ തുല്യത ചൊല്ലുമ്പോൾ
682 വല്ലായ്മയെന്നതും വന്നുകൂടും
683 കണ്ടിയെന്നിങ്ങനെ കൊണ്ടാടിച്ചൊല്കിലോ
684 കൊണ്ടൽതന്നുള്ളത്തിലിണ്ടലുണ്ടാം
685 അല്ലെന്നു ചൊല്കിലോ നീലത്തഴകൾ വ
686 ന്നല്ലല്ലായെന്നങ്ങു പേശിക്കൊള്ളും
687 മറ്റൊന്നു ചൊൽകിൽ മനം കുലഞ്ഞീടുമ
688 ക്കുറ്റമറ്റീടും പനങ്കുലയ്ക്കും
689 എന്നതുമൂലമക്കൂന്തലെ വാഴ്ത്താതെ
690 മന്ദനായ് നിന്നു മടങ്ങുന്നേൻ ഞാൻ.
 
691 അന്ധതകൊണ്ടിനിച്ചന്തമാണ്ടീടുമ
692 ക്കുന്തളം വാഴ്ത്തുവാൻ ചിന്തിക്കുന്നേൻ
693 ചായലായുള്ളൊരു നായികതാൻ പെറ്റ
694 ചാപലംപൂണ്ടുള്ള ബാലകന്മാർ
695 നെറ്റിയായുള്ളൊരു മുറ്റത്തിലാമ്മാറു
696 *മുറ്റത്തമിണ്ണുള്ള ലീലയല്ലോ
697 ചിന്തിന കാന്തി കലർന്നുനിന്നീടുമ
698 ക്കുന്തളമായിട്ടു കണ്ടതിപ്പോൾ
699 മൗലിയിലുള്ളൊരു വാർതിങ്കൾതന്നുടൽ
700 പാതിപൊളിഞ്ഞിങ്ങു വീണനേരം
 
701 ചില്ലി തടഞ്ഞിട്ടു വീഴരുതായ്കയാൽ
702 മെല്ലവേ തങ്ങിയുറച്ചുതെന്നേ
703 കാണുന്നോർ കണ്ണിനു തോന്നുമാറുള്ളൊരു
704 കാന്തിയെപ്പൂണ്ടൊന്നത്തൂനെറ്റിതാൻ
705 ആനനംതന്നോടു നേരൊത്തു പോരുവാൻ
706 മാനിച്ചു തിങ്കളും പങ്കജവും
707 ഒക്കവേ ചെന്നു പിണങ്ങിനനേരം ക
708 ണ്ടക്ഷണമാനനലക്ഷ്മി നേരേ
709 "തിങ്കളേ നീയിതിൻമീതലേ നിന്നുകൊൾ
710 പങ്കജമേയിതിൻ താഴെ നീയും"
 
711 എന്നങ്ങു ചൊന്നൊരു സീമയിട്ടീടിനാൾ
712 എന്നതു ചില്ലിയായ്ക്കണ്ടതിപ്പോൾ
713 ചില്ലികളായുള്ള കല്ലോലംതന്നിലേ
714 മെല്ലവേ ചെന്നു കളിക്കയാലെ
715 ആനന്ദമാളുമക്കണ്ണിണതന്നെയോ
716 മീനങ്ങളെന്നല്ലോ ചൊല്ലേണ്ടുന്നു.
717 ആനനകാന്തിയായ്മേവിനിന്നീടുന്ന
718 മാനിനിക്കമ്പിനോടാടുവാനായ്
719 ഉല്ലസിച്ചീടുന്ന പൊന്നൂയലെന്നേയ
720 മ്മല്ലക്കുഴകളെച്ചൊല്ലുന്നു ഞാൻ
 
721 ചോരിവായായൊരു ചെന്തൊണ്ടിതങ്കനി
722 ചാരത്തു കണ്ടതു കൊത്തുവാനായ്
723 മെല്ലവേ ചൊല്ലുന്ന പൈങ്കിളിച്ചുണ്ടെന്നേ
724 ചൊല്ലുവാന്തോന്നുമന്നാസി കണ്ടാൽ.
725 മണ്ഡനമായുള്ള കണ്ഡലഷണ്ഡത്താൽ
726 മണ്ഡിതമായുള്ള ഗണ്ഡം കണ്ടാൽ
727 സ്വർണ്ണംകൊണ്ടുള്ളൊരു കണ്ണാടിതന്നുടെ
728 ഉണ്ണാഡി തിണ്ണം വിറയ്ക്കുമപ്പോൾ.
729 ചോരിവാതന്നോടു നേരായിച്ചെന്നപ്പോൾ
730 പാരാതെ തോറ്റൊരു ചെമ്പരുത്തി
 
731 മാലയെന്നുള്ളൊരു കൈതവം കൈക്കൊണ്ടു
732 മാലുറ്റു ഞാലുന്നു കാണ്ക പാപം.
733 മാറത്തു ചേരുന്നൊരാരത്തെക്കണ്ടിട്ടു
734 നേരിട്ടു ചൊല്ലൊല്ലായെന്നു നണ്ണി
735 *ഓഷ്ഠങ്ങൾ രണ്ടുമ്മറച്ചു നിന്നീടുന്നു
736 വാട്ടമറ്റീടുമദ്ദന്തങ്ങളെ.
737 പുഞ്ചിരിയായതു ചന്ദ്രികായെന്നത
738 ങ്ങഞ്ചാതെ ചൊല്ലാമങ്ങെല്ലാരോടും;
739 ഏണാങ്കമൗലിതൻ നേത്രചകോരങ്ങൾ
740 ക്കൂണായി മേവുമോ അല്ലയായ്കിൽ?
 
741 പൂർണ്ണനായുള്ളൊരു തിങ്കളെ മൗലിയിൽ
742 പൂണ്ടുനിന്നീടുന്നു ശൈവലിംഗം
743 എന്നതേ തോന്നുന്നുതാനനന്തൻകീഴേ
744 നിന്നുവിളങ്ങുമക്കണ്ഠം കണ്ടാൽ.
745 വാർമുലയായൊരു മാലേയക്കുന്നിൽനി
746 ന്നാമന്ദം പോന്നങ്ങിറങ്ങി നേരേ
747 പോകത്തുടങ്ങുന്ന ഭോഗികളെന്നത്രേ
748 ബാഹുക്കൾതന്നെ ഞാനുന്നിക്കുന്നു.
749 മെത്തിയെഴുന്നൊരു യൗവനമാകുന്ന
750 മത്തേഭന്തന്നുടെ മസ്തകങ്ങൾ
 
751 കൊങ്കകളായിട്ടു കണ്ടെതെന്നിങ്ങനെ
752 അങ്കുരിച്ചീടുന്നുതെന്നുള്ളത്തിൽ
753 ശ്യാമളയായൊരു രോമാളിയാകുന്ന
754 കോമളത്തുമ്പിക്കൈ കാൺകയാലേ
755 ചൊൽക്കൊണ്ടു മേവുന്നു നാഭിയായുള്ളൊരു
756 പുഷ്കലമായൊരു പുഷ്കരവും
757 പട്ടുടതന്നുടെ ചട്ടറും കാന്തി ഞാൻ
758 ഒട്ടേടം ചൊല്ലേണ്ടായെന്നു നണ്ണി
759 ഒട്ടുമേ ചൊല്ലാതെ നിന്നുകൊണ്ടീടുന്നു
760 മുട്ടയോ ചൊല്ലുവാനോർക്കിലാർക്കാം?
 
761 ചീർത്തുനിന്നീടുന്നൊരല്ക്കീടം ചെഞ്ചെമ്മേ
762 തേർത്തടമെന്നതു നിർണ്ണയിച്ചു
763 പണ്ടു തന്മേനിയെച്ചുട്ടുകളഞ്ഞതി
764 ലുണ്ടായ പോരായ്മ പോക്കുവാനായ്
765 ചെമ്പൊൽത്താർബാണനിത്തേരിൽക്കരേറീട്ടു
766 ശംഭുതൻ മേനി പകുപ്പിക്കയാൽ
767 കുംഭിതൻ തുമ്പിക്കൈ *തിൺതുട കണ്ടല്ലോ
768 കുമ്പിട്ടുപോരുന്നുതിന്നുമേറ്റം
769 ചൊല്പെറ്റു നിന്നൊരുശോഭയെക്കാണുമ്പോൾ
770 ചെപ്പെന്നു ചൊൽവാനോ തോന്നുമല്ലോ
 
771 ഒപ്പില്ലയാതെനിക്കൊപ്പിനെച്ചൊന്നായെ
772 ന്നുൾപ്പൂവിൽ കോപിക്കും ജാനുവപ്പോൾ,
773 എന്നതുമൂലമജ്ജാനുക്കൾ വാഴ്ത്തുവാൻ
774 ഏതുമേ വല്ലാതെ നിന്നിതു ഞാൻ
775 ദേവിതൻ ചാരുകണങ്കഴൽ നേരൊത്തു
776 മേവിനിന്നീടേണമെങ്ങൾ കണ്ഠം
777 എന്നങ്ങു ചിന്തിച്ചു ചന്ദ്രക്കലാധരൻ
778 തന്നുടെ സേവയെച്ചെയ്‌വതിന്നായ്
779 നിർജ്ജനമായൊരു കാനനംതന്നിൽ പോയ്
780 ഷൾജവും പാടി നൽക്കേകിജാലം
 
781 കുറ്റമറ്റീടുന്ന നർത്തനമാടീടുന്നു
782 മറ്റൊന്നു ചിന്തിച്ചിട്ടല്ല ചൊല്ലാം.
783 നൗകികൾമൗലിയിൽ താവിനിന്നീടുന്ന
784 നാകമഹാമണിജാലങ്ങളിൽ
785 പാരമുരുമ്മി മെഴുത്തു നിന്നീടുമ
786 പ്പാദനഖങ്ങൾതന്നംശുജാലം,
787 മീതേ പരന്നു വഴിഞ്ഞതു കാണുമ്പോൾ
788 ശ്വേതമായുള്ളോരു കൂർമ്മമെന്നേ
789 എന്മനം തന്നിലേ സന്തതം തോന്നുന്ന
790 തംബികതൻ പ്രപദങ്ങൾ രണ്ടും.
 
791 മഞ്ജീരംതന്നുടെ മഞ്ജുളമായൊരു
792 ശിഞ്ജിതമായുള്ള ഹംസനാദം
793 എപ്പോഴും കേൾക്കയാലപ്പാദം ചേഞ്ചെമ്മേ
794 ചൊല്പൊങ്ങും പങ്കജമെന്നു വന്നു.
795 വാനവർകൈകളാം വാരിജം ചെഞ്ചെമ്മേ
796 കാണുന്ന നേരത്തു കൂമ്പുകയാൽ
797 തിങ്കളെന്നുള്ളൊരു ശങ്കയുമുണ്ടെനി
798 ക്കങ്കുരിച്ചീടുന്നു പാരമുള്ളിൽ
799 ഉൾക്കൊമ്പിൽത്തന്നെ ചേർന്നുൾക്ലേശം നിന്നോർതൻ
800 ദുഖമാം കാന്താരം നീറ്റുകയാൽ
 
801 അങ്കിയെന്നുള്ളൊരു ശങ്കയുമുണ്ടെനി
802 ക്കങ്കുരിച്ചീടുന്നു പിന്നെയുള്ളിൽ
803 ഭക്തരായുള്ളോർതൻ ചിത്തത്തിൻ മേന്മേലെ
804 മെത്തുമിരുട്ടിനെത്തള്ളുകയാൽ
805 പങ്കജകാമുകനെന്നൊരു ശങ്കയും
806 അങ്കുരിച്ചീടുന്നു പിന്നെപ്പിന്നെ
807 ഇപ്പാദംതന്നിലെപ്പൊൽപ്പൂപ്പരാഗത്തെ
808 മുൽപ്പാടെ തെണ്ടിത്താൻ കൊണ്ടുപോയി
809 വാരിജസംഭവൻ പാരിടമെല്ലാമേ
810 പാരാതെ നിർമ്മിച്ചുവെന്നു കേൾപ്പൂ.
 
811 എന്നതുകൊണ്ടുപോൽ പന്നഗനായകൻ
812 ഊർജ്ജിതരൂപനായ് ഇപ്പാദന്തന്നിലെ നില്പോരു മാനസം
813 കെല്പോടെ ചേർത്താൻ പണ്ടപ്പൗലസ്ത്യൻ
814 മുഗ്ദ്ധേന്ദുശേഖരൻ മിത്രമെന്നുള്ളതും
815 വിത്തേകനെന്നും പേരന്നുണ്ടായി
816 ഉണ്മദംപൂണ്ടൊരു വന്മഹിഷാസുരൻ
817 തന്മദം തീർത്തിന്നോർക്കിലാർക്കാം
818 സുംഭനായ് നിന്നുള്ളോരുമ്പർകോൻവൈരിതൻ
819 ഡംഭത്തെത്തീർത്തതുമവ്വണ്ണമേ.
820 ഓരോരോ ദാനവവീരരെക്കൊന്നിട്ടി
 
821 പ്പാരെല്ലാം പാലിപ്പാൻ പാർക്കിലാർക്കാം,
822 ആഗമംതാനുമിപ്പാദങ്ങൾതന്നെപ്പോ
823 യാരാഞ്ഞു പോരുന്നുതിർന്നു,മെന്നാൽ
824 ഇങ്ങനെ മേവുമപ്പാദപയോജം ഞാൻ
825 എങ്ങനെയിങ്ങനെയെന്നു ചൊൽവൂ?
826 വായ്പോടു നിന്നിട്ടു പിന്നെയും പിന്നെയും
827 കൂപ്പുകയെന്നി മറ്റൊന്നുവല്ലേൻ
828 കേവലയായൊരു ദേവിയെ വാഴ്ത്തുവാൻ
829 ആവതല്ലെന്നതു ചിന്തിയാതെ
830 കാടായിച്ചൊല്ലുന്നതെന്തു നീയെന്നല്ലീ
 
831 മൂഢരായുള്ളോരിൽ മുമ്പുണ്ടല്ലോ
832 പാടവംകൂടാതെ മൂഢരായുള്ളോരോ
833 കാടാകുമാറല്ലോ ചൊല്ലേണ്ടുന്നൂ,
834 എന്നതുപാർക്കുമ്പൊഴിന്നു ഞാൻ ചൊന്നതു
835 നിന്ദ്യമല്ലെന്നതും വന്നുകൂടും
836 അങ്ങനെ പോകത,ങ്ങംബരംതന്നിൽനി
837 ന്നിങ്ങനെയുള്ളൊരു ദേവിയപ്പോൾ
838 താഴെ നിന്നീടുന്ന കംസനോടായിട്ടു
839 കോഴ കളഞ്ഞു പറഞ്ഞു നിന്നാൾ:
840 "എന്നെ നീയെന്തിന്നു കൊല്ലുവാൻ കൂടുന്നു
 
841 നിന്നുടെ ഘാതകിയല്ല ഞാനോ.
842 സ്ഥാനങ്ങളോരോന്നേ മാനിച്ചു നല്കിനാർ
843 മാനവരെല്ലാരും ദേവിക്കപ്പോൾ
844 ആരണർ ചെയ്യുന്ന പൂജയെക്കൊണ്ടുകൊ
845 ണ്ടാദരവോടു തെളിഞ്ഞു മേന്മേൽ.
846 ഭൂലോകംതന്നിൽ വിളങ്ങിനിന്നീടിനാൾ
847 മൂലോകനായികയായ ദേവി.
848 അഞ്ചിതമായുള്ള ദേവിതഞ്ചൊല്ലെല്ലാം
849 നെഞ്ചകം പൂകിന കഞ്ചനപ്പോൾ
850 വിശ്വസിച്ചീടിനാൻ വിസ്മയിച്ചീടിനാൻ
 
851 കെട്ടുപെട്ടീടുന്ന ദമ്പതിമാരെയും
852 പെട്ടെന്നു ചെന്നങ്ങഴിച്ചു പിന്നെ
853 ഓർച്ചയും പൂണ്ടു പറഞ്ഞു നിന്നീടിനാൻ
854 ചാർച്ചയും ചേർച്ചയും വേഴ്ച്ചയുമായ്.
855 "നിങ്ങൾക്കു സൂനുവായുള്ളവനല്ലപോ
856 ലെന്നുടെ ഘാതകൻ, അന്യനത്രേ!
857 എട്ടാമതുണ്ടായ ബാലകനെന്നതോ പ
858 ട്ടാങ്ങല്ലെന്നതും വന്നുകൂടി.
859 ഈശ്വരവാക്കിന്നു സത്യതയില്ലെന്ന
860 താശ്ചര്യമാകുന്നതോർത്തതോറും
 
861 ഓരാതെ വന്നിട്ടു ഘോരനായുള്ള ഞാൻ
862 ആറു കീടാങ്ങളെക്കൊന്നേനല്ലോ.
863 എന്നുടെ വൻപിഴയെല്ലാമെ നിങ്ങന്നി
864 ന്നുന്നിച്ചു കണ്ടു പൊറുക്കേണമേ."
865 ഇങ്ങനെ ചൊന്നുടൻ തന്നുടെ മന്ദിരം
866 തന്നിലും പൂകിനാൻ ഖിന്നനായി.
867 പിറ്റേന്നാൾ നേരേ തന്നുറ്റോരെയെല്ലാമേ
868 തെറ്റെന്നു ചാരത്തുകൊണ്ടു പിന്നെ
869 കേട്ടു നിന്നീടുന്ന ദാനവരന്നപ്പോൾ
870 വാട്ടമകന്നൊരു വാർത്ത ചൊന്നാർ:
 
871 "ബാലനായുണ്ടു നിൻ കാലനായുള്ളവൻ
872 ഭൂലോകന്തന്നിലിന്നെങ്കിൽ ഞങ്ങൾ
873 ഒക്കവേ ചാലപ്പുറപ്പെട്ടു ചെന്നോരോ
874 ദിക്കുകളെങ്ങും നടന്നു പിന്നെ
875 കണ്ടുകണ്ടീടുന്ന ബാലകന്മാരെയോ
876 കണ്ഠം പിരിച്ചു കഴിക്കാം ചെമ്മേ
877 ബാലകന്മാരെന്ന വാർത്തകളെന്നിയേ
878 ഭൂലോകന്തന്നിലില്ലാതവണ്ണം
879 കൊന്നുകൊന്നീടുന്ന ബാലരെയെണ്ണുമ്പോൾ
880 ഒന്നിവനെന്നതും വന്നുകൂടും.
 
881 പിന്നെ നമുക്കൊരു വൈരിയും കൂടാതെ
882 നന്നായിവന്നീടും കാലം മേലിൽ.
883 ദേവകളാകുന്ന വൈരികളെന്നിയേ
884 കേവലമില്ല മറ്റെന്നു വന്നു.
885 ദേവകളെന്നുള്ളതില്ലാതെയാക്കുവാൻ
886 ആവതല്ലെങ്കിലും വേണമത്രേ.
887 ദേവകൾക്കുള്ളൊരു വേർ പറിച്ചീടുന്ന
888 തേവമെന്നിങ്ങനെ ചൊല്ലാമെങ്കിൽ
889 വേരായി നിന്നിതിദ്ദേവകളെല്ലാർക്കും
890 വീതനായ്പോരുമീന്നാരായണൻ
 
891 നാരായണൻതന്റെ വേരായിപ്പോരുന്ന
892 താരണരെല്ലാരും, വേദങ്ങളും
893 സത്യവും, ധർമ്മവും, യജ്ഞവും, ഗോക്കളും
894 ഇത്തരം പിന്നെയുമുണ്ടു മറ്റും
895 ആരണരല്ലോ കാ വേദങ്ങൾക്കെല്ലാമി
896 ന്നാധാരമായിട്ടു നിന്നതെന്നാൽ
897 ആരണരായോരെക്കൊന്നു നിന്നീടുമ്പോൾ
898 വേരോടെ പോമല്ലോ വേദങ്ങളും
899 ആജ്യത്തെക്കൊണ്ടല്ലോ യജ്ഞങ്ങൾ ചെയ്യുന്നൂ
900 താജ്യത്തിൻ കാരണം ഗോക്കളല്ലൊ,
 
901 ഗോക്കളെയെല്ലാമേ കൊന്നു നിന്നീടുമ്പോൾ
902 പോയ്ക്കെടുമോരോരോ യജ്ഞങ്ങളും.
903 ആരാനുമുണ്ടോ തപസ്സിനെച്ചെയ്യുന്നു
904 പാരാതെ ചെന്നു ചെറുപ്പുവെങ്കിൽ.
905 ഇങ്ങനെ ചെയ്യുമ്പോൾ വിഷ്ണവെന്നുള്ളതും
906 മങ്ങി മയങ്ങി മറഞ്ഞു മാറും
907 * ദേവകളും പോയ്വരണ്ടുപോമെന്നുമ്പോൾ
908 വേരോടു വേറായ ശാഖിപോലെ
909 ഇങ്ങനെ ചെയ്യുമ്പോൾ മേലിലെക്കാലമോ
910 മംഗലമായിട്ടേ വന്നുകൂടു,
 
911 മാഗധൻമുമ്പായ ബന്ധുക്കൾ ചൂഴുറ്റു
912 മാന്യരായ് നിന്നു സുഖിക്കാം പിന്നെ."
913 ഇങ്ങനെ ചൊന്നതു കേട്ടൊരു കംസൻതാൻ
914 അങ്ങനെയെന്നു തെളിഞ്ഞു ചൊല്ലി
915 പൂതനമുമ്പായ ദാനവയൂഥത്തെ
916 "ഭൂതലമെങ്ങും നടന്നു നിങ്ങൾ
917 ബാലകന്മാരുടെ ഹിംസയെച്ചെയ്കെ"ന്നു
918 ചാല നിയോഗിച്ചകത്തു പുക്കാൻ.
919 സ്നാനം തുടങ്ങിന വേലയുമാചരി
920 ച്ചൂണും കഴിഞ്ഞു തെളിഞ്ഞു പിന്നെ
 
921 വന്ദികൾ വാഴ്ത്തുന്ന വാർത്തയും കേട്ടോരോ
922 സുന്ദരമായുള്ള ഗീതങ്ങളും
923 നർത്തകന്മാരുടെ നൃത്തവും കണ്ടുക
924 ണ്ടുത്തമമായുള്ള മന്ദിരത്തിൽ
925 ബന്ധുക്കളായുള്ള മന്നോരുമായിട്ടു
926 സന്തുഷ്ടനായി വിളങ്ങിനിന്നാൻ.

Edited by PachalaM Hari, 04 May 2015 - 01:06 PM.

  • Vanampaadi, Mazha Thulli, Serikkum Mothalali and 1 other like this


Users Awards

#3 VIncenT GomeZ

VIncenT GomeZ

    Best Boy of PP - 2012

  • Premium Member
  • 9,151 posts
  • Location:root
  • Gender:Male
  • Country: Country Flag
  • Current: Country Flag

Posted 04 May 2015 - 10:48 AM

പൂതനാമോക്ഷം

1 നാകികൾനേരൊത്ത ഗോപന്മാരെല്ലാർക്കും

2 നാഥനായ് നന്നായി നിന്ന നന്ദൻ
3 സന്തതിയില്ലാഞ്ഞു സന്തതം വെന്തുവെ
4 ന്തന്തരാ ചിന്തയും പൂണ്ടകാലം
5 അത്ഭുതകാന്തി കലർന്നൊരു ജായയ്ക്കു
6 ഗർഭവുമുണ്ടായിവന്നുകൂടി.
7 എന്നതു കണ്ടിട്ടു നിന്നൊരു നന്ദന്താൻ
8 വന്നെഴുന്നീടുന്ന മോദത്താലെ
9 പ്രാശ്നികന്മാരോടു ചോദിച്ച നേരത്തു
10 പ്രാശ്നികന്മാരിലൊരുത്തൻ ചൊന്നാൻ:

11 "ഇന്നിവൾതന്നുടെ ഗർഭത്തിൽനിന്നതോ
12 കന്യകയെന്നതു നിർണ്ണയിച്ചു."
13 അന്യനായുള്ളവൻ ചൊല്ലിനിന്നീടിനാൻ
14 കന്യകയെന്നവൻ ചൊന്നനേരം:
15 "തേമ്പാത കാന്തി കലർന്നുനിന്നീടുന്നൊ
16 രാപൈതലുണ്ടാമിപ്പേററിലിപ്പോൾ
17 കാണുന്ന നേരത്തു കന്യകയല്ലെന്നു
18 മാണെന്നുമുള്ളതു നിർണ്ണയിച്ചു."
19 അന്യനായുള്ളവൻ ചൊല്ലിനിന്നീടിനാൻ
20 പിന്നെയും നിന്നു വിചാരിച്ചുടൻ:

21 "ഇങ്ങനെയല്ലായ്കിലെന്നുടെ ശാസ്ത്രം ഞാൻ
22 എന്നുമേ തീണ്ടുന്നോനല്ല മേലിൽ."
23 വായ്പൊരുൾകൊണ്ടവർ നേരിട്ട നേരത്തു
24 വായ്പോടു ചൊല്ലിനാൻ നിന്നൊരന്യൻ:
25 "ചെമ്പല്ലവാംഗിതൻ നല്പിള്ളയായതോ
26 പെപിള്ളയെന്നതും ചേരുമല്ലോ
27 മാപാർന്ന കാന്തിതൻ കാമ്പായിനിന്നുള്ളൊ
28 രാപൈതലെന്നതും ചേരുമത്രേ.
29 ഇങ്ങനെയുള്ളൊരു സംഗതി ചേരായെ
30 ന്നങ്ങനെ നണ്ണി ഞാൻ മൗനമാണ്ടു.

31 എന്നുടെ ചിന്തിതമാരുമേ കാണൊല്ലാ
32 യെന്നുണ്ടു ദൈവത്തിനെന്നതത്രെ
33 പ്രാശ്നികന്മാരായ ഞങ്ങളിന്നെല്ലാരും
34 പ്രാകൃതരായിച്ചമഞ്ഞു,തെന്നാൽ
35 വന്നതു കണ്ടിട്ടു നിർണ്ണയിച്ചീടു നാം
36 എന്നതേയോർച്ചയിൽ ചേർച്ചയുള്ളു.
37 നന്ദനോടിങ്ങനെ ചൊന്നവരെല്ലാംതാൻ
38 മന്ദിരം നോക്കി നടന്നാർ പിന്നെ
39 "നന്മയേ നല്കേണം ദൈവമേ! എന്നങ്ങു
40 നന്ദനും പ്രാർത്ഥിച്ചു നിന്നകാലം

41 മാസങ്ങൾ പോന്നു തികഞ്ഞു തന്മാനിനി
42 ക്കാസന്നമായ് വന്നു സൂതികാലം.
43 പാതിരാനേരത്തു പാരാതെ പെറ്റാള
44 പ്പാഥോജലോചനാ പൈതൽതന്നെ.
45 സൂതികൊണ്ടുണ്ടായ മോഹത്തെപ്പൂണ്ടവൾ
46 കാതരയായി നുറുങ്ങുനേരം
47 ചാരിക്കിടന്നങ്ങുണർന്നോരു നേരത്തു
48 ചാരത്തു നോക്കിനാൾ മന്ദ;മപ്പോൾ
49 കോമളനായ കുമാരനെക്കാണായി
50 കാർമ്മുകിൽ കാമിക്കും കാന്തിയുമായ്.

51 ആണെന്നു നിർണ്ണയിച്ചാനന്ദം പൂണുന്നോ
52 രേണവിലോചനമാരെന്നപ്പോൾ
53 നന്ദനു നല്ലൊരു കാഴ്ചയായ് നല്കിനാർ
54 നന്ദനനുണ്ടായിതെന്നിങ്ങനെ.
55 ചിന്തയെപ്പൂണ്ടൊരു നന്ദന്താനന്നപ്പോൾ
56 അന്തമില്ലാതൊരു സന്തോഷത്താൽ
57 ചേലകൾ നല്ലവ നല്കിനിന്നീടിനാൻ
58 ബാലകജന്മത്തെച്ചൊന്നോർക്കെല്ലാം
59 "പിന്നെയും പിന്നെയും ചൊല്ലുവിനെന്നോടു
60 നന്ദനനെന്നുള്ള നാമമിന്നും

61 അഞ്ചാതെ ചെഞ്ചെമ്മേ പിന്നെയും പിന്നെയും
62 എൻ ചെവി രണ്ടും കുളുർക്കുംവണ്ണം."
63 ഇങ്ങനെ ചൊല്ലീട്ടു പിന്നെയും ചെന്നോർക്കു
64 മങ്ങാതെ ചേലകൾ നൽകിനിന്നാൻ.
65 പാരാതെ ചെന്നങ്ങു പൈതലെക്കണ്ടിട്ടു
66 നീരാടിപ്പോന്നിങ്ങു വന്നു പിന്നെ
67 ആരണർ ചൊല്ലാലെ ജാതകർമ്മത്തെയു
68 മാചരിച്ചീടിനാനാദരവിൽ.
69 ദാനങ്ങൾകൊണ്ടവൻ വാനവർശാഖിക്കു
70 നാണത്തെപ്പൂകിച്ചാന്മാനസത്തിൽ.

71 "നന്ദനു നല്ലൊരു നന്ദനനുണ്ടായി"
72 തെന്നൊരു വാർത്ത പരന്നുതെങ്ങും.
73 വേർ പാകിനിന്നൊരു വേഴ്ചയെപ്പൂണ്ടുള്ള
74 ഗോപാലന്മാരെല്ലാം വന്നു പിന്നെ
75 ബാലകനുണ്ടായ മോദത്തെപ്പൂണ്ടിട്ടു
76 ചാലെക്കളിച്ചു പുളച്ചുനിന്നാർ
77 ആച്ചിമാരെല്ലാരും കാഴ്ചയുമായിട്ടു
78 പാച്ചിൽ തുടങ്ങിനാർ പാരമപ്പോൾ.
79 ബാലകന്തന്നുടെയാനനം കണ്ടിട്ടു
80 ചാല മുകർന്നു പുണർന്നുനിന്നാർ.

81 സന്തോഷംപൂണ്ടു തഴച്ചുനിന്നീടിനാർ
82 ബന്ധുക്കളായുള്ള ലോകരെല്ലാം.
83 ഗോഷ്ടികൾ കോലുന്ന ഗോപന്മാർ ചൂഴുറ്റു
84 വാട്ടമകന്നുള്ള ഗോഷ്ഠംതന്നിൽ
85 വത്സലനായൊരു വത്സനുണ്ടാകയാൽ
86 ഉത്സവംകൊണ്ടു നിറഞ്ഞുതെങ്ങും.
87 അന്നു തുടങ്ങി വിളങ്ങുമന്നന്ദൻറെ
88 സുന്ദരമായുള്ള മന്ദിരത്തിൽ
89 ചെന്നുതുടങ്ങിനാൾ ചെന്താരിൽമങ്കയും,
90 ചെമ്മു വരുന്നനാളെന്നു ഞായം.

91 യത്നങ്ങൾകൂടാതെ ഗേഹങ്ങളെല്ലാമേ
92 രത്നങ്ങൾകൊണ്ടു നിറഞ്ഞുകൂടി.
93 ഗോക്കൾതൻ തിണ്മയെപ്പാർക്കുന്നതാകിലോ
94 വാക്കുകൊണ്ടേതും വചിച്ചുകൂടാ.
95 കന്നും കിടാക്കളുമന്നു തുടങ്ങിയ
96 മ്മന്ദിരംതന്നിൽ നിറഞ്ഞൊഴിഞ്ഞു,
97 മാന്യങ്ങളായിട്ടു മറ്റുള്ളതെല്ലാമെ
98 ധാന്യത്തിൻപുരവുമവ്വണ്ണമേ.
99 ഇങ്ങനെയെല്ലാരും പൊങ്ങിനിന്നീടുന്ന
100 മംഗല്യമാണ്ടു വസിക്കുംകാലം,

101 കല്പിച്ചുനിന്ന കരത്തെയക്കംസനാ
102 യൊപ്പിച്ചു പോരേണമെന്നു നണ്ണി
103 യാതനായ് മേവിനാനായന്മാർക്കെല്ലാം
104 നാഥനായ് നിന്നൊരു നന്ദനപ്പോൾ.
105 പാരാതെ ചെന്നൂ കരത്തെയും നല്കീട്ടു
106 പോരുവാനിങ്ങു തുടങ്ങുന്നേരം
107 ആനകദുന്ദുഭിതാനറിഞ്ഞിട്ടു
108 മാനിച്ചു ചെന്നവൻ ചാരത്തപ്പോൾ
109 പ്രേമത്തെ തൂകുന്ന തൂമൊഴികൊണ്ടുടൻ
110 വാർമെത്തുമാറു പറഞ്ഞുനിന്നാൻ.

111 നന്ദനും ചൊല്ലിനാ,നെന്നതു കേട്ടവൻ
112 വന്നതുകൊണ്ടുള്ള സന്തോഷത്താൽ:
113 "കാണേണമെന്നു ഞാൻ കാമിച്ചനേരത്തു
114 കാണായിവന്നതും ഭാഗ്യമല്ലോ.
115 പണ്ടു കഴിഞ്ഞുളള്ള ദീനങ്ങളോർക്കുമ്പോൾ
116 ഇണ്ടലുണ്ടാകുന്നു പാരമുള്ളിൽ.
117 എത്രയുമേറ്റം കൊതിച്ചുനിന്നല്ലൊ തൻ
118 പുത്രനെക്കാണുന്നു ലോകരെല്ലാം
119 അങ്ങനെയുണ്ടായ പുത്രരെയല്ലൊയി
120 മ്മംഗലം വേരറ്റ പാപി കംസൻ

121 പാരാതെ ചെന്നു പിറന്നങ്ങു വീഴുമ്പോൾ
122 പാറമേൽ തല്ലിക്കഴിച്ചുകൂട്ടി
123 നാളെയുമുണ്ടാമിപ്പൈതങ്ങളെന്നുള്ളൊ
124 രാശയെക്കോലേണ്ടായെന്നു വന്നു.
125 ഉണ്ടാകുന്നാകിലിക്കണ്ടൊരു കംസനോ
126 പണ്ടേവനല്ലോതാ, നെന്തു കാര്യം?
127 പിന്നപ്പിറന്നൊരു കന്യകയുണ്ടായി
128 തെന്നതുമങ്ങനെ പോയിതായി.
129 വന്നുവന്നീടുന്നതെല്ലാമെ കാണ്മു നാം
130 ഒന്നിന്നും ഖേദിയായ്കെന്നേ വേണ്ടു."

131 എന്നതുകേട്ടുള്ളൊരാനകദുന്ദുഭി
132 പിന്നെയും ചൊന്നാനന്നന്ദനോടായ്:
133 "ശാശ്വതവാക്കുകളാശ്രയിച്ചീടുന്നൊ
134 രീശ്വരൻതന്നുടെ ലീലയെന്നേ
135 വന്നതു വന്നതു നിർണ്ണയിച്ചിങ്ങനെ
136 മന്നിടം ചേരുന്നുതിന്നിന്നു ഞാൻ.
137 രോഹിണീസൂനുവാമെന്നുടെ നന്ദനൻ
138 ദ്രോഹവുംകൂടാതെ മേവുന്നോനോ?
139 എന്നുടെ ജീവനം നിന്നുടെ കൈയിലു
140 മെന്നതോ ചൊല്ലേണ്ടതില്ലയല്ലോ.

141 പുത്രനില്ലായ്കയാലത്തലെപ്പൂണ്ടു നിൻ
142 പുത്രനുണ്ടായതു കേൾക്കയാലെ
143 സന്താപം വന്നുള്ളതെല്ലാമേ പോയിട്ടു
144 സന്തോഷംചെയ്യുന്നു മാനസത്തിൽ.
145 വമ്പേറുമമ്പിനാൽ നിൻ പൈതൽതന്നെ ഞാൻ
146 എൻ പൈതലെന്നതു ചിന്തിക്കുന്നു.
147 എൻ പൈതലുണ്ടായ സന്തോഷമെല്ലാമി
148 ന്നിൻപൈതൽമൂലമിന്നുണ്ടായല്ലോ.
149 അങ്ങനെയാകതു, നമ്മിലിന്നോർക്കുമ്പോൾ
150 മംഗലമാകെന്നതല്ലോ വേണ്ടു.

151 കാരിയമെല്ലാമെ പൂരിച്ചുതായല്ലോ
152 പാരാതെ പോകേണം ഗോകുലത്തിൽ.
153 വമ്പൊടു മേന്മേലേ തപെടുമല്ലലു
154 ണ്ടമ്പാടിതന്നിൽ വരുന്നുതിപ്പോൾ.
155 എന്നതിൻമുമ്പിലേ ചെന്നങ്ങു കൊള്ളേണം
156 നന്ദനന്തന്നെയും സൂക്ഷിക്കേണം"
157 എന്നതു കേട്ടൊരു നന്ദനുമന്നേരം
158 നന്ദനന്തന്നെയും നണ്ണി നണ്ണി,
159 ഗോകുലം മുന്നിട്ടു പോകത്തുടങ്ങിനാൻ
160 ആകുലമായുള്ളോരുള്ളവുമായ്.

161 ആനകദുന്ദുഭിതാനുമന്നേരത്തു
162 ദീനതതീർത്തു തെളിഞ്ഞു മേന്മൽ
163 തോയജലോചനന്തന്നെയും ചിന്തിച്ചു
164 പോയങ്ങു പൂകിനാൻ മന്ദിരത്തിൽ.
165 . . . . . . . . . . . . . . . . . . . . . . . . . . .
166 കംസന്റെ ചൊല്ലിനാൽ കൈതവംപൂണ്ടുള്ള
167 വാസവവൈരികൾ പാരിലെങ്ങും
168 ചാലെപ്പോയ് ചെന്നോരോ ബാലകന്മാരെയും
169 കാലന്നു നല്കി നടന്നകാലം
170 പൂതനയെന്നൊരു ഭൂസുരനാശിനി

171 ഭൂതലംതന്നിൽ നടന്നെങ്ങുമേ
172 സുന്ദരിയായൊരു നാരിയായ് ചെന്നിട്ടു
173 നന്ദഗൃഹത്തിലകത്തു പുക്കാൾ.
174 വാർകോലും കൊങ്കകൾ രണ്ടിലും ചെഞ്ചെമ്മേ
175 കാകോളം തേച്ചു ചമച്ചു നേരേ
176 ബാലകമന്ദിരംതന്നുടെ ചാരത്തു
177 ചാലെപ്പോയ് ചെന്നവൾ നോക്കുന്നേരം
178 ചൊല്പെറ്റുനിന്നൊരു ശില്പം കലർന്നുനി
179 ന്നല്പമായുള്ളൊരു തല്പത്തിൻമേൽ
180 ചാലക്കിടന്നങ്ങു കപൊലിഞ്ഞീടുന്ന

181 ബാലകന്തന്നെയും കാണായ് വന്നു.
182 ദൂരത്തു നിന്നങ്ങു കണ്ടോരുനേരത്തു
183 ചാരത്തു ചെന്നു ചതിച്ചു പുക്കാൾ
184 അണ്ഡജനായകന്തന്നുടെ ചാരത്തു
185 കുണ്ഡലിതാൻ ചെന്നു പൂകുംപോലെ
186 ഓമനത്തുമുഖംതന്നിലേ നോക്കിക്കൊ
187 ണ്ടോർത്തുനിന്നീടിനാളൊട്ടുനേരം
188 ചീർത്തൊരു കോപംപൂണ്ടന്തകൻ വാരാഞ്ഞു
189 പാർത്തുനിന്നീടുന്നോളെന്നപോലെ.
190 മെല്ലവെ ചെന്നങ്ങു തൊട്ടുനിന്നീടിനാൾ

191 പല്ലവം വെല്ലമപ്പൂവൽമേനി
192 രത്നമെന്നിങ്ങനെ തന്നിലെ നണ്ണിനി
193 ന്നഗ്നിയെ ചെന്നു തൊടുന്നപോലെ.
194 പാരാതെ പിന്നെയെടുത്തു നിന്നീടിനാൾ
195 ആരോമൽപ്പൂങ്കനിപ്പൈതൽതന്നെ
196 പാശമെന്നിങ്ങനെ നിർണ്ണയംപൂണ്ടിട്ടു
197 പാമ്പിനെച്ചെന്നങ്ങെടുക്കുമ്പോലെ
198 ഓമനപ്പൂവൽമെയ് മേനിയിൽ കൊണ്ടപ്പോൾ
199 കോൾമയിർ തിണ്ണമെഴുന്നു മെയ്യിൽ
200 ഉമ്പർകോൻനാട്ടിലപ്പൂതനതന്നെക്കാൾ

201 മുമ്പിലേ പോവാനായെന്നപോലെ
202 നീണ്ടുള്ള ബാഹുക്കൾകൊണ്ടവൾ പൂവൽമെയ്
203 പൂണ്ടുകൊണ്ടീടിനാളൊന്നു മെല്ലെ
204 പല്ലവമാണ്ടൊരു സല്ലകിയെന്നിട്ടു
205 പാവകജ്വാല നല്ലാനപോലെ.
206 കമ്രമായുള്ളൊരു നന്മുഖംതന്നിലേ
207 ചുംബിച്ചു മേവിനാളൊന്നു മെല്ലെ
208 അംഗനമാരിലന്നന്മുഖം കാണുമ്പോൾ
209 അങ്ങനെതോന്നാതോരില്ലയാരു
210 നൂതനനായൊരു പൈതലുമന്നേരം

211 പൂതനതന്നെയും നോക്കിനിന്നാൻ
212 മസ്തകമേറിന കേസരിവീരന്താൻ
213 മത്തേഭന്തന്നുടൽ നോക്കുമ്പോലെ.
214 "ആരാനും പോന്നു വരുന്നതിന്മുമ്പിലേ
215 കാരിയമായതു സാധിക്കേണം."
216 എന്നങ്ങു നണ്ണിന പൂതനതാനപ്പോൾ
217 നന്ദകുമാരൻ വായിൽ നേരേ
218 ദുസ്തനംതന്നെയും നല്കിനിന്നീടിനാൾ;
219 ദുഷ്ടമാർക്കങ്ങനെ തോന്നി ഞായം.
220 കൈകളെക്കൊണ്ടു പിടിച്ചു നിന്നന്നേരം

221 കൈടഭസൂദനനായ ബാലൻ
222 അമ്മുലതന്നെക്കുടിച്ചു നിന്നീടിനാൻ
223 അമ്മതൻ നന്മുലയെന്നപോലെ
224 പാൽകൊണ്ടു ചെഞ്ചെമ്മേ പൈ കെട്ടുകൂടാഞ്ഞി
225 ട്ടാകുലനാകയാലെന്നപോലെ
226 കാറ്റേയും കൂടി കുടിച്ചുകൊണ്ടീടിനാൻ
227 താറ്റോലിച്ചങ്ങവൾ നൽകുമപ്പോൾ
228 ഏറ്റമെഴുന്നൊരു പീഡയെക്കൊണ്ടവൾ
229 ചീറ്റന്തി രണ്ടു കരഞ്ഞു പിന്നെ
230 ഭൂതലന്തന്നിൽ പതിച്ചുനിന്നീടിനാൾ

231 ചേതനയോടു പിരിഞ്ഞു നേരെ.
232 ഭാരമിയന്നൊരു ഭൈരവിതന്നുടൽ
233 ഘോരമായ് വന്നങ്ങു വീഴുകയാൽ
234 ഊഴിയുമെങ്ങും കുലുങ്ങിതായന്നേരം
235 ആഴിയും കിഞ്ചിൽ കലങ്ങീതായി.
236 ചാരത്തുനിന്നുള്ള ദാരുക്കളെല്ലാമെ
237 പാരം ഞെരിഞ്ഞു പതിച്ചുതെങ്ങും.
238 വേപത്തെപ്പൂണ്ടുള്ള ഗോപികമാരെല്ലാം
239 ഗോപാലന്മാരോടും കൂടിച്ചെമ്മെ,
240 കേടറ്റുനിന്നുള്ള ബാരകനുള്ളേട

241 ത്തോടിച്ചെന്നീടിനാർ പേടിയോടെ.
242 ഭൂതലംതന്നിൽ പതിച്ചുകിടന്നൊരു
243 പൂതനതന്നെയും കണ്ടാരപ്പോൾ
244 ഉമ്പർകോൻ ചെന്നിട്ടു പക്ഷമറുക്കയാൽ
245 വമ്പറ്റുവീണൊരു ശൈലംപോലെ.
246 ലീലയുംപൂണ്ടവൾ മാറിൽ കരേറിന
247 ബാലകന്തന്നെയും കണ്ടാർ പിന്നെ
248 വങ്കുന്നിലേറിക്കളിച്ചുനിന്നീടുന്ന
249 രങ്കുതമ്പൈതലെയെന്നപോലെ.
250 കണ്ടൊരുനേരമക്കൊണ്ടൽനേർവർണ്ണനെ

251 കൊണ്ടിങ്ങു പോരുവാൻ മണ്ടിച്ചെന്നാർ
252 രത്നത്തെക്കാമിച്ചു ചത്തുകിടക്കുന്ന
253 സർപ്പത്തിൻ ചാരത്തു ചെല്ലുമ്പോലെ.
254 ലീലകൾ കോലുന്ന ബാലനെച്ചെഞ്ചെമ്മേ
255 താലോലിച്ചമ്പോടു കൊണ്ടുപോന്നാർ
256 ചേതന വേറിട്ടൊരാനമേൽനിന്നൊരു
257 കേസരിപ്പൈതലെയെന്നപോലെ.
258 ദുർഗ്രഹശങ്കയാലഗ്ര്യനായുള്ളവൻ
259 വിഗ്രഹംതന്നിൽ ന്യസിച്ചു പിന്നെ
260 രക്ഷയെച്ചെയ്തുതുടങ്ങിനാരെല്ലാരും

261 അക്ഷണം വന്നുള്ള വല്ലവിമാർ
262 ഗോമൂത്രംകൊണ്ടുകുളിപ്പിച്ചുനിന്നിട്ടു
263 ഗോധൂളിയേൽപിച്ചു മെയ്യിലെങ്ങും
264 ഗോവിന്നുകീഴങ്ങു ന്നൂഴിച്ചു ചെഞ്ചെമ്മെ
265 ഗോപുച്ഛംകൊണ്ടങ്ങുഴിഞ്ഞു നന്നായ്.
266 ഗോമയംകൊണ്ടുള്ള ലേപവും പെണ്ണിനാർ
267 ഗോശൃംഗംതന്നിലേ മണ്ണുകൊണ്ടും
268 ഗോമയമായുള്ള രക്ഷയെച്ചെയ്താര
269 ഗ്ഗോപകുമാരനു ഗോപികമാർ.
270 വൈകുണ്ഠൻതന്നുടെ നാമങ്ങളോരോന്നെ

271 വൈകല്യം വാരാതെ ചൊല്ലിച്ചൊല്ലി
272 പേച്ചിതൻ വൻ പിണി പോക്കിനിന്നീടിനാർ
273 ആച്ചിമാരെല്ലാരും മെല്ലെ മെല്ലെ.
274 നന്ദനും വന്നങ്ങു മന്ദിരം പൂകിനാൻ
275 അന്നേരം വല്ലവന്മാരുമായി.
276 ഭൂതലംതന്നിൽ പതിച്ചുകിടക്കുന്ന
277 പൂതനതന്നുടൽ കണ്ടു പിന്നെ
278 ആനകദുന്ദുഭിതന്നുടെ ചൊല്ലിനെ
279 മാനിച്ചുനിന്നാനന്നന്ദനേറ്റം.
280 പിന്നെയങ്ങെല്ലാരും പൂതനതന്നുടെ

281 ഉന്നതമായുള്ള ദേഹംതന്നെ
282 ശസ്ത്രങ്ങൾകൊണ്ടു തറിച്ചുനിന്നങ്ങനെ
283 പത്തുനൂറായിരം ഖണ്ഡമാക്കി
284 ദൂരത്തുകൊണ്ടുപോയ് ചുട്ടുകളഞ്ഞുടൻ
285 നേരത്തുവന്നു കുളിച്ചു പിന്നെ
286 നാരാണൻതൻറെ നാമങ്ങൾ ചൊല്ലിക്കൊ
287 ണ്ടോരോരോ വേലയുമാചരിച്ചാർ.


  • Mazha Thulli and Serikkum Mothalali like this


Users Awards

#4 VIncenT GomeZ

VIncenT GomeZ

    Best Boy of PP - 2012

  • Premium Member
  • 9,151 posts
  • Location:root
  • Gender:Male
  • Country: Country Flag
  • Current: Country Flag

Posted 04 May 2015 - 10:50 AM

ഉല്ലൂഖലബന്ധനം

1 വാടാതെ കാന്തി വളർക്കുമപ്പൈതൽതൻ

2 വീടായി മേനുമമ്മന്ദിരത്തിൽ
3 കേടായതേതുമേ കൂടാതെ ഗൂഢനായ്
4 ഊടാഭംചേർന്നങ്ങുറങ്ങുന്നേരം.
5 ചാടായി വന്നാനദ്ദാനവനെങ്കിലും
6 ചാടായിവന്നീല മേനിതന്നിൽ
7 ഓടായിവന്നു നുറുങ്ങിനാനെങ്കിലും
8 ഒടായിവന്നീല കൊല്ലുന്നേരം.
9 കായാവിൻ പൂവൊത്ത കാർവർണ്ണന്തന്നുടെ
10 തായായി നിന്ന യശോദ പിന്നെ
 
11 തന്മകൻതന്നെയും നന്മടിതന്നിൽവ
12 ച്ചുന്മേഷംപൂണ്ടു വസിക്കുന്നേരം
13 നെന്മേനിപ്പൂവൊത്തൊരമ്മേനി ചേഞ്ചെമ്മെ
14 വന്മേരുക്കുന്നുതാനെന്നപോലെ
15 ചീർത്തുനിന്നേറ്റവുമാർത്തയായ് വന്നിട്ടു
16 പാർത്തലംതന്നിലെ ചേർത്തു പിന്നെ
17 ഓർത്തു നിന്നീടിനാൾ "എന്മകനെന്തുപോൽ
18 ചീർത്തുനിന്നീടുന്നു" തെന്നിങ്ങനെ
19 ആരായി മേവുന്നതിന്നിവനെന്നുള്ള
20 താരാഞ്ഞു കാണേണമെന്നു നണ്ണി;
 
21 ഈശ്വരനെന്നുള്ളോരോർമ്മയുണ്ടായതു
22 മാച്ചുകളഞ്ഞാളമ്മായയപ്പോൾ.
23 "എന്നുടെ പൈതലെ" ന്നിങ്ങനെയുള്ളൊരു
24 നിർണ്ണയം പെണ്ണിയെടുത്തു പിന്നെ
25 അംബുജം വെല്ലുന്നൊരമ്മുഖംതന്നിലെ
26 ചുംബിച്ചു മേവിനാളമ്മ ചെമ്മെ.
27 പൊന്മയമായൊരു തൊട്ടിൽതൻ മീതെയ
28 ച്ചിന്മയന്തന്നെക്കിടത്തി നന്നായ്,
29 ദൃഷ്ടിയിലാക്കിത്തൻ കട്ടക്കിടാവുമായ്
30 തുഷ്ടിയായ് നിന്നാളങ്ങൊട്ടുനേരം.
 
31 കപൊലിഞ്ഞീടിനാനെന്മകനെന്നതും
32 വൻപോലും വാണിതാനുള്ളിൽ നണ്ണി
33 തെറ്റെന്നു പോയിത്തന്നുറ്റോരുമായിട്ടു
34 മറ്റുള്ള വേലകളാചരിച്ചാൾ.
35 കാറ്റായി വന്നാനക്കംസന്റെ ചൊല്ലാലെ
36 മാറ്റാനായുള്ളൊരു മറ്റൊരുത്തൻ.
37 ആറ്റൽക്കിടാവിനെച്ചീറ്റവുംപൂണ്ടങ്ങു
38 തൂറ്റിനിന്നീടിനാനേറ്റമേറ്റം.
39 അംബരം പൂണാത പൈതലെക്കൊണ്ടുപോ
40 യംബരം പൂകിച്ചാൻ ദാനവൻതാൻ.
 
41 "കൊന്നിവൻതന്നെ ഞാൻ തിന്നുകൊള്ളേണ" മി
42 ന്നെന്നവൻതന്നിലെ നണ്ണുമപ്പോൾ
43 പാരിച്ചുനിന്നു കനത്തുതുടങ്ങീത
44 ങ്ങാരോമൽപൈതൽതൻ പൂവലംഗം.
45 കണ്ഠം പിടിച്ചു മുറുക്കിനിന്നീടിനാൻ
46 കൊണ്ടൽനേർവണ്ണനുമെന്നനേരം
47 വന്മലതാനെന്നു തന്മനന്തന്നീല
48 ന്നിർമ്മലംതന്നെയും നണ്ണി നണ്ണി
49 മേല്പെട്ടുപോകുന്ന ദാനവനന്നേരം
50 കീഴ്പെട്ടായ് വന്നിതു യാനവേഗം.
 
51 പാരിച്ചുനിന്നങ്ങു വീഴുന്നനേരത്തു
52 പാറമേലായിതു ഭാഗ്യത്താലെ
53 വേറിട്ടുപോകാതെ പൈതലും പോന്നവൻ
54 മാറിടംതന്നിലുമായി വന്നു.
55 തള്ളിച്ചുഴന്നൊരു കാറ്റുമടങ്ങിതാ
56 യുള്ളിലെക്കാറ്റുമങ്ങവ്വണ്ണമേ.
57 വേഗത്തിൽ പോന്നിങ്ങു വീണവൻ ദേഹവും
58 ഏകമായുള്ളതനേകമായി
59 മംഗലദേവതാതങ്ങുന്നോൻ തൊട്ടുള്ള
60 തങ്ങനെയല്ലൊതാൻ വന്നു ഞായം.
 
61 പാറമേൽ വീണു മരിച്ച വൻകാറ്റിനു
62 മാറായിവന്നതോ ചേരുമല്ലൊ
63 മാറാതെ മേവുന്ന ബാലൻതൻ ലീലയ്ക്കു
64 മാറായി വന്നതും ചേരുവോന്നോ?
65 ദാനവപീഡകൊണ്ടാകുലരായുള്ള
66 വാനവർ കോലുന്ന താപത്തിനും
67 മാറായി വന്നുതപ്പൈതൽതന്നമ്മയ്ക്കു
68 മാറാതെ വീണൊരു കണ്ണുനീരും.
69 വാടാതെ നിന്നുള്ള മാല്യങ്ങളെല്ലാർക്കും
70 ചൂടായിവന്നിട്ടേ പണ്ടേ കാമൂ.
 
71 നീടാർന്ന നന്ദനു മാനസമന്നേരം
72 ചൂടായിവന്നുപോൽ കാക പിച്ച.
73 ഏറ്റം ചുഴന്നുള്ള കാറാറായി വന്നൊരു
74 മാറ്റാനോടേറ്റം പഠിച്ചപോലെ
75 വട്ടത്തിൽ പാഞ്ഞങ്ങുഴന്നുതുടങ്ങിനാർ
76 കഷ്ടവും പൂണ്ടുള്ള വല്ലവിമാർ
77 പൈതലെക്കാണാഞ്ഞു പാരമുഴന്നവർ
78 കൈ തിരുമ്മീടിന നേരത്തപ്പോൾ
79 ദൂരവെ കാണായി പാറമേൽ വീണവൻ
80 മാറിടം ചേരുമപ്പൈതൽതന്നെ.
 
81 ഓടിയണഞ്ഞങ്ങെടുത്തുകൊണ്ടീടിനാർ
82 പേടിയും കൈവിട്ടു പേപ്പെടാതെ.
83 മാഴ്കാതെ വന്നിങ്ങു മാതാവിൻ കൈയിലേ
84 മാനിച്ചു നൽകിനാർ പിന്നെ നേരേ.
85 അക്ഷതനായ കുമാരകന്തന്നുടെ
86 രക്ഷയും ചെയ്തു തെളിഞ്ഞു പിന്നെ
87 ചുംബിച്ചു നിന്നവൻ നന്മുഖം തന്നിലേ
88 നന്മുല പിന്നെയും നല്കി നല്കി
89 വിജ്വരയായ യശോദയുമന്നേരം
90 വിസ്മിതയായി വിളങ്ങിനിന്നാൾ. . . . . . . . . . . . . . . . . . . . . . . . . . . . . . . . .
 
91 ഭർഗ്ഗപദാംബുജമുള്ളിലെ നണ്ണുന്ന
92 ഗർഗ്ഗമഹാമുനിയന്നൊരുനാൾ
93 ആനകദുന്ദുഭിതന്നുടെ ചൊല്ലിനാൽ
94 ആനായദേശത്തെഴുന്നള്ളിനാൻ.
95 കണ്ടൊരുനേരത്തു നന്ദനും ചെഞ്ചെമ്മേ
96 കൊണ്ടാടിപ്പൂജിച്ചു നിന്നു ചൊന്നാൻ:
97 "ഉത്തമരായുള്ള നിങ്ങളിന്നിങ്ങനെ
98 നിത്യമായോരോരോ ഗേഹം തോറും
99 ആഗതരാകായ്കിൽ പാതകമാണ്ടവർ
100 പാവിതരാകുന്നതെങ്ങനെ ചൊൽ?
 
101 കണ്ണുകൊണ്ടിങ്ങനെ കണ്ടതുകൊണ്ടേ ഞാൻ
102 പുണ്യവാനെന്നതോ വന്നുവല്ലോ.
103 തീർത്ഥികനായ നിൻ കാരുണ്യമുണ്ടാകിൽ
104 പ്രാർത്ഥിക്കുന്നുണ്ടു ഞാനൊന്നു മെല്ലെ.
105 പാരാതെ നമ്മുടെ പൈതങ്ങൾ രണ്ടിനും
106 പേരിട്ടുകൊള്ളേണമാകിലിപ്പോൾ."
107 ഇങ്ങനെ കേട്ടൊരു ഗർഗ്ഗനും ചൊല്ലിനാൻ:
108 "അങ്ങനെയാമല്ലോ നിൻ നിനവേ
109 വാട്ടമറ്റീടുന്ന യാദവന്മാരുടെ
110 വാദ്ധ്യായനായ ഞാൻ പേരിടുമ്പോൾ.
 
111 ആനകദുന്ദുഭിതന്നുടെ സൂനുവെ
112 ന്നൂ നമറ്റോർക്കുമപ്പാപി കംസൻ,
113 കന്യക ചൊല്ലിന ചൊല്ലിനെക്കേൾക്കയാൽ
114 മുന്നമേയുണ്ടവനോർച്ച പാരം
115 മെല്ലവേ വന്നവൻ കൊന്നുനിന്നീടിലോ
116 വല്ലായ്മയാമല്ലോ പാരമെന്നാൽ
117 പൂരിൽ നിന്നീടുന്നോരാരുമേ കാണാതെ
118 പേരിട്ടുകൊള്ളു നാമെന്നേ വേണ്ടൂ."
119 ഇങ്ങനെ ചൊന്നവനങ്ങൊരു കോണിൽ പോയ്
120 മംഗലവാദവും ചെയ്തു ചെമ്മെ
 
121 നേരറ്റുനിന്നുള്ള ബാലന്മാർക്കന്നേരം
122 പേരിട്ടു മേവിനാൻ പേടി പോക്കി.
123 രാമനെന്നുള്ളൊരു നാമത്തെച്ചൊന്നാന
124 മ്മാമുനി രോഹിണീസൂനുവിന്നായ്.
125 കൃഷ്ണനെന്നുള്ളൊരു നാമവും ചൊല്ലിനാൻ
126 വൃഷ്ണികൾനാഥനായ് നിന്നവന്നും
127 പിന്നെയും ചൊല്ലിനാനന്യങ്ങളായ് നിന്നു
128 ധന്യങ്ങളായുള്ള നാമങ്ങളും
129 കൃഷ്ണനിലുള്ള ഗുണങ്ങളേയന്നേരം
130 കൃൽസ്നമായ് ചൊന്നാനന്നന്ദനോടായ്:
 
131 "ഇപ്പൈതൽതന്നുടെ സൽഭാവം ചൊല്ലുവാൻ
132 ഇപ്പാരിലാരുമേയില്ലയിപ്പോൾ
133 വിസ്മയമാണ്ട ഗുണങ്ങളെയോർക്കുമ്പോൾ
134 വിഷ്ണുവെന്നിങ്ങനെ ചൊല്ലാമത്രേ.
135 പങ്കജമങ്കയോ ശങ്കകൈവിട്ടിവൻ
136 തങ്കലേയെന്നി വസിക്കയില്ലെ.
137 ഭൂമിപന്മാർക്കെല്ലാം ഭൂതിദമായുള്ള
138 ഭൂമിയും പാർക്കിലിവന്നധീനം
139 ഇത്തരമായ ഗുണങ്ങളെയാളുന്ന
140 പുത്രനിന്നാർക്കുമേയെത്തിക്കൂടാ
 
141 നിന്നുടെ പുണ്യങ്ങൽതന്നുടെ വൈഭവം
142 എന്നതേ ചൊല്ലാവൂതിന്നമുക്കോ
143 വന്നു വന്നീടുന്ന വൈരികളെല്ലാർക്കും
144 വഹ്നിയായ് നിന്നു ദഹിക്കുമിവൻ
145 നിന്നുടെ ചിന്തിതമെല്ലാമേ സാധിക്കും
146 ഇന്നിവൻതന്നെ ലഭിക്കയാലെ.
147 പാലിച്ചുകൊൾകയിപ്പൈതലേയെന്നാൽ നിൻ
148 പാരിച്ച സങ്കടം പോക്കുവാനായ്."
149 നന്ദനോടിങ്ങനെ ചൊല്ലിന നന്മുനി
150 നന്ദിച്ചു പോയാന്തന്നിച്ഛയാലേ
 
151 നന്ദനൻതന്നുടെ വൈഭവം കേട്ടൊരു
152 നന്ദനും തന്നിലേ നന്ദിച്ചപ്പോൾ
153 ജായയോടെല്ലാം പറഞ്ഞുനിന്നീടുവാൻ
154 പോയകന്നീടുമകത്തു പൂക്കാൻ. . . . . . . . . . . . . . . . . . . . . . . . .
155 മംഗലജാലങ്ങൾ പൊങ്ങിവന്നെങ്ങുമേ
156 തിങ്ങിനിന്നീടുന്ന ഗോകുലത്തിൽ
157 അംഗനമാരുമായങ്ങനെയെല്ലാരും
158 ഭംഗിയിൽനിന്നു വിളങ്ങുമന്നാൾ
159 ഓമനയായി വളർന്നു നിന്നീടുന്ന
160 രാമനും പിന്നെയക്കാർവർണ്ണനും
 
161 ചന്തമെഴുന്നൊരു ചെന്തൊണ്ടിവാതന്നിൽ
162 ദന്തങ്ങൾ പോന്നുവന്നങ്കുരിച്ചു
163 പല്ലവം പൂണ്ടൊരു മുല്ലയാം വല്ലിമേൽ
164 ഉല്ലാസമൊട്ടുകളെന്നപോലെ.
165 നന്മുല നല്കുവാനമ്മമാർ ചെന്നങ്ങു
166 സമ്മോദം പൂണ്ടു വിളിക്കയാലേ
167 ചെഞ്ചെമ്മേയുള്ളൊരു പുഞ്ചിരി തൂകുമ്പോൾ
168 കിഞ്ചന കാണായിവന്നുകൂടി.
169 പാലുണ്ണുന്നേരമപ്പോർമുല രണ്ടിനും
170 ചാലെത്തെളിഞ്ഞങ്ങറിയായ് വന്നു.
 
171 ദന്തങ്ങൾതന്നുടെയങ്കുരം കണ്ടിട്ടു
172 സന്തോഷം പൂണ്ടുള്ള വല്ലവിമാർ
173 വേഗത്തിൽ ചുംബിച്ച നേരത്തു നന്മുഖം
174 വേർവിടുത്തീടുവാൻ വല്ലീലാരും
175 വന്നുവന്നന്നന്നു കണ്ടുനിന്നീടുവോർ
176 കണ്ണിണതന്നെയുമവ്വണ്ണമേ.
177 മാലോകരുള്ളത്തിലാനന്ദമിങ്ങനെ
178 ചാല നല്കീടുന്ന ബാലകന്മാർ
179 ഭൂതലംതന്നിൽ തമിണ്ണുതുടങ്ങിനാർ
180 നൂതനമായൊരു കാന്തിയുമായ്.
 
181 പാലഞ്ചും പുഞ്ചിരി തൂകിനന്നങ്ങനെ
182 നാലഞ്ചു നാളങ്ങു ചെന്നവാറെ
183 മെല്ലെമെല്ലെന്നങ്ങിഴഞ്ഞുതുടങ്ങിനാർ
184 കല്ലിലും മുള്ളിലും പൂഴിയിലും.
185 ഓമനവായ്മലർതേറൽ വീണേറ്റവും
186 കോമളമാകുമമ്മാറുതന്നെ
187 ചാലപ്പുണർന്നു പുണർന്നുനിന്നീടിനാർ
188 നീലക്കണ്ണാരുമങ്ങമ്മമാരും.
189 മുട്ടുംപിടിച്ചങ്ങു നിന്നുതുടങ്ങിനാർ,
190 ഒട്ടുനാളങ്ങനെ ചെന്നവാറേ
 
191 മുട്ടും വെടിഞ്ഞുനിന്നൊട്ടു നടക്കയും
192 പെട്ടെന്നു വീഴ്കയും കേഴുകയും
193 അമ്മമാർ ചെന്നങ്ങു തെറ്റെന്നെടുക്കയും
194 എന്മകൻ വാഴ്കെന്നു ചൊല്ലുകയും
195 പൂഴി തുടയ്ക്കയും മെയ്യിൽ മുകയ്ക്കയും
196 കേഴൊല്ലായെന്നങ്ങു ചൊല്ലുകയും
197 ഇങ്ങനെയോരോരോ വേലകളുണ്ടായി
198 മംഗലം പൊങ്ങുന്ന ഗോകുലത്തിൽ.
199 വല്ലവിമാരുടെ കണ്ണുകൾക്കീടുന്ന
200 പുണ്യങ്ങളായുള്ള ബാലകന്മാർ
 
201 അങ്കണംതന്നിൽ നടന്നുതുടങ്ങിനാർ
202 കിങ്കിണിതന്നൊലി പൊങ്ങപ്പിന്നെ.
203 ആസ്ഥയിൽനിന്നുള്ള ചങ്ങാതിമാരുമ
204 മ്മൂത്തവനായുള്ള രാമനുമായ്
205 ചാലക്കളിച്ചു പുളച്ചുതുടങ്ങിനാൻ
206 നീലക്കാർവർണ്ണനമ്മന്ദിരത്തിൽ
207 "വെണ്ണ കാണുണ്ണീ! നിനക്കെ"ന്നു ചൊല്ലുമ്പോൾ
208 പെണ്ണുങ്ങൾ ചാരത്തു തിണ്ണം ചെല്ലും.
209 വാഴപ്പഴത്തിൻറെ വർത്തയെക്കേൾക്കുമ്പോൾ
210 വായും പിളർന്നവൻ മുന്നിൽ ചെല്ലും
 
211 പാച്ചോറു കേൾക്കുമ്പോളാച്ചിമാർ പിന്നാലെ
212 പാച്ചൽ തുടങ്ങീടും പാരം പിന്നെ.
213 വെല്ലമെന്നിങ്ങനെ ചൊല്ലിനിന്നീടിലോ
214 വെള്ളമുറന്നെഴും വായിലപ്പോൾ.
215 മാധുര്യസാരത്തിൽച്ചെന്നു തുടങ്ങീതു
216 മാനസമിങ്ങനെ നാളിൽനാളിൽ
217 ആനായമാനിനിമാരുടെ മാനസം
218 മാനിച്ചവൻതങ്കലെന്നപോലെ.
219 വെണ്ണയും പാലുംതൊട്ടുള്ളൊരു വങ്കൊതി
220 തിണ്ണമെഴുന്നു തുടങ്ങുകയാൽ
 
221 ആച്ചിമാരോരോ വേലയ്ക്കു പോകുമ്പോൾ
222 ഓർച്ച തുടങ്ങീതു മെല്ലെ മെല്ലെ
223 പാൽവെണ്ണ ചേർന്നുള്ള ഭാജനമോരോന്നിൽ
224 പാഞ്ഞുതുടങ്ങീതക്കണ്ണിണയും.
225 കണ്ണിണ ചെല്ലുന്ന നൽവഴി കണ്ടിട്ടു
226 കൈകളും ചെന്നുതുടങ്ങി മെല്ലെ.
227 പാൽവെണ്ണതന്നിലക്കൈകൾ പോയ് ചെല്കയാൽ
228 നാവിന്നുമാനന്ദമായ്ത്തുടങ്ങി.
229 ഉണ്ണിവയറ്റിനു കിഞ്ചന പൊങ്ങുവാൻ
230 ഉള്ളോരുഹേതുവുമുണ്ടായപ്പോൾ.
 
231 ഇങ്ങനെയോരോരോ മന്ദിരംതോറുമ
232 മ്മംഗലപ്പൈതൽ നടന്നു നേരേ
233 ചഞ്ചലലോചനമാരുടെ വെണ്ണയും
234 നെഞ്ചകംതന്നെയുമഞ്ചിടാതെ
235 കൈകളെകൊണ്ടുമപ്പുഞ്ചിരിത്തൂമയെ
236 ക്കൈതുടർന്നീടുമക്കണ്ണുകൊണ്ടും
237 ചാതലക്കവർന്നു കളിച്ചുതുടങ്ങിനാൻ
238 ഓലക്കമാളുന്ന ബാലരുമായ്.
239 ആനന്ദം നല്കുവാൻ മാലോകർക്കായിക്കൊ
240 ണ്ടാനായപ്പൈതലാമാദിദേവൻ
 
241 സ്നാനത്തിനായിട്ടു മാതാവു പോകുന്ന
242 കാലത്തപ്പാർത്തുനിന്നന്നൊരുനാൾ
243 വെണ്ണയും പാലുംവച്ചുള്ളകം പൂകിനാൻ
244 വേഗത്തിൽ നോക്കിക്കൊണ്ടങ്ങുമിങ്ങും.
245 തൂക്കിന നല്ലുറിതങ്കീഴിൽ ചെന്നിട്ടു
246 നോക്കിനിന്നീടിനാനൊട്ടുനേരം
247 ശബ്ദത്തിൽ ചേർന്നുള്ളൊരർത്ഥത്തെക്കാണ്മാനായ്
248 ശാബ്ദികനോർത്തങ്ങു നില്ക്കുംപോലെ.
249 പാരിച്ചു ഖേദിച്ചാൻ നീളമില്ലായ്കയാൽ
250 ഈരേഴു പാരുമളന്നവൻതാൻ.
 
251 എന്തിനി നല്ലതെന്നിങ്ങനെ തന്നിലേ
252 ചിന്തിച്ചുനിന്നു നുറുങ്ങുനേരം
253 ദൂരത്തുനിന്നൊരു പാഴുരൽ കൊണ്ടന്നു
254 ചാരത്തു ചാലക്കമഴ്ത്തിവച്ചാൻ
255 ഉന്നതി പോരാഞ്ഞു പിന്നെയതിന്മേല
256 ങ്ങുന്നതമായൊരു പീഠം വച്ചാൻ.
257 പെട്ടെന്നു പാഞ്ഞു കരേറിനാൻ തന്മീതെ
258 പൊട്ടനല്ലേതുമവറ്റിനെല്ലാം.
259 ചിത്തം തെളിഞ്ഞിട്ടു പുത്തനാം നല്ലുറി
260 എത്തിനിന്നങ്ങു പിടിക്കുന്നേരം
 
261 പീഠം പിരണ്ടു നിലത്തങ്ങു വീഴ്കയാൽ
262 ആടിത്തുടങ്ങിനാനങ്ങുമിങ്ങും.
263 ഭൂതലംതന്നിലേ തുള്ളിനിന്നീടുവാൻ
264 കാതരനായിട്ടു വന്നുകൂടീ.
265 ചാലക്കരഞ്ഞുതുടങ്ങിനാൻ പിന്നെയോ
266 ബാലകന്മാരുടെ ശീലമല്ലോ.
267 രോദനം കേട്ടൊരു മാതാവുതാനപ്പോൾ
268 ഓടിവന്നീടിനാൾ പേടിയോടെ,
269 ബാലകൻതന്നുടെ വേലയെക്കണ്ടിട്ടു
270 ചാലച്ചിരിച്ചങ്ങു ചെന്നെടുത്താൾ.
 
271 രോദനംതന്നെയും പോക്കിനിന്നീടിനാൾ
272 ആദരിച്ചീടുന്ന വാർത്തയോതി
273 വ്യർത്ഥമായുള്ളൊരു വേലയെച്ചിന്തിച്ചു
274 ദുഃസ്ഥനായുള്ളൊരു ബാലൻ, പിന്നെ
275 "എന്തിതെൻ പൈതലേ നിന്നുടെ സാഹസം"
276 എന്നവൾ ചോദിച്ചനേരം, ചൊന്നാൻ:
277 "സ്നാനത്തിനായി നീ പോകുന്നനേരമി
278 പ്പാൽവെണ്ണ സൂക്ഷിച്ചു വച്ചായല്ലീ
279 എന്നതു നോക്കട്ടെ എന്നങ്ങു ചിന്തിച്ചേൻ
280 എന്നിലേ, നീയങ്ങു പോയനേരം.
 
281 രാപ്പകലേറ്റവും ദണ്ഡിച്ചുനിന്നു നീ
282 വായ്പോടു കാച്ച്യ പാൽ വെണ്ണയെല്ലാം
283 പൂച്ചതാൻ വന്നു കുടിക്കൊല്ലായെന്നുള്ളൊ
284 രോർച്ചകൊണ്ടിങ്ങനെ ചെയ്തു ഞാനോ.
285 മുറ്റുമിപ്പാൽ വെണ്ണ സൂക്ഷിക്കയെന്നിയേ
286 മറ്റൊന്നു ചിന്തിച്ചിട്ടല്ല ചൊല്ലാം.
287 നിശ്ചയമായി ഞാൻ ചൊല്ലുന്ന വാർത്തകൾ
288 വിശ്വസിച്ചീടുകേ വേണ്ടുവമ്മേ!
289 വഞ്ചിക്കയെന്നുള്ളതെഞ്ചിത്തംതന്നുള്ളിൽ
290 തഞ്ചിനിന്നീടുവോന്നല്ല ചൊല്ലാം.
 
291 ഇല്ലാതതോർക്കിലോ പാപമുണ്ടായ്വരും
292 ചൊല്ലിനിന്നീടാമിന്നിന്നൊടിപ്പോൾ.
293 വെണ്ണ പാൽ കണ്ടു കൊതിക്കയില്ലിന്നും ഞാൻ
294 നിർണ്ണയിച്ചാലും നീയെന്നേ വേണ്ടു.
295 അപ്പാട്ടെപ്പൈതങ്ങൾ കാട്ടുന്നപോലെ ഞാൻ
296 നല്പാലെക്കാണുമ്പോഴുണ്ടോ കാട്ടൂ.
297 നന്മടിതന്നിലങ്ങെന്നെയും ചേർത്തിട്ടു
298 സമ്മാനിച്ചെന്മേനി പുല്കുന്നേരം
299 "എന്മകനാകിലോ നല്ലൊരു ശീലമു
300 ണ്ടെ"ന്നല്ലോയെന്നച്ഛൻ ചൊല്ലീതിന്നാൾ.
 
301 വഞ്ചനം മുമ്പായ ശീലക്കേടൊന്നുമേ
302 കിഞ്ചനയില്ലെനിക്കെന്നു വന്നു.
303 എന്നാലിപ്പാൽ വെണ്ണ കാത്തുനിന്നീടുവാൻ
304 എന്നോടു ചൊന്നാലുമെന്നേ വേണ്ടൂ.
305 ഈച്ചയ്ക്കുപോലും കൊടുക്കയില്ലെന്നും ഞാൻ
306 പൂച്ചയ്ക്കെന്നുള്ളതോ പിന്നെയല്ലോ.
307 രാപ്പകലാരാനും കാത്തുകൊള്ളായ്കിലോ
308 കോപ്പായമായിപ്പോം വെണ്ണയെല്ലാം.
309 കള്ളങ്ങളായുള്ള മാർജ്ജാരക്കൂട്ടവും
310 പിള്ളരുമുണ്ടു ചതിപ്പതിന്നായ്.
 
311 കേടുവരുന്നുണ്ടിപ്പാൽവെണ്ണയ്ക്കെന്നിട്ടു
312 ഖേദമുണ്ടുള്ളിലെനിക്കെപ്പൊഴും
313 എന്നതുകൊണ്ടു ഞാനിങ്ങനെ ചൊല്ലുന്നു
314 നിന്നുടെ ദണ്ഡങ്ങളോർത്തുതാനും.
315 തന്നുനിന്നീടുന്ന വെണ്ണ പാലെന്നി മ
316 റ്റൊന്നുമേ വേണ്ടീതില്ലിങ്ങെനിക്കോ."
317 മൂലോകവാസികൾക്കാലംബമായുള്ള
318 ബാലകനിങ്ങനെ ചൊന്നനേരം
319 തന്നിലേയോർത്തു ചിരിച്ചുനിന്നീടിനാൾ
320 ധന്യയായുള്ള യശോദയപ്പോൾ.
 
321 ബാലകന്തന്നെയും മാനിച്ചു മറ്റുള്ള
322 വേലയ്ക്കു പിന്നെത്തുനിഞ്ഞനേരം
323 പിന്നയും ചൊല്ലിനാൻ സുന്ദരനായുള്ള
324 നന്ദകുമാരകൻ മന്ദമപ്പോൾ:
325 "സ്നാനത്തെച്ചെയ്തു നീയാഗമിപ്പോളവും
326 പാലിച്ചനല്ലോയിപ്പാൽ വെണ്ണ ഞാൻ
327 ഇങ്ങനെയുള്ളെനിക്കേതുമേ താരാതെ
328 എങ്ങു നീ പോകുന്നൂതെന്നമ്മേ! ചൊൽ?"
329 ഓമനപ്പൈതൽതാനിങ്ങനെ ചൊല്ലിത്തൻ
330 കോമളച്ചുണ്ടു പിളുർക്കുന്നേരം
 
331 ഉണ്ണിക്കൈതന്നിലേ വച്ചു നിന്നീടിനാൾ
332 വെണ്ണയെക്കൊണ്ടുപോന്നമ്മയപ്പോൾ
333 വെണ്ണയെക്കണ്ടൊരു കണ്ണന്താന്നേരം
334 വെണ്ണിലാവഞ്ചിച്ചിരിച്ചു ചൊന്നാൻ:
335 "ഒറ്റക്കൈതന്നിൽ നീ വെണ്ണ വച്ചീടിനാൽ
336 മറ്റെക്കൈ കണ്ടിട്ടു കേഴുമല്ലൊ.
337 മൂത്തവൻകൈയിൽ നീ വെണ്ണ വച്ചീടിമ്പോൾ
338 ആർത്തനായ് നിന്നു ഞാൻ കേഴുംപോലെ."
339 ഇങ്ങനെ കേട്ടവൾ വെണ്ണയ്ക്കു പിന്നെയും
340 അങ്ങു തിരിഞ്ഞു നടന്നനേരം
 
341 കൈയിലെ വെണ്ണയെപ്പയ്യവേ വായിലി
342 "ട്ടയ്യോ!" യെന്നിങ്ങനെ ചൊല്ലി, ചൊന്നാൻ:
343 "കള്ളനായുള്ളൊരു കാകൻതാൻ വന്നിട്ടെൻ
344 കൈയിലേ വെണ്ണയെക്കൊണ്ടുപോയി."
345 എന്നതു കേട്ടവളേറ്റംചിരിച്ചു നൽ
346 വെണ്ണയുംകൊണ്ടിങ്ങു വന്നു പിന്നെ
347 വൈകാതവണ്ണമക്കൈതവപ്പൈതൽതൻ
348 കൈകളിൽ രണ്ടിലും വെണ്ണ വച്ചാൾ.
349 വെണ്ണയെക്കണ്ടൊരു കണ്ണന്തന്നാനനം
350 വെണ്ണിലാവോലുന്ന തിങ്കൾപോലെ
 
351 പുഞ്ചിരിത്തൂമകൊണ്ടഞ്ചിതമാകയാൽ
352 ചെഞ്ചെമ്മേ നിന്നു വിളങ്ങീതപ്പോൾ.
353 വങ്കൊതി പൂണുന്ന പങ്കജലോചനൻ
354 തങ്കൈയിൽ വെച്ചൊരു വെണ്ണ നേരെ
355 വായ്മലർതന്നിലങ്ങാക്കിയിന്നാസ്വദി
356 ച്ചാമോദം പൂണ്ടു മിഴുങ്ങുന്നേരം
357 മിഥ്യയായുള്ളൊരു വാക്കിനെച്ചൊല്ലിനാൻ
358 സത്യമെന്നിങ്ങനെ തോന്നുംവണ്ണം:
359 "നിത്യമായ് പണ്ടു മിഴുങ്ങുന്നവണ്ണമേ
360 സത്വരമിന്നു മിഴുങ്ങുന്നേരം
 
361 മാറിൽ തടഞ്ഞു വിലങ്ങിച്ചു പോയിതേ
362 മാനിച്ചു നീ തന്ന വെണ്ണയമ്മേ!
363 ചാലത്തികന്നൊരു പാൽ കുടിച്ചെന്നിയേ
364 താളുന്നോന്നല്ലയിതെന്നുവന്നൂ
365 പാരാതെ നല്കേണം പാൽ കുടിച്ചീടുവാൻ
366 പാരം മയങ്ങുന്നു മേനിയെല്ലാം
367 വീർക്കുന്ന വീർപ്പു വിലങ്ങിച്ചുപോകുന്നു
368 തോർക്കേണം കാലമിതല്ലയല്ലീ"
369 ഇങ്ങനെ ചൊല്ലിത്തൻ കണ്ണിണതന്നെയും
370 പൊങ്ങിച്ചു വമ്പിൽ മിഴിച്ചു നിന്നാൻ.
 
371 ഇങ്ങനെകാകയാലുണ്മയെന്നിങ്ങനെ
372 തന്നിലേ നണ്ണിനോരമ്മ ചെമ്മേ
373 ഉൾപ്പേടിപൂണ്ടുനിന്നപ്പൈതൽക്കായിട്ടു
374 നൽപ്പാലെ നല്കിനാളപ്പൊഴേതാൻ
375 അപ്പാലുമുണ്ടവൻ നില്പോരു നേരത്ത
376 ങ്ങിപ്പൊഴോയെന്നവൾ ചോദിച്ചപ്പോൾ
377 എപ്പൊഴുമമ്മതന്നുൾപ്പൂവെ വഞ്ചിപ്പാൻ
378 കെല്പെഴും പുഞ്ചിരി തൂകിച്ചൊന്നാൻ:
379 "ഇപ്പോൾ ഞാനിങ്ങനെ ചൊല്ലാഞ്ഞതാകിലോ
380 നല്പാൽ നീ നല്കുന്നോളല്ലയല്ലൊ
 
381 അപ്പൊഴോ ഞാൻ നിന്നെയിങ്ങനെ വഞ്ചിപ്പൂ
382 വിപ്പൊഴെന്നുള്ളം കുളുർത്തുതല്ലൊ."
383 അമ്മയോടിങ്ങനെ സമ്മാനിച്ചന്നേരം
384 ഉണ്മയെച്ചൊന്നുള്ളൊരംബുജാക്ഷൻ
385 ഓലക്കംചേരുന്ന ബാലകന്മാരുമായ്
386 ലീലയ്ക്കു ചാലെ നടന്നാൻ പിന്നെ.
387 ആച്ചിമാരാളുന്ന വീടുതോറും നല്ല
388 പാച്ചോറും വെണ്ണയും കാച്ച്യ പാലും
389 രാപ്പകൽ ചെന്നു കവർന്നുനിന്നങ്ങനെ
390 പേപ്പെടുത്തീടിനാൻ വായ്പിനോടേ
 
391 "പാഴായ്മയേറുമിപ്പൈതല്ക്കു കണ്ടാലും
392 കേഴുമാറാകൂ നാമെന്നേ വേണ്ടൂ."
393 എന്നങ്ങു തങ്ങളിൽ ചൊന്നുനിന്നീടിനാർ
394 മന്ദിരേ നിന്നുള്ള സുന്ദരിമാർ.
395 "നിന്മകന്തന്നെയടക്കേണമെന്നു നാം
396 അമ്മയോടിപ്പൊഴേ ചൊല്ക നല്ലൂ"
397 എന്നങ്ങു ചൊന്നുള്ള സുന്ദരിമാരെല്ലാം
398 ഒന്നൊത്തുകൂടി നടന്നു നേരെ
399 നന്ദനൻ ചെയ്തുള്ള പാഴമയോരോന്നേ
400 നന്ദവിലാസിനിയോടു ചൊന്നാർ.
 
401 "ആഴിമാതാളുമിന്നിന്നുടെ പൈതല്ക്കു
402 പാഴമയേറുന്നു പാരമിപ്പോൾ
403 പാൽ വെണ്ണ ചാലക്കവർന്നുകൊണ്ടാലും തൻ
404 ബാലകനെന്നുമ്പോൾ ചേരുമല്ലോ
405 ഭാജനംകൂടെത്തകർത്തുകളയുന്നോൻ
406 വേദനയാകുന്നതെന്നതത്രെ
407 കാച്ച്യ പാൽ ചേർന്നുള്ള ഭാജനംതന്മൂട്ടിൽ
408 മൂർച്ചയേറീടുന്ന കോൽകൊണ്ടുടൻ
409 തോർത്തുകൊണ്ടണ്ണാന്നു വായും പിളർന്നുകൊ
410 ണ്ടാസ്ഥയിൽ നിന്നു നൽ പാൽ കുടിക്കും
 
411 കണ്ടുകൊണ്ടെങ്ങൾ തൽ പിമ്പേപോയ്ച്ചെല്ലുമ്പോൾ
412 മണ്ടിനാനെങ്ങാനുമെന്നിരിക്കും.
413 പൈതല്ക്കു നല്കുവാൻ പായസം നിർമ്മിച്ചു
414 പൈതലെത്തേടി ഞാൻ പോയനേരം
415 പായസമുണ്ടിട്ടു ഭാജനന്തന്നിലേ
416 ചാണകംകൊണ്ടു നിറച്ചു വെച്ചാൻ
417 അപ്പാട്ടെ വീട്ടിലേയച്ഛനു നല്കുവാൻ
418 അപ്പങ്ങൾ നിർമ്മിച്ചു നിന്നൊരുനാൾ
419 പാത്രത്തിലാക്കിയടച്ചങ്ങു ബന്ധിച്ചു
420 യാത്രയ്ക്കു പിന്നെ ഞാൻ പാർത്തനേരം
 
421 പിൻവാതിലൂടെയകത്തങ്ങു പൂകിനാൻ
422 പിള്ളരുമായിവന്നോടിയപ്പോൾ
423 തപ്പിനിന്നീടുമ്പോഴപ്പങ്ങൾ കാണായ
424 തപ്പിള്ളർക്കെല്ലാമേ നല്കി മുമ്പിൽ
425 താനുമെടുത്തുകൊണ്ടാസ്വദിച്ചീടിനാൻ
426 മാനിച്ചുനിന്നു മനം കുളുർക്കെ
427 ശുഷ്കങ്ങളായുള്ള ഗോമയലേശങ്ങൾ
428 ഒക്കവേ കൊണ്ടന്നപ്പാത്രന്തന്നിൽ
429 പൂരിച്ചു പിന്നെപ്പൊതിഞ്ഞുകെട്ടീടിനാൻ
430 ആരുമറിയാതെ മുന്നെപ്പോലെ
 
431 താനങ്ങു തന്നുടെ പിള്ളരുമായിട്ടു
432 യാനം തുടങ്ങിനാനൂനം നീക്കി
433 യാത്രയ്ക്കു കാലമണഞ്ഞൊരുനേരത്ത
434 പ്പാത്രവുമായി ഞാൻ മല്ലെ മൈല്ലെ
435 അപ്പാട്ടെ വീട്ടിലകത്തങ്ങു പൂകിനേൻ
436 അപ്പങ്ങൾ നല്കുവാനച്ഛനായി
437 കൂരിരുട്ടായൊരു മച്ചകന്തന്നിലെ
438 പാരം കുരച്ചുള്ളോരച്ഛനപ്പോൾ
439 കച്ചകംതന്നിലും മെച്ചമേ ചെന്നു ഞാൻ
440 അച്ഛൻറെ മുമ്പിലപ്പാത്രംതന്നെ
 
441 മെല്ലവേ വച്ചിട്ടു ചൊല്ലിനിന്നീടിനേൻ
442 എല്ലാരും വന്നങ്ങു നിന്നനേരം
443 "വേഴ്ചയിലേതാനുമുണ്ടു ഞാൻ കൊണ്ടന്നു
444 കാഴ്ചയായ് നല്കുവാനച്ഛനിപ്പോൾ"
445 എന്നതു കേട്ടവനേറിന മോദത്താൽ
446 നന്നായിതെന്നങ്ങു ചൊല്ലിപ്പിന്നെ
447 ഭാജനംതന്നെയഴിച്ചുവച്ചമ്പോടു
448 ബാലകന്മാർക്കെല്ലാം നല്കി മുമ്പിൽ,
449 ചുറ്റത്തിൽ വന്നിട്ടു ചുറ്റും നിന്നീടുന്ന
450 മറ്റുള്ളോർക്കായിട്ടും തെറ്റെന്നപ്പോൾ
 
451 തന്നുടെ കൈയിലും മൂന്നുനാലങ്ങനെ
452 നന്നായി വാരിപ്പിടിച്ചുകൊണ്ടാൻ.
453 കാതലായുള്ളൊരു കൈതവം പൂണുമ
454 പ്പൈതൽതാൻ ചെയ്തുള്ള വഞ്ചനത്തെ
455 കച്ചകമായിട്ടു കാണരുതായ്കയാൽ
456 അച്ഛനുമാരുമറിഞ്ഞതില്ലേ.
457 ചാണകം നാറുന്നൂതെന്തിതെന്നെല്ലാരും
458 ശങ്കിച്ചുനിന്നുടൻ വായിലാക്കി
459 വേഗത്തിൽ വച്ചു ചവച്ചോരുനേരത്തു
460 വേറൊന്നായ് വന്നു മുഖങ്ങളെല്ലാം
 
461 തൂമ കലർന്നൊരു തൂനഖംതന്നിലേ
462 തൂശി തറയ്ക്കുമ്പോഴെന്നപോലെ.
463 തങ്ങളിൽ തങ്ങളിൽ നോക്കിത്തുടങ്ങിനാർ
464 കൊഞ്ഞൾ കാട്ടുന്നോരെന്നപോലെ.
465 ആനനം കണ്ടാകിൽ തങ്ങളെന്നോർത്തിട്ടു
466 വാനരഞ്ചെന്നങ്ങു പൂണ്ടുതുംതാൻ.
467 ചിന്തയും പൂണ്ടുനിന്നെന്നെയും നോക്കിക്കൊ
468 ണ്ടെന്തിതെന്നെല്ലാരും ചൊല്ലിപ്പിന്നെ
469 ഓക്കാനിച്ചെല്ലാരുമോടിത്തുടങ്ങിനാർ;
470 ഊക്കത്തുടങ്ങിനാരുണ്ട ചോറും
 
471 ബാലകന്മാർക്കുമങ്ങച്ഛനും ചെഞ്ചെമ്മെ
472 ആലസ്യമായിത്തുടങ്ങീതപ്പോൾ.
473 പിന്നെയങ്ങെല്ലാരും വന്നുനിന്നെന്മുഖം
474 പിന്നെയും പിന്നെയും ചൂണ്ടിച്ചൂണ്ടി
475 കോപിച്ചു നിന്നങ്ങു വേപിച്ച മെയ്യുമായ്
476 പോ പറഞ്ഞീടിനാരായവണ്ണം
477 എല്ലാമേ കണ്ടു ചിരിച്ചുനിന്നീടിനാൻ
478 പിള്ളരുമായ് വന്നിക്കള്ളനപ്പോൾ.
479 ഖേദവും പൂണ്ടുനിന്നാനനം താഴ്ത്തി ഞാൻ
480 ഏതുമേ മിണ്ടാതെ പോന്നുകൊണ്ടേൻ.
 
481 ഇങ്ങനെ വന്നതിൻ കാരണമെന്തെന്ന
482 ങ്ങെന്നിലേ നണ്ണി ഞാൻ നിന്നനേരം
483 അഞ്ചനവർണ്ണൻറെ വഞ്ചനമെന്നതു
484 ചെഞ്ചെമ്മെ കേട്ടതപ്പിള്ളർ ചൊല്ലി.
485 "ഇങ്ങനെ പാഴമചെയ്തു തുടങ്ങിനാൽ
486 എങ്ങനെ ഞങ്ങൾ പുലർന്നുകൊൾവൂ?"
487 എന്നങ്ങുചൊന്നവൾ നിന്നൊരുനേരത്തു
488 മന്ദമായ് ചൊല്ലിനാൾ മറ്റൊരുത്തി:
489 "അഞ്ചനവർണ്ണൻറെ വഞ്ചനംതൊട്ടുള്ളൊ
490 രെഞ്ചൊല്ലു പൂകേണം നിഞ്ചെവിയിൽ.
 
491 അഞ്ചാതെ വന്നിവൻ വഞ്ചനം ചെയ്കയാൽ
492 നെഞ്ചകം മാഴ്കുന്നു ചെഞ്ചെമ്മേതാൻ.
493 രാപ്പകലിങ്ങനെ കാത്തുനിന്നീടാമോ
494 വായ്പോടു കാച്ച്യ പാൽ വെണ്ണയെല്ലാം?
495 കാത്തുനിന്നീടിലും കാരിയമില്ലേതും
496 ആസ്ഥയായ് വന്നിവൻ വഞ്ചിക്കുമ്പോൾ
497 കാറ്റുതാൻപോലുമകത്തങ്ങു പൂകാതെ
498 മാറ്റിനിന്നീടുമമ്മന്ദിരേ പോയ്
499 കാച്ച്യ പാൽ വെണ്ണ കവർന്നതു ചിന്തിച്ചാൽ
500 ഈശ്വരനെന്നേ ഞാൻ ചൊല്ലവല്ലൂ
 
501 ഉണ്ണിക്കിടാങ്ങളുറങ്ങുന്നനേരത്തു
502 നുള്ളിയുണർത്തി വശംകെടുക്കും.
503 ഗോക്കളെച്ചെന്നു കറന്നുനിന്നീടുന്ന
504 പാല്ക്കുഴ മെല്ലവേ തോത്തുവയ്ക്കും.
505 തീപ്പൊലിച്ചീടിന പാല്ക്കലംതങ്കീഴിൽ
506 തീക്ഷ്ണമായ് ചെഞ്ചെമ്മേ തീ കത്തിക്കും
507 ഇങ്ങനെയോരോരോ പാഴമ ചിന്തിച്ചാൽ
508 വിസ്മയമെന്നതേ ചൊൽവാനാവൂ.
509 ഇങ്ങനെ ചൊന്നവൾ മന്ദിച്ച നേരത്തു
510 മങ്ങാതെ ചൊല്ലിനാൾ മറ്റൊരുത്തി:
 
511 "മാനിനിമാരുടെ മൗലിയാം നിന്നോടു
512 ഞാനുമുണ്ടേതാനും ചൊല്ലുന്നിപ്പോൾ
513 പാഥോജലോചനേ! പാരിച്ചുനിന്നൊരു
514 പാഴമയേരുന്നു പൈതൽക്കിന്നാൾ
515 അങ്ങൊരു വീട്ടിലെക്കന്നിനെക്കൊണ്ടുപോ
516 ന്നെന്നുടെ വീട്ടിലൊളിച്ചുവച്ചാൻ
517 കന്നിനെക്കാണാഞ്ഞു ഖിന്നയായ് വന്നിട്ട
518 മ്മന്ദിരേ മേവുന്ന സുന്ദരിതാൻ
519 ദൈവജ്ഞനെക്കണ്ടു ചോദിച്ചനേരത്തു
520 ദൈവജ്ഞൻ ചൊല്ലിനാൻ മെല്ലെയപ്പോൾ
 
521 കള്ളരായുള്ളവർ കട്ടുകൊണ്ടാരിന്നി
522 ക്കന്നിനേയെന്നതു നിർണ്ണയിച്ചു.
523 ചാരത്തെ വീട്ടിലങ്ങെങ്ങാനുമുണ്ടത്രെ
524 ആരാഞ്ഞു ചെന്നാലും കാണാമിപ്പോൾ.
525 എന്നവൻ ചൊന്നതു കേട്ടോളക്കന്നിനെ
526 എങ്ങുമേ തേടിനടന്നു പിന്നെ
527 എന്നുടെ വീട്ടിലും വന്നൊരുനേരത്ത
528 ക്കന്നൊന്നു മെല്ലെക്കരഞ്ഞുതപ്പോൾ
529 എന്നുടെ കന്നിൻറെയൊച്ചയെന്നിങ്ങനെ
530 നിർണ്ണയം ചൊന്നവൾ നോക്കുന്നേരം
 
531 കൂരിരുട്ടായൊരു കോണത്തു കാണായി
532 ദൂരത്തുനിന്നൊരാക്കന്നുതന്നെ.
533 ചുറ്റും നിന്നീടുന്ന തോഴിമാർ കേൾക്കവേ
534 ചുറ്റവും കൈവിട്ടത്തോഴിയപ്പോൾ
535 "എന്നുടെ കന്നിനെക്കട്ടതു നീയത്രെ"
536 എന്നങ്ങു ചൊല്ലിനാളെന്നെ നോക്കി.
537 നാവും കടിച്ചുകൊണ്ടേതുമേ വല്ലാതെ
538 നാണവുംപൂണ്ടങ്ങു നിന്നു പിന്നെ
539 "നിന്നുടെ കന്നിനെക്കട്ടതു ഞാനല്ല"
540 എന്നു ഞാൻ ചൊന്നതു കേട്ടതോറും
 
541 പേ പറഞ്ഞീടിനാൾ കൂ പറഞ്ഞീടിനാൾ
542 വാ പറഞ്ഞീടിനാൾ പാപിയെന്നെ.
543 ഓടിവന്നീടിനാൻ ബാലരുന്താനുമായ്
544 നീടെഴുന്നീടുമിപ്പൈതലപ്പോൾ
545 പുഞ്ചിരിത്തൂമയും ചെഞ്ചെമ്മേ തൂകി നി
546 ന്നഞ്ചാതെ ചൊല്ലിനാൻ കൊഞ്ചിക്കൊഞ്ചി:
547 "പേശിനിന്നിങ്ങനെ നിങ്ങളിലുള്ളൊരു
548 പേമൊഴി കേട്ടു ചിരിപ്പതിന്നായ്
549 കന്നിനെക്കൊണ്ടെ മറച്ചതു ഞാനത്രെ
550 കള്ളരെന്നുള്ളതു ചിന്തിക്കേണ്ടാ"
 
551 ഇങ്ങനെ ചൊല്ലിത്തൻ പിള്ളരുമായിട്ടു
552 ഭംഗിയുംപൂണ്ടു നടന്നാൻ പിന്നെ.
553 പാഴനാമിന്നിവൻ പാഴമയ്ക്കേതുമൊ
554 ന്നാവതില്ലെന്നതു വന്നുകൂടി.
555 കോപിച്ചു ഞങ്ങൾ കയർപ്പതിന്നായിട്ടു
556 കോലുമായ് ചാരത്തു ചെല്ലുന്നേരം
557 കോമളച്ചുണ്ടു പിളുക്കിനിന്നീടുമ്പോൾ
558 ഓമനിച്ചീടുവാൻ തോന്നുമത്രേ.
559 കോപവും കോലും കളഞ്ഞുനിന്നെങ്ങളോ
560 കോമളപ്പൂമേനി പൂണുമപ്പോൾ.
 
561 പുഞ്ചിരി കാണുമ്പോൾ വഞ്ചനമെല്ലാമേ
562 ചെഞ്ചെമ്മേ ഞങ്ങൾ മറക്കുമത്രെ.
563 ശാസിച്ചിട്ടാകിലും യാചിച്ചിട്ടാകിലും
564 പാതിച്ചവണ്ണമടക്കേണം നീ
565 എന്നതേ ഞങ്ങൾക്കു ചൊല്ലിനിന്നീടാവൂ
566 തിന്നിവൻ ശീലങ്ങളോർത്തതോറും."
567 വല്ലവിമാരെല്ലാമിങ്ങനെയോരോരോ
568 അല്ലലെ നിന്നു പറഞ്ഞനേരം
569 പൈതലെച്ചെന്നു കയർത്തുനിന്നീടുവാൻ
570 ഏതുമേ വല്ലീല അമ്മയ്ക്കപ്പോൾ.
 
571 വല്ലവിമാരോടു ചൊല്ലിനിന്നീടിനാൾ
572 എല്ലാരും ചെഞ്ചെമ്മേ കേൾക്കുംവണ്ണം:
573 "എന്മകന്തന്നെക്കയർത്തുനിന്നീടു ഞാ
574 നെങ്ങനെ ചൊല്ലുവിൻ തോഴിമാരെ?
575 കോപത്തെക്കോലുമ്പോൾ പ്രേമത്തെക്കൊണ്ടല്ലോ
576 കോൾമയിർക്കൊള്ളുന്നു മെയ്യിലെങ്ങും
577 എന്മകനെന്നങ്ങു ചൊല്ലുവാനോങ്ങുമ്പോൾ
578 എന്മുല കാക ചുരന്നതെന്നാൽ
579 ശാസിപ്പൂവെന്നതോ ദൂരത്തുതായല്ലൊ
580 താർഡിപ്പൂവെന്നതോ പിന്നെയല്ലോ.
 
581 എമ്മകനോടു വെറുക്കൊല്ലായെന്നാലി
582 ന്നമ്മമാരായുള്ള നിങ്ങളാരും
583 കാരിയക്കേടുകൾ വന്നതിന്നെല്ലാമേ
584 പാരാതെ നല്കുവൻ ചൊന്നതെല്ലാം
585 ഇപ്പൈതൽ വഞ്ചിച്ച പാൽ തയിർ വെണ്ണകൾ
586 ക്കിപ്പോഴേ നിങ്ങളിരട്ടി കൊൾവിൻ.
587 പാൽക്കുഴ തോർത്തതിന്നെന്നുടെ നൽവെള്ളി
588 പ്പാൽക്കുഴ കൊണ്ടാലും പാർക്കവേണ്ടാ
589 മങ്കലം പോയെങ്കിൽ പൊങ്കലംതന്നെയും
590 ശങ്കയെക്കൈവിട്ടു നല്കുവൻ ഞാൻ.
 
591 മങ്കിണ്ണം പോയെങ്കിൽ പൊങ്കിണ്ണം നല്കാമേ
592 മങ്കിണ്ടി പോയെങ്കിൽ പൊങ്കിണ്ടിയും.
593 മറ്റെന്തിപ്പൈതൽ മയക്കിനിന്നുള്ളതും
594 തെറ്റെന്നു ചൊല്ലുവിൻ നല്കാമല്ലോ"
595 എന്നങ്ങു ചൊല്ലിന നന്ദവിലാസിനി
596 വന്നങ്ങു നിന്നുള്ളോരാച്ചിമാർക്കായ്
597 ചൊന്നതു ചൊന്നതു നല്കിനിന്നീടിനാൾ
598 നന്ദനന്തന്നിലുള്ളാസ്ഥയാലെ.
599 ദ്രവ്യങ്ങൾ വാങ്ങിന വല്ലവിമാരെല്ലാം
600 നിർവ്യഗ്രമാരായിപ്പോയിപിന്നെ
 
601 ഉണ്ണിയെച്ചെന്നങ്ങെടുത്തു നിന്നെല്ലാരും
602 തിണ്ണം തെളിഞ്ഞു പുണർന്നു നന്നായ്.
603 ആശയം പാരം കുളുർക്കയാൽ പിന്നെയ
604 ങ്ങാശിയും ചൊല്ലിനാരായവണ്ണം
605 പിന്നെയങ്ങെല്ലാരും തന്നുടെ തന്നുടെ
606 മന്ദിരം പൂകിനാർ വന്നവണ്ണം. . . . . . . . . . . . . . . . . . . . . . . . .
607 ചങ്ങാതിമാരായ ബാലകന്മാരുമ
608 മ്മങ്ങാതെനിന്നുള്ള രാമനുമായ്
609 പൂഴിച്ചോറാടിക്കളിച്ചു നിന്നീടിനാൻ
610 ആഴിപ്പെണ്ണാളുമക്കാർവർണ്ണന്താൻ
 
611 മണ്ണു തിന്നീടിനാൻ കണ്ണനെന്നിങ്ങനെ
612 തിണ്ണംപോയ് ചെന്നിട്ടദ്ദാരകന്മാർ
613 മാതാവോടായിട്ടു ചൊല്ലിനിന്നീടിനാൻ
614 മാതാവുതാനതു കേട്ടനേരം
615 ഓടിച്ചെന്നങ്ങവൻ ചാരത്തു ചെഞ്ചെമ്മെ
616 പേടിപ്പിച്ചീടുവാനായിച്ചൊന്നാൾ:
617 "മണ്ണുതിന്നീടുന്നൂതെന്തിന്നു ചൊല്ലുണ്ണീ
618 വെണ്ണയും പാലും ഞാൻ താരാഞ്ഞീട്ടോ?
619 ചോറില്ലയാഞ്ഞോ മറ്റെന്തില്ലയാഞ്ഞു? നീ
620 ചൊൽവശനല്ലെന്നു വന്നു കൂടീ.
 
621 ശീലക്കേടിങ്ങനെ ചാല നീ കാട്ടുമ്പോൾ
622 കോലുകൊണ്ടേയിനിച്ചോദിക്കുള്ളൂ."
623 അമ്മതാനിങ്ങനെ ചൊന്നതു കേട്ടുള്ളൊ
624 രംബുജലോചനൻതാനും ചൊന്നാൻ:
625 "വെണ്ണയും കൈവിട്ടു മണ്ണുതിന്നീല ഞാൻ
626 നിർണ്ണയിച്ചാലുമിച്ചൊന്നതമ്മേ!
627 ബാലന്മാർ ചൊന്നതു നിർണ്ണയമെങ്കിലോ
628 വാ പിളർന്നീടാം നിൻ മുമ്പിലേ ഞാൻ."
629 "വാ പിളർന്നീടു നീ" എന്നവൾ ചൊല്കയാൽ
630 വാ പിളർന്നീടിനാൻ ബാലനപ്പോൾ.
 
631 മണ്ണിനെക്കാണ്മാനമ്മാതാവുതാനപ്പോൾ
632 കണ്ണൻതൻ വായിലേ നോക്കുംനേരം
633 മണ്ണെല്ലാമങ്ങവൻവായിലേ കാണായി
634 മണ്ണിനെയല്ലവൾ വിണ്ണും കണ്ടാൾ.
635 വിണ്ണിനെക്കാണ്കയാൽ വിസ്മയംപൂണ്ടവൾ
636 പിന്നെയും ചെഞ്ചെമ്മേ നോക്കുംനേരം
637 മറ്റുള്ള ലോകങ്ങളൊക്കവേ കാണായി
638 തെറ്റന്നപ്പൈതൽതൻ വായിൽത്തന്നെ
639 പാതാളലോകവും വേതാളലോകവും
640 ധാതാവിൻ ലോകവും കൂടെക്കണ്ടാൾ
 
641 ആഴികൾ കാണായിതാശകൾതോറുമു
642 ള്ളാനകൾതന്നെയും കാണായപ്പോൾ.
643 ആകാശം കാണായിതാദിത്യന്മാരെയും
644 കാർമുകിൽമാലയും താരങ്ങളും
645 മാമേരുമുമ്പായ ശൈലങ്ങളെല്ലാമ
646 മ്മാമയപ്പൈതൽതൻ വായിൽ കണ്ടാൾ.
647 ബ്രഹ്മനെക്കാണായി വിഷ്ണുവെക്കാണായി
648 നന്മുനിമാരെയും കാണായ്വന്നു
649 ഇന്ദ്രനെക്കാണായി ചന്ദ്രനെക്കാണായി
650 തിന്ദ്രാണിതന്നെയുമവ്വണ്ണമേ
 
651 രുദ്രനെക്കാണായി ഭദ്രനെക്കാണായി
652 രുദ്രാണിതന്നെയും കാണായ്വന്നു.
653 മന്ദാരം ചെമ്പകം ചന്ദനം ചേർന്നുള്ള
654 നന്ദനംതന്നെയും കണ്ടാളപ്പോൾ.
655 ഗോകുലം കാണായി ഗോപികമാരെയും
656 ഗോപന്മാർ നിന്നതും കാണായപ്പോൾ.
657 ധന്യനായുള്ളൊരു നന്ദനെക്കാണായി
658 തന്നെയും കാണായിതവ്വണ്മമേ.
659 വായുംപിളർന്നു തൻ ചാരത്തു നിന്നൊരു
660 മാമയന്തന്നെയും കാണായപ്പോൾ.
 
661 അന്തകന്തന്നുടെ മന്ദിരം കാണായി
662 തന്തകന്തന്നെയുമവ്വണ്ണമേ.
663 അന്തകൻതന്നുടെയാനനം കണ്ടപ്പോൾ
664 അന്തമില്ലാതോളം പേടിയായി.
665 കണ്ണുമടച്ചു വിറച്ചുനിന്നീടിനാൾ
666 "കണ്ണാ കാവേണ്ടാ"യെന്നോതിയോതി
667 ചൊല്ലിനാൾ മെല്ലെയപ്പൈതലോടന്നേരം
668 അല്ലൽപിണഞ്ഞുള്ളൊരുള്ളവുമായ്:
669 "പണ്ടെന്നും കാണാതപ്പാപിയെക്കാണ്കയാൽ
670 ഇണ്ടൽ മുഴുക്കുന്നു പാരമുള്ളിൽ
 
671 വാമുറുക്കേണമെൻ പൈതലേ നീയിപ്പോൾ
672 ചാകുന്നൂതുണ്ടു ഞാനല്ലയായ്കിൽ."
673 എന്നതു കേട്ടൊരു നന്ദകുമാരകൻ
674 മന്ദിച്ചുനില്ലാതെ വാ മുറുക്കി
675 അമ്മിഞ്ഞിക്കായിട്ടണഞ്ഞു ചെന്നീടിനാൻ
676 അമ്മതൻ ചാരത്തു കൊഞ്ചിക്കൊഞ്ചി.
677 വന്നണഞ്ഞീടുന്ന ബാലനെക്കണ്ടപ്പോൾ
678 നന്ദവിലാസിനി മന്ദിയാതെ
679 മെല്ലെന്നെടുത്തു പുണർന്നുനിന്നീടിനാൾ
680 പല്ലവം വെല്ലുമപ്പൂവലംഗം.
 
681 ബാലകന്തന്നുടെ വായിലേ കണ്ടതോ
682 വാമുറുക്കീടുന്ന നേരത്തെല്ലാം
683 സ്വപ്നമെന്നിങ്ങനെ നണ്ണി നിന്നീടിനാൽ
684 ഉല്പന്നജാഗരയെങ്കിലും താൻ
685 "എന്മകന്താനിതെ"ന്നിങ്ങനെയുള്ളൊരു
686 വന്മോഹം മേന്മേലെ പൊങ്ങുകയാൽ
687 ആനനന്തന്നിൽ മുകർന്നുനിന്നേറിനോ
688 രാനന്ദമാണ്ടു തെളിഞ്ഞു നിന്നാൾ. . . . . . . . . . . . . . . . . . . . . . . . .
689 വിണ്ണവർനാട്ടിനെ വെന്നുനിന്നീടുന്ന
690 പുണ്യമിയന്നുള്ള ഗോകുലത്തിൽ
 
691 മാലോകർക്കേലുന്ന മാൽ കളഞ്ഞീടുമ
692 മ്മാമയപ്പൈതൽ വിളങ്ങുംകാലം
693 സുന്ദരിമാരുടെ മൗലിയായുള്ളൊരു
694 നന്ദവിലാസിനിയന്നൊരുനാൾ
695 കാലത്തുണർന്നു തൻ ദാസിമാരെല്ലാർക്കും
696 വേലകളോരോന്നെ ചൊല്ലിപ്പിന്നെ
697 വൈകാതെ കണ്ടിട്ടു മത്തുമായ് ചെന്നു താൻ
698 തൈർ കടഞ്ഞീടിനാൾ മെല്ലെ മെല്ലെ
699 കണ്ണനെക്കൊണ്ടുള്ള പാട്ടെല്ലാമന്നേരം
700 തിണ്ണം തെളിഞ്ഞങ്ങു പാടിപ്പാടി.
 
701 കാഞ്ചിയെക്കൊണ്ടു മുറുക്കിനിന്നീടുന്ന
702 പൂഞ്ചേലതന്നുടെ കാന്തികൊണ്ടും
703 അമ്പിൽ ചുരന്നുള്ള കൊങ്കകൾതന്നുടെ
704 വമ്പുറ്റ കമ്പത്തെക്കൊണ്ടും പിന്നെ
705 മത്തു വലിക്കും കരങ്ങളിലാളുമ
706 ക്കങ്കണംതന്നുടെ രാവംകൊണ്ടും
707 ഗണ്ഡസ്ഥലങ്ങളെച്ചുംബിച്ചുനില്ക്കുമ
708 ക്കുണ്ഡലഷണ്ഡത്തിൻ കാന്തികൊണ്ടും
709 തൂവിയർപ്പേന്തിനോരാനനം കൊണ്ടുമ
710 പ്പൂമലർ തൂകുന്ന ചായൽകൊണ്ടും
 
711 പാരം വിളങ്ങുമപ്പാഥോജലോചന
712 പാരിച്ചു തൈർ കടഞ്ഞീടുമപ്പോൾ
713 അമ്മിഞ്ഞിതായെനിക്കെന്നങ്ങു ചൊല്ലിക്കൊ
714 ണ്ടമ്മതൻ ചാരത്തു ചെന്നാൻ കണ്ണൻ:
715 "എന്തമ്മേ നീയെനിക്കമ്മിഞ്ഞി താരാഞ്ഞ
716 തെന്നെ നീയിന്നു മറന്നായോ ചൊൽ?
717 അമ്മിഞ്ഞി താരാതെ തൈർ കടഞ്ഞീടുകിൽ
718 ചെമ്മെ പിണങ്ങുമീ നമ്മിലിപ്പോൾ"
719 ഇങ്ങനെ ചൊല്ലിക്കരേറിനാനന്നേരം
720 മംഗലംപൂണ്ടവൾതന്മടിയിൽ
 
721 ചേവടിതന്നിലെച്ചേറെല്ലാമമ്മതൻ
722 ചേണുറ്റ ചേലയിൽ തേച്ചു ചെമ്മെ
723 തന്മകൻ വന്നതു കണ്ടൊരുനേരത്തു
724 സമ്മോദം പൊങ്ങുന്നൊരമ്മയപ്പോൾ
725 ചാലച്ചുരന്നുള്ള നന്മുല നല്കിനാൾ
726 ചാപലംപൂണ്ടു പുണർന്നു മേന്മേൽ.
727 പല്ലവം വെല്ലുന്ന കാന്തി തഴച്ചുള്ള
728 മല്ലക്കരംകൊണ്ടു മെല്ലെ മെല്ലെ
729 അമ്മതൻ മാറിലലച്ചുകൊണ്ടങ്ങവൻ
730 നന്മുലയുണ്ടു ചിരിക്കുന്നേരം
 
731 പാകത്തിനായിട്ടു തീക്കൽച്ചോരു പാൽ
732 തൂകക്കണ്ടീടുന്നൊരമ്മയപ്പോൾ
733 നന്മുലയുണ്ണുന്ന നന്ദനന്തന്നെയും
734 ചെമ്മെയിരിഞ്ഞു വിടുത്തു നേരേ
735 വേഗത്തിൽ പോയപ്പോഴോമനപ്പൈതല്ക്കു
736 വേറൊന്നായ് വന്നിതു ഭാവമെല്ലാം.
737 കോപത്തെക്കോലുമക്കോമളപ്പൂമേനി
738 വേപത്തെപ്പൂണ്ടുതുടങ്ങീതപ്പോൾ
739 "എന്നെ വെടിഞ്ഞുള്ളൊരമ്മയെച്ചെഞ്ചെമ്മെ
740 എന്തുകൊണ്ടിന്നിനിത്തോല്പിപ്പൂ ഞാൻ?"
 
741 ഇങ്ങനെ നണ്ണുമ്പോൾ ചെമ്മുള്ളോരമ്മിക്ക
742 ല്ലങ്ങൊരു കോണത്തു കാണായ് വന്നൂ
743 കണ്ടൊരു നേരത്തു മണ്ടിച്ചെന്നങ്ങതു
744 കൊണ്ടുപോന്നീടിനാൻ കൊണ്ടൽവർണ്ണൻ.
745 വങ്കലംതന്നിലെ ചാട്ടി നിന്നീടിനാൻ
746 വങ്കനംപൂണുമക്കല്ലുതന്നെ
747 പൂത്തനായ്ക്കൊണ്ടുള്ളൊരക്കലമന്നേരം
748 പത്തുനൂറുണ്ടായിതൊന്നുകൊണ്ടേ
749 ഭാജനം പോകയാൽ ഭൂതലം ചെഞ്ചെമ്മേ
750 ഭാജനമായിട്ടു വന്നനേരം.
 
751 മീതേ പരന്നൊരു വെണ്ണയും വാരിയ
752 മ്മാധവൻ പോയൊരു കോണിൽ പുക്കാൻ.
753 പാരം തികന്നുള്ള പാലും തളർത്തമ്മ
754 പാരാതെ വന്നിങ്ങു നോക്കുന്നേരം
755 ബാലകൻ ചെയ്തൊരു വേലയെക്കണ്ടിട്ടു
756 ചാലെച്ചിരിച്ചു നുറുങ്ങു നിന്നാൾ.
757 എങ്ങിവൻ പോയിപോലെന്നതു കാണേണം
758 എന്നങ്ങു നണ്ണി നടന്നാൾ പിന്നെ
759 എങ്ങുമേ നോക്കി നടന്നുചെന്നീടുമ്പോൾ
760 അങ്ങൊരു കോണത്തു കാണായ്വന്നു.
 
761 വണ്ണംതിരണ്ടൊരു പാഴുരലേറീട്ടു
762 വെണ്ണയും വായിലിട്ടാദരവിൽ
763 പൂച്ചകൾക്കായിട്ടു നല്കി നിന്നീടിനാൻ
764 ഓർച്ചയിൽ നോക്കിക്കൊണ്ടങ്ങുമിങ്ങും
765 ചൂരക്കോൽ പൂണ്ടുള്ളൊരമ്മയെക്കാണായി
766 ചാരത്തു വന്നതു കോപിച്ചപ്പോൾ,
767 കണ്ടോരുനേരത്തു മണ്ടിത്തുടങ്ങിനാൻ
768 മണ്ടിനാളമ്മയും തൻപിന്നാലെ.
769 വായ്പെഴുന്നീടുന്ന ശാസ്ത്രങ്ങൾ ചൂഴറ്റു
770 രാപ്പകൽ തേടുന്ന വേദങ്ങൾക്കും
 
771 തൊട്ടു നിന്നീടുവാൻ കിട്ടാതെയുള്ളോനെ
772 പ്പെട്ടെന്നു ചെന്നു പിടിച്ചാളമ്മ.
773 ചീറ്റം തിരണ്ടുള്ളൊരുള്ളവുംപൂണ്ടുനി
774 ന്നേറ്റം കയർത്തു പറഞ്ഞു പിന്നെ
775 കോഴയും പൂണ്ടിട്ടു കേഴുമപ്പൈതലേ
776 കോൽകൊണ്ടു തല്ലുവാനോങ്ങുന്നേരം
777 ഉച്ചത്തിലാമ്മാറു കേണുതുടങ്ങിനാൻ
778 അച്ഛ! എന്നിങ്ങനെ ചൊല്ലിച്ചൊല്ലി
779 കണ്ണന്റെ കണ്ണുനീർ വീണതു കാകയാൽ
780 തന്നിലേ നണ്ണിനാളമ്മയപ്പോൾ.
 
781 "തല്ലുവാൻ പോരാതെ പൈകതലെത്തല്ലിനാൽ
782 വല്ലായ്മയായിട്ടേ വന്നുകൂടു
783 പേടിപ്പിച്ചീടേണമെന്നതേ ചെയ്യാവൂ
784 പെട്ടെന്നതിന്നു പിടിച്ചുകെട്ടു."
785 എന്നങ്ങു തന്നിലെ നണ്മണിനോരമ്മയ
786 ന്നിന്നൊരു നല്ലുരലോടു ചേർത്തു
787 അല്പമായുള്ളൊരു പാശവും കൊണ്ടുപോ
788 ന്നപ്പൈതൽതന്നുടൽ കെട്ടുന്നേരം
789 അപ്പാശം കിഞ്ചന നീളമില്ലായ്കയാൽ
790 അപ്പൊഴേ മറ്റൊന്നിയച്ചാളമ്മ.
 
791 എന്നതുതന്നെയുമങ്ങനെ കാണായി
792 പിന്നെയും മറ്റൊന്നിയച്ചാളപ്പോൾ
793 പിന്നെയും പോരാഞ്ഞു പിന്നെയും മറ്റൊന്നു
794 പിന്നെയും മറ്റൊന്നതിൻ പിന്നാലെ
795 തന്നുടെ വീട്ടിലെ പാശങ്ങളിങ്ങനെ
796 ഒന്നൊന്നെ കൊണ്ടന്നു കെട്ടിക്കെട്ടി.
797 പിന്നെയും പോരാഞ്ഞിട്ടാച്ചിമാർവീട്ടിലും
798 നിന്നുള്ള പാശങ്ങൾ കൊണ്ടുപോന്നാൾ
799 ചാരത്തെ വീട്ടിലെപ്പാശങ്ങളെല്ലാമേ
800 ദൂരത്തെ വീട്ടിലെപ്പാശങ്ങളും,
 
801 ഒന്നഞ്ഞൂറായിരം പാശങ്ങൾ കൊണ്ടന്നു
802 കുന്നിച്ചു നിന്നങ്ങു കെട്ടിനിന്നാൾ.
803 കണ്ടുനിന്നീടുന്ന വണ്ടേലുംചായലാർ
804 മിണ്ടുവാൻ വല്ലീലയാരുമപ്പോൾ;
805 ഊക്കു പൊഴിഞ്ഞൊരു വിസ്മയം പൂണ്ടിട്ടു
806 മൂക്കിന്മേൽ കൈവച്ചു നോക്കിനിന്നാർ.
807 ദൂരത്തുനിന്നുള്ള വല്ലവിമാരെയും
808 ചാരത്തു ചാലെ വിളിച്ചുകൊണ്ടു
809 കമ്രമായുള്ളൊരു പൈതലായ്മേവുമ
810 ബ്രഹ്മത്തിൻ വൈഭവം കാട്ടിനിന്നാൾ;
 
811 "ആച്ചിമാരെ നിങ്ങളാശ്ചരിയം കാണ്മിൻ
812 ഈശ്വരനായോനോ എന്മകൻതാൻ
813 പാശങ്ങൾക്കെല്ലാമിമ്മേനിയോടേശുമ്പോൾ
814 നാശമേ കാണുന്നതെന്തിങ്ങനെ?"
815 എന്നങ്ങു ചൊല്ലി നടുങ്ങിനിന്നീടുമ
816 ന്നന്ദവിലാസിനിക്കേറ്റമപ്പോൾ
817 കൈയും തളർന്നിതു കാലും തളർന്നിതു
818 മെയ്യിലുമെങ്ങും വിയർത്തുകൂടി,
819 പാർത്തലംതന്നിൽ പതിച്ചുനിന്നീടിനാൾ;
820 ആർത്തി ചീർത്തേറ്റവും വീർത്തു പിന്നെ.
 
821 മാതാവിനുണ്ടായ ദീനത്തെക്കണ്ടിട്ടു
822 മാധവൻ ചാലെക്കനിഞ്ഞു മേന്മേൽ
823 കെട്ടുവാനായി വഴങ്ങിനിന്നീടിനാൻ
824 ഒട്ടുപോതിങ്ങനെ ചെന്നവാറെ
825 മാധവൻതന്നുടെ കാരുണ്യപൂരത്തിൻ
826 ഭാജനമായുള്ളോരമ്മയപ്പോൾ
827 മുമ്പിനാൽ കൊണ്ടന്ന പാശത്തെക്കൊണ്ടേയ
828 ത്തമ്പൈതൽതന്നെയും കെട്ടിനിന്നാൾ
829 ഉണ്ണിക്കിടാവുമപ്പാഴുരൽ പൂണ്ടുകൊ
830 ണ്ടുള്ളം കലങ്ങിക്കരഞ്ഞു നിന്നാൻ.
 
831 കണ്മുന്നിൽ പിള്ളർ കളിക്കുന്നതും കണ്ടു
832 കണ്ണുനീർ മെയ്യിലൊഴുക്കി മേന്മേൽ
833 മാതാവുതാനും മറ്റുള്ളവരെല്ലാരും
834 മാഴ്കാതെ പോയി മറഞ്ഞ നേരം
835 കാട്ടുമരങ്ങളെ നോക്കിനിന്നീടിനാൻ
836 വാട്ടമകന്നൊഴും ബാലകന്താൻ
837 ദൂരവേ കാണായി നീർമരുതായുള്ള
838 ദാരുക്കൾ രണ്ടുമിരട്ടയായി.
839 സൂക്ഷിച്ചു നോക്കിനിന്നുള്ളിലേ നണ്ണിനാൻ
840 സാക്ഷിയായ് മേവുമമ്മോക്ഷദന്താൻ,
 
841 "കേവലം പോരുന്ന പാഴ്മരമല്ലിതു
842 ദേവർഷിതന്നുടെയാജ്ഞയത്രെ.
843 വിത്തേശൻതന്നുടെ പുത്രന്മാരായി ര
844 ണ്ടുത്തമരായുള്ള ഗൂഹ്യകന്മാർ
845 മദ്യവും സേവിച്ചു മാനിനിമാരുമാ
846 യുദ്യാനംതന്നിൽ കളിച്ചു പിന്നെ
847 താമരപ്പൊയ്കയിൽ ചെന്നങ്ങിറങ്ങീട്ടു
848 കാമവിനോദങ്ങൾ കോലുന്നേരം
849 നാരദൻ വന്നതു തെറ്റെന്നു കാണായി
850 നാരിമാരെല്ലാരും നാണിച്ചപ്പോൾ
 
851 തീരത്തു ചേർത്തുള്ള ചേലകളെല്ലാമെ
852 പാരാതെ ചെന്നങ്ങെയുത്തുടുത്താർ
853 ഗുഹ്യകന്മാരവരവ്വണ്ണമേ നിന്നാർ
854 ധിക്കരിച്ചമ്മുനി മുന്നിൽത്തന്നെ.
855 എന്നതു കണ്ടൊരു നാരദൻ നണ്ണിനാൻ:
856 "ഇന്നിവർതന്നെയടക്കേണം ഞാൻ
857 നാളെയുമിങ്ങനെയാചരിച്ചീടുമ്പോൾ
858 നാശമേ വന്നീടു നാളിൽ നാളിൽ
859 ശാപത്തെക്കൊണ്ടു മദത്തെയടക്കും ഞാൻ
860 ആപത്തു മേലിൽ വരാതവണ്ണം"
 
861 എന്നങ്ങു നണ്ണിന നാരദൻ ചൊന്നാന
862 ന്നിന്നവർ നന്മുഖം നോക്കി നേരെ:
863 "പാപങ്ങളിങ്ങനെ ചെയ്കയാലിന്നിങ്ങൾ
864 പാഴ്മരമായ്പോകയിന്നുതന്നെ
865 നന്ദകുമാരകൻ വന്നുതൊടുന്നനാൾ
866 നന്നായി വന്നീടുകെ" ന്നും ചൊല്ലി
867 നാരദൻ പാരാതെ പോകത്തുടങ്ങിനാൻ
868 നാരായണായെന്നു പാടിപ്പാടി.
869 അങ്ങനെയുള്ള മരങ്ങളിന്നിങ്ങനെ
870 അങ്ങതു കാണായതെന്നാലിപ്പോൾ
 
871 നാരദൻ ചൊന്നതു പാരാതെ ഞാനിന്നു
872 കാരിയമാക്കേണം എന്നു നണ്ണി,
873 മെയ്യോടു ചേർന്നൊരു പാഴുരൽതന്നെയും
874 മെല്ലെ വലിച്ചു നടന്നാൻ കണ്ണൻ
875 പാഴ്മരന്നിന്നതിഞ്ചാരത്തു ചെന്നതിൻ
876 പാഴിലേ നൂണു പുറപ്പെട്ടപ്പോൾ
877 പാഴുരൽ നേരേ വിലങ്ങിച്ചുപോകയാൽ
878 പാരം വലിച്ചു നടന്നാൻ കണ്ണൻ
879 ഉണ്ണിക്കിടാവു വലിച്ചൊരു നേരത്തു
880 തിണ്ണം കുലഞ്ഞു ഞെരിഞ്ഞു പിന്നെ
 
881 അമ്മരമൊന്നങ്ങു പൊട്ടിനോരൊച്ചകൊ
882 ണ്ടംബരമെങ്ങും നിറഞ്ഞുനിന്നു;
883 ഭൂതലംതന്നിൽ പതിച്ചുതായന്നേരം
884 ചേതന വേറിട്ട ദേഹംപോലെ
885 ദിവ്യജനങ്ങൾ മരങ്ങളിൽനിന്നപ്പോൾ
886 ഹവ്യവഹൽപ്രഭയെന്നപോലെ
887 ഉൽഗമിച്ചീടിനാരൂനവും നീക്കി നി
888 ന്നുൽഗദം പൂണ്ടവരൂഢമോദം
889 കെട്ടുപെട്ടീടുമപ്പൈതലെക്കാണ്കയാ
890 ലൊട്ടുപോൽ നോക്കിനാർ സൂക്ഷ്മമായി
 
891 കന്മഷവൈരിയെക്കാകയാൽ മാനസം
892 നിർമ്മലമായിട്ടു വന്നനേരം
893 നാരദൻ ചെന്നൊരു ശാപവും മോക്ഷവും
894 മാനസംതന്നിലങ്ങായിതപ്പോൾ
895 മൂലോകനായകനായിനിന്നീടുന്ന
896 ബാലകൻതാനിതെന്നുള്ളിൽ നണ്ണി
897 പുണ്യങ്ങൾ ചെയ്തുള്ള നാവുകൊണ്ടന്നവർ
898 കണ്ണനെത്തിണ്ണം പുകണ്ണുനിന്നാർ:
899 "പാലാഴിമാതുതൻ വാർമുലതന്നിലെ
900 മാലേയച്ചാറൂറും മാറുള്ളോനേ
 
901 പാലിച്ചുകൊള്ളേണം ഞങ്ങളെയെന്നുമേ
902 നീലക്കാർവർണ്ണരേ കൈതൊഴുന്നേൻ.
903 നാരദൻതന്നുടെ ശാപവാക്കെങ്ങൾക്കു
904 നേരേമറിച്ചിന്നു വന്നുകൂടി
905 അല്ലായ്കിലുണ്ടോയിന്നിന്നുടെ ചേവടി
906 ത്തെല്ലിനെക്കൂപ്പുവാൻ കൈവരുന്നൂ"
907 ഇങ്ങനെ ചൊന്നവർ വാഴ്ത്തിനനേരത്തു
908 മംഗലം പൊങ്ങുമമ്മാധവൻതാൻ
909 മെല്ലവേ ചൊല്ലിനാ "നെങ്കിലേ നിങ്ങളി
910 ന്നല്ലലും തീർത്തുടൻ നല്ലരായി
 
911 താവകമായുള്ള ദേശത്തെ നോക്കീട്ടു
912 പോവതിന്നായിത്തുടങ്ങിനാലും."
913 എന്നതു കേട്ടൊരു ഗുഹ്യകവീരന്മാർ
914 നന്ദകുമാരനെ വന്ദിച്ചപ്പോൾ
915 ഉത്തരയായുള്ള ദിക്കിനെ നോക്കിനി
916 ന്നത്തലും തീർത്തു നടന്നാർ ചെമ്മെ;
917 സ്വാവാസമായുള്ള മന്ദിരം തന്നിൽ പു
918 ക്കാവോളം ഭോഗങ്ങളാണ്ടു മേന്മേൽ
919 ബന്ധുക്കളായുള്ള ലോകരുമായിട്ടു
920 സന്തുഷ്ടരായി വസിച്ചാർ പിന്നെ.
 
921 ദാരു ഞെരിഞ്ഞുള്ളോരൊച്ചയങ്ങെല്ലാരും
922 ദാരുണമായിട്ടു കേട്ടനേരം
923 പേടിച്ചിതെന്തെന്നു ചൊല്ലിയുഴന്നിട്ടു
924 പേപ്പെട്ടു നോക്കി നടന്നു നേരെ
925 ശാഖികൾ വീണൊരു ഭൂതലംതന്നിലെ
926 ചാടിക്കൊണ്ടെല്ലാരും ചെന്നു പിന്നെ
927 "കാറ്റേതും കൂടാതെ പാഴ്മരം വീഴുവാൻ
928 കാരണമെന്തെന്നു ചൊല്ലുതിപ്പോൾ"
929 എന്നവർ ചൊന്നതു കേട്ടൊരു നേരമ
930 ന്നിന്നൊരു പൈതങ്ങൾ ചൊന്നാരപ്പോൾ:
 
931 "കാർമുകിൽവർണ്ണനിക്കാനനംതന്നിലെ
932 പ്പാഴ്മരംതൻ പാഴിൽ പൂകുന്നേരം
933 നേരേ വിലങ്ങുമുരലിങ്ങു വാരാഞ്ഞു
934 പാരം വലിച്ചൊരു നേരത്തപ്പോൾ
935 എട്ടു ദിക്കെങ്ങുമേ ഞെട്ടുമാറമ്മരം
936 പൊട്ടി നിലംതന്നിൽ വീണുടനെ;
937 അമ്മരംതന്നിൽനിന്നപ്പോഴിരുവരെ
938 ചെമ്മേയെഴുന്നതും കണ്ടു ഞങ്ങൾ,
939 കണ്ണനും തങ്ങളുംകൂടിപ്പറഞ്ഞവർ
940 തിണ്ണം വിളങ്ങി നുറുങ്ങു നിന്നാർ.
 
941 നിങ്ങളിങ്ങെല്ലാരും വന്നോരുനേരത്തു
942 തങ്ങളങ്ങെങ്ങാനും പോയ്മറഞ്ഞാർ,"
943 ബാലന്മാരിങ്ങനെ ചാലപ്പറഞ്ഞപ്പോൾ
944 ഗോപന്മാരാരും ചെവിക്കൊള്ളാഞ്ഞാർ
945 ബാലന്മാർ ചൊല്ലെല്ലാമുണ്മയായ് വന്നീടാ
946 ലീലയായ്പോമത്രെയെന്നു നണ്ണി.
947 ഈശനെന്നുള്ളൊരു ബോധമില്ലാതെയും
948 സംശയമായി ചിലർക്കു പിന്നെ.
949 "ഇങ്ങനെതന്നേയിതല്ലയല്ലീ ചെമ്മേ?"
950 എന്നവർ ചൊന്നതു കേട്ടനേരം
 
951 മറ്റുള്ള ഗോപന്മാരിങ്ങനെ ചൊല്ലിനാർ:
952 "മുറ്റുമിതിന്നു ചിരിക്കേവേണ്ടൂ.
953 ഭോഷത്വം നിങ്ങൾ പറഞ്ഞുതുടങ്ങിനാൽ
954 ശേഷിച്ചോരെല്ലാരും ഭോഷന്മാരാം
955 കാളയുണ്ടങ്ങൂട്ടു പെറ്റുകിടക്കുന്നു
956 നീളമുണ്ടായൊരു പാശം കൊണ്ടാ"
957 എന്നങ്ങു ചൊല്ലുന്ന വേലയോടൊക്കുമേ
958 യിന്നിങ്ങൾ ചിന്തിച്ചുരച്ചതെല്ലാം"
959 "പൈതങ്ങൾ ചൊന്നതു പട്ടാങ്ങായ്മേവുമോ
960 കൈതവമല്ലാതെയുണ്ടോ കാണ്മൂ"
 
961 മൂവാണ്ടു പൂകാതെ പൈതൽക്കിന്നിങ്ങനെ
962 ആവൊരു വേലയെന്നുണ്ടോ തോന്നി?
963 "ഇന്നിതിൻ കാരണം നന്ദകുമാരന
964 ല്ലെന്നതു ഞാൻതന്നെ തീർന്നുകൊള്ളാം."
965 തങ്ങളിലിങ്ങനെ ചൊല്ലിന ഗോപന്മാർ
966 തിങ്ങിനകൗതുകമാണ്ടു ചെമ്മെ
967 വേദന വേറിട്ടു വേഗത്തിൽ പോയങ്ങു
968 വേണുന്ന വേലകൾ മേവിനിന്നാർ.
969 അമ്മതാനന്നേരം തന്മകന്തന്നെയും
970 ചെമ്മെയെടുത്തുകൊണ്ടങ്ങു പോവാൻ
 
971 ചാലെത്തുനിഞ്ഞോരുനേരത്തു ചൊല്ലിനാൾ
972 നീലക്കാർവേണിമാരെല്ലാരോടും:
973 "എന്മകന്തന്നെക്കയർക്കുന്നേനല്ല ഞാ
974 നെന്നുമേയിങ്ങനെ തോഴിമാരെ
975 ഇന്നു ഞാനെന്മകൻതന്നെക്കയർത്തതോ
976 നന്നായെനിക്കു ഫലിച്ചുതല്ലോ.
977 ഇങ്ങനെയെന്മകൻതന്മേനി പൂണ്മൻ ഞാൻ
978 അങ്ങനെ ചെമ്മായാൽ പോരും ശീലം
979 ശീലമോ നന്നല്ല ബാലകനെന്നുള്ള
980 മാലോകർചൊല്ലെല്ലാം ഞാൻ പൊറുപ്പൻ
 
981 ഇങ്ങനെയെന്മകൻതന്മുഖം കാണുമ്പോൾ
982 എങ്ങനെ തോഴി കയർപ്പു ചൊൽ നീ?"
983 ഇങ്ങനെ ചൊന്നവൾ തന്നുടെ പൈതലെ
984 പൊങ്ങിനോരാനന്ദം പൂണ്ടുപൂണ്ടു
985 മറ്റുള്ള മാതരും താനുമായങ്ങനെ
986 തെറ്റെന്നു ചെന്നു തൻ വീടു പുക്കാൾ.

  • Vanampaadi, Mazha Thulli and Serikkum Mothalali like this


Users Awards

#5 VIncenT GomeZ

VIncenT GomeZ

    Best Boy of PP - 2012

  • Premium Member
  • 9,151 posts
  • Location:root
  • Gender:Male
  • Country: Country Flag
  • Current: Country Flag

Posted 04 May 2015 - 10:52 AM

വത്സസ്തേയം

1 ഓമനപ്പൈതൽതാനോരോരോ ലീലകൾ

2 തൂമ കലർന്നങ്ങു കാട്ടിക്കാട്ടി
3 ആനായനാരിമാർമാനസംതന്നെയ
4 ങ്ങാകുലമാക്കിനാൻ മെല്ലെ മെല്ലെ.
5 അച്ഛനെപ്പോലെയുടുക്കുന്നേനെന്നിട്ടു
6 നൽച്ചേലകൊണ്ടങ്ങുടുക്കും നന്നായ്
7 മാനിച്ചുനിന്നച്ഛൻ കുമ്പിടുന്നേരത്ത
8 ങ്ങാനകളിക്കും മുതുകിലേറി,
9 തേവാരിക്കേണമിന്നച്ഛായെനിക്കു നീ
10 പൂവെല്ലാം കൊണ്ടെത്തായെന്നു ചൊല്ലും
 
11 അച്ഛനും താനുമായിച്ഛയിലങ്ങനെ
12 നിച്ചലും നിന്നു പടകളിക്കും
13 "എൻ കണി കാണണന്നിങ്ങളിന്നെല്ലാരും"
14 എന്നങ്ങു ചൊല്ലീട്ടു വീടുതോറും
15 കോഴികൾ കൂകുമ്പോൾ കോഴകൾ കൂടാതെ
16 ഗോവിന്ദൻ പാടിക്കൊണ്ടങ്ങുചെല്ലും.
17 മാരി ചൊരിയുന്ന നേരത്തു കോടിയിൽ
18 നേരേ പോയ് നീരെല്ലാമേല്ക്കും മെയ്യിൽ
19 കൈയേപ്പിടിപ്പാനാരായേലും ചെല്ലുമ്പോൾ
20 "അയ്യോ!" എന്നിങ്ങനെ കൂട്ടും തിണ്ണം.
 
21 അത്ഭുതമായുള്ള പാവകളുണ്ടോരോ
22 ശില്പികൾ കൊണ്ടക്കൊടുത്തപ്പൊഴും
23 വാഴപ്പഴങ്ങൾ താൻ തിന്നുന്ന നേരത്തു
24 വായിൽ കൊടുക്കുമപ്പാവകൾക്കും;
25 "അമ്മിഞ്ഞി നൽകമ്മേ" യെന്നങ്ങു ചൊല്ലിക്കൊ
26 ണ്ടമ്മേടെ കൈയിൽ കൊടുക്കും പിന്നെ;
27 ചാലക്കിടന്നങ്ങുറങ്ങുന്ന നേരത്തു
28 ചാരത്തുതന്നെ കിടത്തിക്കൊള്ളും
29 നന്മണികൊണ്ടു പടുത്ത നിലന്തന്നിൽ
30 ബിംബിതനായിട്ടു തന്നെക്കണ്ടാൽ
 
31 അഞ്ചിതമാകിയ പുഞ്ചിരിതൂകീട്ടു
32 ചെഞ്ചെമ്മേ പായും പിടിച്ചുകൊൾവാൻ.
33 രത്നങ്ങളായുള്ള കമ്പങ്ങൾ തന്നിലു
34 മാദ്യനായുള്ളൊരു തന്നെക്കണ്ടാൽ
35 "ഉണ്ണിയെപ്പൂണുന്നേ"നെന്നിട്ടു കമ്പത്തെ
36 ത്തിണ്ണം പിടിച്ചങ്ങു പൂണ്ടുകൊള്ളും
37 "കമ്പത്തിനുള്ളിലെക്കുട്ടിക്കെന്നമ്മേ! നീ
38 യമ്മിഞ്ഞി നൽകേണ"മെന്നു ചൊല്ലും:
39 വെണ്ണയും പാലും നൽവെല്ലവുമെല്ലാമേ
40 ഉണ്ണിക്കു നല്കേണമെന്നും പിന്നെ.
 
41 ഓടിക്കൊണ്ടാച്ചിമാരോരോരോ വേലയ്ക്കു
42 പേടിച്ചു വീടരെപ്പോകുന്നേരം
43 നെഞ്ചകമെല്ലാമെ വഞ്ചനഞ്ചെയ്യുന്ന
44 പുഞ്ചിരി കിഞ്ചന തൂകിത്തൂകി
45 ദൂരത്തുനിന്നവർ ഗേഹത്തിൽ ചെന്നവൻ
46 ചാരത്തു മെല്ലവേ നിന്നുകൊള്ളും;
47 ഓമനപ്പുഞ്ചിരി കാണുന്നനേരത്തു
48 കാമിനിമാരാരും പോകവല്ലാർ
49 തങ്ങൾ തുടങ്ങിന വേല മറന്നുടൻ
50 മംഗലനാകിയ പൈതൽതന്നെ
 
51 പൂണ്ടുപൂണ്ടങ്ങനെ നിന്നുപോമെല്ലാരും
52 വേണ്ടുവോന്നാകയുമുണ്ടു പാർത്താൽ
53 ബാലികമാരായ നാരിമാരോരോരോ
54 ലീലകൾ കണ്ടു മയങ്ങുന്നേരം
55 പൂവില്ലുകൊണ്ടവർ മേനിയിൽ മെല്ലവേ
56 പൂവില്ലവൻ ചെന്നു തൊട്ടു പോന്നാൻ
57 എന്നുപോലിന്നിവൻ യൗവനമാളുന്നു
58 തെന്നൊരു ചിന്ത തുടങ്ങീതപ്പോൾ
59 കണ്ണിനു നല്ലൊരു പീയൂഷമായിട്ട
60 ക്കണ്ണൻതാനിങ്ങനെ മേവും കാലം
 
61 വൃദ്ധൻമാരായുള്ള ഗോപന്മാർതങ്ങളിൽ
62 ഒത്തങ്ങു കൂടീട്ടു ചൊന്നാരപ്പോൾ:
63 "വാട്ടംകളഞ്ഞു നാം കൂട്ടമായ് കൂടീട്ടു
64 ഗോഷ്ഠത്തിൻ കാരിയം ചിന്തിക്കേണം."
65 നന്ദൻ തുടങ്ങിന ഗോപന്മാരെല്ലാരും
66 ഒന്നൊത്തുനിന്നു പറഞ്ഞാരപ്പോൾ:
67 "വാസത്തിനിന്നിലം നന്നല്ല പാർക്കുമ്പോൾ
68 ആപത്തെക്കാണുന്നു നാളിൽ നാളിൽ
69 പൂതനയെന്നൊരു ഭൈരവി വന്നിട്ടു
70 ചെയ്തതോയെല്ലാരും കണ്ടുതല്ലോ.
 
71 കാറ്റുതാൻ മേല്പെട്ടു നൂറ്റിക്കോലല്ലല്ലോ
72 തൂറ്റിക്കളഞ്ഞതിപ്പൈതൽതന്നെ.
73 പാറമേൽ വീണൊരു പൈതലെയോർക്കുമ്പോൾ
74 മാറുന്നൂതില്ലെന്നും കണ്ണുനീരോ.
75 ചാടുതാൻ വീണു തകർന്നൊരു നേരത്തു
76 ചാകാതെകൊണ്ടതോ നാമല്ലല്ലൊ.
77 നാരായണൻതൻറെ കാരുണ്യമില്ലായ്കിൽ
78 ആരിന്നിപ്പൈതലെക്കാപ്പോരയ്യോ!
79 പാരിച്ചുനിന്നൊരു പാഴ്മരം വീഴുമ്പോൾ
80 പൈതൽതന്മേനിയിൽ കൊണ്ടില്ലല്ലോ
 
81 നല്ലൊരു നേരത്തിപ്പൈതൽ പിറന്നുതെ
82 ന്നെല്ലാരും ചൊന്നതു പൊയ്യല്ലൊട്ടും.
83 എന്നുമേയിങ്ങനെ തണ്മ വരായ്‌വതി
84 ന്നെന്തിനി നല്ലതെന്നോർക്കണം നാം."
85 നന്ദന്തന്നാനനംതങ്കൽനിന്നിങ്ങനെ
86 തന്മൊഴി തൂകിന നേരത്തപ്പോൾ
87 ബന്ധുവായ് നിന്നൊരു ഗോപാലൻ ചൊല്ലിനാൻ
88 ചിന്തിച്ചു നിന്നു നുറുങ്ങുനേരം:
89 "കെല്പാർന്നു നിന്നുള്ളോരുല്പാതമോരോന്നി
90 ങ്ങിപ്പാടെ വന്നതിൻ മുപ്പാടെ നാം.
 
91 വൃന്ദാവനന്തന്നിൽ നന്നായിപ്പൂകേണ
92 മൊന്നിച്ചു നിന്നുടനിന്നുതന്നെ"
93 എന്നങ്ങു ചൊന്നപ്പോൾ നിന്നോരു ഗോപന്മാർ
94 നന്നെന്നു ചൊല്ലിനാരെല്ലാരുമേ
95 ചാടെല്ലാം കൊണ്ടന്നു ചാരത്തുടൻ പിന്നെ
96 ചാലെ മുറുക്കിച്ചമച്ചാരപ്പോൾ
97 നീടുറ്റ ബാലകന്മാരുമമ്മാതരും
98 ചാടിൽ കരേറീട്ടു പാഞ്ഞാർ ചെമ്മെ
99 കന്നും കിടാക്കളും കാലികളും തമ്മിൽ
100 ഒന്നിച്ചു കൂടി നടത്തംകൊണ്ടാർ.
 
101 ചാപംതുടങ്ങിയുള്ളായുധമോരോന്നേ
102 ഗോപന്മാരെല്ലാരും കൈയിലാക്കി
103 സന്നദ്ധരായിട്ടു നിന്നുടനന്നേരം
104 മുന്നിൽ നടന്നു തുടങ്ങിനാരേ.
105 നീടുറ്റ രോഹിണിതാനും യശോദയും
106 കേടറ്റ ചാടിൽ കരേറിച്ചെമ്മെ
107 ഓലക്കമാണ്ടുള്ള ബാലകന്മാരെയും
108 ചാലപ്പുണർന്നു വിളങ്ങി നിന്നാർ
109 ചൊല്പെറ്റു നിന്നുള്ള രത്നങ്ങൾ പൂണ്ടുള്ള
110 കല്പകവല്ലികളെന്നപോലെ.
 
111 "ചാടങ്ങു ചാടുമ്പോൾ പേടിച്ചു നിന്നേതും
112 ചാപലം കാട്ടൊല്ലൊ പൈതങ്ങളെ"
113 പൈതങ്ങളോടു പറഞ്ഞുനിന്നിങ്ങനെ
114 പൈതങ്ങളേതുമറിഞ്ഞീലൊട്ടും
115 ഇങ്ങനെ പോയങ്ങു വൃന്ദാവനന്തന്നിൽ
116 ഭംഗിയിലെല്ലാരും ചെന്നു പുക്കാർ
117 പുണ്യങ്ങൾ ചെയ്തുള്ള മാനവന്മാരെല്ലാം
118 വിണ്ണിലേ ചെന്നങ്ങു പൂകുമ്പോലെ
119 ദീനന്മാരായുള്ളോരാനായന്മാരെല്ലാം
120 അനന്ദംപൂണ്ടങ്ങു പുക്കനേരം
 
121 സുന്ദരമായുള്ള മന്ദിരമോരോന്നേ
122 നന്നായി നിർമ്മിച്ചാരന്നുതന്നെ.
123 നന്ദൻതുടങ്ങിന ഗോപന്മാരെല്ലാരും
124 മന്ദിരമോരോന്നിൽ ചെന്നു പുക്കാർ
125 സൂര്യൻ തുടങ്ങിന നൽ ഗ്രഹമോരോരോ
126 രാശിയിൽ ചെന്നങ്ങു പൂകുംപോലെ.
127 കാർവർണ്ണൻ താൻ ചെന്നു വിളങ്ങിന നേരത്ത
128 ക്കാനനമേറ്റം വിളങ്ങിനിന്നു
129 വാർതിങ്കൾ ചെന്നു വിളങ്ങിന നേരത്തു
130 കാർതങ്ങുമാകാശമെന്നപോലെ.
 
131 "അച്ഛാ,യെനിക്കൊരു നൽകുഴലൂതുവാൻ
132 ഇച്ഛയുണ്ടെ" ന്നങ്ങു ചൊല്ലിപ്പിന്നെ
133 അച്ഛൻ കൊടുത്തോരു നൽ കുഴലൂതിനി
134 ന്നിച്ഛയിൽ മേവിനാൻ മെല്ലെ മെല്ലെ.
135 പുഞ്ചിരി തൂകിയും കൊഞ്ചൽ തുടങ്ങിയു
136 മഞ്ചാറുമാസം കഴിഞ്ഞ കാലം
137 കന്നുകൾ മേച്ചു തുടങ്ങിൻ മെല്ലവേ
138 നന്ദതനൂജനും രാമനുമായ്
139 ദൂരത്തു പോകാതെ ചാരത്തു നിന്നിട്ടു
140 നേരൊത്ത പിള്ളരുമായിച്ചെമ്മേ.
 
141 വത്സങ്ങളോടു കലർന്നുടൻ കൊല്ലുവാൻ
142 വത്സനായ് വന്നൊരു ദാനവനെ
143 മത്സരമാണ്ടങ്ങു മൃത്യുപുരന്തന്നിൽ
144 ഉത്സവമാക്കിനാനൂക്കുകൊണ്ടേ.
145 കള്ളനായുള്ളൊരു മറ്റൊരു ദാനവൻ
146 പുള്ളായി വന്നിട്ടു നിന്നനേരം
147 തള്ളിയെഴുന്നൊരു കോപം കൊണ്ടങ്ങവൻ
148 തള്ളയ്ക്കു കണ്ണുനീർ നല്കിനാന്താൻ.
149 ഉഗ്രങ്ങളായുള്ള വ്യഗ്രങ്ങൾ തീർത്തു ത
150 ന്നഗ്രജനോടു കലർന്നു ചെമ്മേ
 
151 ചാരത്തു നിന്നുടൻ കന്നുകൾ മേയ്പാനായ്
152 ദൂരത്തു പോകത്തുടങ്ങി മെല്ലേ.
153 ആച്ചിമാരെല്ലാരും കാഴ്ചയായ് നൽകിന
154 പാച്ചോറുതന്നെയുമുണ്ടു പിന്നെ
155 ചേർച്ച തുടർന്നുള്ള പിള്ളരുമായിട്ടു
156 പാച്ചൽ തുടങ്ങിനാൻ കന്നിൻ പിമ്പെ
157 കന്നുമേച്ചിങ്ങനെ നിന്നു വിളങ്ങിന
158 നന്ദതനൂജന്താനന്നൊരുനാൾ
159 കാനനം തന്നിലേ പോയിട്ടു വേണമേ
160 ഭോജനമിന്നെനിക്കെന്നു നണ്ണി
 
161 കാലത്തുണർന്നുടൻ ബാലകന്മാരെയും
162 മേളത്തിൽനിന്നു വിളിച്ചുണർത്തി
163 "കാനനംതന്നിൽ ചെന്നാനന്ദമായ് നിന്നു
164 വേണമിന്നൂണെ"ല്ലാമെന്നു ചൊല്ലി
165 താനങ്ങു തന്നുടെ കന്നുകൾ പിന്നാലെ
166 കാനനം നോക്കി നടന്നാൻ പിന്നെ.
167 എന്നതു കേട്ടൊരു ചങ്ങാതിമാരെല്ലാ
168 മങ്ങനെ വേണുന്നൂതെന്നു ചൊല്ലി
169 ഭോജനത്തിന്നുള്ള സാധനമോരോരോ
170 ഭോജനന്തന്നിലങ്ങാക്കിക്കൊണ്ട്
 
171 തന്നുടെ തന്നുടെ കന്നും തെളിച്ചതിൻ
172 പിന്നലെ തങ്ങളും മെല്ലെ മെല്ലെ
173 ചെന്നങ്ങു കണ്ണൻറെ കന്നിനോടെല്ലാരും
174 ഒന്നിച്ചു കൂട്ടിനാർ തങ്ങൾകന്നും
175 ബാലകന്മാർക്കുള്ള ലീലകളെക്കൊണ്ടു
176 ചാലക്കളിച്ചു നടന്നാർ പിന്നെ
177 കേകികൾ കൂകുമ്പോൾ കൂകത്തുടങ്ങിനാർ
178 കോകിലം പാടുമ്പോൾ പാടുകയും
179 പക്ഷികൾ പാറുമ്പോൾ ഛായ പിടിപ്പാനാ
180 യാക്കമേയെല്ലാരുമോടിയോടി;
 
181 അന്നങ്ങൾപോലെ നടന്നതിൻ പിന്നാലെ
182 അന്നലെപ്പോലെ കരഞ്ഞു പിന്നെ
183 തൻ നിഴൽതന്നോടും മാറ്റൊലിതന്നോടും
184 നിന്നു കളിക്കയും പേശുകയും;
185 വാനരം പാഞ്ഞു മരങ്ങളിലേറുമ്പോൾ
186 വാലേപ്പിടിച്ചു വലിച്ചും പിന്നെ
187 പുണ്യങ്ങൾ ചെയ്തുള്ള പൈതങ്ങളിങ്ങനെ
188 കണ്ണനുമായിക്കളിക്കുന്നേരം
189 കംസന്റെ ചൊല്ലാലെ വന്നൊരു ദാനവൻ
190 ഹംസങ്ങൾ ചാരത്തു കാകൻപോലെ.
 
191 ക്ഷ്വേളം നിറഞ്ഞൊരു വ്യാളമായന്നേരം
192 നീളത്തിൽ മെല്ലെക്കിടന്നുകൊണ്ടാൻ
193 ആയർകുമാരന്മാർ പായുന്നതിൻ നേരേ
194 വായും പിളർന്നു വഴിക്കുതന്നെ
195 ചേണാർന്നു നിന്നൊരു പാതാളമേയെന്നു
196 കാണുന്നോരെല്ലാർക്കും തോന്നുംവണ്ണം.
197 ലീലകളോരോന്നേ ചാലത്തിരഞ്ഞുള്ള
198 ബാലകന്മാരതു കണ്ടനേരം
199 പാതാളമേയെന്നു നിർണ്ണയിച്ചെല്ലാരും
200 പാഞ്ഞവൻ വായിലേ ചെന്നു പുക്കാർ.
 
201 ആകാശംതന്നിലേ നിന്നുള്ള ദേവകൾ
202 ആകുലന്മാരായിച്ചൊന്നാരപ്പോൾ:
203 "കൈതവം പൂണ്ടൊരു ദൈതേയൻതാനെന്നി
204 പ്പൈതങ്ങളാരുമറിഞ്ഞതില്ലെ
205 കംസന്നു നല്ലൊരു കാലമായ് വന്നുതേ
206 സംശയമില്ലേതും ചൊല്ലാം ചെമ്മേ
207 മായയെന്നുള്ളതു നിർണ്ണയിച്ചല്ലല്ലീ
208 മാധവനെങ്ങോ പോയ് നിന്നുകൊണ്ടു."
209 വിണ്ണവരിങ്ങനെ ചൊന്നൊരു നേരത്തു
210 കണ്ണനും ചെന്നങ്ങു മെല്ലെ മെല്ലെ
 
211 പൂകത്തുടങ്ങിനാൻ ദാനവൻവായിലെ
212 മേഘത്തിനുള്ളിൽ നൽ തിങ്കൾപോലെ.
213 കണ്ണനും ചെന്നവൻ വായിലേ പൂകുമ്പോൾ
214 വിണ്ണവർ തിണ്ണം മെരിണ്ടു നിന്നൂ
215 "അയ്യോ!" എന്നിങ്ങനെ പിന്നെയും ചൊല്ലീട്ടു
216 കൈയും തിരുമ്മിയുഴന്നാർ ചെമ്മേ.
217 ബാലകന്മാരെല്ലാം വായിലേ വന്നപ്പോൾ
218 ദാനവന്തന്നിലെ നണ്ണിനാന്താൻ:
219 "ഇന്നു ഞാൻ കണ്ടൊരു നൽക്കണിതന്നയേ
220 യെന്നുമേയിന്നുമകപ്പെടേണം.
 
221 ആയർകുമാരന്മാരോടുംകൂടെന്നുടെ
222 വായിലേ വന്നിവൻ പുക്കാനല്ലൊ.
223 ആരെല്ലാമിന്നിവൻതന്നെയങ്ങേശുവാൻ
224 ആരാഞ്ഞു നില്ലാതെയുള്ളോരിപ്പോൾ
225 പൂതനമുമ്പായി വന്നുള്ളോരെല്ലാരും
226 ചേതന കൈവിട്ടു പോയാരത്രെ.
227 എന്നോളം ധന്യരില്ലാരുമിന്നോർക്കുമ്പോൾ
228 എൻ വായിലല്ലോതാൻ വന്നു പുക്കും
229 സ്വാമിക്കു വേണുന്നോരാരുമില്ലെന്നോളം
230 പാർമേലെന്നുള്ളതോ വന്നുകൂടി.
 
231 ഞാനിന്നിക്കാര്യത്തേ സാധിച്ചു ചെല്ലുമ്പോൾ
232 മാനിച്ചുചൊന്നതു നല്കും നാഥൻ
233 എന്തോന്നു നിന്നുള്ളിൽ വേണുന്നതെന്നുമ്പോൾ
234 എന്തോന്നു ഞാൻ മുമ്പേ ചൊല്ലിക്കൊൾവൂ?
235 ആനതുടങ്ങിന വാഹനമോരോന്നേ
236 വേണുന്നതില്ലേതും പാർത്തു കണ്ടാൽ
237 ശോഭനമായങ്ങു ശോഭിച്ചു നിന്നുള്ളൊ
238 രാഭരണങ്ങളെനിക്കുണ്ടല്ലോ
239 നാടങ്ങു വേണമെനിക്കെന്നു ചൊല്ലിനാൽ
240 നാശമേയുള്ളതേ നാളിൽ നാളിൽ.
 
241 ആയന്മാരെല്ലാർക്കും നായകനായ് നിന്നാൽ
242 പേയില്ലയെന്നുമേയെന്നു തോന്നു.
243 പാൽ വെണ്ണയുണ്ടു സുഖിച്ചുകൊള്ളാമല്ലോ
244 പാർക്കുന്നനേരമിതെന്നേ നല്ലൂ
245 എൻ വായിലായുള്ള കന്നുകിടാക്കളെ
246 കൊല്ലാതെകൊണ്ടാകിൽ നന്നായിതും
247 എന്നതിന്നേതുമുപായമില്ലോർക്കുമ്പോൾ
248 കന്നുകളിന്നും മറ്റുണ്ടല്ലോ താൻ
249 ഇന്നിവൻതന്നെ ഞാൻ തിന്നാതെയിങ്ങനെ
250 കൊന്നുകൊണ്ടെന്നുടെ നാഥന്മുമ്പിൽ
 
251 പ്രാഭൃതമായിട്ടു വച്ചു കൊടുക്കിലെൻ
252 പ്രാഭവമേറ്റവുമുണ്ടായിതും
253 കൂടെപ്പിറന്നൊരു പൂതനതന്നെയും
254 കൂടെപ്പിറന്ന ബകന്തന്നെയും
255 കൊന്നതിന്നോർക്കുമ്പോഴിന്നിവന്തന്നെ ഞാൻ
256 തിന്നു മുടിക്കിലേ കോപം തീരൂ."
257 ഇങ്ങനെ ചിന്തിച്ചു തന്നിലങ്ങേറ്റവും
258 പൊങ്ങുന്ന കോപത്തെപ്പൂണ്ടു ചെമ്മെ
259 വായങ്ങു നേരേ മുറുക്കിത്തുടങ്ങുമ്പോൾ
260 ആയർകുമാരകൻ മെല്ലെ മെല്ലെ
 
261 കണ്ടങ്ങിരിക്കവേ പൊങ്ങിത്തുടങ്ങിനാൻ
262 പണ്ടു താൻ വാമനനെന്നപോലെ.
263 എന്നതു കണ്ടൊരു ദാനവനന്നേരം
264 നന്ദതനൂജനോടൊന്നു ചൊന്നാൻ:
265 "മായ നീയിങ്ങനെയാവോളം കാട്ടിനാൽ
266 പോയിടാമെന്നു നിനയ്ക്ക വേണ്ടാ.
267 മായകൊണ്ടീയെന്നെ വെല്ലുവോരില്ലാരും
268 പേയെല്ലാമേതുമേ കാട്ട വോണ്ടാ.
269 എന്നുടെ ജീവനമിങ്ങനെയുള്ള നാൾ
270 എന്നുമേ നിന്നെയയയ്ക്കയില്ലേ.
 
271 മുന്നന്നീയെങ്ങളെക്കൊന്നു നശിപ്പിച്ച
272 തിന്നു നിനക്കുമകപ്പെട്ടുതേ.
273 എൻ വായിൽനിന്നു നീ ചാകയെന്നുള്ളൊരു
274 നിൻ പാപമോർക്കിലിന്നാർക്കൊഴിക്കാം."
275 പാപനായുള്ളൊരു ദാനവനിങ്ങനെ
276 കോപനനായിപ്പറഞ്ഞ നേരം
277 ശ്വാസങ്ങളെല്ലാമടങ്ങിത്തുടങ്ങിതേ
278 കാസങ്ങളും പോന്നു വന്നൂതപ്പോൾ
279 വാകൊണ്ടു മിണ്ടുവാൻ വല്ലാതെയായപ്പോൾ
280 വാൽകൊണ്ടു തല്ലിനാൻ ഭൂതലത്തിൽ.
 
281 കണ്ണനിലായിതു കോപിച്ചു മാനസം
282 കണ്ണിണ പാരം വിരിഞ്ഞു നിന്നു;
283 ആർത്തങ്ങളായിട്ടു പ്രാണങ്ങൾ വീങ്ങുമ്പോൾ
284 മൂർദ്ധാവു പെട്ടെന്നു പൊട്ടിച്ചെമ്മെ
285 കണ്ടൊരു വാതിൽ പുറപ്പെട്ടു ജീവനും
286 മണ്ടിനടന്നു പുറത്തങ്ങായി.
287 ആകാശം തന്നിലേ കാണായിതന്നേരം
288 നാകികൾക്കെല്ലാർക്കും ദീപം പോലെ.
289 കണ്ണൻതാനന്നേരം പീയൂഷമാണ്ടൊരു
290 കണ്ണിണകൊണ്ടു കുളിർക്ക നോക്കി.
 
291 ആലസ്യം തീർത്ത തൻ ബാലകന്മാരുമ
292 കാകലിക്കിടാക്കളുമായിച്ചെമ്മെ
293 വ്യാളത്തിൻ വായിൽനിന്നോടിപ്പുറപ്പെട്ടു
294 മേളത്തിൽ നിന്നു വിളങ്ങിക്കൊണ്ടാൻ
295 ആകാശം തന്നിലേ കാണായിനിന്നൊരു
296 നീകാശമന്നേരം താണുവന്നു
297 കണ്ണനോടൊന്നിച്ചു നന്നായി വന്നുതേ
298 വിണ്ണവരെല്ലാരും കണ്ടിരിക്കെ
299 എന്നതു കണ്ടൊരു വിണ്ണവരെല്ലാരും
300 നന്ദനംതന്നിലേപ്പൂക്കളെല്ലാം
 
301 നാരായണൻമെയ്യിൽ പാരാതെ തൂകിനാർ,
302 പാരം മുഴങ്ങിച്ചാർ ഭേരികളും.
303 ആമ്നായമോതിച്ചു നിന്നൊരു നാന്മുഖൻ
304 മേന്മേലെ ഭേരിയെക്കെട്ടനേരം
305 എന്തെന്നു ചിന്തിച്ചു തന്നിലേ നണ്ണിനാൻ
306 നന്ദതനൂജന്റെ ലീലയെന്നേ.
307 ഓത്തു മുടിഞ്ഞതു പാർക്കരുതാഞ്ഞുത
308 ന്നാസ്ഥാനംതന്നിൽനിന്നോടി വന്നാൻ;
309 വാനവരെല്ലാരും ചൊന്നതു കേട്ടപ്പോൾ
310 ആനന്ദലീലനായ് നിന്നു ചൊന്നാൻ:
 
311 "ഇന്നിതു കണ്ടിട്ടു വിസ്മയിച്ചീടേണ്ട
312 വൃന്ദാരകന്മാരേ കേൾപ്പിൻ നിങ്ങൾ
313 നന്ദകുമാരനായ് നിന്നോരിവന്തന്റെ
314 നല്ലൊരു പൂമേനിയെന്നപോലെ
315 പൊന്നുകൊണ്ടാകിലും മണ്ണുകൊണ്ടാകിലും
316 നന്നായി നിർമ്മിച്ച മെയ്യുണ്ടല്ലോ
317 എന്നതുതന്നെയുമുള്ളിലേ നണ്ണിനാ
318 ലന്നേ വരുത്താമേ മുക്തിതന്നെ.
319 ഇന്നിവൻതാനല്ലോ ദാനവനുള്ളിലേ
320 നിന്നു വിളങ്ങിനതെന്തു പിന്നെ."
 
321 വാരിജസംഭവനിങ്ങനെ ചൊന്നതു
322 വാനവരെല്ലാരും കേൾക്കുന്നേരം
323 വാരിജലോചനൻ കാളിന്ദിതന്നുടെ
324 തീരത്തു ചെന്നുടൻ ചൊന്നാനപ്പോൾ:
325 "ചങ്ങാതിമാരേയെൻ ചാരത്തു പോരുവിൻ
326 ചന്തത്തിലുണ്ണേണം നാമെല്ലാരും
327 ഇന്നിലം കൈവിട്ടുപോകിലിന്നാമെല്ലാം
328 നന്നായിട്ടെങ്ങുമേ വന്നുകൂടാ.
329 നല്ലോരു പുല്ലുള്ള ഭൂതലംതന്നിലേ
330 നന്നായി മേയട്ടെ കന്നുകളും."
 
331 എന്നതു കേട്ടൊരു ചങ്ങാതിമാരെല്ലാം
332 കന്നെല്ലാമൊന്നിച്ചുകൂട്ടിച്ചെമ്മേ
333 തണ്ണീരും നല്കി നൽപ്പുല്ലുള്ള ഭൂതലം
334 തന്നിലങ്ങാക്കിനാർ മേച്ചൽപൂവാൻ.
335 വാരെഴും തങ്ങളും നാരായണൻചൂഴും
336 പാരാതെ ചെന്നങ്ങിരുന്നാർ പിന്നെ
337 വാരിജംതന്നുടെ കർണ്ണികതൻ ചൂഴും
338 നേരേ വിളങ്ങും ദളങ്ങൾപോലെ
339 പാച്ചോറുതന്നെയുമെല്ലാരുമോരോരോ
340 പാത്രങ്ങൾതന്നിലുമാക്കിപ്പിന്നെ
 
341 തന്നുടെ തന്നുടെ കായ്കനിയോരോന്നേ
342 മുന്നിലെടുത്തങ്ങു വച്ചുകൊണ്ടാർ
343 കാർമുകിൽവർണ്ണനും ഭോജനംപെണ്ണുവാൻ
344 കാമിച്ചുനിന്നു മുതിർന്നാനപ്പോൾ.
345 നാഭിക്കലാമ്മാറു കോലക്കുഴൽതന്നെ
346 ചൂരക്കോൽക്കൊമ്പെല്ലാം കൈയുടെ കീഴ്;
347 പാച്ചോറുതന്നെയുരുട്ടിച്ചമച്ചുതൻ
348 പാണിതലംതന്നിലാക്കിക്കൊണ്ടു
349 ഉണ്ണിവിരൽകൾതന്നുള്ളിലങ്ങാക്കിനാ
350 നൂണിനു വേണുന്ന കായ്കളെല്ലാം
 
351 ബാലകന്മാരുടെ ലീലകളോരോന്നേ
352 ചാലപ്പറഞ്ഞു ചിരിച്ചു തമ്മിൽ
353 ചോറങ്ങു വായിലിടുന്നോരുനേരത്തു
354 പാരം ചിരിപ്പിച്ചു പൈതങ്ങളെ
355 കാർമുകിൽ വർണ്ണൻതാനാമോദംപൂണ്ടു നൽ
356 കാനനന്തന്നിൽനിന്നുണ്ണുന്നേരം
357 ആകാശംതന്നിലേ വാനവരെല്ലാരും
358 ആമോദംപൂണ്ടങ്ങു നോക്കിനിന്നാർ,
359 വൃന്ദാരകന്മാർക്കു സുന്ദരമായൊരു
360 വൃന്ദാവനന്തന്നിൽ വന്നുനിന്ന്
 
361 നന്ദകുമാരൻറെ ലീലകൾ കാണ്കയാൽ
362 നന്ദനലീലയും വേണ്ടീലപ്പോൾ.
363 നാളീകജന്മാവു നാരായണൻതൻറെ
364 കേളികൾ പിന്നെയും കാണ്മതിന്നായ്
365 കുത്സിതമായൊന്നു വഞ്ചനമെങ്കിലും
366 വത്സങ്ങളെല്ലാമൊളിച്ചുവച്ചാൻ
367 ബാലകന്മാരെല്ലാമുണ്ണുന്ന നേരത്തു
368 കാലിക്കിടാങ്ങളെക്കാണാഞ്ഞപ്പോൾ
369 പേടിപൂണ്ടെല്ലാരും തേടുവാനായിട്ട
370 ങ്ങോടിത്തുടങ്ങുവാനോങ്ങുന്നേരം,
 
371 നീടുറ്റ ബാലകന്മാരോടു ചൊല്ലിനാൻ
372 കേടറ്റ കേശവൻ പേടിപോവാൻ:
373 ഊണിന്നു വൈകല്യമേതുമേയാക്കൊല്ല
374 വേണുന്നതിന്നിന്നു ഞാനുണ്ടല്ലോ
375 കാട്ടിലകംപൂക്കു കന്നുകിടാക്കളെ
376 കൂട്ടമേ ഞാനോ മടക്കികൊൾവൻ."
377 കൊണ്ടൽനേർവർണ്ണൻതാനിങ്ങനെ ചൊന്നുടൻ
378 പിണ്ടവും കൈയിൽ പിടിച്ചുകൊണ്ട്
379 മണ്ടിനാൻ കാനനമണ്ടലംതന്നിലേ
380 തെണ്ടുവാൻ കന്നെല്ലാമിണ്ടൽ നീക്കി.
 
381 ഭദ്രനായുള്ളോരു നാന്മുഖനന്നേരം
382 ഛിദ്രമിയന്നുടൻ പോന്നുവന്നാൻ
383 ആയർകുമാരകന്മാരെയും തന്നുടെ
384 മായയെക്കൊണ്ടു മറച്ചുവച്ചാൻ.
385 നീലവലാഹകനേർനിറമാണ്ടുള്ളോൻ
386 നീളെ നടന്നാനക്കാടുതോറും.
387 കന്നുകളൊന്നുമേ കാണാഞ്ഞു പിന്നെയും
388 വന്നുടൻ നോക്കുമ്പോഴിങ്ങുതന്നെ
389 ബാലകന്മാരെയും കണ്ടുതോയില്ലല്ലൊ
390 "കാലിക്കിടാക്കളെ കാണാഞ്ഞിട്ട്
 
391 ആരാഞ്ഞുപോയോരേ"യെന്നങ്ങു നണ്ണീട്ടു
392 പാരം വിളിച്ചു നടന്നാനെങ്ങും.
393 എന്നിട്ടുമെങ്ങുമേ കാണാഞ്ഞു തന്നിലേ
394 എന്തിതെന്നിങ്ങനെ ചിന്തിച്ചുടൻ
395 ഉള്ളിലെക്കകൊണ്ടു നോക്കിനാനന്നേരം
396 ഉള്ളോരുവണ്ണമേ കാണായപ്പോൾ
397 പുഞ്ചിരി തൂകിനാൻ നന്മുഖന്തന്നുടെ
398 വഞ്ചനലീലയെക്കണ്ടു പിന്നെ.
399 "വഞ്ചിതമായതു വഞ്ചനം ചെയ്കിലോ
400 വഞ്ചകനാമല്ലൊ ഞാനുഞ്ചെമ്മെ"
 
401 നെഞ്ചകംതന്നിലേയിങ്ങനെ നണ്ണിനി
402 ന്നഞ്ചനവർണ്ണന്താനെന്നനേരം
403 അമ്മമാർക്കെല്ലാർക്കും മക്കളെക്കണ്ടിട്ടു
404 സമ്മോദമുള്ളിലങ്ങുണ്ടാവാനായ്
405 കാലിക്കിടാങ്ങളെ താനങ്ങു നിർമ്മിച്ചാൻ;
406 ബാലകന്മാരെയുമവ്വണ്ണമേ.
407 കാലിക്കിടാങ്ങളും പാലകന്മാരായ
408 ബാലകന്മാരുമായ് കാലത്തേതാൻ
409 അമ്പാടിതന്നിലകത്തങ്ങു പൂകുമ്പോൾ
410 അമ്മമാരെല്ലാരും തന്മക്കളേ
 
411 മാനിച്ചെടുത്തുതൻ നന്മുല നല്കിനാർ;
412 ധേനുക്കളും പിന്നെയവ്വണ്ണമേ.
413 സംശയമുണ്ടായീലാർക്കുമേ പാർക്കുമ്പോൾ
414 കൗശലമുള്ളവനല്ലോയിവൻ
415 വത്സങ്ങളായുള്ള തന്നെയുമിങ്ങനെ
416 വത്സന്മാരായുള്ള തന്നെക്കൊണ്ടേ
417 പാലിച്ചുനിന്നു വനത്തിലുമങ്ങുമായ്
418 കാലമങ്ങോരാണ്ടു ചെന്നുതായി.
419 ആണ്മതിരണ്ടോരു നാന്മുഖനന്നേരം
420 കാണ്മാനായ് വന്നാനക്കാനനത്തിൽ.
 
421 കാലിക്കിടാക്കളും ബാലകന്മാരുമായ്
422 ചാല വിളങ്ങുന്നോൻ മുന്നെപ്പോലേ
423 തന്നുടെ മായയാൽ വഞ്ചിതരായോരേ
424 അന്നിലംതന്നിലും നിന്നു കണ്ടാൻ.
425 പട്ടാങ്ങായുള്ളവരേവരെന്നിങ്ങനെ
426 ഒട്ടുപോൽ ചിന്തിച്ചു വട്ടം പോന്നാൻ.
427 ആയർകുലത്തിനു നായകനായോൻതൻ
428 മായയെ നോക്കിനിന്നെന്നനേരം
429 വില്ലിനെ വെല്ലുന്ന നല്ലൊരു ചില്ലിതൻ
430 തെല്ലൊന്നു മെല്ലെയിളക്കിനാൻ താൻ
 
431 എന്നതു കണ്ടൊരു മായതാനെന്നപ്പോൾ
432 തന്നുടെ ലീലയെക്കാട്ടുന്നേരം
433 ബാലകന്മാരുമക്കാലിക്കിടാങ്ങളും
434 നീലത്തെ വെന്ന നിറം ധരിച്ചു.
435 എന്തിതെന്നിങ്ങനെ ചിന്തിച്ചു നാന്മുഖൻ
436 അന്ധതപൂണ്ടു നോക്കുന്നേരം
437 നന്നാലു ബാഹുക്കളായിട്ടു കാണായി
438 നിന്നൊരു ബാലകന്മാരെയെല്ലാം
439 ശംഖു തുടങ്ങിയുള്ളായുധമോരോന്നേ
440 തങ്കരംതോറും ധരിച്ചു നന്നായ്
 
441 ശ്രീഭൂമിമാരായി മേവുന്ന ദേവിമാർ
442 ശോഭകലർന്നുണ്ടു രണ്ടുപാടും
443 മഞ്ഞൾ പിഴിഞ്ഞൊരു കൂറ ധരിച്ചുണ്ടു;
444 ശിഞ്ജിതമായുള്ള നൂപുരവും
445 അംഗദം കങ്കണം കാഞ്ചി തുടങ്ങിന
446 മംഗലഭൂഷണമുണ്ടു മയ്യിൽ:
447 കന്നുകിടാക്കളുമവ്വണ്ണയോയി
448 തൊന്നൊന്നേ നാന്മുഖൻ നോക്കുന്നേരം.
449 കാനനംതന്നിലെ ദാരുക്കളോരോന്നേ
450 കാണായിതന്നേരമവ്വണ്ണമേ.
 
451 കണ്ണനായ് നിന്നതങ്ങാരെന്നു ചിന്തിച്ചു
452 തിണ്ണമുഴന്നങ്ങു നോക്കുന്നേരം
453 വിണ്ണവരെല്ലാരും നിന്നതു കാണായി
454 കണ്ണന്റെ കീർത്തിയെപ്പാടിപ്പാടി.
455 ആഴികളേഴുമേ കാണായിതന്നേരം
456 ഏഴുരണ്ടായുള്ള ലോകങ്ങളും
457 പുണ്യങ്ങൾ ചെയ്തുള്ള ധന്യരെക്കാണായി
458 വിണ്ണിലേ നിന്നു കളിക്കുന്നതും
459 പാപങ്ങൾ ചെയ്തോരെത്താപത്തിൽ കാണായി
460 പാഥോജസംഭവനെന്നനേരം.
 
461 ധന്യമായുള്ളൊരു തന്നുടെ ലോകവും
462 തന്നെയും കാണായി മുന്നെപ്പോലെ
463 കണ്ടൊരുനേരത്തു തങ്ങളിലിങ്ങനെ
464 മിണ്ടുവാനേതുമേ വല്ലീലപ്പോൾ
465 സത്യമായുള്ളൊരു ഞാനായതേവനെ
466 ന്നിത്തരം ചിന്തിച്ചുനിന്നുഴന്നാൻ.
467 ക്ഷീരാംബുരാശിയിൽ നേരേ വിളങ്ങുന്ന
468 നാരായണൻതന്നെക്കാണായപ്പോൾ.
469 അന്നവൻതന്നുടെ നാഭിസരോജത്തിൽ
470 നിന്നൊരു തന്നെയും കണ്ടാൻ പിന്നെ.
 
471 "നീയാരെ"ന്നിങ്ങനെ ചോദിച്ചാനന്നേരം
472 "മായവ"നായുള്ള നാന്മുഖൻതാൻ
473 "സ്രഷ്ടാവു ഞാനെ"ന്നു ചൊല്ലിനാനന്നേരം
474 പട്ടാങ്ങായ് നിന്നുള്ള നാന്മുഖനും
475 സ്രഷ്ടാവെന്നിങ്ങനെ ചൊന്നതു കേട്ടപ്പോൾ
476 സൃഷ്ടനായ് നിന്നവൻ ചൊന്നാൻ പിന്നെ:
477 "സ്രഷ്ടാവായ് നിന്നതു ഞാനല്ലൊ നീയല്ല
478 പൊട്ടാ നീ "ഞാനെ"ന്നു ചൊന്നതെന്തേ?"
479 തങ്ങളിലിങ്ങനെ പേശുന്നനേരത്തു
480 തിങ്ങിന കോപമിയന്നു മുന്നിൽ.
 
481 കൈടഭൻ വന്നു കയർത്തതു കാണായി
482 പേടിപൂണ്ടെന്നപ്പോളോടിനാൻ താൻ
483 കൈയും തിരുമ്മിത്തിരുമ്മി വിറച്ചുനി
484 "ന്നയ്യോ!" എന്നിങ്ങനെ ചൊല്ലിച്ചൊല്ലി.
485 കൈഭടൻതാനുമന്നാന്മുഖൻപിന്നാലെ
486 ഓടിത്തുടങ്ങിനാൻ പിന്നെപ്പിന്നെ.
487 കൂരിരുട്ടായൊരു മന്ദിരംതന്നിലായ്
488 ആരുമൊരുത്തരം കൂടാതെതാൻ
489 വാതിലും കാണാതെ പാരമുഴന്നൊരു
490 ബാലകൻ ചെയ്യുന്ന വേലയെല്ലാം
 
491 കാട്ടിനാൻ നിന്നൊരു നാന്മുഖനന്നേരം
492 ഗോഷ്ഠിയെന്നെല്ലാരും ചൊല്ലുന്നതും
493 നാന്മുഖൻതന്നുടെ ദീനത്തെക്കണ്ടപ്പോൾ
494 ആമ്നായമന്ദിരനായവൻതാൻ
495 മാനമെഴുന്നതു പോയിതായെന്നിട്ടു
496 മായയേ മെല്ലെ മറച്ചുവച്ചാൻ.
497 ദുസ്ഥനായുള്ളൊരു നാന്മുഖനെന്നപ്പോൾ
498 സ്വസ്ഥനായ് നിന്നുടനൊന്നു വീർത്താൻ,
499 ഗർഭത്തിൽനിന്നു പുറത്തു പുറപ്പെട്ടൊ
500 രർഭദൻതാൻ നിന്നു വീർക്കുംപോലെ.
 
501 ഭീതി തഴച്ചുനിന്നാശകളോരോന്നേ
502 ആതുരനായിട്ടു നോക്കുന്നേരം
503 സുന്ദരനായൊരു നന്ദകുമാരനെ
504 വൃന്ദാവനംതന്നിൽനിന്നു കണ്ടാൻ
505 മേഘങ്ങൾ പോയാലങ്ങാകാശം തന്നിലേ
506 മേവുന്ന തിങ്കളേയെന്നപോലെ.
507 ചെമ്മേയണഞ്ഞുതുടങ്ങിനാനന്നേരം
508 അമ്മയെക്കണ്ടുള്ള മക്കൾപോലെ.
509 കൈകളെക്കൂമ്പിച്ചു ഭൂതലംതന്നിലേ
510 കൈതവം കൈവിട്ടു വീണാൻ പിന്നെ.
 
511 മൂർദ്ധാവു നാലുമപ്പാദങ്ങൾ രണ്ടിലും
512 ചേർത്തുനിന്നീടിനാനൊട്ടുനേരം
513 പാംസുക്കളേറ്റിട്ടു ധൂസരമായുള്ള
514 പാദങ്ങൾ രണ്ടുമങ്ങാദരവായ്
515 ആനന്ദലോചനവാരികൊണ്ടന്നേരം
516 ക്ഷാളനം ചെയ്താനെ മെല്ലെ മെല്ലെ
517 മെല്ലെന്നെഴുനീറ്റു കണ്ണും തിരുമ്മീട്ടു
518 വല്ലഭീവല്ലഭൻ മുന്നിൽതന്നെ
519 കോൾമയി്ർകൊണ്ടുടനാനന്ദംതന്നുടെ
520 കോമരമായിട്ടു നിന്നു പിന്നെ.
 
521 ഗൽഗദയായൊരു ഗീരുകൊണ്ടന്നേരം
522 ചിൽഘനനായോനേ വാഴ്ത്തിനിന്നാൻ:
523 "കാർമുകിൽനേരൊത്ത കീന്തിയുമായ് നിന്നു
524 തൂമിന്നൽ നേരൊത്ത കൂറയുമായ്
525 പീലികൾകൊണ്ടും നന്മാലകളെക്കൊണ്ടും
526 ചാല നിറന്നോനെ കൈ തൊഴുന്നേൻ.
527 ഇക്കണ്ട രൂപത്തിൻ വൈഭവം വാഴ്ത്തുവാൻ
528 ഇക്കണ്ടോരാരുമില്ലെന്നു ചൊല്ലാം.
529 നിർഗ്ഗുണനായിട്ടു നിത്യനായ് നിന്ന നിൻ
530 ചിദ്രൂപം പാർക്കിലിന്നാർക്കറിയാം.
 
531 ആദ്യന്തശൂന്യങ്ങളായുള്ള വേദങ്ങൾ
532 ആരാഞ്ഞുപോയെങ്ങും കണ്ടുതില്ലെ
533 മൂഢനായ് നിന്നൊരു ഞാനിന്നു തെണ്ടേണ്ട
534 ഗൂഢനായ് നിന്നൊരു നിന്നെക്കാണ്മാൻ.
535 നിന്മായമോർക്കിലിന്നാർക്കറിവാനാവൂ
536 ചിന്മയനായ് നിന്ന തമ്പുരാനേ.
537 പാരെല്ലാമീരേഴും നിങ്കലെഴുന്നതും
538 പാരാതെ നിങ്കലമങ്ങുന്നൂതും
539 പാവകജ്ജ്വാലകൾ പാരമെഴുന്നിട്ടു
540 പാവകന്തങ്കലടങ്ങുമ്പോലെ
 
541 സൃഷ്ടിക്കു ഞാനിന്നു കർത്താവെന്നുള്ളതും
542 പൊട്ടരായുള്ളവർ ചൊല്ലുന്നൂതും
543 എന്തു ഞാനിന്നിതിൻ കാരണമായ് നില്പാൻ
544 അന്ധനായ് നിന്നുള്ളോനങ്ങെങ്ങാനും
545 ശാസ്ത്രങ്ങളെല്ലാഞ്ഞാനോർത്തുടൻ മെല്ലെ നി
546 ന്നോർത്തെല്ലാം ചിന്തിച്ചു പാർത്തു കണ്ടേൻ;
547 നിയ്യായതിങ്ങനെയെന്നുള്ളതെങ്ങുമേ
548 മായം കളഞ്ഞൂ ഞാൻ കണ്ടുതില്ലേ.
549 ഇങ്ങനെയല്ലപോലങ്ങനെയല്ലപോൽ
550 എങ്ങുമേയെന്നതു കണ്ടു ഞാനോ
 
551 ഇങ്ങനെ നിന്നൊരു നിന്നെ ഞാൻ വെല്ലുവാൻ
552 ഇന്നു മുതിർന്നു തുനിഞ്ഞു ചെമ്മേ
553 ഉദ്യോതംകൊണ്ടു നൽ പ്രദ്യോതനന്തന്നെ
554 ഖദ്യോതം വെല്ലുവാനെന്നപോലെ
555 നീയായി നിന്നൊരു പീയൂഷവാരിയിൽ
556 നീളവേ മുങ്ങിനോരെങ്ങളാരും
557 വല്ലുന്നൂതില്ലൊരു തുള്ളിയെ വായ്ക്കൊൾവാൻ
558 വല്ലാതതല്ലെനിക്കത്ഭുതം താൻ
559 ദാഹത്തെപ്പോക്കുവാൻ താപത്തെത്തൂകുന്ന
560 മോഹമാം വാരിയിൽ ചാടുന്നൂതും
 
561 അങ്ങനെ പോകതു നിന്നുടെ വൈഭവ
562 മെങ്ങുമേ കാണാവല്ലെന്നേ വേണ്ടൂ
563 നാഥനായ് നിന്നതും താതനായ് നിന്നതും
564 മാതാവായ് നിന്നതും നീയല്ലൊതാൻ.
565 എങ്ങളിലുള്ളൊരു വമ്പിഴയെല്ലാം നീ
566 ഇങ്ങനെ നിന്നു പൊറുക്കേയുള്ളൂ;
567 ഗർഭസ്ഥനായുള്ള ബാലൻ ചവിട്ടിയാൽ
568 നിർഭർത്സിക്കുന്നതോ മാതാക്കന്മാർ.
569 വിശ്വങ്ങളെല്ലാമേ നിന്നുടെയുള്ളിലു
570 നിശ്ശങ്കമായ് നിന്നു ചൊല്ലാമിപ്പോൾ
 
571 വിശ്വത്തിൽ ഞാനുമൊന്നെന്നതു നിർണ്ണയം
572 നിശ്ചയമെൻ പിഴ നീ പൊറുപ്പൻ.
573 നാന്മുഖനായ് നിന്നു നാടുകളേഴിലും
574 മേന്മയെനിക്കേതും വേണ്ടീതില്ലേ.
575 ഉല്ലാസം പൂണ്ടൊരു വൃന്ദാവനംതന്നിൽ
576 പുല്ലായി മേവണമെല്ലാനാളും
577 പല്ലവംപോലെ പതുത്തുള്ള നിമ്പാദം
578 മെല്ലവേനിന്നു ധരിക്കാമല്ലോ."
579 ഇത്തരമോരോന്നേ ചൊല്ലിപ്പുകണ്ണിട്ടു
580 സത്വരം കുമ്പിട്ടു കൂപ്പിനിന്നാൻ.
 
581 ശങ്കിതനായൊരു പങ്കജജന്മാവു
582 തങ്കഴൽപ്പങ്കജം കൂപ്പുന്നേരം
583 നാലു മുഖങ്ങളുമമ്പോടു നോക്കീട്ടു
584 നീലക്കാർവർണ്ണൻ ചിരിച്ചു ചൊന്നാൻ:
585 "വൃദ്ധന്മാരായോർ കളിച്ചുതുടങ്ങിനാൽ
586 മുഗ്ദ്ധരാം ഞങ്ങളിന്നെന്തുവേണ്ടൂ?
587 ഇങ്ങനെ നിങ്ങൾ കളിച്ചുതുടങ്ങിനാൽ
588 എങ്ങൾക്കു സങ്കടമായിവരും
589 നാട്ടാരെ വീട്ടിലെപ്പൈതങ്ങളെക്കൊണ്ടെ
590 ക്കാട്ടിക്കൊടുപ്പു ചെല്ലെങ്ങനെ ഞാൻ?
 
591 കന്നുകളാലൊന്നുകണ്ടുതില്ലെങ്കിലോ
592 അന്നടേയുണ്ടല്ലൊ തല്ലെനിക്കോ;
593 തൽകൊണ്ടു ഞാൻ നിന്നു കേണതു കാണാമെ
594 ന്നല്ലല്ലീ ചിന്തിച്ചു വന്നതിപ്പോൾ.
595 ഈശ്വരനോടു പിഴച്ചുതില്ലേതും ഞാൻ
596 ആശ്രയമായതു മറ്റൊന്നല്ലേ."
597 ആസ്ഥനായുള്ള വിരിഞ്ചനോടിങ്ങനെ
598 ഹാസ്യങ്ങളായുള്ള വാക്യങ്ങളേ
599 ചാലപ്പറഞ്ഞവൻ മോദത്തെയുണ്ടാക്കി
600 ക്കാലത്തെ പോകെന്നു ചൊന്നാൻ പിന്നെ.
 
601 മേധാവിയായൊരു ധാതാവുതാനപ്പോൾ
602 മാധവന്തന്നുടെ പാദങ്ങളേ
603 മാനസംതന്നിലുറപ്പിച്ചുനിന്നുടൻ
604 ആനന്ദം പൂണ്ടു നടന്നാൻ പിന്നെ.
605 വാരിജജന്മാവു പോയൊരുനേരത്തു
606 വാരിജലോചനൻ കന്നുകളേ
607 ചാലെത്തെളിച്ചു നൽ കാളിന്ദീതീരത്തു
608 ബാലകന്മാരുടെ മുന്നിൽ ചെന്നാൻ.
609 മായയിൽ മുങ്ങിന ബാലന്മാരാരുമ
610 ക്കാലം കഴിഞ്ഞതറിഞ്ഞതില്ലേ.
 
611 "ദൂരത്തുപോയുള്ള കന്നും തെളിച്ചിങ്ങു
612 വേഗത്തിൽ വന്നതു നന്നെടോ നീ
613 നീയിങ്ങു കന്നുമായ് വന്നതു പാർത്തിട്ടു
614 പൈയും പൊറുത്തിതാ നിന്നു ഞങ്ങൾ."
615 ഇങ്ങനെ ചൊന്നുള്ള ബാലകന്മാരുമായ്
616 ഭംഗിയിൽനിന്നുടനുണ്ടു പിന്നെ
617 കന്നും തെളിച്ചു തൻ ചങ്ങാതിമാരുമായ്
618 മന്ദിരംതന്നിലേ ചെന്നു പുക്കാൻ.

  • Mazha Thulli and Serikkum Mothalali like this


Users Awards

#6 VIncenT GomeZ

VIncenT GomeZ

    Best Boy of PP - 2012

  • Premium Member
  • 9,151 posts
  • Location:root
  • Gender:Male
  • Country: Country Flag
  • Current: Country Flag

Posted 04 May 2015 - 10:53 AM

കാളിയമർദ്ദനം

1 ബാലകന്മാരുമായ് കന്നുമേച്ചിങ്ങനെ

2 നാലഞ്ചുമാസം കഴിഞ്ഞകാലം
3 ഗോവിന്ദരാമന്മാർ ഗോക്കളെ മേച്ചങ്ങു
4 മേവിത്തുടങ്ങിനാർ മെല്ലെ മെല്ലെ.
5 ഭൂമിക്കുഭൂഷണമായി വിളങ്ങുന്നൊ
6 രോമനച്ചേവടി രണ്ടുകൊണ്ടും
7 കാനനംതന്നിലെക്കല്ലിനും പുല്ലിനും
8 ആനന്ദമേറ്റം വളർത്തിനിന്നാർ.
9 ബാലകന്മാരുടെ യാചനം തന്നാലെ
10 താലവനന്തന്നിൽ ചെന്നു പിന്നെ
 
11 രാസഭനായ് വന്ന ധേനുകനായൊരു
12 വാസവവൈരിയെക്കൊന്നുടനെ
13 താഫലങ്ങളെബ്ബാലകന്മാർക്കുമ
14 മ്മാപോകരെല്ലാർക്കുമായ്ക്കൊടുത്താർ.
15 കാലി തെളിക്കുന്ന ബാലകന്മാരുമായ്
16 ആലയംതന്നിലകത്തുപുക്കു
17 വല്ലവിമാരുടെ കണ്ണിനുമുള്ളിനും
18 ഉല്ലാസം നല്കിനാരല്ലൽ നീക്കി.
19 കാലികൾ മേപ്പാനക്കാനനം പൂകിന
20 ബാലകന്മാരെല്ലാമന്നൊരു നാൾ
 
21 ആതപമേറ്റുള്ള താപംകൊണ്ടേറ്റവും
22 ദാഹിച്ചു ചെന്നു നൽ കാളിന്ദിയിൽ
23 കാളിയനായൊരു കാളഭുജുംഗത്തിൻ
24 ക്ഷ്വേളമിയന്നൊരു വെള്ളംതന്നെ
25 കോരിക്കുടിച്ചു, തദ്ദാഹത്തെത്തീർത്തുടൻ
26 തീരത്തു ചെന്നങ്ങുനിന്നനേരം
27 ക്ഷ്വേളത്തിൽ വേഗത്താൽ വീണുതുടങ്ങിനാർ
28 കാലികളും പിന്നെയവ്വണ്ണമേ
29 കാർമുകിൽ വർണ്ണന്താൻ കാലിതെളിച്ചു നൽ
30 കാനനകാന്തിയെക്കണ്ടു കണ്ട്
 
31 മെല്ലവേ വന്നിങ്ങു നിന്നൊരു നേരത്തു
32 വല്ലവബാലികന്മാരെക്കണ്ടാൻ,
33 ജീവനും കൂടാതെ കേവലം ഭൂമിയിൽ
34 പാവകൾ വീണു കിടക്കുംപോലെ.
35 കണ്ടൊരു നേരത്തു കൊണ്ടൽനേവർണ്ണൻതാൻ
36 ഇണ്ടലായ് നിന്നു നുറുങ്ങു നേരം
37 വാമമായുള്ളൊരു ലോചനംകൊണ്ടു തൻ
38 ബാലകന്മാരെക്കുളുർക്ക നോക്കി
39 പീയൂഷം കൊണ്ടു തളിച്ചു തളിച്ചു നി
40 ന്നായാസം പോക്കിനാൻ മെല്ലെ മെല്ലെ.
 
41 ബാലകന്മാരുമക്കാലിക്കുലങ്ങളും
42 ആലസ്യം നീക്കിയെഴുന്നനേരം
43 കാർമുകിൽവർണ്ണന്താനുള്ളിലേ ചിന്തിച്ചാൻ:
44 "കാളിയന്തന്നെ ഞാനിന്നുതന്നെ
45 കാളിന്ദിതന്നിൽനിന്നാട്ടിക്കളയായ്കിൽ
46 നാളെയുമിങ്ങനെ വന്നുകൂടും."
47 എന്നങ്ങു നണ്ണിനിന്നന്നേരംതന്നെയ
48 ന്നിന്നൊരു നീലക്കടമ്പുതന്മേൽ
49 പാഞ്ഞുകരേറിനാൻ പാവനമായുള്ള
50 പാദങ്ങൾകൊണ്ടു ചവിട്ടിച്ചെമ്മെ,
 
51 പാരിച്ചു ചാടിനാൻ ചാരത്തെ വാരിയിൽ
52 വേരറ്റ മേരുക്കുന്നെന്നപോലെ.
53 കാമിനിമാരോടുകൂടിക്കളിക്കുന്ന
54 കാളിയൻതാനും തൻ പൈതങ്ങളും
55 പെട്ടെന്നു ഞെട്ടിനാരെന്തെന്നു ചിന്തിച്ചു
56 വട്ടത്തിൽനിന്നങ്ങുഴന്നാർ പിന്നെ.
57 ഘോരനായുള്ളൊരു കാളിയന്നേരം
58 പാരിച്ച കോപത്തെപ്പൂണ്ടു ചൊന്നാൻ:
59 "ആരിന്നു വന്നതെന്നാലയംതന്നിലേ
60 ധീരനായ് കേവലം ചാവതിന്നായ്"
 
61 ഇങ്ങനെ ചൊല്ലിത്തൻ മസ്തകമെല്ലാമേ
62 പൊങ്ങിച്ചുനിന്നങ്ങുയർന്നനേരം
63 ശ്വാസങ്ങളേറ്റു തികന്നു തുടങ്ങിതേ
64 ചാരത്തുനിന്നുള്ള വെള്ളമെല്ലാം
65 വാരിതൻ മീതേ നികന്നവൻ നോക്കുമ്പോൾ
66 ദൂരവേ കാണായി കണ്ണന്തന്നെ
67 മേളമെഴുന്നോരു മേചകവാരിയിൽ
68 നീളവേ നീന്തുന്നതെ,ന്നനേരം
69 തിങ്കളെക്കണ്ടൊരു രാഹുവെപ്പോലെ താൻ
70 ശങ്ക കളഞ്ഞങ്ങടുത്തുപിന്നെ
 
71 അല്ലിത്താർമാതുതൻ മല്ലക്കരംകൊണ്ടു
72 മെല്ലെത്തലോടുന്ന പാദങ്ങളിൽ
73 പാരിച്ചു ദംശിച്ചാൻഅങ്ങനെയല്ലൊ താൻ
74 പാപികളായോർക്കു തോന്നി ഞായം.
75 എന്നതിന്നേതുമേ പീഡയെക്കാണാഞ്ഞു
76 മുന്നേതിലേറ്റം കതിർത്തുപിന്നെ
77 മർമ്മങ്ങൾതോറും കടിച്ചുതുടങ്ങിനാൻ
78 നിർമ്മലനായൊരു പൈതൽതന്നെ.
79 ഇത്തരമോരോരോ യുദ്ധങ്ങൾ ചെയ്തിട്ടു
80 മസ്തകം കൊണ്ടങ്ങടിച്ചു ചെമ്മേ.
 
81 വറ്റാത കാന്തി കലർന്നൊരു കണ്ണനെ
82 തെറ്റെന്നു ചുറ്റിനാൻ മുറ്റ മുറ്റെ.
83 കാളിയൻതന്നോടു നേരിട്ടു കാർവർണ്ണൻ
84 കാളിന്ദിതന്നിൽ കളിക്കുന്നേരം
85 നിച്ചലും ചെല്ലുന്നനേരത്തു ചെല്ലാഞ്ഞി
86 ട്ടച്ഛനുമമ്മയുമോർത്തുനിന്നാർ:
87 "എന്മകനെന്തുപോൽ വാരാഞ്ഞു തോഴീ! ചൊൽ
88 ഇന്ന ലയിന്നേരം വന്നാനല്ലോ.
89 കാലികൾ കാണാഞ്ഞു കാട്ടിൽ നടക്കുമ്പോൾ
90 കാൽതന്നിൽ മുള്ളു തറച്ചില്ലല്ലീ.
 
91 കായ്കളെക്കൊള്ളുവാൻ പാഴ്മരമേറീട്ടു
92 കാനനംതന്നിലേ വീണാനോതാൻ.
93 ചാലത്തടുത്തു തെളിക്കുന്ന നേരത്തു
94 കാലികൾ കുത്തിക്കുതിർന്നില്ലല്ലീ,
95 കാനനം തന്നിലേ നൽവഴി കാണാഞ്ഞു
96 ദീനനായ് നിന്നങ്ങുഴന്നാനോ താൻ.
97 സഞ്ചരിച്ചീടുമ്പോൾ വൻപുലിതന്നാലേ
98 വഞ്ചിതനായാനോ ചൊല്ലു തോഴീ!
99 പിള്ളരുമായിപ്പിടിച്ചു കളിക്കുമ്പോൾ
100 അല്ലലായ് വീണു കിടന്നാനോ താൻ.
 
101 ചോറെല്ലാമാറിച്ചമഞ്ഞുതുടങ്ങുന്നു
102 നീറുന്നൂതുള്ളവും പിന്നെപ്പിന്നെ
103 മക്കളെപ്പെറ്റുള്ളോരമ്മമാരാർക്കുമേ
104 ഉൾക്കാമ്പിൽ വേദനയെന്നിയില്ലേ.
105 പോരായിപ്പണ്ടു കഴിഞ്ഞൊരു ജന്മത്തിൽ
106 വൈരംകലർന്നുള്ള ലോകരെല്ലാം
107 മക്കളായ് വന്നു പിറന്നു ചമഞ്ഞിട്ടു
108 ദുഖമിയറ്റുന്നൂതെന്നു തോന്നും;
109 വായ്പോടു നിന്നൊരു കണ്ണനെ നണ്ണി ഞാൻ
110 രാപ്പകൽ വേകുമാറായിതല്ലോ.
 
111 കാലിക്കഴുത്തിലെ നന്മണിയൊച്ചയും
112 ചാരത്തു കേൾക്കായിതില്ലേയൊന്നും
113 പൂതനതന്നുടെ തോഴിമാരാരേലും
114 ചേതന പോക്കിക്കളഞ്ഞാരോ താൻ.
115 കാളിന്ദിതന്നിൽ കളിക്കുന്ന നേരത്തു
116 കാളിയൻ ചെന്നു കടിച്ചാനോതാൻ"
117 എന്നങ്ങു ചൊല്ലുമ്പോഴംബരംതന്നിൽനി
118 "ന്നങ്ങനെ"യെന്നൊരു വാക്കുണ്ടായി.
119 എന്നതു കേട്ടുടനെല്ലാരും നോക്കുമ്പേൾ
120 ദുർനിമിത്തങ്ങളും കാണായ്‌വന്നു.
 
121 അച്ഛനുമമ്മയും മറ്റുള്ള ലോകരും
122 തെറ്റെന്നു ചാടിനാർ കാടുനോക്കി
123 കാർവർണ്ണന്തന്നുടെ കാൽച്ചുവടാരാഞ്ഞു
124 കാനനംതന്നൂടെ പാഞ്ഞു പാഞ്ഞു
125 കാളിന്ദിതന്നുടെ തീരത്തു ചെല്ലുമ്പോൾ
126 കാണായി കേഴുന്ന ബാലന്മാരെ.
127 "എന്മകനെങ്ങോനെ"ന്നിങ്ങനെ ചോദിച്ചാൾ
128 അമ്മതാൻ പൈതങ്ങളെല്ലാരോടും
129 എന്നതുകേട്ടുള്ള ബാലന്മാരാരുമേ
130 ഏതുമേ മിണ്ടുവാൻ വല്ലീലപ്പോൾ.
 
131 കേവലം കേണുതുടങ്ങിനാർ പിന്നെയും
132 ആവതോ മറ്റേതുമില്ലയല്ലോ
133 നീളെ വിളിക്കുന്നോരച്ഛനുമമ്മയും
134 കാളിന്ദിതന്നിലേ നോക്കുന്നേരം
135 കാളിയൻതന്നാലെ കെട്ടുപെട്ടുള്ളൊരു
136 കാർവർണ്ണന്തന്നെയും കാണായപ്പോൾ.
137 മണ്ടിനാരന്നേരം വെള്ളത്തിൽ തുള്ളുവാൻ
138 ഇണ്ടൽകൊണ്ടുള്ളിലേ മൂടുകയാൽ
139 പേടിയേ വേർവിട്ട രോഹിണീനന്ദനൻ
140 ഓടിച്ചെന്നങ്ങു തടുത്താനപ്പോൾ
 
141 കേടുറ്റുനിന്നൊരു നന്മൊഴികൊണ്ടവർ
142 പേടിയുമൊട്ടു തളർത്തുനിന്നാൻ
143 കാളിയന്തന്നോടുകൂടിക്കളിക്കുന്ന
144 കാർവർണ്ണൻ തിണ്ണമെഴുന്നുപിന്നെ
145 മസ്തകംതന്നിൽ ചവിട്ടിനിന്നന്നേരം
146 നൃത്തംതുടങ്ങിനാൻ മെല്ലെ മെല്ലെ.
147 വാനവരെല്ലാരും മാനിപ്പാനായിട്ടു
148 മാനത്തു വന്നു നിറഞ്ഞാരപ്പോൾ.
149 വാദ്യങ്ങളെല്ലാമങ്ങൊക്ക മുഴങ്ങിച്ചി
150 ട്ടാദ്യനായുള്ളോനെ വാഴ്ത്തിനിന്നാർ.
 
151 കാർവർണ്ണൻതന്നുടെ കോമളപാദങ്ങൾ
152 കാളിയന്മേനിയിലേല്ക്കുന്നേരം
153 വമ്പുറ്റുനിന്നൊരു വങ്കുന്നു വന്നിട്ടു
154 തങ്കലേ വീഴുന്നൂതെന്നു തോന്നി.
155 വീരനായുള്ളോരു കാളിയൻവായീന്നു
156 ചോര ചൊരിഞ്ഞുതുടങ്ങീതപ്പോൾ.
157 ക്ഷീണനായ് നിന്നങ്ങു കേണു തുടങ്ങിനാൻ
158 പ്രാണങ്ങൾ പോവോളമായിക്കൂടി.
159 വേദങ്ങളുള്ളിലെക്കാതലായ് നിന്നുള്ള
160 പാദങ്ങൾ തങ്കലങ്ങേല്ക്കയാലെ
 
161 ദുർമ്മദം പോയങ്ങു നിർമ്മലനായ് വന്നാൻ
162 കല്മഷം നീങ്ങിനാലെന്നു ഞായം.
163 ആരിതെന്നിങ്ങനെ പാരാതെ ചിന്തിച്ചു
164 നാരായണൻതാനെന്നുള്ളിൽ നണ്ണി
165 പാദങ്ങൾ കുമ്പിട്ടു "പാലിച്ചുകൊള്ളേണം
166 വേദത്തിൻ കാതലേ!" എന്നുചൊന്നാൻ
167 കാളിയൻതന്നുടെ കാമിനിമാരെല്ലാം
168 ബാലകന്മാരെയും കൊണ്ടുവന്നു
169 കേശവൻതന്നുടെ പാദങ്ങൾ കുമ്പിട്ടു
170 കേണുതുടങ്ങിനാർ വീണു ചെമ്മേ.
 
171 എന്നതു കണ്ടൊരു കാർവർണ്ണൻ ചൊല്ലിനാൻ:
172 "ഇന്നിലം കൈവിട്ടുപോകണം നീ."
173 കാളിയന്താനുമാക്കാർവർണ്ണൻതന്നോടു
174 ലാളിച്ചുചൊല്ലിനാനെന്നനേരം:
175 "എങ്ങളെക്കാണുമ്പോൾ കൊന്നുടനന്നേരം
176 തിന്നുമുടിക്കുമേ വൈനതേയൻ
177 എന്നുള്ള പേടികൊണ്ടിന്നിലംതന്നിലേ
178 എങ്ങൾവസിക്കുന്നു തമ്പുരാനെ.
179 സൗരഭിയായൊരു മാമുനിതന്നുടെ
180 ശാപംകൊണ്ടിങ്ങവൻ വാരായിന്നും."
 
181 കാളിയനിങ്ങനെ ചൊന്നതു കേട്ടൊരു
182 കാർമുകിൽവർണ്ണനും ചൊന്നാനപ്പോൾ:
183 "എന്നുടെ പാദംകൊണ്ടങ്കിതനാം നിന്നെ
184 വന്നിനിത്തീണ്ടുമോ വൈനതേയൻ?
185 വൈരിയായുള്ളൊരു വൈനതേയന്തന്നെ
186 വൈകാതെ ചെന്നിന്നു കണ്ടാലും നീ."
187 എന്നതു കേട്ടൊരു പന്നഗവീരന്താൻ
188 നന്ദകുമാരനെക്കുമ്പിട്ടുടൻ
189 ഉത്തമമായുള്ള രത്നങ്ങളെക്കൊണ്ടും
190 മുത്തുകളെക്കൊണ്ടും പൂജിച്ചപ്പോൾ,
 
191 മുഗ്ദ്ധവിലോചനൻതന്നെയും തന്നുടെ
192 മസ്തകംതന്നിലെടുത്തു മെല്ലെ
193 ദൂരത്തുനിന്നൊരു തീരത്തു ചേർത്തിട്ടു
194 നേരത്തേ പോയാനക്കാളിയന്താൻ.
195 കണ്ണുനീർ വീഴ്ത്തിനോരച്ഛനുമമ്മയും
196 കണ്ണനേ വന്നതു കണ്ടനേരം
197 കണ്ണുനീർ പിന്നെയും തൂകിത്തുടങ്ങിനാർ
198 കണ്ണനെക്കണ്ടുള്ള സന്തോഷത്താൽ.
199 ഓടിയണഞ്ഞവൻ പൂമേനി തന്നുടെ
200 കേടറ്റ മേനിയിൽ ചേർത്തു ചെമ്മേ
 
201 പൂണ്ടുതുടങ്ങിനാർ പിന്നെയും പിന്നെയും
202 നീണ്ടുള്ള വീർപ്പുകളാണ്ടു മേന്മേൽ.
203 പല്ലവംപോലെ പതുത്തൊരു പൂമേനി
204 വല്ലവിമാരെല്ലാം പൂണ്ടുപിന്നെ
205 അല്ലലേ നീക്കിനാർ തിങ്കളെപ്പൂണ്ടുപൂ
206 ണ്ടല്ലിനെ രാത്രികൾ നീക്കുമ്പോലെ.
207 ഒക്കവേ ചെന്നു തൻ ചങ്ങാതിമാരെല്ലാം
208 തിക്കു തുടങ്ങിനാർ പൂണ്ടുപൂണ്ടു.
209 കന്നുകിടാക്കളും നന്ദതനൂജനെ
210 ചുംബിച്ചുനിന്നു തുടങ്ങീതെല്ലാം.
 
211 വാരിയിൽനിന്നങ്ങു വന്നോരു കാർവർണ്ണൻ
212 തീരത്തുനിന്നു വിളങ്ങുന്നേരം
213 വാരുറ്റുനിന്നൊരു സാഗരവാരിയിൽ
214 നേരേ പോയ് ചാടിനാൻ സൂര്യനപ്പോൾ
215 കാളിന്ദീതന്നുടെ നീരെല്ലാം പൊങ്ങീട്ടു
216 നീളപ്പരന്നു ചമഞ്ഞപോലെ
217 പാരിച്ചുനിന്നൊരു കൂരിരുട്ടന്നേരം
218 പാരിടമെങ്ങും പരന്നുകൂടീ.
219 പക്ഷികൾ കൂട്ടിലടങ്ങിതായന്നേരം
220 ദുഷ്ടമൃഗങ്ങൾ നടത്തംകൊണ്ടു,
 
221 ഗോകുലനാരിമാർ കേഴാതെനിന്നപ്പോൾ
222 കോകങ്ങൾ കേണുതുടങ്ങി ചെമ്മെ.
223 കൂമ്പിത്തുടങ്ങീതു ലോകർക്കു കണ്ണെല്ലാം
224 ആമ്പലുമെങ്ങും വിരിഞ്ഞുകൂടി.
225 നാരിമാർ നന്മുഖം നന്നായ് വിരിഞ്ഞപ്പോൾ
226 വാരിജം കൂമ്പിത്തുടങ്ങീതെങ്ങും.
227 മുത്തുകൾ പൂണ്ടൊരു കാർവർണ്ണൻമെയ്തന്നോ
228 ടൊത്തങ്ങു നില്പാനായെന്നപോലെ
229 താരങ്ങളായൊരു ഹാരങ്ങൾ പൂണ്ടിട്ടു
230 പാരം വിളങ്ങി വിയത്തുമപ്പോൾ.
 
231 രാത്രിയെക്കണ്ടൊരു ഗോപാലന്മാരെല്ലാം
232 യാത്രയ്ക്കു കാലമല്ലെന്നു ചൊല്ലി
233 കാളിന്ദിതന്നുടെ ചാരത്തുനിന്നൊരു
234 കാനനന്തന്നിലിരുന്നെല്ലാരും
235 പാഥോജലോചനന്താനുമായോരോരോ
236 ഗാഥകളോതിനിന്നൊട്ടുനേരം.
237 ഭദ്രമന്മാരായുള്ള ഗോപന്മാരെല്ലാരും
238 നിദ്രയെപ്പൂണ്ടു കിടന്നനേരം
239 മുറ്റെപ്പിടിച്ചൊരു കാട്ടുതീ കാണായി
240 ചുറ്റെ വരുന്നതു പറ്റപ്പറ്റി.
 
241 ബോധത്തെപ്പൂണ്ടുള്ള ഗോപന്മാരെല്ലാരും
242 ഭീതന്മാരായ് നിന്നു ചൊന്നാരപ്പോൾ:
243 "കണ്ണാ! നീ കാണയ്യോ! കാട്ടുതീ വന്നതു
244 വെണ്ണീറായ്പോയിതു നാമെല്ലാരും."
245 ഇച്ചൊന്ന വാക്കിനെക്കേട്ടൊരു നേരത്തു
246 വിശ്വങ്ങളുള്ളിൽ ധരിച്ചവൻതാൻ
247 ചാരത്തു വന്നൊരു പാവകന്തന്നെയും
248 നേരേ മിഴുങ്ങിനാൻ വെണ്ണപോലെ;
249 "ആച്ചിമാരന്നന്നു കാഴ്ചയായ് നൽകുന്ന
250 കാച്ച്യ പാൽ വെണ്ണ പചിപ്പിപ്പാനായ്
 
251 ജാഠരനായുള്ള പാവകനേതുമേ
252 പാടവം പോരാ തനിക്കുതന്നെ
253 ഇന്നിവൻ കൂടിത്തുണച്ചു കൊടുക്കേണം"
254 എന്നങ്ങു നണ്ണിനാനെന്നപോലെ
255 ആപത്തു പോയുള്ള ഗോപന്മാരെല്ലാരും
256 ആബദ്ധമോദന്മാരായിപ്പിന്നെ
257 കാലം പുലർന്നുതുടങ്ങുന്നനേരത്തു
258 കാർവർണ്ണനോടു കലർന്നു ചെമ്മേ
259 ലീലകളോരോന്നേ ചാലപ്പറഞ്ഞുത
260 ന്നാലേയം പൂകിനാർ കാലിയുമായ്.

  • Vanampaadi and Mazha Thulli like this


Users Awards

#7 VIncenT GomeZ

VIncenT GomeZ

    Best Boy of PP - 2012

  • Premium Member
  • 9,151 posts
  • Location:root
  • Gender:Male
  • Country: Country Flag
  • Current: Country Flag

Posted 04 May 2015 - 10:54 AM

ഗ്രീഷ്മവർണ്ണനം

1 വല്ലവിമാരുടെ മാനസമായുളള
2 വല്ലികൾ ചേർന്നു പടർന്നു മേന്മേൽ
3 ചാലത്തണുത്തൊരു പാദപമായ് നിന്നു
4 നീലക്കാർവർണ്ണൻ കളിക്കുംകാലം
5 ഊഷ്മതകൊണ്ടു വറട്ടിച്ചമച്ചങ്ങു
6 ഗ്രീഷ്മമായുള്ളൊരു കാലം വന്നു.
7 താപംകൊണ്ടെല്ലാരും വേവുറ്റു കാവിലും
8 വാപികാതീരത്തുമായ് തുടങ്ങീ.
9 നാരിമാരെല്ലാരും കാമുകന്മാരുമായ്
10 വാരിയിലായിതേ ലീലകളും.

11 ആലവട്ടങ്ങൾക്കു ചാലച്ചുഴന്നു നി
12 ന്നാലസ്യമായ് വന്നു നാളിൽ നാളിൽ.
13 വാതായനങ്ങൾക്കും പ്രാഭവമുണ്ടായി
14 സേവകൾ മേന്മേലേ ചെയ്കയാലേ.
15 മാലേയച്ചാറെല്ലാം ബാലികമാരുടെ
16 ബാലപ്പോർകൊങ്കയിൽ ചേർച്ച പുക്കു
17 പാനീയശാലകൾ മാനിച്ചു നിന്നിതേ,
18 ദീനങ്ങളായ് വന്നു ചാതകങ്ങൾ.
19 ഉന്മേഷം പൂണ്ടൊരു നെന്മേനിപ്പൂവിലെ
20 നന്മണമെങ്ങും പരത്തി മേന്മേൽ.

21 മന്ദിരംതോറും നടന്നുതുടങ്ങിനാൻ
22 മന്ദസമീരണനന്തിനേരം
23 "ഗാഢമായ് പൂണ്ടാലും കാന്തനേ നീയിപ്പോൾ
24 ചൂടെല്ലാം പോക്കുവാൻ ഞാനുണ്ടല്ലോ"
25 എന്നങ്ങു ചെന്നുടൻ സുന്ദരിമാരോടു
26 വെവ്വേറെ ചൊല്ലുവാനെന്നപോലെ.
27 ഇച്ഛതിരണ്ടുള്ള മച്ചകമെല്ലാമേ
28 കച്ചുതുടങ്ങീതു പിന്നെപ്പിന്നെ.
29 പച്ചോടമെന്നു പറഞ്ഞുതുടങ്ങുമ്പോൾ
30 ഉൾച്ചൂടു താനെയെഴുന്നുകൂടും.

31 ഇന്ദുതൻ നന്മണികൊണ്ടു പടുത്തങ്ങു
32 സുന്ദരമായുള്ള ഭൂതലത്തിൽ
33 ചന്ദ്രികയേറ്റു കിടന്നുതുടങ്ങിനാർ
34 സുന്ദരിമാരും തൻ കാന്തന്മാരും
35 ആഹാരമായതിക്കാലത്തിന്നോർക്കുമ്പോൾ
36 നീഹാരമെന്നങ്ങു വന്നുകൂടും
37 നീഹാരമിന്നിന്നു കാണ്മുതില്ലേതുമേ
38 ആഹാരം കൂടാതെയാരുമില്ലെ.
39 ശീതമായുള്ളൊരു മാനിന്നു കേസരി
40 പ്പോതമായ് മേവുമക്കാലംതന്നെ

41 മാധവൻതന്നോടു കൂടിക്കലർന്നോർക്കു
42 മാധവമാസമേയെന്നു തോന്നി.
43 കോലക്കുഴലുമായ് ലീലകൾ കോലുന്ന
44 ബാലകന്മാരുമായ്ക്കാലി പിമ്പേ
45 കാനനംതന്നിൽ കളിച്ചുതുടങ്ങിനാൻ
46 കാന്തികലർന്നൊരു കാർവർണ്ണന്താൻ
47 ദ്രോഹിപ്പാനായ് വന്നു നില്ക്കും പ്രലംബനേ
48 രോഹിണീനന്ദനൻ കൊന്നു പിന്നെ
49 ആപത്തെപ്പോക്കിനാൻ ബാലകന്മാർക്കെല്ലാം,
50 മോദത്തെ നല്കിനാൻ ദേവകൾക്കും.

51 കാലികൾ കാണാഞ്ഞു ബാലകന്മാർ പിന്നെ
52 ക്കാനനംതന്നിൽ നടക്കുന്നേരം
53 ഘോരമായുള്ളൊരു കാട്ടുതീ കാണായി
54 പാരം ചുഴന്നു വരുന്നതപ്പോൾ
55 പേടിച്ചുനിന്നുള്ള ബാലകന്മാരെല്ലാം
56 ഓടിത്തുടങ്ങിനാർ നാലുപാടും.
57 പോക്കിയല്ലാതെ ചമഞ്ഞോരു നേരത്ത
58 ങ്ങൂക്കനായ്നിന്നവനോടു ചൊന്നാർ:
59 "താവകന്മാരായ ഞങ്ങളെയെല്ലാമേ
60 പാവകൻ വന്നു വിഴുങ്ങുന്നോനേ."

61 എന്നതു കേട്ടൊരു നന്ദകുമാരന്താൻ
62 ഏതുമേ പേടിയായ്കെന്നു ചൊല്ലി.
63 കണ്ണടച്ചീടുവിനെന്നങ്ങു ചൊന്നപ്പോൾ
64 കണ്ണടച്ചെല്ലാരും നിന്നനേരം
65 കത്തിവരുന്നൊരു തീയെ വിഴുങ്ങിനാൻ
66 മുഗ്ദ്ധവിലോചനൻ മുന്നെപ്പോലെ.
67 അന്തിയണഞ്ഞൊരു കാലം വരുന്നേരം
68 ചന്തമായ്പാടിക്കളിച്ചു പിന്നെ
69 ബാലകന്മാരുമായാലയം പൂകിനാൻ,
70 വാരിജകാമുകൻ വാരിയിലും.


  • Mazha Thulli and Serikkum Mothalali like this


Users Awards

#8 VIncenT GomeZ

VIncenT GomeZ

    Best Boy of PP - 2012

  • Premium Member
  • 9,151 posts
  • Location:root
  • Gender:Male
  • Country: Country Flag
  • Current: Country Flag

Posted 04 May 2015 - 10:55 AM

പ്രാവൃഡ്വർണ്ണനം

1 പാൽക്കടൽമാനിനിതന്നുടെ കണ്ണിന്നു

2 പാൽക്കുഴമ്പായുള്ളൊരായർപൈതൽ
3 പാർക്കൊരു ഭൂഷണമായി വിളങ്ങുമ്പോൾ
4 കാർക്കാലം പോന്നിങ്ങു വന്നുതായി.
5 മേചകകാന്തി കലർന്നു തുടങ്ങിതേ
6 മേഘങ്ങളെല്ലാമേ മെല്ലെ മെല്ലെ
7 വല്ലവീവല്ലഭൻതന്നുടെ കാന്തിയെ
8 വെല്ലേണമിന്നു നാമെന്നപോലേ
9 ഡംബരമാണ്ടു മുഴങ്ങിത്തുടങ്ങീത
10 ങ്ങംബരംതന്നിലേ മെല്ലെ മെല്ലെ.
 
11 അംബുദജാലങ്ങളംബുധിതന്നിലും
12 അംബരംതന്നിലും പാകിനിന്നൂ.
13 ഹംസങ്ങൾ മെല്ലവേ പാഞ്ഞുതുടങ്ങിതേ
14 കംസന്തൻ ജീവിതമെന്നപോലെ.
15 പാരിച്ചു നിന്നൊരു പേമഴ തൂകീട്ടു
16 പാരിടമെങ്ങുമേ മുങ്ങിക്കൂടീ.
17 വർഷത്തെക്കണ്ടുള്ള കർഷകന്മാരെല്ലാം
18 ഹർഷത്തെപ്പൂണ്ടുതുടങ്ങീതെങ്ങും.
19 കാന്തപിരിഞ്ഞോർക്കു ശാന്തിയെ നല്കുവാൻ
20 കാന്തളുമെങ്ങും നിറഞ്ഞൂതായി.
 
21 കച്ചുകിടക്കുന്ന മച്ചകമോരോന്നിൽ
22 ഇച്ഛ തുടങ്ങീ പലർക്കുമപ്പോൾ,
23 പച്ചോടമില്ലാഞ്ഞിട്ടുൾചൂടുമുണ്ടായി
24 പിച്ചയായുള്ളോന്നിക്കാലലീല
25 ചീർത്തുള്ള മേഘത്തിൻചാർത്തു പരന്നപ്പോൾ
26 മാർത്താണ്ഡബിംബം മറഞ്ഞുപോയി
27 മായയാൽ മൂടിന മാനസം തന്നിലേ
28 ജ്ഞാനം മറഞ്ഞങ്ങു പോകുമ്പോലെ.
29 നീപങ്ങൾ പൂത്തതു കണ്ടൊരു വണ്ടുകൾ
30 നീളവേ പാഞ്ഞുതുടങ്ങി തന്നിൽ
 
31 നന്മകുറഞ്ഞൊരു നെന്മേനി വേണ്ടീല
32 കല്മഷമാണ്ടുള്ളോർക്കെന്നേയുള്ളൂ
33 വാരികലർന്നൊരു വാതം വരുന്നേരം
34 വാതിലടച്ചുതുടങ്ങീതെങ്ങും
35 ജാള്യമാണ്ടിങ്ങനെ പോരുന്നോരെങ്ങുമേ
36 മാന്യരായെന്നുമേ വന്നുകൂടാ.
37 ശോഷിച്ചുപോയുള്ള തോയങ്ങളെല്ലാമേ
38 പോഷിച്ചുനിന്നുതായെങ്ങുമപ്പോൾ
39 കാർമുകിൽനേരായ പൈതൽതാൻ ചെന്നപ്പോൾ
40 ആനായദേശന്താനെന്നപോലെ.
 
41 ചാതകമെല്ലാമേ ജാതസുഖങ്ങളായ്
42 വീതവിഷാദങ്ങളായിനിന്നു.
43 കേതകിപ്പൂവിലേ നന്മണംകൊണ്ടെങ്ങും
44 കേഴിച്ചു പാന്ഥരേ മേവുംകാലം
45 കാർമുകിലായൊരു നീലപ്പടംകൊണ്ട
46 തൂമകലർന്നു വിതാനിച്ചെങ്ങും
47 ആക്കമിയന്ന വലാഹകളാകിയ
48 പൂക്കുല മേളത്തിൽ തൂക്കിച്ചെമ്മേ
49 ശോഭകലർന്നൊരു തൂമിന്നലായുള്ള
50 ദീപങ്ങളെങ്ങും കൊളുത്തി മേന്മേൽ
 
51 പാഴിടിയായൊരു ഭേരിയുമെങ്ങുമേ
52 പാരം മുഴങ്ങിച്ചു നിന്നു പിന്നെ
53 ഭൂതലമായൊരു തട്ടിലങ്ങിട്ടിട്ടു
54 ബാലശീലീന്ധ്രമാം വെള്ളരിയും
55 കീർത്തിപൂണ്ടെങ്ങുമേ കേകികളായുള്ള
56 വാഴ്ത്തികൾ വന്നങ്ങിരുന്നുതന്നിൽ
57 ലജ്ജ വെടിഞ്ഞുനിന്നുച്ചമെഴുംവണ്ണം
58 ഷഡ്ജമായുള്ളൊരു പാട്ടുതന്നെ
59 പാടിത്തുടങ്ങിനാർ; മന്മഥന്നെല്ലാരും
60 ആടിത്തുടങ്ങിനാരെന്നനേരം
 
61 കാമിനിമാരുടെ പോർമുല വേറായ
62 കാമുകരെല്ലാരും കോമരമായ്.
63 കാർക്കാലന്തന്നുടെ കാന്തിയെക്കണ്ടിട്ടു
64 ചീർക്കുന്ന മോദത്തെപ്പൂണ്ടു കണ്ണൻ
65 ഗോക്കളേ മേച്ചു നൽ കാനനംതന്നിലെ
66 വായ്ക്കുന്ന ലീലകളാണ്ടു നിന്നാൻ.
67 ജീവനമാകയാൽ പീയൂഷമായിട്ടു
68 മേവുന്ന തോയത്തെത്തൂകിപ്പിന്നെ
69 ലോകങ്ങൾക്കീടുന്ന താപങ്ങൾ തീർത്തു നൻ
70 മേഘങ്ങളെല്ലാം തളർന്നു നിന്നു.

  • Mazha Thulli and Serikkum Mothalali like this


Users Awards

#9 VIncenT GomeZ

VIncenT GomeZ

    Best Boy of PP - 2012

  • Premium Member
  • 9,151 posts
  • Location:root
  • Gender:Male
  • Country: Country Flag
  • Current: Country Flag

Posted 04 May 2015 - 10:56 AM

ശരദ്വർണ്ണനം

1 കാർമുകിൽമാലകൾ പോയൊരു നേരത്തു

2 തൂമകലർന്ന ശരത്തു വന്നു
3 "കണ്ണന്റെ കാന്തിയെ കൈതുടർന്നൂ നിങ്ങൾ
4 എന്നുടെ കാന്തിയോ വേണ്ടയല്ലോ"
5 രോഹിണീനന്ദനനിങ്ങനെ ചൊല്ലീട്ടു
6 രോഷിതനാകൊല്ലായെന്നപോലെ
7 നീലിമപൂണ്ടുള്ള മേഘങ്ങളെല്ലാമേ
8 ചാല വെളുത്തുചമഞ്ഞിതപ്പോൾ
9 ആതപം മേന്മേലേ ചൂടുതുടങ്ങിതേ
10 ആതുരർമാനസമെന്നപോലെ
 
11 വാരിയിൽനിന്നുള്ള മീനങ്ങളെല്ലാമേ
12 വാരികുറഞ്ഞതറിഞ്ഞുതില്ലേ
13 മായയിൽനിന്നുള്ള മന്ദന്മാരെല്ലാരും
14 ആയുസ്സു പോകുന്നതെന്നപോലെ.
15 കാലുഷ്യംപൂണ്ടുള്ള വാരികളെല്ലാമ
16 ക്കാലത്തു ചാലത്തെളിഞ്ഞു നിന്നൂ
17 ഗോവിന്ദൻതന്നുടെ ഭാവനം പൂണ്ടിട്ടു
18 മേവുന്ന മാനസമെന്നപോലെ
19 വാരിയിൽനിന്നുള്ള വാരിജമെല്ലാമേ
20 പാരം വിളങ്ങിത്തുടങ്ങീതെങ്ങും
 
21 വേണുന്ന കാന്തനെ കാണുന്നനേരത്തു
22 നാരിമാർനന്മുഖമെന്നപോലെ.
23 മുന്നമേ പോയുള്ളോരന്നങ്ങളെല്ലാമേ
24 പിന്നെയും പോന്നിങ്ങു വന്നുകൂടി
25 വീടരെപ്പേടിച്ചുപോയുള്ള ജാരന്മാർ
26 വീണ്ടിങ്ങു പിന്നെയും വന്നപോലെ
27 വേഗത്തിൽ പായുന്ന തോയങ്ങളെല്ലാമേ
28 വേഗം കുറഞ്ഞു ചമഞ്ഞൂതപ്പോൾ
29 പ്രേമം കുറഞ്ഞുള്ള കാമുകന്മാരെല്ലാം
30 കാമിനിമാർവീട്ടിൽ പോകുമ്പോലെ.
 
31 താരങ്ങൾ ചൂഴുന്ന തിങ്കൾ വിളങ്ങിനാൻ
32 പാരമങ്ങാകാശംതന്നിലപ്പോൾ
33 ആനായപ്പിള്ളരാൽ ചൂഴുറ്റ കാർവർണ്ണൻ
34 കാനനംതന്നിൽ വിളങ്ങുംപോലെ.
35 വെണ്ണിലാവാണ്ടുള്ള വെണ്മാടമോരോന്നിൽ
36 പെണ്ണുങ്ങളോടു കലർന്നുനിന്നു
37 ചൂതു തുടങ്ങിന ലീലകളോരോന്നിൽ
38 കൈതുടർന്നീടിനാർ കാമുകന്മാർ.
39 വണ്ടുകളെല്ലാമെ മണ്ടിത്തുടങ്ങീത
40 ങ്ങിണ്ടലും കൈവിട്ടു പൊയ്കതോറും
 
41 കണ്ണൻ വിളങ്ങിന കാനനംതന്നിലേ
42 വിണ്ണവരെല്ലാരും മണ്ടുംപോലെ
43 അംബുജകാമുകൻതന്നുടെ കാന്തികൊ
44 ണ്ടംബരമെങ്ങും വിളങ്ങിനിന്നു
45 കൗസ്തുഭകാന്തി കലർന്നു വിളങ്ങിന
46 കൈടഭവൈരിതൻ മാറുപോലെ.
47 തിങ്കളെക്കണ്ടു തൻ വെണ്ണിലാവുണ്ടുണ്ടു
48 തിണ്ണം തെളിഞ്ഞു ചകോരങ്ങളും
49 കാർമുകിൽവർണ്ണന്തന്നാനനകാന്തിക
50 ണ്ടാനായനാരിമാരെന്നപോലെ.
 
51 പൂരിച്ചുനിന്നൊരു ശീതത്തെ വേറിട്ടു
52 പൂമണംതന്നിൽ കലർന്നു നന്നായ്
53 പൂങ്കാവിൽനിന്നു വരുന്നൊരു തെന്നലെ
54 പ്പൂണ്ടു തുടങ്ങിനാരെല്ലാരുമെ.
55 മേളമെഴുന്ന ശരത്തിനെക്കണ്ടിട്ടു
56 നാളീകലോചനൻ ബാലരുമായ്
57 വേണുസ്വനംകൊണ്ടു മാനിനിമാരുടെ
58 മാനസമേറ്റം മയക്കിനിന്നാൻ.
59 മന്മഥന്തന്നുടെ ബാണങ്ങളേല്ക്കയാൽ
60 തന്മനമെല്ലാം മറന്നുനിന്നു
 
61 വേണുതൻ ഗാനത്തെ മാനിച്ചു പാടിനാർ
62 ആനായമാനിനിമാരെന്നപ്പോൾ.

  • Mazha Thulli and Serikkum Mothalali like this


Users Awards

#10 VIncenT GomeZ

VIncenT GomeZ

    Best Boy of PP - 2012

  • Premium Member
  • 9,151 posts
  • Location:root
  • Gender:Male
  • Country: Country Flag
  • Current: Country Flag

Posted 04 May 2015 - 10:57 AM

ഹേമന്തവർണ്ണനം

1 ചൊല്ക്കൊണ്ടു നിന്നൊരു നല്ക്കാലമായുള്ളൊ

2 രക്കാലമങ്ങനെ പോയിതായി,
3 ശീതം തഴച്ചോരു ഹേമന്തകാലവും
4 ആമന്ദം പോന്നിങ്ങു വന്നുതപ്പോൾ.
5 പാലാഴിത്തൂവെള്ളം തൂകുന്നപോലെ നൽ
6 പ്രാലേയം തൂകിത്തുടങ്ങീതെങ്ങും.
7 ചണ്ഡനായുള്ളൊരു പങ്കജനാഥന്തൻ
8 മണ്ഡലം മങ്ങിച്ചമഞ്ഞുകൂടീ;
9 കെല്പില്ലയാതോർക്കുമൊപ്പുണ്ടായ്മേവുകിൽ
10 കെല്പേറെ വെന്നിടാമെന്നേയുള്ളൂ.
 
11 വാരുറ്റ കാന്തി കലർന്നൊരു വാരിജ
12 മോരോന്നേ മങ്ങിമയങ്ങീതപ്പോൾ;
13 കാന്തനു കാന്തി കുറഞ്ഞതു കാണുമ്പോൾ
14 കാന്തമാർകാന്തിയും മങ്ങുമല്ലോ.
15 ചീർത്തുനിന്നുള്ളൊരു ശീതത്തെപ്പൂണ്ടു നി
16 ന്നാർത്തന്മാരായിച്ചമഞ്ഞെല്ലാരും
17 കൈത്തലംകൊണ്ടു തന്മാറത്തു നന്നായി
18 സ്വസ്തികാബന്ധം തുടങ്ങിനാരേ
19 വായ്പാർന്നു നിന്നുള്ള കാർപ്പാസംകൊണ്ടോരോ
20 കൂർപ്പാസം മേനിയിൽ ചേർച്ച പൂക്കു.
 
21 ആദിത്യസേവയും പാവകസേവയു
22 മായിത്തുടങ്ങീ പലർക്കുമപ്പോൾ.
23 ഉദ്യാനംതന്നിൽ കളിപ്പതിന്നാർക്കുമ
24 ങ്ങുദ്യോഗമേതുമെഴുന്നീലപ്പോൾ,
25 വാതായനങ്ങളും വീതങ്ങളായിതേ
26 വാരിവിഹാരവുമവ്വണ്ണമേ.
27 ചന്ദനലേപവും മന്ദമായ് വന്നുതേ,
28 ചന്ദ്രികാസേവയോ പിന്നെയല്ലോ.
29 സുന്ദരമായുള്ള ചന്ദ്രശിലാതലം
30 ഒന്നുമേ വേണ്ടീതില്ലാർക്കുമപ്പോൾ
 
31 സങ്കടമാണ്ടൊരു വൈധവ്യമാണ്ടുള്ള
32 മങ്കമാർ കൊങ്കകളെന്നപോലെ.
33 മാലേയം നീക്കി നൽ കുങ്കുമമാക്കിനാർ
34 ബാലികമാരെല്ലാം വാർമുലയിൽ;
35 നാരിമാരാർക്കുമേ വെണ്മ കണക്കല്ല
36 രാഗമുള്ളോരിലെ രാഗം ചെല്ലു.
37 മേതിൽ നിറഞ്ഞങ്ങു മീതേ വഴിഞ്ഞൊരു
38 ശീതം പൊറുക്കരുതാഞ്ഞപോലെ
39 ആശകളെല്ലാമേ നീഹാരമായൊരു
40 നീരാശംപൂണ്ടങ്ങു നിന്നുതെങ്ങും.
 
41 കോകങ്ങളെല്ലാം പുലർന്നുതുടങ്ങിനാൻ
42 മാഴകുന്നു പിന്നെയുമൊട്ടുനേരം.
43 ഊരകം പൂകിന സൂകരമൊന്നുമേ
44 പോകുന്നതില്ല പുലർന്നുതെന്നാൽ,
45 മാരഭയാലഭിസാരികമാരായ
46 നാരിമാരെല്ലാം പുലർന്നുതാനാൽ
47 ദീനതകൂടാതെ പോയിത്തുടങ്ങിനാർ,
48 ജാരതപൂണ്ടോരുമവ്വണ്ണമേ.
49 ശീതത്തെത്തൂകുന്ന ഹേമന്തകാലമാം
50 ഭൂതത്തിൻ കോമരമെന്നപോലെ.
 
51 ഭൂതലംതന്നിലേ മാലോകരെല്ലാരും
52 ചാലെ വിറച്ചുതുടങ്ങീതപ്പോൾ.
53 ദന്തങ്ങളെക്കൊണ്ടു താളംപിടിച്ചിട്ടു
54 സന്ധ്യയെ വന്ദിച്ചിതന്തണരും
55 ബാലപ്പോർകൊങ്കകൾ വേറായിപ്പോകിലി
56 ക്കാലം പുലർന്നീടായെന്നു നണ്ണി
57 കാറ്റിന്നു ചെല്ലുവാൻ പാഴേതും കൂടാതെ
58 ചേർത്തുതൻ മെയ്യോടു മെയ്യുമപ്പോൾ
59 കാമുകന്മാരെല്ലാം കാമിനിമാരുടെ
60 വാർമുലതന്നിലങ്ങായിക്കൂടി.
 
61 മാനിനിമാരുടെ പോർമുല വേറായി
62 ദീനന്മാരായുള്ള മാവനന്മാർ
63 മാനസം വെന്തുവെന്താനനം താഴ്ത്തു തൻ
64 ജാനുവും പൂണ്ടു കിടന്നാർ ചെമ്മെ
65 വേണ്ടാതെ നിന്നുള്ള കാമുകന്മാരെയും
66 പൂണ്ടുതുടങ്ങിനാർ കാമിനിമാർ.
67 വെള്ളമെന്നിങ്ങനെ ചൊല്ലിത്തുടങ്ങുമ്പോൾ
68 തുള്ളിത്തുടങ്ങീ വിറച്ചെല്ലാരും
69 തിക്കും തന്നുള്ളിലേ തോന്നിത്തുടങ്ങീതേ
70 തീക്കായവേണമെനിക്കുമെന്ന്.
 
71 തള്ളിയെഴുന്നൊരു ശീതത്തെയേതുമേ
72 എള്ളോളം കൊള്ളാതെയുള്ളിലെങ്ങും.
73 വെള്ളത്തിൽനിന്നു ജപിച്ചുതുടങ്ങിനാ
74 രുള്ളം തെളിഞ്ഞുള്ള മാമുനിമാർ.

  • Mazha Thulli and Serikkum Mothalali like this


Users Awards

#11 VIncenT GomeZ

VIncenT GomeZ

    Best Boy of PP - 2012

  • Premium Member
  • 9,151 posts
  • Location:root
  • Gender:Male
  • Country: Country Flag
  • Current: Country Flag

Posted 04 May 2015 - 10:59 AM

ഹേമന്തലീല

1 ഇങ്ങനെയുള്ളൊരു ഹേമന്തകാലത്തു
2 മുമ്പിലെ മാനസത്തിലമ്പിനോടെ
3 മായംകളഞ്ഞുനിന്നാര്യയെസ്സേവിച്ചാ
4 രായർകുമാരികമാരെല്ലാരും
5 കാലം പുലർന്നുതുടങ്ങുന്ന നേരത്തു
6 കാളിന്ദിതന്നിൽ കുളിച്ചു പിന്നെ
7 നന്മണൽകൊണ്ടു പടുത്തങ്ങു ദേവിതൻ
8 നിർമ്മലമായൊരു ദേഹം തന്നെ
9 തീർത്തുഭജിച്ചാരങ്ങാ "ത്തിതീർത്തെങ്ങളെ
10 ക്കാത്തുകൊൾവാനിതാ കൈതൊഴുന്നേൻ.
 
11 കണ്ണനെ ഞങ്ങൾക്കു കാന്തനായ് നല്കേണം
12 വിണ്ണവർനായികേ മായികേ ! നീ."
13 ഇങ്ങനെ യാചിച്ചു പൂജിച്ചു കുമ്പിട്ടാർ
14 മംഗലമാരായ കന്യകമാർ.
15 നിത്യമായിങ്ങനെ സേവിച്ചുപോരുന്ന
16 മുഗ്ദ്ധമാരെല്ലാരുമന്നൊരുനാൾ
17 ദേവിയെപ്പൂജിച്ചു സേവയെപ്പൂരിച്ചു
18 പോവതിന്നായിത്തുടങ്ങുംനേരം
19 ശീതംകൊണ്ടെല്ലാരുമാതുരമാരായി
20 ട്ടാതപമേറ്റു മണത്തിട്ടമേൽ.
 
21 നിന്നു വിളങ്ങിനാർ ധന്യമാരായുള്ള
22 കന്യകമാരെല്ലാം കാന്തിപൂണ്ട്
23 പേശലമായൊരു കേശമഴിച്ചുനി
24 ന്നേശുന്ന ശോഭ കലർന്നു നന്നായ്
25 മംഗല്യമാണ്ടൊരു ശൃംഗാരവല്ലിതൻ
26 മങ്ങാതപോതങ്ങളെന്നപോലെ.
27 പുണ്യമിയന്നൊരു നാവുകൊണ്ടെല്ലാരും
28 കണ്ണന്റെ ലീലയെപ്പാടിപ്പാടി
29 ആതപമേറ്റങ്ങു ശീതം തോഞ്ഞീടുന്നൊ
30 രാതങ്കം വേറായ നേരത്തപ്പോൾ
 
31 ഏന്തുന്ന വീചികളാണ്ടൊരു വാരിയിൽ
32 നീന്തേണം നാമിപ്പോഴെന്നു നണ്ണി.
33 പൂഞ്ചായലെല്ലാം മുറുക്കി മണന്മേൽതാൻ
34 പൂഞ്ചേലയെല്ലാമഴിച്ചുവച്ച്
35 പൂന്തേനെ വെന്നുള്ള നന്മൊഴിമാരെല്ലാം
36 നീന്തിത്തുടങ്ങിനാർ മെല്ലെ മെല്ലെ.
37 കാനനം പൂകിന കാർവർണ്ണനന്നേരം
38 കാളിന്ദീതീരത്തു ചെന്നു മെല്ലെ.
39 ചോരനായ് നിന്നു നൽക്കൂറകളെല്ലാമേ
40 വാരിക്കൊണ്ടോടിനാൻ തീരമേതാൻ
 
41 നീടുറ്റു നിന്നൊരു നീപത്തിന്മീതേറി
42 പ്പാടിത്തുടങ്ങിനാൻ പാരം പിന്നെ.
43 കാന്തി കലർന്നുള്ള കന്യകമാരെല്ലാം
44 നീന്തിത്തളർന്നങ്ങു നിന്നനേരം
45 കാർമുകിൽവർണ്ണനേ വന്നതു കാണായി;
46 കാമിച്ചു നാണിച്ചാർ കണ്ടനേരം.
47 കൂറകൾചാരത്തു ചെന്നതു കണ്ടപ്പോൾ
48 കൂശിത്തുടങ്ങിനാർ മെല്ലെ മെല്ലെ.
49 വാരുന്ന നേരത്തു വാ പിളർന്നീടിനാർ
50 വാരിയിൽനിന്നുള്ള ബാലികമാർ
 
51 ഓടുന്ന നേരത്തു മാനസംതന്നെയു
52 മോടിച്ചാർ കൂടെത്തുടർന്നു പിമ്പേ
53 മാനസംതാൻ ചെന്നു, കൂറയുംകൊണ്ടു നീ
54 പോകൊല്ലായെന്നു ചെറുക്കാൻപോലെ
55 നീളന്തിരണ്ടൊരു നീപത്തിന്മേലേറി
56 നീലക്കാർവ്വർണ്ണന്താൻ നിന്നനേരം
57 ചാപലം കാട്ടിനാർ കോപവും കാട്ടിനാർ
58 വേർപാകിനിന്നൊരു വേഴ്ചയേയും;
59 ക്ഷീണവും നാണവും കാമവും പ്രേമവും
60 ദീനവും മാനവും കാട്ടിനിന്നാർ.
 
61 എന്തു നാം നല്ലതെന്നിങ്ങനെ തങ്ങളിൽ
62 ചിന്തിച്ചുനിന്നു നുറങ്ങുനേരം
63 കാളിന്ദിതന്നിലെ നീരായി നിന്നൊരു
64 നീലമാം ചേലയുംപൂണ്ടു ചൊന്നാർ:
65 "പെണ്ണുങ്ങൾ വീഴ്ത്തുള്ള വീഴ്പുകൾ വാരുവാൻ
66 കണ്ണ! നിനക്കെന്തു തോന്നീതിപ്പോൾ
67 ആരേലും വന്നിങ്ങു കാണുന്നതാകിലോ
68 ആചാരമല്ലെന്നു വന്നുകൂടും.
69 രേഖകൾ കാണുമ്പോൾ വീഴ്പുകൾ വാരുവാൻ
70 ഏകലില്ലേതുമിക്കൈകൾക്കെന്നാൽ
 
71 ആകുലമാരായ ഞങ്ങൾക്കു പാരാതെ
72 ഗോകുലനായക! കൂറ താ നീ."
73 നാരിമാരിങ്ങനെ ചൊന്നൊരു നേരത്തു
74 ധീരനായ് നിന്നങ്ങുചൊന്നാൻ കണ്ണൻ:
75 "വീഴ്പുകൾ വാരുവതാചാരമല്ലല്ലൊ
76 വായ്പോടു നല്കു ചൊല്ലെങ്ങനെ ഞാൻ?
77 കൂറകൾ വേണ്ടുകിൽ നീരിൽനിന്നെല്ലാരും
78 പാരാതെ വന്നിങ്ങു വാങ്ങിക്കൊൾവിൻ"
79 മണ്ടുന്ന മാങ്കുലംവന്നടികുമ്പിടും
80 മല്ലവിലോചനമാരെല്ലാരും
 
81 ഇണ്ടൽപൂണ്ടിങ്ങനെ പിന്നെയും ചൊല്ലിനാർ
82 കൊണ്ടൽനേർവർണ്ണനാം കണ്ണനോട്:
83 "മാലോകരെല്ലാരും വന്നതു കാണയ്യോ!
84 ലീലയ്ക്കു കാലമിതല്ല ചൊല്ലാം;
85 ചാലച്ചതിയാതെയെങ്ങളെയിങ്ങനെ
86 നീലക്കാർവർണ്ണരേ! കൂറ താ നീ.
87 മങ്കമാരായോരെ വഞ്ചിച്ചുപോരുന്ന
88 നിങ്കളവെങ്ങളറിഞ്ഞീലല്ലൊ.
89 സങ്കടമെങ്ങൾക്കു വന്നതു കാണയ്യോ!
90 പങ്കജലോചന! കൂറ താ നീ.
 
91 "ഭ്രാന്തുണ്ടിവർക്കെന്നു" ചൊല്ലുവർ ഞങ്ങളെ
92 പ്പാന്ഥന്മാരാരാനും കാണ്കിലിപ്പോൾ
93 നീന്തിത്തളർന്നു വശംകെടുന്നൂതയ്യോ
94 കാന്തവിലോചനാ, കൂറ താ നീ.
95 വെണ്മകേടിങ്ങനെ കാട്ടിനാലെല്ലാരും
96 സന്മതിയല്ലെന്നു ചൊൽവർ നിന്നെ,
97 തണ്മ നിനക്കിന്നും വന്നതിന്മുമ്പിലെ
98 കാണ്മായുള്ളോനേ! കൂറ താ നീ.
99 നിഞ്ചതികണ്ടെങ്ങൾ നെഞ്ചകമെല്ലാമേ
100 ചഞ്ചലമാകുന്നു മാഴ്കി മാഴ്കി.
 
101 പുഞ്ചിരികൊണ്ടിനി വഞ്ചന ചെയ്യാതെ
102 അഞ്ചനവർണ്ണരേ! കൂറ താ നീ.
103 കുറ്റമേ ചൊല്ലുവരെല്ലാരും കേൾക്കുമ്പോൾ
104 പറ്റാ നിനക്കിതു പാർത്തു കണ്ടാൽ.
105 വറ്റാതൊരമ്പു പുലമ്പിനിന്നെങ്ങൾക്കു
106 ചുറ്റത്തിൽ വന്നിങ്ങു കൂറ താ നീ."
107 ധന്യമാരായുള്ള കന്യമാരിങ്ങനെ
108 ഖിന്നമാരായ് നിന്നു ചൊന്നനേരം
109 പിന്നെയും ചൊല്ലിനാൻ നന്ദകുമാരകൻ
110 മുന്നലെക്കന്യമാരെല്ലാരോടും:
 
111 "പറ്റായെന്നിങ്ങനെ പത്തൂടെ ചൊല്കിലും
112 കറ്റച്ചിടയോന്തൻ പാദത്താണ
113 നിങ്ങളിങ്ങെല്ലാരും വന്നെന്നിയെന്നുമേ
114 അങ്ങു വന്നെന്നും ഞാൻ കൂറ നല്കേൻ,
115 പേശിനിന്നിങ്ങനെ കാലം കളയാതെ
116 വാശി കളഞ്ഞു നൽകൂറ കൊൾവിൻ."
117 ഇങ്ങനെ ചൊല്ലി നൽ പുഞ്ചിരി തൂകിനാൻ
118 അംഗനമാർമുഖം നോക്കി നോക്കി.
119 എന്നതു കേട്ടുള്ള കന്യകമാരെല്ലാം
120 ഏറിന നാണത്തെപ്പൂണ്ടു നിന്നാർ.
 
121 "കണ്ണന്തൻ മുമ്പിലേ ചെല്ലൂ നാമെല്ലാരും"
122 എന്നങ്ങു തങ്ങളിൽ ചൊന്നു പിന്നെ
123 "നീ മുമ്പിൽ" "നീ മുമ്പിൽ" എന്നങ്ങു തങ്ങളിൽ
124 പേശിത്തുടങ്ങിനാരൊട്ടുനേരം.
125 നാഭിക്കു കീഴായ വാരിയിലാകുമ്പോൾ
126 നാണിച്ചു പിന്നെയും വാരിയിലേ.
127 ചാടിത്തുടങ്ങിനാർ നീടുറ്റ കണ്ണന്തൻ
128 കേടറ്റ കണ്മുന കാകയാലേ.
129 കണ്ണന്റെ കണ്ണിന്നു വൈരിയായ് വന്നിത
130 പ്പെണ്ണുങ്ങൾ പൂണുന്ന നാണമപ്പോൾ.
 
131 കാളിന്ദിതന്നുടെ വൈമല്യമെന്നപ്പോൾ
132 കാർവർണ്ണൻകണ്ണിന്നു ബന്ധുവായി.
133 നാണിച്ചു പിന്നെയും നാരിമാർ നിന്നപ്പോൾ
134 നാഭിക്കു മേലുള്ള വെള്ളംതന്നിൽ.
135 ആനായനായകൻ കാണ്മുനയന്നേരം
136 മീനങ്ങളായിതോയെന്നു തോന്നും
137 ഒട്ടുപോതിങ്ങനെ വട്ടം പോന്നെല്ലാരും
138 തിട്ടതിപൂണ്ടങ്ങു നിന്നു പിന്നെ
139 പാണിതലങ്ങളെക്കൂറകളാക്കീട്ടു
140 നാണിച്ചുനിന്നു കരേറി മെല്ലെ
 
141 വാരിന കൂറകൾ വാങ്ങുവതിന്നായി
142 വാരിജലോചനനോടു ചൊന്നാർ:
143 "ഇങ്ങുവരേണമേയെന്നങ്ങു ചൊന്നപ്പോ
144 ളെങ്ങളതിന്നു മടിച്ചില്ലല്ലൊ
145 എങ്ങൾക്കു വന്നൊരു സങ്കടം കണ്ടിനി
146 മംഗലനായോനേ ! കൂറ താ നീ.
147 വാവിട്ടു യാചിച്ചുനിന്നുള്ളൊരെങ്ങളെ
148 ക്കേവലമിങ്ങനെയാക്കുമാറോ?
149 വാമൃഷ്ടംകൊണ്ടെങ്ങൾ സങ്കടം പൊയ്ക്കൂടാ
150 വാരിജലോചന ! കൂറ താ നീ.
 
151 ഇങ്ങനെ വന്നു നീ സങ്കടമാക്കിനാൽ
152 എങ്ങനെ ഞങ്ങൾ പുലർന്നുകൊൾവൂ?
153 നാളെയുമിങ്ങനെ സങ്കടമാക്കൊല്ലാ
154 നാളികലോചനാ! കൂറ താ നീ.
155 ഇങ്ങനെയെങ്ങളെക്കാണുന്നനേരത്തു
156 മെങ്ങുമൊരമ്പു പുലമ്പാതോതാൻ,
157 അമ്മമാർ പോന്നു വരുന്നതിൻ മുമ്പിലേ
158 കണ്മായുള്ളോനേ! കൂറ താ നീ.
159 അംഗജവൈരിതന്നംഘ്രികൾതന്നാണ
160 സങ്കടമാക്കാതെ കൂറ താ നീ."
 
161 നാരിമാരിങ്ങനെ പാരാതെ ചെന്നിട്ടു
162 കൂറകൾ താവെന്നു ചൊന്നനേരം
163 പൂരിച്ചുകൂടാഞ്ഞു തന്നുടെ വാഞ്ഛിതം
164 വാരിജലോചനനൊന്നു ചൊന്നാൻ:
165 "നിങ്ങൾ തുടങ്ങിന മംഗലകർമ്മത്തിൻ
166 ഭംഗമോ വന്നുതേ മങ്കമാരേ!
167 കൂറകൾ കൂടാതെ പാവനമായൊരു
168 നീരിലിറങ്ങിക്കളിക്കയാലേ
169 നിഷ്കൃതിയായിട്ടു ചൊല്ലുന്നേനൊന്നു ഞാൻ
170 ദുഷ്കൃതി പോവാനായ് നിങ്ങൾക്കിപ്പോൾ
 
171 ഈശനെക്കൈകൂപ്പി നില്പിനങ്ങെല്ലാരും
172 കൂശാതെ കൂറയും വാങ്ങിനാലും"
173 ഒട്ടുപോൽ ചിന്തിച്ചു മട്ടോലും വാണിമാർ
174 പട്ടാങ്ങെന്നിങ്ങനെ നണ്ണിപ്പിന്നെ
175 കൈകളാലൊന്നിനെക്കൂറയായ് വച്ചിട്ടു
176 വൈകാതെ വായ്പോടു കൂപ്പിനിന്നാർ.
177 എന്നതു കണ്ടൊരു നന്ദകുമാരകൻ
178 തൻ നിനവേതുമേ വാരാഞ്ഞപ്പോൾ
179 മൂക്കിന്മേൽ കൈവച്ചു ചൊല്ലിനിന്നീടിനാൻ:
180 "മൂർഖന്മാരായോരേ! കേൾപ്പിൻ നിങ്ങൾ
 
181 ഒറ്റക്കൈതന്നേക്കൊണ്ടീശനെ വന്ദിച്ചാൽ
182 മറ്റേക്കൈ ഛേദിപ്പൂതെന്നു ഞായം
183 എന്നതിനിന്നിനിദണ്ഡമായ് നണ്ണിനി
184 ന്നൊന്നേറെക്കൂപ്പുവിൻ ധന്യമാരേ!"
185 വാരിജലോചനനിങ്ങനെ ചൊന്നപ്പോൾ
186 നാരിമാരെല്ലാരും മെല്ലെ മെല്ലെ
187 ആശയംതന്നിലങ്ങേശുന്നോരാശയാൽ
188 പേശാതെയാശകൾ കൂറയാക്കി
189 നാണം വിലക്കവേ കണ്ണുമടച്ചുടൻ
190 പാണികൾ രണ്ടുമായ് കൂപ്പിനിന്നാർ.
 
191 വാർത്താരിൽബാണന്താൻ ചീർത്തോരു മോദംപൂ
192 ണ്ടാർത്തുതുടങ്ങിനാനെന്നനേരം.
193 ബാണങ്ങളെയ്തുമമ്മാനിനിമാരുടെ
194 നാണത്തെപ്പോക്കുവാനായില്ലപ്പോൾ.
195 നാണിച്ചുനിന്നവർ കൂറയും കൂടാതെ
196 ദീനമാരാകൊല്ലായെന്നപോലെ
197 രോമാഞ്ചമായൊരു കഞ്ചുകംകൊണ്ടവൻ
198 പൂമേനിയെല്ലാം മറച്ചുവച്ചു.
199 കാർവർണ്ണൻകണ്ണായ കാർമുകിൽതാനപ്പോൾ
200 കാരുണ്യവാരിയെപ്പെയ്തപോലെ
 
201 പൂവൽമെയ്തന്നിലക്കന്യമാരെല്ലാർക്കും
202 തൂവിയർപ്പെങ്ങുമേ പൊങ്ങിനിന്നൂ.
203 കോപിച്ചുനിന്നൊരു വൈനതേയന്തന്നെ
204 പ്പേടിച്ചുനിന്ന പാമ്പെന്നപോലെ
205 വമ്പുതാൻ കുമ്പിടും വാണിമാരെല്ലാർക്കും
206 കമ്പവുമുണ്ടായി മെയ്യിലപ്പോൾ
207 നാണവും പ്രേമവും കൂടിക്കലർന്നൊരു
208 നാരിമാർ കണ്ണിണയെന്നനേരം
209 സൂരനും തിങ്കളും ചാരത്തുനിന്നൊരു
210 വാരിജവേലയെപ്പൂണ്ടുനിന്നു
 
211 പാതി വിരിഞ്ഞൊരു പൂക്കളിൽ തേനുണ്ടു
212 പാരം വിളങ്ങുന്ന വണ്ടുതൻറെ
213 ലീലയെപ്പൂണ്ടു പുളച്ചുതുടങ്ങീത
214 ന്നീലക്കാർവർണ്ണന്തൻ കണ്ണു രണ്ടും
215 നാരിമാർപാണികൾ നാഭിക്കൽ ചെല്ലുമ്പോൾ
216 "കൂറകൾ വാങ്ങുവി" നെന്നു ചൊന്നാൻ.
217 "പാണികൾ കാട്ടാതെ നിങ്ങളിങ്ങാരുമേ
218 കൂറകൾ നല്കു ചൊല്ലെങ്ങനെ ഞാൻ?"
219 കൈകളെക്കാട്ടിന ബാലികമാരെല്ലാം
220 "വൈകൊല്ല" യെന്നപ്പൊളൊന്നു ചൊന്നാൻ.
 
221 "ദാരുതൻ കൊമ്പിന്മേൽ കെട്ടിന കൂറകൾ
222 പാരം വലിച്ചങ്ങു കീറാമോതാൻ?
223 കൂറകളോരോന്നേ നേരേ തെരിഞ്ഞു ഞാൻ
224 പാരാതെ നല്കിനാൽ വാങ്ങിക്കൊൾവിൻ,
225 ഒക്കവേ വന്നിങ്ങു തിക്കത്തുടങ്ങിനാൽ
226 എക്കയ്യിൽ മുമ്പിൽ ഞാൻ കൂറ നൽകൂ?
227 വെവ്വേറെ വന്നുനിന്നെന്നുടെ ചാരത്തു
228 ചൊവ്വോടെ ചേലകൾ വാങ്ങിക്കൊൾവിൻ
229 എന്നുടെ കൂറ പകർന്നുകളഞ്ഞായെ
230 ന്നെന്നോടു പിന്നെ വഴക്കാകൊല്ലാ.
 
231 നിന്നുടെ കൂറയിതെന്നു നിനക്കുള്ളിൽ
232 നിർണ്ണയമുണ്ടെങ്കിൽ വാങ്ങിക്കൊൾ നീ"
233 എന്നങ്ങു ചൊല്ലീട്ടു മറ്റൊരു കൂറയ
234 ക്കന്യകതന്മുന്നിൽ കാട്ടിനിന്നാൻ.
235 ഓരോരോ പാണികൾ കാട്ടീട്ടു പിന്നെയ
236 ന്നാരിമാർ നിന്നതു കണ്ടു ചൊന്നാൻ.
237 "ഓരോരോ കൈകളെക്കാട്ടിനാലെങ്ങനെ
238 നേരേ ഞാൻ കൈയിലേ കൂറ നൽകൂ?
239 കൈകളു രണ്ടുമുയർത്തീട്ടു കാട്ടിനാൽ
240 വൈകല്യമില്ലല്ലൊ ഒന്നിനും താൻ
 
241 നേരേ നമുക്കങ്ങു കൂറ തരുവാനും
242 പാരാതെ നിങ്ങൾക്കു വാങ്ങുവാനും
243 ഈരണ്ടു കൈകളുമൊക്കെയുയർത്തീട്ടു
244 നേരേ നൽ കൂറകൾ വാങ്ങിക്കൊൾവിൻ.
245 നീടുറ്റ ചേല നിലത്തങ്ങു ചാട്ടീട്ടു
246 പൂഴി പുരട്ടുവാൻ കൂട്ടല്ല ഞാൻ"
247 മംഗലമാരായ മങ്കമാരോടവൻ
248 ഭംഗികളിങ്ങനെ ചൊന്നു പിന്നെ
249 വാരിന കൂറകൾ പാരാതെ നല്കിനാൻ
250 വാരിജനേർമുഖിമാർകയ്യിലേ.
 
251 ചാഞ്ചല്യമാണ്ടുള്ള പൂഞ്ചായലാരെല്ലാം
252 പൂഞ്ചേലപൂണ്ടങ്ങു നിന്നനേരം
253 വെണ്ണിലാവുണ്ണുമ്പോൾ തിണ്ണമാക്കാർമുകിൽ
254 വെതിങ്കൾതന്നെ മറയ്ക്കയാലേ.
255 അണ്ണാന്നുനിന്ന ചകോരത്തിൻവേലയെ
256 ക്കണ്ണന്റെ കണ്ണിണ പൂണ്ടുനിന്നു.
257 തോഞ്ചൊരിഞ്ഞീടിന തൂമൊഴികൊണ്ടവർ
258 വാഞ്ഛിതമെല്ലാമേ നല്കിപ്പിന്നെ
259 "പാരാതെ പോകെങ്കി" ലെന്നങ്ങു ചൊല്ലിനാൻ
260 വാരാളും ചായലാരെല്ലാരോടും
 
261 നന്മൊഴികൊണ്ടവൻ നല്കിന വാഞ്ഛിതം
262 നന്നായി വാങ്ങിപ്പാനെന്നപോലെ
263 മാനസമന്നേരം കണ്ണനിലാക്കീട്ടു
264 മാനിനിമാരെല്ലാം മെല്ലെ മെല്ലേ
265 മാനംകൊണ്ടുണ്ടായ ദീനങ്ങളോരോന്നേ
266 മാനിച്ചു തങ്ങളിലോതിയോതി
267 പൊന്തിത്തുടങ്ങിന പന്തേലും കൊങ്കയും
268 ചന്തത്തിലാണ്ടു തൻ വീടുതന്നിൽ
269 ചെന്നങ്ങു പൂകിനാരിന്ദിരതന്നുടെ

270 മന്ദിരമായുള്ള സുന്ദരിമാർ.


  • Mazha Thulli and Serikkum Mothalali like this


Users Awards

#12 VIncenT GomeZ

VIncenT GomeZ

    Best Boy of PP - 2012

  • Premium Member
  • 9,151 posts
  • Location:root
  • Gender:Male
  • Country: Country Flag
  • Current: Country Flag

Posted 04 May 2015 - 11:00 AM

വിപ്രപത്ന്യനുഗ്രഹലീല

1 ആയർകുമാരിമാർ പോയൊരു നേരത്തു

2 മായം കലർന്നവൻ ബാലരുമായ്
3 വാരുറ്റുനിന്നൊരു കാവുതന്നൂടെ പോയ്
4 ദാരുക്കളോരോന്നേ വാഴ്ത്തി വാഴ്ത്തി
5 കാലം പകല്ക്കൊരു പാതിയായ് മേവുമ്പോൾ
6 കാളിന്ദീതീരത്തു ചെന്നനേരം
7 വൈൽകൊണ്ടുനിന്നുള്ള ബാലകന്മാരെല്ലാം
8 പൈകൊണ്ടു മാഴ്കിത്തളർന്നു ചൊന്നാർ:
9 "പൈകൊണ്ടു പാരം തളർന്നു ചമഞ്ഞുതേ
10 പൈതങ്ങളായുള്ള ഞങ്ങളെല്ലാം
 
11 അമ്പാടിതന്നോളം ചെന്നെത്തിക്കൊള്ളുവാൻ
12 വമ്പെന്നേ തോന്നൂന്നു പിന്നെപ്പിന്നെ."
13 പൈതങ്ങളിങ്ങനെ ചൊന്നോരു നേരത്തു
14 കൈതവം കൂടാതെ ചൊന്നാൻ കണ്ണൻ:
15 "അജ്ഞന്മാരല്ലാതെ വിപ്രന്മാരുണ്ടിങ്ങു
16 യജ്ഞത്തെദ്ദീക്ഷിച്ചു നില്ക്കുന്നിപ്പോൾ:
17 ദീനന്മാരായുള്ള നിങ്ങളെക്കാണുമ്പോൾ
18 മാനിച്ചു നല്കുവർ ചോറു ചെമ്മേ."
19 എന്നതു കേട്ടുള്ള ബാലകന്മാരെല്ലാം
20 ചെന്നങ്ങു നിന്നിട്ടു ചൊന്നാരപ്പോൾ:
 
21 "കാളിന്ദീതീരത്തു കാലികൾ മേയ്ക്കുന്ന
22 കാർവർണ്ണൻചൊല്ലാലെ വന്നു ഞങ്ങൾ
23 ഖിന്നന്മാരായ് വന്നു മുന്നമേ പൈകൊണ്ടി
24 ങ്ങന്നത്തെ നല്കേണം ധന്യന്മാരെ!"
25 എന്നതു കേട്ടുള്ള ഭൂദേവന്മാരെല്ലാം
26 ഏതുമേ മിണ്ടാതെ നിന്നമൂലം
27 ദീനന്മാരായുള്ള ബാലകന്മാരെല്ലാം
28 ആനനം താഴ്ത്തിനിന്നൊട്ടുനേരം;
29 കണ്ണന്റെ ചാരത്തു പാരാതെ വന്നിട്ടു
30 കണ്ണുനീരോലോലെച്ചൊന്നാരെല്ലാം.
 
31 അഞ്ചനവർണ്ണന്താനെന്നതു കേട്ടപ്പോൾ
32 പുഞ്ചിരി പൂണ്ടുടൻ ചൊന്നാൻ പിന്നെ:
33 "പത്നിമാർ മേവുന്ന ശാലയിലെല്ലാരും
34 പാരാതെ ചെല്ലുവിൻ പൈതങ്ങളേ!"
35 കണ്ണന്താനിങ്ങനെ ചൊല്ലിത്തുടങ്ങുമ്പോൾ
36 തിണ്ണം നടന്നുടൻ ബാലകന്മാർ
37 പത്നിമാർ മേവുന്ന ശാലയിൽ ചെന്നിട്ടു
38 മുഗ്ദ്ധരായ് ചൊല്ലിനാർ മുന്നെപ്പോലെ.
39 കണ്ണനെന്നിങ്ങനെ ചൊന്നതു കേട്ടപ്പോ
40 ളെണ്ണമില്ലാതോളം സന്തോഷത്താൽ
 
41 ഭക്തിയെപ്പൂണ്ടുള്ള പത്നിമാരെല്ലാരും
42 ഒത്തങ്ങു കൂടിക്കലർന്നുടനെ
43 നൽച്ചോറുതന്നെയും നൽക്കറിതന്നെയും
44 വച്ചുകൊണ്ടോരോരോ ഭാജനത്തിൽ
45 പാഞ്ഞുതുടങ്ങിനാർ പാപങ്ങൾ വേരറ്റു
46 പാവനമാരായിപ്പാരമപ്പോൾ;
47 കാളിന്ദീതീരത്തു ചെന്നോരു നേരത്തു
48 കാർവർണ്ണന്തന്നെയും കാണായ് വന്നു
49 കാർമുകിൽമാലകൾ കാമിച്ചുനിന്നൊരു
50 കോമളകാന്തി കലർന്നുനിന്നോൻ,
 
51 കാഞ്ചനംകൊണ്ടുള്ള കാഞ്ചികൊണ്ടീടെഴും
52 പൂഞ്ചേലമീതേ മുറുക്കി നന്നായ്
53 അത്ഭുതമായുള്ള പുഷ്പങ്ങളെക്കൊണ്ടു
54 ചൊല്പെറ്റ കാന്തിയെക്കൈതുടർന്നു
55 പീലികൾ കോലിന മൗലിയുമാണ്ടുള്ളോൻ
56 പീതമായുള്ളൊരു കൂറയുമായ്,
57 പാണികളാലൊന്നു ബാലകന്തന്നുടെ
58 ചേണുറ്റെഴുന്ന കഴുത്തിൽ വച്ച്
59 മംഗല്യമാണ്ടൊരു മറ്റതിലങ്ങനെ
60 മങ്ങാതപ്പങ്കജം പൂണ്ടുനിന്നോൻ.
 
61 ഭദ്രനായുള്ളൊരു കണ്ണനെയിങ്ങനെ
62 പത്നിമാരെല്ലാരും കണ്ടനേരം
63 ചാരത്തു ചെന്നവൻ പാദങ്ങൾതൻ മുന്നൽ
64 ചാലപ്പോയ് വീണുകിടന്നു പിന്നെ
65 നൽച്ചോറുതന്നെയുമച്യുതന്തൻ മുന്നൽ
66 വച്ചങ്ങു കൂപ്പിനാർ വായ്പിനോടെ.
67 അച്ചുതന്താനപ്പോളിച്ഛയിൽ വച്ചൊരു
68 നൽച്ചോറുതന്നെയും വാങ്ങിപ്പിന്നെ
69 കാരുണ്യംപൂണ്ടൊരു കകൊണ്ടു നോക്കീട്ടു
70 പാരം കുളുർപ്പിച്ചാൻ മേനിയെല്ലാം
 
71 ദീനത പോക്കുന്ന നന്മൊഴികൊണ്ടവർ
72 മാനസംതന്നെയുമവ്വണ്ണമേ.
73 മുക്തിയെക്കാമിച്ച പത്നിമാരെന്നപ്പോൾ
74 മുഗ്ദ്ധവിലോചനനോടു ചൊന്നാർ:
75 "കാലൻവന്നെങ്ങളെ കോപിച്ചുനിന്നങ്ങു
76 ചാലപ്പിടിച്ചു വലിക്കുന്നേരം
77 ആലംബമില്ല നിൻ പാദങ്ങളെന്നിലേ
78 പാലിച്ചുകൊള്ളുവാൻ തമ്പുരാനേ!
79 അന്നന്നേയിങ്ങനെയമ്മമാരുള്ളിലേ
80 നിന്നു പിറന്നും മരിച്ചും പിന്നെ
 
81 തിട്ടതി പൂണുന്നുതൊട്ടുനാളുണ്ടെങ്ങൾ
82 ഒട്ടേറിപ്പോകുന്നുതില്ലയോ ചൊൽ?
83 വൃക്ഷങ്ങളാകിലും പക്ഷികളാകിലും
84 മക്ഷികളാകിലും ഞങ്ങളെല്ലാം
85 നിമ്പാദമുള്ളിലേ സന്തതം തോന്നുവാൻ
86 നിങ്കനിവേകണം തമ്പുരാനേ!"
87 ഭക്തമാരായുള്ള പത്നിമാരിങ്ങനെ
88 തത്ത്വമറിഞ്ഞു പറഞ്ഞനേരം
89 മുക്തിദനായുള്ള മുഗ്ദ്ധവിലോചനൻ
90 പത്നിമാരോടു പറഞ്ഞാനപ്പോൾ:
 
91 "എന്നിലിന്നിങ്ങൾക്കു ഭക്തിയുണ്ടെന്നതു
92 മുന്നമേതന്നെയറിഞ്ഞുള്ളു ഞാൻ.
93 മത്ഭക്തിപൂണ്ടുള്ള മർത്ത്യന്മാരാരുമേ
94 ഗർഭത്തിൽ നൂഴുന്നോരല്ലയെന്നും
95 ഭക്തിയെപ്പൂണ്ടിട്ടു ശുദ്ധമായുള്ളൊരു
96 ചിത്തത്തിലെന്നെ നിനച്ചുകൊൾവിൻ.
97 നിർമ്മലമായുള്ളോരുണ്മയെക്കാണുമ്പോൾ
98 ബ്രഹ്മമാമെന്നോടു കൂടും നിങ്ങൾ."
99 ഇങ്ങനെ ചൊന്നവരുള്ളത്തിലെങ്ങുമേ
100 പൊങ്ങിന വേദന പൊങ്ങിപ്പിന്നെ
 
101 "വൈതാനകർമ്മത്തിൻ വൈകല്യം വാരാതെ
102 വൈകാതെ പോകെങ്കി"ലെന്നു ചൊന്നാൻ.
103 പത്നിമാരെല്ലാരുമെന്നതു കേട്ടപ്പോൾ
104 പത്മവിലോചനൻപാദങ്ങളെ
105 ദുഷ്കർമ്മം വേരറ്റൊരുൾക്കാമ്പിലൂന്നി നി
106 ന്നൊക്കവേ പോയങ്ങു ശാല പുക്കാർ.
107 പത്നിമാർ വന്നതു കണ്ടൊരു നേരത്തു
108 വിപ്രന്മാരെല്ലാരുമപ്പൊഴുതേ
109 കണ്ണന്റെ യാചനം കൈക്കൊണ്ടുതില്ലെന്നു,
110 ഖിന്നന്മാരായ്നിന്നു പിന്നെപ്പിന്നെ,
 
111 കാണ്മതിന്നാരുമേ കംസനെപ്പേടിച്ചു
112 ചാപദംപോലും നടന്നുതില്ലേ.
113 കാർമുകിൽവർണ്ണന്താൻ ബാലകന്മാരുമായ്
114 തൂമകലർന്നങ്ങിരുന്നു പിന്നെ
115 സ്വാദുവായ് നിന്നുള്ളോരോദനം തന്നെയും
116 ആദരപൂർവ്വമായുണ്ടു ചെമ്മെ
117 കേടറ്റു ചാടുന്ന ധേനുക്കൾപിന്നാലെ
118 ചാടിക്കുഴഞ്ഞുതൻ വീടു പുക്കാൻ.

  • Mazha Thulli and Serikkum Mothalali like this


Users Awards

#13 VIncenT GomeZ

VIncenT GomeZ

    Best Boy of PP - 2012

  • Premium Member
  • 9,151 posts
  • Location:root
  • Gender:Male
  • Country: Country Flag
  • Current: Country Flag

Posted 04 May 2015 - 11:01 AM

ഗോവർദ്ധനോദ്ധരണം

1 കാർമുകിൽനേരൊത്ത കാന്തികലർന്നൊരു

2 കാരുണ്യപൂരമക്കാനനത്തിൽ
3 ബാലകന്മാരുമായ് കാലിയുംമേച്ചങ്ങു
4 ലീലകളാണ്ടു നടന്നകാലം
5 വിണ്ണവർനായകന്തന്നുടെ പൂജയ്ക്കു
6 തിണ്ണം മുതിർന്നുള്ള ഗോപന്മാരേ
7 കണ്ടൊരുനേരത്തു കാർമുകിൽവർണ്ണന്താൻ
8 മണ്ടിയടുത്തങ്ങു ചെന്നുപിന്നെ
9 ചോദിച്ചു നിന്നാനത്താതനോടെല്ലാംതാൻ
10 ഏതുമറിഞ്ഞീലയെന്നപോലെ:
 
11 ആരുടെ പൂജയ്ക്കു സാധനമിങ്ങനെ
12 യാരാഞ്ഞുകൊണ്ടന്നു താതനിപ്പോൾ?
13 എന്തിതുകൊണ്ടുള്ള കാരിയമെന്നതും
14 എന്നോടു ചൊല്ലേണമുള്ളവണ്ണം"
15 നന്ദനനിങ്ങനെ ചൊന്നൊരു നേരത്തു
16 നിന്നൊരു നന്ദന്താൻ ചൊന്നാനപ്പോൾ:
17 "ഉത്സവംകൊള്ളേണം വിണ്ണവർനാഥനു
18 വത്സരംതോറുമെന്നുണ്ടു ഞായം.
19 വാനവർനായകൻതന്നുടെ ചൊല്ലാലേ
20 വാരിയെപ്പെയ്യുന്നു വാരിദങ്ങൾ
 
21 കാലത്തു വേണുന്ന വാരിയെപ്പെയ്യിച്ചു
22 പാലിച്ചുകൊള്ളുവാൻ പൂജിക്കുന്നു"
23 താതൻതാനിങ്ങനെ ചൊന്നൊരു നേരത്തു
24 താതനുമെല്ലാരും കേൾക്കെച്ചൊന്നാൻ:
25 "അച്ഛനെന്തിങ്ങനെയാരേലും ചൊന്നതു
26 നിശ്ചയംകൂടാതെ ചെയ്യുന്നിപ്പോൾ?
27 വർഷത്തിൻ കാരണം വാസവനെന്നുണ്ടോ
28 വർഷത്തിന്നുള്ളത്തിൽ തോന്നീതിപ്പോൾ?
29 നന്ദനംതന്നിലെ സുന്ദരിമാരുമായ്
30 മന്ദനായുള്ളോമ്പോലങ്ങെങ്ങാനും;
 
31 ഇഷ്ടമായുള്ളൊരു വൃഷ്ടിയെ പെയ്യിച്ചു
32 പുഷ്ടിക്കു കാരണമിന്ദ്രനല്ലേ;
33 ഭൂലോകവാസികൾ ചെയ്യുന്ന കർമ്മങ്ങ
34 ളാലംബമെന്നതേ വന്നുകൂടു.
35 ഉണ്മയെ ചൊല്കിലോ തന്നുടെ തന്നുടെ
36 കർമ്മത്തെപ്പൂജിപ്പുവെന്നേ വേണ്ടു.
37 ഗോവർദ്ധനത്തിൻറെ താഴ്വരമേൽനിന്നു
38 ഗോരക്ഷ നമ്മുടെ കർമ്മമിപ്പോൾ,
39 ഗോവർദ്ധനത്തെയും ഗോക്കളെത്തന്നെയും
40 പൂജിപ്പൂ നാമിപ്പൊളെന്നേ വേണ്ടൂ.
 
41 എന്മതം ചൊല്ലിനേനെല്ലാരും ചിന്തിച്ചു
42 സമ്മതിയായതു ചെയ്‌വിൻ നിങ്ങൾ"
43 മായം കലർന്നൊരു ബാലകനിങ്ങനെ
44 പേയില്ലയാതെ പറഞ്ഞനേരം
45 ആയന്മാരെല്ലാരുമങ്ങനെതന്നെയെ
46 ന്നാദരവോടു മുതിർന്നാരപ്പോൾ.
47 വാസവൻതന്നുടെ പൂജയ്ക്കു കൊണ്ടന്ന
48 സാധനമെല്ലാമേ വല്ലവന്മാർ
49 ഗോവർദ്ധനംതന്നെപ്പൂജിപ്പാനാക്കിനാർ
50 ഗോവിന്ദന്തന്നുടെ ചൊല്ലിനാലെ.
 
51 ഭേരിതൻ നാദംകൊണ്ടാശാഗജങ്ങൾക്കു
52 പേയിയെപ്പൊങ്ങിച്ചാരങ്ങു പിന്നെ.
53 നൽക്കൊടി തോരണമെന്നുള്ളതെല്ലാമ
54 ങ്ങൊക്കവേ നന്നായ് നിവർത്തീതെങ്ങും
55 ഗോക്കളെക്കൊണ്ടന്നു ചാലെക്കുളിപ്പിച്ചു
56 പൂക്കളുംചൂടിച്ചമച്ചു പിന്നെ
57 തൂംഗമായുള്ളൊരു മംഗലശൈലംത
58 ന്നംഗത്തിലാക്കിനാർ ഭംഗിയോടെ.
59 ബ്രാഹ്മണരെല്ലാരും കാണ്മതിന്നായിട്ടു
60 മേന്മേലെ വന്നുതുടങ്ങീതപ്പോൾ.
 
61 ക്ഷീരം തുടങ്ങിന ഗോരസമോരോന്നേ
62 പൂരിച്ചു കാണായിതോരോ ദിക്കിൽ
63 കാമദന്മാരായ ഭൂദേവന്മാരെല്ലാം
64 ഹോമം തുടങ്ങിനാരങ്ങുമിങ്ങും
65 പായസം മേന്മേലെ നിർമ്മിച്ചാരെന്നപ്പോ
66 ളായാസം പോയുളള ഗോപാലന്മാർ
67 ധൂമങ്ങൾ ദീപങ്ങളെന്നുതുടങ്ങിന
68 സാധനമോരോന്നേ വന്നുകൂടീ.
69 മാലേയച്ചാറെല്ലാം പൂരിച്ചു മേന്മേലേ;
70 മാലകൾ ചാലത്തൊടുത്താർ പിന്നെ.
 
71 ബന്ധുരമായൊരു സാധനം കണ്ടിട്ടു
72 സന്തുഷ്ടന്മാരായി പിന്നെപ്പിന്നെ
73 പൂതന്മാരായുള്ള ഭൂസുരന്മാരെല്ലാം
74 പൂജയെപ്പൂരിച്ചു നില്ക്കുന്നേരം
75 കാർവർണ്ണൻതാനപ്പോൾ കാണുന്നോരെല്ലാർക്കും
76 കാരിയമേയെന്നു തോന്നുംവണ്ണം
77 വണ്ണംതിരണ്ടൊരു രൂപത്തെപ്പൂണ്ടിട്ടു
78 വന്നങ്ങു "ശൈലം ഞാനെ"ന്നു ചൊന്നാൻ.
79 കാദളമോദകപായസജാലത്തെ
80 ഖാദനംചെയ്തങ്ങു നിന്നാൻ പിന്നെ.
 
81 എന്നതു കണ്ടിട്ടു വിസ്മയിച്ചെല്ലാരും
82 ചെന്നങ്ങു കുമ്പിട്ടു കൂപ്പിനിന്നാർ.
83 പേശലമാരായ ഗോപികമാരെല്ലാം
84 കേശവന്തന്നുടെ ചൊല്ലിനാലെ
85 മേളത്തിൽ വന്നങ്ങു ശൈലത്തിന്മേലേറി
86 നീളെക്കളിച്ചങ്ങു പാടിനിന്നാർ.
87 കള്ളംകളഞ്ഞുള്ള വല്ലവന്മാരെല്ലാം
88 ഉള്ളംതെളിഞ്ഞങ്ങു നിന്നു പിന്നെ;
89 മായംകളഞ്ഞുള്ള ഭൂദേവന്മാരെല്ലാം
90 പായസംതൂകിനാരായവണ്ണം.
 
91 മൃഷ്ടമായെല്ലാരും ഭോജനം പെണ്ണീട്ടു
92 തുഷ്ടന്മാരായങ്ങു നിന്നു പിന്നെ.
93 അക്ഷണം വന്നുള്ള ഭൂദേവന്മാർക്കെല്ലാം
94 ദക്ഷിണ നല്കീട്ടു നിന്നനേരം
95 ഭൂദേവന്മാരെല്ലാമാശിയും ചൊല്ലീട്ടു
96 മോദിതന്മാരായിപ്പോയാരപ്പോൾ.
97 ആരണരെല്ലാരും പോയോരുനേരത്തു
98 നാരദനാമവൻ നന്മുനിതാൻ
99 തിണ്ണം നടന്നുടൻ വിണ്ണിലേ ചെന്നിട്ടു
100 വിണ്ണവർനാഥനെക്കണ്ടു ചൊന്നാൻ:
 
101 "കാണ്മതിന്നായിക്കൊതിച്ചിട്ടു വന്നു ഞാൻ
102 ആണ്മ കളഞ്ഞൊരു നിന്നെയിപ്പോൾ
103 നാളെയുമിങ്ങനെ വന്നിങ്ങു നില്ക്കുമ്പോൾ
104 കാണുമോന്നുള്ളതറിഞ്ഞില്ലല്ലോ.
105 എങ്ങിനിപ്പോകുന്നു വിണ്ണിനെക്കൈവിട്ടി
106 ട്ടെന്നുള്ളതോർക്ക നീയെന്നേ വേണ്ടൂ,
107 ആപത്തും സമ്പത്തും കൂടിക്കലർന്നുള്ളൂ
108 താപത്തായുള്ളതു കാലമിപ്പോൾ
109 ദാനവരാരേലുമിങ്ങനെ ചെയ്തെങ്കിൽ
110 ദീനതയെന്നുള്ളിൽ വാരാഞ്ഞിതും;
 
111 ദുർബ്ബലന്മാരായ മാനവന്മാരല്ലൊ
112 ധിക്കരിക്കുന്നതിന്നിന്നെയിപ്പോൾ
113 തങ്കനിവുള്ളോർക്കു ഭംഗംവരുന്നേരം
114 സങ്കടമെന്നുള്ളതുണ്മ ചെമ്മേ.
115 കൈലാസംതന്നിലേ പോകണമെന്നപ്പോൾ
116 കാലെഴുന്നീലല്ലോ കാണെനിക്കോ"
117 എന്നതു കേട്ടൊരു വിണ്ണവർനായകൻ
118 "എന്തെ"ന്നു കേട്ടതു കേട്ടു ചൊന്നാൻ:
119 "ഒന്നൊത്തുകൂടിന ഗോപന്മാരെല്ലാരും
120 നിന്നെപ്പിഴുക്കിനാരിന്നു ചെമ്മേ;
 
121 ഗോവർദ്ധനന്തന്നെ വാസവനാക്കിനാർ
122 ആബദ്ധഗർവ്വന്മാരായിപ്പിന്നെ.
123 നിന്നുടെ പൂജയ്ക്കു കൊണ്ടന്ന സാധനം
124 എന്നുടെ മുമ്പിലേ വമ്പിനാലേ
125 പർവതപൂജയ്ക്കു സർവവുമാക്കിനാർ
126 ഉർവിയിൽനിന്നുള്ള വല്ലവന്മാർ."
127 എന്നതു കേട്ടൊരു വിണ്ണവർനാഥന്തൻ
128 കണ്ണു ചുവന്നുതുടങ്ങീതപ്പോൾ.
129 പെട്ടെന്നെഴുന്നേറ്റു ഭൂതലംതന്നിലേ
130 കട്ടിച്ചു നിന്നാനങ്ങൊട്ടുനേരം;
 
131 വജ്രമായ്നിന്നുള്ളൊരായുധംതന്നെയും
132 ഉച്ചത്തിലാമ്മാറുയർത്തിച്ചൊന്നാൻ:
133 "കാട്ടിൽ കിടന്നിട്ടു കാലിയും മേച്ചുള്ള
134 കാട്ടാളർ കാട്ടിന കോട്ടിക്കു ഞാൻ
135 കണ്ടു കതിർത്തവർ കണ്ഠങ്ങൾ കണ്ടിച്ചു
136 തുണ്ടിച്ചുനിന്നുടനിണ്ടലാക്കി
137 ഘോരമാമെൻ വാൾക്കു നല്കുന്നതുണ്ടു നൽ
138 ചോരകൊണ്ടുള്ളൊരു പാരണത്തെ
139 മാനുഷനായൊരു കണ്ണനെക്കണ്ടല്ലൊ
140 വാനവർ നിന്ദയെച്ചെയ്തതിപ്പോൾ.
 
141 പണ്ടില്ലയാതൊരു വേലയെച്ചെയ്യുമ്പോൾ
142 കൊണ്ടൽനേർവർണ്ണനുമോർക്കവേണം.
143 എന്നതിനിന്നിനി വന്നൊരു ദീനത്തെ
144 നിന്നവന്താനും പൊറുത്തുകൊള്ളും."
145 ഇങ്ങനെ ചൊന്നുടൻ ചിന്തിച്ചുനിന്നിട്ടു
146 പിന്നെയും ചൊല്ലിനാൻ വിണ്ണവർകോൻ:
147 "മാരിയെപ്പെയ്യിച്ചു ഗോകുലമെല്ലാമേ
148 വാരിധിതന്നിലങ്ങാക്കി നേരേ
149 ക്ഷുത്തു പൂണ്ടീടുന്ന മത്സ്യങ്ങൾക്കെല്ലാമ
150 ങ്ങുത്സവമാക്കുന്നതുണ്ടു ചെമ്മേ.
 
151 പൂജിച്ചുവച്ചൊരു പർവ്വതംതാൻ വേണം
152 പാലിച്ചുകൊള്ളുവാനിന്നിവരെ."
153 ഇങ്ങനെ ചൊല്ലിനിന്നംബുദജാലത്തെ
154 അംബരംതന്നിലഴിച്ചുവിട്ടാൻ.
155 താനങ്ങു തന്നുടെ വാരണന്തന്മീതെ
156 മാനമേ പോവതിന്നായ്തുനിഞ്ഞാൻ.
157 ശൈലത്തെപ്പൂജിച്ചു ഗോപന്മാരെല്ലാരും
158 ആലയംതന്നിലേ പൂകുന്നേരം
159 മുപ്പാരിതെപ്പേരും മുക്കുവാൻ കെല്പാർന്ന
160 കല്പാന്തമേഘങ്ങൾ പോന്നുവന്നു.
 
161 "കാലമല്ലാതൊരു കലത്തു കണ്ടാലും
162 നീലവലാഹകൾ വന്നതിപ്പോൾ.
163 എന്തിതെ"ന്നിങ്ങനെ കണ്ടുള്ളോരെല്ലാരും
164 ചിന്തിച്ചു തങ്ങളിൽ നിന്നനേരം
165 പാരിച്ചുനിന്നൊരു പാഴിടിനാദത്താൽ
166 പാരിടമെങ്ങും കുലുങ്ങിച്ചുടൻ
167 വിണ്ണവർവാരണന്തന്നുടെ കൈയോളം
168 വണ്ണമെഴുന്നുള്ള തുള്ളികളും
169 തൂകിത്തുടങ്ങീതങ്ങാകാശംതന്നിലേ
170 പാകിനിന്നീടിന മേഘമെല്ലാം.
 
171 പാഴിടി കേട്ടിട്ടു പൈതങ്ങളെല്ലാമേ
172 പാരം കരഞ്ഞുതുടങ്ങീതപ്പോൾ.
173 ഒന്നിനോടൊന്നു കലർന്നങ്ങു നിന്നൊരു
174 കന്നുകിടാക്കളുമവ്വണ്ണമേ.
175 വൻകാറ്റു വന്നങ്ങു വീതു തുടങ്ങീട്ടു
176 വൻകുന്നുകൂടെക്കുലുങ്ങിച്ചെമ്മെ
177 കാലികളെല്ലാമേ ചാല വിറച്ചങ്ങു
178 നീലക്കാർവർണ്ണനെ നോക്കിനിന്നൂ.
179 ആനായനാരിമാർ തന്മുഖമെല്ലാമേ
180 ദീനങ്ങളായ്വന്നു പിന്നെപ്പിന്നെ.
 
181 നന്ദന്തുടങ്ങിന വൃദ്ധന്മാരെല്ലാരും
182 നിന്നുപൊറുക്കരുതാഞ്ഞു ചെമ്മേ.
183 മെയ്യും വിറച്ചു തങ്കൈയും തിരുമ്മിനി
184 "ന്നയ്യോ!" യെന്നിങ്ങനെ ചൊന്നുഴന്നാർ.
185 "പാലിച്ചുകൊള്ളേണം കണ്ണാ!" എന്നിങ്ങനെ
186 വാവിട്ടു ചൊല്ലിനാരെല്ലാരുമേ,
187 വിണ്ണവർനാഥന്തങ്കോപത്തെക്കണ്ടിട്ടു
188 തിണ്ണം ചിരിച്ചുള്ള കണ്ണനപ്പോൾ
189 തന്നെയവന്നുള്ളോരെല്ലാരുമിങ്ങനെ
190 ഖിന്നന്മാരായതു കണ്ടനേരം.
 
191 കോരിച്ചൊരിഞ്ഞൊരു മാരിയെക്കണ്ടീട്ടു
192 കോഴപ്പെടായ്വിനിന്നെന്നു ചൊന്നാൻ.
193 "ഗോവർദ്ധനത്തോടു യാചിച്ചുനില്പിന
194 ങ്ങാപത്തു പോക്കുവാൻ നിങ്ങളെല്ലാം
195 വാനവർനായകന്തന്നുടെ പൂജയെ
196 മാനിച്ചുകൊണ്ടതിവന്താനല്ലൊ
197 ഇണ്ടലെപ്പോക്കീട്ടു പാലിച്ചുകൊള്ളും താൻ
198 കണ്ഠത്തെയാണ്ടവൻ പിണ്ടത്തിന്നും."
199 എന്നങ്ങു ചൊന്നുള്ള നന്ദകുമാരന
200 ക്കുന്നോടു ചെന്നങ്ങണഞ്ഞു പിന്നെ.
 
201 പെട്ടെന്നു ചെന്നവൻ മുഷ്ടി ചുരുട്ടീട്ടു
202 മുട്ടിനാൻ കുന്നിനെയൊന്നു മെല്ലെ.
203 കട്ടക്കിടാവുതൻ കൈത്തലംകൊണ്ടുള്ള
204 മുഷ്ടിയെത്തന്മെയ്യിലേറ്റനേരം
205 ഞെട്ടിനിന്നുള്ളൊരു കുന്നുതാനെന്നപ്പോൾ
206 വട്ടംതിരിഞ്ഞുതുടങ്ങി ചെമ്മേ.
207 വൃക്ഷങ്ങളെല്ലാം ഞെരിഞ്ഞുതുടങ്ങീത
208 പ്പക്ഷികളെല്ലാം പറന്നുതെങ്ങും.
209 ശാഖികൾ ചേർന്നുള്ള വാനരയൂഥങ്ങൾ
210 ചാടിത്തുടങ്ങീതു കാടുതോറും.
 
211 തിട്ടതിപൂണ്ടുള്ളോരെട്ടടിമാനെല്ലാം
212 വട്ടത്തിൽനിന്നങ്ങുഴന്നുതെങ്ങും.
213 കന്ദരംതന്നിലേ മന്ദിരമായുള്ള
214 കിന്നരരെല്ലാരും ഖിന്നരായി.
215 ഒന്നിച്ചുനിന്നുള്ള പന്നികളെല്ലാമ
216 ക്കുന്നിലേ ചാടിക്കുറുട്ടിനിന്നു.
217 കമ്പത്തെപ്പൂണ്ടുള്ള വമ്പുലിക്കൂട്ടങ്ങൾ
218 സംഭ്രമിച്ചോടിതേയങ്ങുമിങ്ങും
219 വേട്ടയ്ക്കു വന്നുള്ള കാട്ടാളരെല്ലാരു
220 മാട്ടിത്തുടങ്ങിനാരെന്നു നണ്ണി
 
221 കാട്ടുപോത്തെല്ലാമേ ചാട്ടംതുടങ്ങീത
222 മ്മാട്ടിന്നു മൂട്ടിലേ കാട്ടികളും.
223 കാട്ടാനക്കൂട്ടങ്ങൾ കൂട്ടംപിരിഞ്ഞുനി
224 ന്നോട്ടം തുടങ്ങീതക്കാട്ടിലപ്പോൾ
225 ചേണുറ്റുനിന്നുള്ളൊരേണക്കിടാക്കളും
226 ദീനങ്ങളായങ്ങു പാഞ്ഞുചെന്ന്
227 ശാർദ്ദൂലംതന്നോടു ചേർച്ച തുടങ്ങീതു
228 ശാർദ്ദൂലപോതങ്ങളേണത്തോടും.
229 മുഷ്ടിയേറ്റുള്ളൊരു നോവുകൊണ്ടന്നേരം
230 നിർഝരമായൊരു കണ്ണുനീരും
 
231 പാരം ചൊരിഞ്ഞിട്ടു സിംഹങ്ങൾതന്നുടെ
232 ഘോരമായുള്ളൊരു നാദത്തിൻറെ
233 മാറ്റൊലികൊണ്ടൊരു കന്ദരവാകൊണ്ട
234 ങ്ങേറ്റം കരഞ്ഞാനക്കുന്നുമപ്പോൾ.
235 ഇങ്ങനെ കണ്ടൊരു നന്ദകുമാരകൻ
236 പൊങ്ങിച്ചുനിന്നാനക്കുന്നു മെല്ലെ.
237 വാമമായുള്ളൊരു പാണിതലംകൊണ്ടു
238 വാരുറ്റുനിന്നങ്ഹുയർത്തിച്ചൊന്നാൻ:
239 "എങ്കൈയിലുള്ളൊരു വൻകുന്നിൻകീഴിലേ
240 വന്നിങ്ങു നൂഴുവിൻ നിങ്ങളെല്ലാം"
 
241 വല്ലവന്മാരെല്ലാമെന്നതു കേട്ടപ്പോൾ
242 വല്ലവിമാരോടും കൂടിച്ചെമ്മേ
243 ബാലകന്മാരെയും പൂണ്ടുകൊണ്ടങ്ങനെ
244 ചാലെ നടന്നതിൻകീഴിൽപ്പൂക്കാർ.
245 കന്നുകിടാക്കളും കാലിയും മറ്റെല്ലാം
246 കുന്നിന്നു കീഴിലങ്ങായനേരം
247 താനങ്ങു തന്നുടെ പൊൽക്കുഴലൂതിനി
248 ന്നാനന്ദഗാനം തുടങ്ങിനാനേ.
249 മാനിനിമാരെല്ലാം ഗാനത്തെക്കേട്ടപ്പോൾ
250 ആനന്ദലീനമാരായി നിന്നാർ;
 
251 ഉറ്റവരായിട്ടു ചുറ്റും വിളങ്ങിന
252 മറ്റുള്ളോരെല്ലാരുമവ്വണ്ണമേ
253 പൈകൊണ്ടു മേവുന്ന ദീനത്തെയന്നേരം
254 പൈതങ്ങൾപോലുമറിഞ്ഞതില്ലേ.
255 "വൻകുന്നു ചൂടീട്ടു വന്മഴ പെയ്യുമ്പോൾ
256 തൻകുലം കാക്കുന്ന തമ്പുരാനേ!
257 നിങ്കനിവേകിനിന്നെങ്കൽ നീയെന്നുമേ
258 സങ്കടം പോക്കുവാൻ കുമ്പിടുന്നേൻ.
259 മാരി വരുന്നേരം നൽകുട ചൂടുവാൻ
260 ആരുമൊരുത്തരം താരാഞ്ഞാരോ?
 
261 കന്നു ചുമന്നിട്ടു വെണ്ണ ചുമന്നുള്ളോ
262 രുണ്ണിക്കൈ നോകുന്നുതില്ലയോ ചൊൽ?
263 കുന്നു ചുമക്കേണമെന്നങ്ങു ചിന്തിച്ചോ
264 വെണ്ണ ചുമന്നിട്ടു ശീലിച്ചു നീ?
265 വെണ്ണയെന്നോർത്തിട്ടു കുന്നിനെത്തന്നെയും
266 മെല്ലവേ വായിലങ്ങാക്കൊല്ലാതെ.
267 പൈതലായുള്ളൊരു കണ്ണൻറെ ചൊൽ കേട്ടു
268 പൈതങ്ങളോടു കലർന്നെല്ലാരും
269 കുന്നിന്നു കീഴിലേ നൂണൊരു നിങ്ങളി
270 ക്കുന്നുതാൻ വീഴുമെന്നോർക്കണ്ടാതേ"
 
271 തുംബുരുനാരദൻ മുമ്പായോരെല്ലാരും
272 വന്നുടനിങ്ങനെ വാഴ്ത്തിനിന്നാർ.
273 വാനവർനായകൻ വല്ലവന്മാരുടെ
274 ദീനത കാണ്മാനായ് വന്നാനപ്പോൾ.
275 മാധവന്തന്നെയും വല്ലവന്മാരെയും
276 ബാധകൾകൂടാതെ കാകയാലേ
277 തള്ളിയെഴുന്നൊരു കോപമടങ്ങിനി
278 ന്നുള്ളം തെളിഞ്ഞുടൻ നിന്നനേരം
279 "മാരിയെപ്പെയ്യിച്ചു മാധവനോടല്ലൊ
280 നേരിട്ടു നിന്നു ഞാൻ" എന്നു നണ്ണി,
 
281 ദീനതപൂണ്ടു തന്മാനസംതന്നിലേ
282 നാണവും പൂണ്ടങ്ങു നിന്നു പിന്നെ,
283 മേഘങ്ങളെല്ലാമേ പോകെന്നു ചൊല്ലിനാൻ
284 നാകികൾനായകനാകുലനായ്.
285 മന്നിലങ്ങൂന്നിന പാദങ്ങലൊന്നുമേ
286 പിന്നെ മറിച്ചു ചലിപ്പിയാതെ
287 ഏഴുനാളിങ്ങനെ പേമഴ പെയ്യുമ്പോൾ
288 കോഴകൾ കൂടാതെ നിന്നാൻ കണ്ണൻ.
289 മേഘങ്ങൾ വേറായി മേളം കലർന്നുള്ളൊ
290 രാകാശം കണ്ടുടൻ കണ്ണൻ ചൊന്നാൻ:
 
291 "നിർഗ്ഗമിച്ചാലുമിന്നിങ്ങളിന്നെല്ലാരും
292 വ്യഗ്രമായുള്ളതു പോയിതായി."
293 കുന്നിന്നു കീഴായോരെല്ലാരുമെന്നപ്പോൾ
294 കന്നുകിടാക്കളും കാലിയുമായ്
295 ഒക്കവേ നിന്നു പുറത്തു പുറപ്പെട്ടു
296 ദിക്കുകളെല്ലാമേ നോക്കിനിന്നാർ.
297 നന്ദകുമാരനും കുന്നിനെയന്നേരം
298 മന്ദമിറക്കിത്തൻ കൈയിൽനിന്ന്
299 ഭൂതലംതന്നിലേ മെല്ലവേയാക്കിനാൻ
300 ഭൂതങ്ങളെല്ലാമേ കണ്ടിരിക്കെ.
 
301 എന്നതു കണ്ടൊരു ഗോപന്മാരെല്ലാരും
302 എന്തിതെന്നിങ്ങനെ ചിന്തിച്ചപ്പോൾ
303 ആനായർകോനായ കാർമുകിൽവർണ്ണനെ
304 മാനുഷനല്ലെന്നു സംശയിച്ചാർ
305 വാനവർകോനായ വാസവനെന്നപ്പോൾ
306 ദീനനായ് നിന്നു നുറുങ്ങുനേരം
307 കാർമുകിൽവർണ്ണൻതൻങ്കോമളമായൊരു
308 കാലിണതങ്കലേ വീണു പിന്നെ
309 ലജ്ജയായുള്ളൊരു വാരിതൻ പൂരത്തിൽ
310 മജ്ജനം ചെയ്തങ്ങു നിന്നു ചൊന്നാൻ:
 
311 "വന്മദമായൊരു കല്മഷം പൂണ്ടുനി
312 ന്നെന്മനമെങ്ങുമേ മങ്ങുകയാൽ
313 നിൻ പാദമെങ്ങുമേ കാണാഞ്ഞു നിന്നിട്ടു
314 വമ്പു തുടങ്ങിനേന്തമ്പുരാനേ!
315 ഉന്മത്തരായവർ പേ പറഞ്ഞാരെന്നു
316 സമ്മതരായവരുണ്ടോ ചൊൽവൂ?
317 എൻ പിഴ നീയുമിന്നിങ്ങനെ നണ്ണിനി
318 ന്നമ്പിനേ നല്കേണം തമ്പുരാനേ!
319 "എന്നുടെ ദാസനായുള്ളോരു ദാരകൻ
320 എന്നോടു നേരിട്ടാനെന്തുചേതം"
 
321 എന്നതു വേണമേ സന്തതം തോന്നുവാൻ
322 നന്ദതനൂജനാം തമ്പുരാനേ!
323 നന്നല്ലയിന്നിവനെന്നോടു ചെയ്യുന്ന
324 തെന്നാവു തോന്നുന്നുതെങ്കിലയ്യോ
325 നീ വളർത്തീടുന്ന പൈതങ്ങളാലൊന്നു
326 കേവലമില്ലെന്നേ വന്നുകൂടു"
327 വാസവനിങ്ങനെ വാഴ്ത്തിനനേരത്തു
328 വാരുറ്റു ചൊല്ലിനാൻ വാസുദേവൻ:
329 "വന്മദം പൂണ്ടു നീ സന്മതി വേറായി
330 നമ്മെ മറക്കൊല്ലായെന്നു നണ്ണി
 
331 നിന്നുടെ പൂജയ്ക്കു ഭംഗത്തെച്ചെയ്തു ഞാൻ
332 എന്നുള്ളതുള്ളത്തിൽ തേറിനാലും
333 ഐശ്വര്യംകൊണ്ടു തിമിർത്തുതുടങ്ങിനാൽ
334 "ഈശ്വര"നെന്നു നിനയ്ക്കയില്ലേ;
335 ഈശ്വരചിന്തയെ കൈവെടിഞ്ഞീടിനാൽ
336 ശാശ്വതമായതും വന്നുകൂടാ.
337 ദുസ്മൃതി കൂടുകിൽ മൽസ്മൃതിതന്നിലേ
338 വിസ്മൃതി വന്നങ്ങു കൂടുമെന്നാൽ
339 ദുസ്മൃതിയെല്ലാമേ വച്ചുകളഞ്ഞിട്ടു
340 മൽസ്മൃതി വേണം നീ കൈക്കൊള്ളുവാൻ."
 
341 പൂണ്യമിയന്നൊരു വിണ്ണവർകോനോടു
342 കണ്ണന്താനിങ്ങനെ ചൊന്നനേരം
343 ഗോമാതാവായൊരു ദേവിതാൻ വന്നപ്പോൾ
344 പൂമാതിൻകാന്തനെക്കണ്ടു ചൊന്നാൾ:
345 "നാന്മുഖൻചൊല്ലാലെ വന്നു ഞാനിങ്ങനെ
346 നാഥനായുള്ളൊരു നിന്നെക്കാണ്മാൻ."
347 എന്നങ്ങു ചൊല്ലിന ദേവിതാനെന്നപ്പോൾ
348 തന്നുടെ പാൽകൊണ്ടു മെല്ലെമെല്ലെ.
349 കാർവർണ്ണന്തന്നഭിഷേകത്തെച്ചെയ്തിട്ടു
350 ഗോവിന്ദനെന്നൊരു പേരും ചൊന്നാൾ.
 
351 ദേവകളെല്ലാരും പാരാതെ വന്നിട്ടു
352 പൂവുകൾ തൂകിനാരെന്നനേരം
353 ഭേരിതൻ നാദംകൊണ്ടാശകളെല്ലാമേ
354 പൂരിച്ചു വാഴ്ത്തിനാർ വന്ദികളും.
355 മാമുനിമാരുമങ്ങാനന്ദംപൂണ്ടിട്ടു
356 മാനിച്ചു മേന്മേലേ വാഴ്ത്തിനിന്നാർ
357 വല്ലവീവല്ലഭൻചൊല്ലാലെയെല്ലാരും
358 അല്ലലെക്കൈവിട്ടു പോയനേരം
359 വിണ്ണവർനാഥനും കണ്ണന്തൻ ചൊല്ലാലെ
360 തിണ്ണം തെളിഞ്ഞുടൻ വിണ്ണിൽ പുക്കാൻ.
 
361 ജംഭാരിതന്നെയും സംഭാവിച്ചീടിനോ
362 രംഭോജലോചനന്താനും പിന്നെ
363 അൻപുകലർന്നുള്ളോരെല്ലാരുമായിത്ത
364 ന്നമ്പാടിതന്നിൽ വിളങ്ങിനിന്നാൻ.

  • Mazha Thulli and Serikkum Mothalali like this


Users Awards

#14 VIncenT GomeZ

VIncenT GomeZ

    Best Boy of PP - 2012

  • Premium Member
  • 9,151 posts
  • Location:root
  • Gender:Male
  • Country: Country Flag
  • Current: Country Flag

Posted 04 May 2015 - 11:02 AM

നന്ദമോക്ഷം

1 നോറ്റുകിടന്നൊരു നന്ദന്താന്മെല്ലെമെ

2 ല്ലാറ്റിലേ മുങ്ങുവാൻ പോയനേരം
3 കാലം പുലർന്നുതുടങ്ങുന്നതിൻമുമ്പേ
4 ചാലപ്പോയ് ചെന്നതു കണ്ടുകൊണ്ട്
5 പാശിതൻ ദൂതനായുള്ളൊരു ദാനവൻ
6 പാരാതെ ബന്ധിച്ചു കൊണ്ടുപോയാൻ
7 നന്ദനെക്കാണാഞ്ഞു നിന്നൊരു ഗോപന്മാർ
8 നന്ദനനാകിയ കണ്ണനോട്
9 ചെന്നങ്ങു ചൊല്ലിനാർ "മുങ്ങിന നേരത്തു
10 നന്ദനെക്കണ്ടില്ല"യെന്നിങ്ങനെ
 
11 അച്യുതന്താനും തന്നച്ഛനെക്കാണ്മാനാ
12 യിച്ഛപൂണ്ടന്നേരം കാളിന്ദിയിൽ
13 വേഗത്തിൽ ചെന്നങ്ങു തേടിത്തുടങ്ങിനാൻ
14 വേദത്തെപ്പണ്ടുതാനെന്നപോലെ
15 വാരിയിലെങ്ങുമേ കാണാഞ്ഞനേരത്തു
16 വാരിധിപാലകനുള്ളിടത്തും
17 നേരേ പോയ് ചെന്നു തുടങ്ങിനാൻ മെല്ലവേ
18 കാരുണ്യവാരിധിയായവന്താൻ
19 വാരിജലോചനൻ വന്നതു കണ്ടപ്പോൾ
20 വാരിധിപാലകൻ പാരാതെതാൻ
 
21 മുമ്പിലെ നല്കിനാൻ നന്ദനെത്തന്നെയും
22 കുമ്പിട്ടുകൂപ്പിനിന്നമ്പിൽ ചൊന്നാൻ:
23 "നിന്നുടെ ചേവടി ചാരത്തു കാണ്മാനായ്
24 നന്ദനെ ഞാനിങ്ങു കൊണ്ടുപോന്നു
25 അച്ഛനെക്കൊണ്ടുപോന്നത്തൽപിണച്ചായെ
26 ന്നിച്ഛ പിഴയ്ക്കൊല്ലാ തമ്പുരാനെ!"
27 ഇങ്ങനെ ചൊല്ലി നന്മുത്തുകളെക്കൊണ്ടും
28 പൊങ്ങിന രത്നങ്ങൾകൊണ്ടും പിന്നെ
29 പൂജിച്ചുനിന്നവനുള്ളിലേ മോദത്തെ
30 പ്പൂരിച്ചാൻ പാശിയുമായവണ്ണം.
 
31 പൂജിതനായൊരു ദേവകിനന്ദനൻ
32 പോവതിനായിത്തുനിഞ്ഞു പിന്നെ.
33 അച്ഛനും താനുമായാദരവോടുടൻ
34 ഇച്ഛയിൽ പോന്നിങ്ങു വന്നനേരം
35 ഗോപന്മാരെല്ലാരുമത്ഭുതമായ് നന്ദ
36 ഗോപരെച്ചെന്നങ്ങു കണ്ടാരപ്പോൾ.
37 ദീനയായുള്ള യശോദയുമന്നേരം
38 മാനിച്ചു നോക്കിനാൾ നന്ദന്തന്നെ
39 തോയത്തിൽ കണ്ടുള്ളവസ്ഥകളോരോന്നേ
40 തോയേശന്തന്റെ സമൃദ്ധിയേയും
 
41 വല്ലവനാഥനാം നന്തന്താൻ നന്നായി
42 ചൊല്ലിനാന്മെല്ലെമെല്ലെല്ലാരോടും
43 വിഘ്നമകന്നുള്ള ഗോപന്മാരെല്ലാരും
44 വിസ്മയമാണ്ടുനിന്നൊട്ടുനേരം
45 കാർവർണ്ണന്തന്നോടു കൂടിക്കലർന്നുതൻ
46 കാരിയമോരോന്നിൽ കൈതുടർന്നാർ

  • Mazha Thulli and Serikkum Mothalali like this


Users Awards

#15 VIncenT GomeZ

VIncenT GomeZ

    Best Boy of PP - 2012

  • Premium Member
  • 9,151 posts
  • Location:root
  • Gender:Male
  • Country: Country Flag
  • Current: Country Flag

Posted 04 May 2015 - 11:03 AM

വേണുഗാനം

1 നന്ദനം വെന്നൊരു വൃന്ദാവനംതന്നിൽ

2 നന്ദസുതൻ പണ്ടു നിന്നകാലം
3 അന്നൊരുനാളങ്ങു പങ്കജവല്ലഭൻ
4 മന്ദം മറഞ്ഞങ്ങു പോകുന്നേരം
5 മണ്ഡലംതാനങ്ങു മന്ഥരമായൊരു
6 മണ്ഡനമായി വിളങ്ങീതപ്പോൾ
7 പശ്ചിമദിങ്നാരി കച്ചണിക്കൊങ്കയിൽ
8 ഇച്ഛയിലിട്ടൊരു താലിപോലെ.
9 അന്തണരെല്ലാരുമാദരവോടങ്ങു
10 സന്ധ്യയെ വന്ദിച്ചു നിന്നാരപ്പോൾ.
 
11 പാന്ഥന്മാരോരോ പൂരിലകംപൂവാൻ
12 പാരം നടന്നു തുടങ്ങീതെങ്ങും
13 ധേനുക്കൾ തങ്ങളെപ്പാലിക്കുന്നോരുമാ
14 യാലയ്ക്കലാമ്മാറു ചെന്നു പൂക്കു.
15 പ്രേമംതഴച്ചുള്ള കാമുകന്മാരുമ
16 ങ്ങാമോദംപൂണ്ടു തെളിഞ്ഞുനിന്നാർ.
17 ജാരന്മാരെല്ലാരും നാരിമാർവീട്ടിന്നു
18 ചാരത്തെക്കാടകം തേടിനാരെ.
19 ദൂതിമാരങ്ങുടൻ ദൂതന്മാരിങ്ങുടൻ
20 ദൂരെ നടന്നു തൂടങ്ങീതെങ്ങും.
 
21 മാലകളോരോന്നേ ചേടിമാരെല്ലാരും
22 ചാലത്തൊടുത്തു തുടങ്ങീതപ്പോൾ.
23 പക്ഷികൾ തങ്ങളിൽ കൂകിവിളിച്ചോരൊ
24 വൃക്ഷവരങ്ങളിൽ ചെന്നു പുക്കു
25 കോകങ്ങളെല്ലാമേ ഗോപതിമണ്ഡലം
26 കോപിച്ചു നോക്കിയിരുന്നുടനെ
27 തൂമ തിരണ്ടൊരു പേടമുഖംതന്നെ
28 പ്രേമമിയന്നങ്ങു നോക്കും ചെമ്മെ
29 താമരനൂലങ്ങു കൊത്തിവലിച്ചു തൻ
30 കാമിനിക്കായി കൊടുക്കും മെല്ലെ.
 
31 നീലിമകോലിന വേലയെക്കണ്ടിട്ടു
32 നീളെ നെടുതായി വീർക്കും പിന്നെ
33 വാപികതന്മറുതീരത്തെ നോക്കീട്ടു
34 മാഴ്കിത്തളർന്നൊന്നു കൂകും മെല്ലെ.
35 പക്ഷതികൊണ്ടു തൻ പക്ഷിണിതന്നെയും
36 അക്ഷമനായിത്തഴുകി നിന്ന്
37 നെഞ്ചകംതന്നിലേ പഞ്ചശരം നട്ടു
38 ചഞ്ചുപുടംതന്നെ വായ്ക്കൊണ്ടുടൻ
39 "പോകുന്നേനെങ്കിൽ ഞാ"നെന്നങ്ങു ചൊല്ലീട്ടു
40 തൂകിത്തുടങ്ങീതു കണ്ണുനീരും.
 
41 കസ്തൂരികൊണ്ടുള്ള പത്തിക്കീറ്റമ്പോടു
42 പുത്തന്മുലതന്നിൽ ചേർത്തു ചെമ്മേ
43 കാന്തൻ വരുംവഴി നോക്കിത്തുടങ്ങിനാർ
44 പൂന്തേന്മൊഴികളും മെല്ലെ മെല്ലെ.
45 അസ്താചലന്തന്നിൽ മെത്തിയിരുന്നൊരു
46 പുത്തന്നിറമാണ്ട ചെമ്പരുത്തി
47 ഒക്കെ വിരിഞ്ഞു ചമഞ്ഞുകണക്കെയ
48 ദ്ദിക്കു ചുവന്നുചമഞ്ഞുതപ്പോൾ,
49 തിണ്ണം നടന്നുടനർക്കന്തൻ തേരുമായ്
50 അർണ്ണവംതന്നിൽ പതിക്കുന്നേരം
 
51 ബാഡവനാകിന പാവകന്തന്നിലെ
52 വേഗത്തിൽ പോയ് ചെന്നു വീഴ്കയാലെ
53 ജ്വാലകൾ മാലയായ്ക്കത്തിയെഴുന്നിട്ടു
54 ചാലവെ വന്നുതോയെന്നു തോന്നും
55 ചാലപ്പതിതനാം മാർത്താണ്ഡൻതന്നോട
56 ക്കാലത്തു സംഗമമെത്തുകയാൽ
57 താരങ്ങളാകിന മുദ്രധരിച്ചിട്ടു
58 പോകത്തുടങ്ങിനാൾ സന്ധ്യ മെല്ലെ.
59 സന്ധ്യയായുള്ളൊരു ബന്ധുരഗാത്രിതാൻ
60 ചന്തമായ് പോയി മറഞ്ഞനേരം
 
61 രാത്രിയായുള്ളൊരു താർത്തേൻമൊഴി വന്നു
62 ചീർത്തൊരു കേശമഴിച്ചു ചെമ്മെ
63 നീളെ വിരിച്ചുതായെന്നകണക്കെയ
64 ക്കാളിമകൊണ്ടു നിറഞ്ഞുതെങ്ങും
65 മന്മഥന്താൻ പല ബന്ധുക്കളുണ്ടാവാൻ
66 അംബരമായ കഴനിതന്നിൽ
67 അന്തിച്ചുവപ്പായ പൊന്നിങ്കരുവികൊ
68 ണ്ടുന്തിയുഴുതു ചമച്ചു ചെമ്മെ
69 സുന്ദരമായുള്ളൊരിന്ദുവിത്തമ്പോടു
70 മന്ദം വിതച്ചു ചമച്ചപോലെ
 
71 കോരകമായൊരു താരകപൂരകം
72 നേരേ വിയത്തിൽ വിളങ്ങീതപ്പോൾ.
73 ചന്തമെഴുന്നൊരു സന്ധ്യയെക്കണ്ടിട്ടു
74 ചെന്താമരക്കണ്ണനോർത്തുനിന്നു:
75 "ഇന്നു ഞാനെന്നുടെ വല്ലവിമാരുമായ്
76 നന്നായ് രമിക്കേണ"മെന്നുറച്ചാൻ.
77 തന്മനമായി വിളങ്ങിനോരിന്ദുതാൻ
78 അന്നിനവെല്ലാമറിഞ്ഞു ചെമ്മെ
79 സ്വാമിയായ്മേവിന കാമനെച്ചെന്നങ്ങു
80 കോമളമായ് നിന്നു കൈതൊഴുതു
 
81 "ഗോവിന്ദന്തന്നുടെ ഗോപികമാരുമായ്
82 മേവിക്കളിക്കുന്നോനെന്നു തോന്നൂ.
83 വൃന്ദാവനംതന്നിലിന്നെഴുന്നള്ളേണം"
84 എന്നൊരു വാർത്തയുണർത്തിനിന്നാൻ.
85 നിന്നങ്ങു ചൊന്നതു കേട്ടൊരു നേരത്തു
86 സുന്ദരനാകിന മന്മഥന്താൻ
87 മേനിയിൽ മേവിന മാനിനിതന്നെയും
88 മാനിച്ചു നീക്കിയെഴുന്നേറ്റപ്പോൾ
89 ചാലത്തിരണ്ടൊരു ഭക്തി തഴച്ചുടൻ
90 വേലപ്പെകാന്തനെക്കൈതൊഴുതാൻ.
 
91 "എന്നുപോലെന്നുടെ സേവ തഴപ്പിപ്പാൻ
92 ചെമ്മുള്ള കാലമകപ്പെടുന്നു
93 എന്നതേ സന്തതം ചിന്തിച്ചുനിന്നുള്ളോ
94 രെന്നുള്ളമിന്നു കുളുർത്തുതായി"
95 എന്നങ്ങു ചൊന്നുള്ള മന്മഥന്താനുടൻ
96 മന്ദം മറിഞ്ഞൊന്നു നോക്കി മെല്ലെ
97 കല്യനായുള്ളൊരു നല്ല വസന്തത്തെ
98 മെല്ലെ വിളിച്ചങ്ങടുത്തുകൊണ്ട്
99 "ഇന്നു നമുക്കൊരു മംഗലയാത്രയു
100 ണ്ടെന്നാലതിന്നുമുതിർക്ക"യെന്നാൻ
 
101 സമ്മതയായുള്ള വല്ലഭതന്നെയും
102 കണ്മുനകൊണ്ടു തളച്ചു മെല്ലെ
103 ചാല വലിച്ചു തൻ ചാരത്തുകൊണ്ടിട്ടു
104 ദൂരത്തു നീക്കിനാനല്ലലെല്ലാം.
105 കാർകൊണ്ടിരുണ്ടൊരു വാർകൊണ്ടൽനേർകൊണ്ട
106 വാർകൂന്തൽതന്നെയും ചീന്തിച്ചീന്തി
107 കുന്ദനിര വന്നു കുമ്പിട്ടു നില്ക്കുന്ന
108 മന്ദസ്മിതംതന്നിൽ മുങ്ങിനിന്നു
109 ചട്ടറ്റ കൈകൊണ്ടു മെല്ലെത്തലോടീട്ടു
110 വട്ടൊത്ത കൊങ്കകൾ രണ്ടും പിന്നെ
 
111 "ഗോകുലനായകൻ മേവും വനംതന്നിൽ
112 പോകയോ നാമെങ്കി"ലെന്നു ചൊന്നാൻ.
113 അംഗജനിങ്ങനെ ചൊന്നൊരു നേരത്തു
114 മംഗലയാകിയ മാനിനിതാൻ
115 യാത്രയ്ക്കു വേണുന്ന കോപ്പെല്ലാം തന്നുടെ
116 ഗാത്രത്തിൽ ചേർത്തങ്ങു മുന്നിൽ നിന്നാൾ.
117 കുന്തളമാകിന വണ്ടിൻനിരതന്നെ
118 ച്ചന്തത്തിൽ ഞാണായി മീതേ ചേർത്തു
119 ചില്ലിക്കൊടിയായ വില്ലോടു ചേർത്തങ്ങു
120 മല്ലക്കകോണമായമ്പുമമ്പും
 
121 മേളമെഴുന്നൊരു വേണിയായ് മേവുന്ന
122 നീലത്തഴയും പിടിച്ചു ചെമ്മെ
123 താലിയായുള്ളോരു താലത്തിൽ വച്ചങ്ങു
124 ബാലസ്മിതമായ വെള്ളരിയും
125 അൽക്കിടമാകിന തേർത്തടംതന്നെയും
126 നല്കി നൽക്കാലത്തെപ്പാർത്തു നിന്നാൾ.
127 ഉള്ളംതെളിഞ്ഞുള്ളൊരംഗജന്താനപ്പോൾ
128 തള്ളിയെഴുന്നുള്ളൊരമ്പു പൂണ്ട്
129 മാനിനിതന്മുഖം മാനിച്ചു നോക്കിക്കൊ
130 ണ്ടാനന്ദനായിനിന്നൊട്ടുനേരം
 
131 കൊങ്കകൾ രണ്ടും തന്മാറിലണച്ചങ്ങു
132 സങ്കടം പോക്കിനാൻ മെല്ലെ മെല്ലെ.
133 തിങ്കൾതാനങ്ങതു കണ്ടു മയങ്ങിനാൻ
134 തങ്കലെഴുന്നൊരു കോഴപൂണ്ടു
135 രോഹിണിതന്മുല ചാലപ്പുണർന്നിട്ടു
136 മോഹം പുലമ്പി നുറുങ്ങിനിന്നാൻ
137 അംഗജന്തന്നുടെ മംഗലയാനത്തി
138 ന്നംഗമായ് വന്നുടൻ ഭംഗിപൂണ്ട്
139 വണ്ടിണ്ടയെന്നുമകമ്പടി ചന്തത്തിൽ
140 മണ്ടിനടന്നുതുടങ്ങീതപ്പോൾ.
 
141 ഹസ്തതലംതന്നിലത്ഭുതമായൊരു
142 പുത്തൻകരിമ്പുവിൽ ചേർത്തു ചെമ്മേ,
143 കെല്പുകലർന്നുനിന്നിപ്പാരടക്കുന്ന
144 പുഷ്പശരങ്ങളുമപ്പരിചെ.
145 ആസ്ഥ തിരണ്ടൊരു താർത്തെന്നലാകിന
146 തേർത്തടംതന്നിൽ കരേറിച്ചെമ്മേ
147 കോകിലനാദമാം കാളം വിളിപ്പിച്ചു
148 പോകത്തുടങ്ങിനാനംഗജന്താൻ.
149 ബന്ധുവായ് മേവിന നല്ല വസന്തവും
150 ചന്തമായ് പിമ്പേ നടന്നാനപ്പോൾ.
 
151 വെണ്മതിരണ്ടങ്ങു മറ്റുള്ളൃതുക്കളും
152 തന്മരം തന്മരം പൂപ്പിച്ചുടൻ
153 ദേവകീനന്ദനൻ മേവും വനംതന്നിൽ
154 സേവിപ്പാനായങ്ങു ചെന്നുപുക്കു.
155 മാധവമാസവും മന്മഥൻപിന്നാലെ
156 മാധവനുള്ളിടം ചെന്നണഞ്ഞു.
157 ഇന്ദുതാനംബരംതന്നിലേ പോയങ്ങു
158 മന്ദം നടന്നു കിഴക്കു പുക്കാൻ.
159 ഇന്ദ്രദിഗങ്ഗന ചന്ദ്രനെഗ്ഗർഭിച്ചു
160 നിന്നതു ചൊല്ലീതങ്ങെല്ലാരോടും
 
161 ചാലെ വിളർത്തുചമഞ്ഞൊരു തന്മുഖം
162 ചാരുസ്മിതമാണ്ടു നിന്നപോലെ
163 എൻ വരവിന്നങ്ങു കാലമിതായിതോ
164 എന്നങ്ങറിവാനായെന്നപോലെ
165 നല്ലൊരുദയഗിരിതൻ മുകളേറി
166 മെല്ലവേ നോക്കിനിന്നെല്ലാടവും
167 രാഗവാനായുള്ള രോഹിണീവല്ലഭൻ
168 വേഗവാനായി വെളിച്ചപ്പെട്ടാൻ.
169 തിങ്ങിയിരുന്നോരിരുട്ടിൻനിരയെല്ലാം
170 മങ്ങിമയങ്ങിച്ചമഞ്ഞുടനേ
 
171 ആയാസംപൂണ്ടങ്ങു പാതാളലോകത്തു
172 പോയങ്ങു മിക്കതും പുക്കുതായി.
173 അംബുധിപോലെയങ്ങംബുജലോചനൻ
174 തന്മനമൊന്നങ്ങു പൊങ്ങീതപ്പോൾ.
175 അംഗജൻതാനും തൻ ബന്ധുക്കളുമായി
176 വൃന്ദാവനത്തിലകത്തു പുക്കു
177 മാകന്ദംതന്മധുവുണ്ടങ്ങു നിന്നിട്ടു
178 കൂകത്തുടങ്ങീതേ കോകിലവും
179 ചെമ്പകം തൻ പൂവും ചാലെപ്പൊഴിപ്പിച്ചു
180 കമ്പംവരുത്തീതു കണ്ടോർക്കെല്ലാം.
 
181 നാരികൾപാദത്തിൻ താഡനംകൂടാതെ
182 നന്നായിപ്പൂത്തിതശോകങ്ങളും
183 ബാലവസന്തശ്രീതന്നുടെ കോമള
184 നീലമിഴിമുനയെന്നപോലെ
185 മത്തങ്ങളായുള്ള ഭൃംഗങ്ങൾ ചെന്നപ്പോൾ
186 പുത്തൻതിലകങ്ങൾ പൂത്തു നിന്നൂ.
187 വല്ലികൾ ചെന്നങ്ങു നല്ല മരങ്ങളെ
188 മെല്ലെത്തഴുകി മയക്കിച്ചെമ്മെ
189 തൊത്തായ കൊങ്കയും പുത്തൻതളിരായി
190 മെത്തുന്ന ചോരിവാ നല്കിനിന്നൂ.
 
191 ഉന്മാദമാണ്ടു വരുന്നൊരു ഗോപികൾ
192 നന്മേനിപോലെ പകുത്തു ചെമ്മെ
193 നെന്മേനിയാകിന വന്മരം പൂത്തുടൻ
194 ചെമ്മേ വിരിഞ്ഞുതുടങ്ങീതപ്പോൾ
195 കേതകീവാടികൾ നീളെ വിരിഞ്ഞങ്ങു
196 പോതകമായ കടമ്പുകളും
197 ചൂതവാർകൊങ്കകൽ വേറായി നിന്നോർക്കു
198 ജാതകത്തിന്നന്തമാക്കിനിന്നു
199 കുന്ദനിരയെല്ലാം നന്നായ് വിരിഞ്ഞിട്ടു
200 നന്ദസുതന്മുന്നൽ കാണായപ്പോൾ
 
201 അഞ്ചാതെ നിന്നിട്ടു വെണ്മ പയറ്റുവാൻ
202 പുഞ്ചിരിതന്നോടങ്ങെന്നപോലെ
203 ഏന്തുമിരഞ്ഞിമലർതന്മധുതന്നിൽ
204 നീന്തിനടന്നു നൽ തെന്നലെല്ലാം
205 ലോദ്ധ്റങ്ങളായ മരങ്ങളും പൂത്തുടൻ
206 ആർദ്രങ്ങളായി നൽ തേൻ ചൊരിഞ്ഞു
207 വല്ലഭമാരുടൽതന്നെപ്പിരിഞ്ഞുള്ളോ
208 ർക്കല്ലലിയറ്റുവാനുള്ളിലെങ്ങും
209 മല്ലികയും നല്ല മുല്ലനിരകളും
210 മെല്ലെ വിരിഞ്ഞുതുടങ്ങീതപ്പോൾ.
 
211 ജ്യോൽസ്നയായുള്ളൊരു സുന്ദരി ചെന്നുടൻ
212 ആസ്ഥയായ് നിന്നു തഴുകുന്നേരം
213 നീളെക്കുരുക്കുത്തിമുല്ലകൾ മെല്ലവേ
214 മേളത്തിൽ പൂത്തു തുടങ്ങീതെങ്ങും.
215 ഇച്ഛ തിരണ്ടൊരു പിച്ചകംതൻപൂവും
216 അച്യുതൻ കാഴ്ചയായ് വന്നുനിന്നു
217 കാമന്തനിക്കുള്ളിൽ പ്രേമം തഴപ്പിക്കും
218 ചേമന്തിക്കൂട്ടവും പൂത്തുനിന്നൂ.
219 തിങ്കൾതാനുണ്ടല്ലോ നന്മുഖംതന്നോട
220 ങ്ങങ്കംതൊടുത്തിപ്പോളെന്നു നണ്ണി
 
221 ഗോകുലനാരികൾ ചാല വരുന്നേരം
222 വാർകൊങ്കതന്നോടങ്ങൊത്തുനില്പാൻ
223 തേൻപാതെ നിന്നുള്ള താമരപ്പൂവെല്ലാം
224 കൂമ്പിച്ചമഞ്ഞുതുടങ്ങീതപ്പോൾ.
225 ഉത്തമയാകിയ രോഹിണിതന്മുല
226 ക്കസ്തൂരി മെയ്യിൽപ്പിരണ്ടപോലെ
227 നീലിമപൂണ്ടു വിളങ്ങിന തിങ്കളും
228 ചാലേ മുളച്ചങ്ങുയർന്നുതപ്പോൾ.
229 അംബരമായ വിതാനത്തിൽ തൂക്കിന
230 നിർമ്മലമുല്ലതൻ മാലപോലെ
 
231 രശ്മികൾ താണു നിലത്തു പരന്നുടൻ
232 കശ്മലമായതു പോക്കിനിന്നു.
233 മുഷ്കുതുടർന്നൊരു പത്മിനീകാന്തൻ ചെ
234 ന്നൊക്കവേ മൂപ്പിച്ചുനില്ക്കയാലേ
235 ഊമ്പലുറഞ്ഞങ്ങു കൂമ്പിമയങ്ങിനോ
236 രാമ്പൽനിരകളും മെല്ലെ മെല്ലെ
237 തങ്കരംകൊണ്ടുടനമ്പിൽ തലോടീട്ടു
238 സങ്കടമായതു പോക്കിനിന്നാൻ
239 കാന്തൻകരംകൊണ്ടു തന്നെത്തൊടുന്നേരം
240 താന്തയായ് നിന്ന കുമുദ്വതിതാൻ
 
241 ഏന്തിയെഴുന്നുള്ളോരാമോദംപൂണ്ടുടൻ
242 പൂന്തേനാം കണ്ണുനീർ വാർത്തുനിന്നാൾ
243 ഈവണ്ണമുള്ളോരവസ്ഥയെക്കണ്ടിട്ടു
244 കേവലനാകിലും ഗോവിന്ദന്താൻ
245 തായായി ലോകർക്കു നിന്നൊരു മായയിൽ
246 പോയങ്ങു പുക്കുടൻ മേവിനാനേ.
247 ബാലത പോയിട്ടു യൗവനം വന്നപ്പോൾ
248 ചാലെത്തൻ മേനിയിൽ മേവിതായി.
249 ഇങ്ങനെയുള്ളതു വിസ്മയമല്ലതാൻ
250 അങ്ങനെയുള്ളുതൻ മായാബലം:
 
251 ആയർകുലത്തിൽ തഴപ്പിച്ചുവച്ചത
252 മ്മായതാനല്ലയോ പണ്ടിവനേ?
253 യൗവനമിന്നെങ്കിൽ മുമ്പിലേ നല്കീട്ടു
254 വൈഭവംകാട്ടിനാനെന്തുചേതം
255 ഓർക്കിലൊരുവർക്കും മായതൻ വൈഭവം
256 ആർക്കുമറിയാവോന്നല്ല ചൊല്ലാം.
257 അങ്ങനെ പോകതന്നന്ദതനൂജന്താ
258 നിങ്ങനെ നിന്നൊരവസ്ഥതന്നിൽ
259 മംഗലമായൊരു ശൃംഗാരംതാനങ്ങു
260 ഭംഗിപൊഴിഞ്ഞൊരു മേനിയുമായ്
 
261 വന്നുനിറന്നുതോ എന്നകണക്കെ താൻ
262 നിന്നുവിളങ്ങിനാൻ സുന്ദരനായ്.
263 ചാല നിറന്നുള്ളൊരാലിൻമുരടങ്ങു
264 കോലക്കുഴലുമായ് ചെന്നുടനേ
265 മേളത്തിൽ പായിനാൻ കോലക്കുഴൽതന്നെ
266 ത്താളത്തിൽ ചേർത്തു വിളിച്ചാൻ പിന്നെ.
267 രാഗങ്ങളോരോന്നേ ഗോകുലനായകൻ
268 മേളം കലർന്നങ്ങു പാടുന്നേരം
269 വൃന്ദാവനംതന്നിലുള്ളൊരു ജീവികൾ
270 നന്ദിച്ചുനിന്നുതേ മന്ദം മന്ദം.
 
271 ഷഡ്പ്പദമാലകളത്ഭുതമായൊരു
272 പുഷ്പരസത്തെ വെടിഞ്ഞുടനെ
273 ഗാനമായ് മേവിന തേനേക്കുടിപ്പാനായ്
274 ആനനംതങ്കലേ ചെന്നു പുക്കൂ.
275 കോകിലജാലങ്ങൾ കോലക്കുഴൽ കേട്ടു
276 മൂകങ്ങളായങ്ങു നിന്നുപോയി
277 ചേണുറ്റ വേണുതൻ തേനുറ്റ നാദത്തെ
278 ത്തന്നുറ്റനാദത്തിന്മീതേ കേട്ട്
279 വേലപ്പെടാതെതാൻ മാനിച്ചു നിന്നിട്ടു
280 ചാലപ്പറിപ്പാനായെന്നപോലെ.
 
281 കേകിനിരകളും വേഗത്തിൽച്ചെന്നിട്ടു
282 കൂകി, കുഴഞ്ഞൊരു കണ്ഠവുമായ്;
283 നീലത്തഴയായ പീലിപ്പുറംതന്നെ
284 ച്ചാലപ്പരത്തി വിരിച്ചു ചെമ്മെ
285 പാടിത്തുടങ്ങുമ്പോൾ നീടുറ്റ താളത്തിൽ
286 ആടിത്തുടങ്ങീതു മെല്ലെ മെല്ലെ.
287 പുണ്യതമങ്ങളായുള്ള മരങ്ങളും
288 കണ്ണൻകുഴൽവിളി കേട്ടനേരം
289 തേനുറ്റു വീഴുന്ന പൂക്കൾ ചൊരിഞ്ഞുടൻ
290 മാനിച്ചു കൊമ്പെല്ലാം താഴ്ത്തി നിന്നു.
 
291 കഞ്ചന്തൻ നെഞ്ചിനോടൊത്ത കരിങ്കല്ലും
292 അഞ്ചിതമായൊരു പാട്ടു കേട്ടു
293 ഉദ്ധവർമാനസമെന്നകണക്കെ നി
294 ന്നത്ഭുതമായിച്ചമഞ്ഞുതപ്പോൾ.
295 വേഗത്തിൽ പോകുന്ന കാളിന്ദിതാനങ്ങു
296 രാഗത്തെക്കേട്ടൊരു നേരത്തപ്പോൾ
297 ഏറിന വീചികജാലമകന്നുട
298 നേതുമനങ്ങാതെ നിന്നുപോയി.
299 ആനായർകോന്തൻറെ ഗാനത്തെക്കേട്ടപ്പൊ
300 ളാനന്ദംപൂണ്ടങ്ങു മീനങ്ങളും
 
301 മെല്ലെക്കരയേറി നല്ലൊരു വാൽ മിന്നി
302 ച്ചെല്ലത്തുടങ്ങീതമ്മുന്നിലപ്പോൾ.
303 മാൺപെഴുന്നു ചില മാമ്പേടകളെല്ലാം
304 ചാമ്പിമയങ്ങിന കണ്മിഴിയും
305 ഒട്ടൊട്ടു ചിമ്മിക്കൊണ്ടിഷ്ടത്തിലമ്പോടു
306 വട്ടത്തിൽ മേവിതേ പെട്ടന്നപ്പോൾ
307 മന്ഥരമായൊരു കന്ധരംതന്നെയും
308 മന്ദം നുറുങ്ങു തിരിച്ചുയർത്തി
309 ചില്ലികളാലൊന്നു മെല്ലെന്നുയർത്തീട്ടു
310 വല്ലഭീവല്ലഭൻതന്നെ നോക്കി.
 
311 കർണ്ണങ്ങളാലൊന്നു തിണ്ണം കലമ്പിച്ചു
312 കർണ്ണം കുഴല്ക്കു കൊടുത്തു ചെമ്മെ.
313 വായ്ക്കൊണ്ട പുല്ലെല്ലാം പാതി ചവച്ചങ്ങു
314 വായ്ക്കുന്ന മെയ്യിലൊഴുക്കിനിന്ന്
315 കൈതവമറ്റുതാൻ കൈതുടർന്നൂ ചിലർ
316 പൈതങ്ങളേയും മറന്നു ചെമ്മെ.
317 ചിത്രത്തിൽ ചേർത്തു ചമച്ചകണക്കെയ
318 ന്നിശ്ചലമായൊരു മെയ്യുമായി
319 തേനുറ്റ ഗാനത്തെക്കേട്ടുതുടങ്ങീത
320 ങ്ങാനന്ദബാഷ്പമൊഴുക്കി മെല്ലെ.
 
321 മുല്ലതുടങ്ങീന വല്ലികളോരോന്നെ
322 വല്ലവീവല്ലഭൻ പാടുന്നേരം
323 മെല്ലെന്നിറങ്ങി മരങ്ങളിൽനിന്നങ്ങു
324 പല്ലവമാണ്ടു തന്മുന്നൽച്ചെന്നു.
325 കോകങ്ങളെല്ലാമേ മാഴ്കിത്തളർന്നങ്ങു
326 കൂകുമ്പോൾ പാട്ടിനെക്കേട്ടമൂലം
327 പേട പിരിഞ്ഞുള്ള വേദന വേറായി
328 നീടെഴുമാനന്ദംപൂണ്ടുനിന്നു.
329 സിംഹത്താൻ കോപിച്ചങ്ങാനതൻ മസ്തകം
330 ആഹനിച്ചങ്ങു പൊളിപ്പതിന്നായ്
 
331 കയ്യൊന്നുയർത്തുമ്പോൾ പാട്ടിനെക്കേൾക്കയാൽ
332 അവ്വണ്ണമേതന്നെ നിന്നുപോയി.
333 മൂഷികമ്പിന്നാലെ പാഞ്ഞൊരു പാമ്പുതാൻ
334 മൂഷികന്തന്നെത്തൊടുന്നനേരം
335 ദോഷമകന്നൊരു ഗാനത്തെക്കേൾക്കയാൽ
336 ഊഷനായങ്ങനെ നിന്നുപോയി.
337 ഹംസംതാൻ താമരനൂലങ്ങു കൊത്തീട്ടു
338 ഹംസീമുഖത്തു കൊടുക്കുന്നേരം
339 പേശലഗാനം കേട്ടങ്ങനെ നില്ക്കയാൽ
340 പേശിവലിക്കുന്നായെന്നു തോന്നും
 
341 വ്യാഘ്രവരന്താനങ്ങേണക്കിടാവിനെ
342 ശീഘ്രതരം ചെന്നു വായ്ക്കൊണ്ടപ്പോൾ
343 പാട്ടങ്ങു കേൾക്കയാൽ തമ്പൈതലെപ്പോലെ
344 വാട്ടംവരുത്താതെ ചേർത്തുനിന്നാൻ.
345 വാർമെത്തും ഗാനമപ്പങ്കജയോനിക്കു
346 സാമത്തിൻഗാനമായ്മേവിനിന്നു.
347 മുക്തന്മാരായോർക്കു നിത്യമായ് നിന്നൊരു
348 തത്ത്വമെന്നിങ്ങനെ തോന്നീതപ്പോൾ,
349 ഭക്തന്മാരായോർക്കു ചിത്തം മതൃപ്പിക്കും
350 നൽത്തേൻകുഴമ്പായി മേവിനിന്നു.
 
351 ദോഹളമായിതു പൂമരങ്ങൾക്കെല്ലാം
352 കാഹളമായിതു കാമന്നപ്പോൾ.
353 വാഹനമായിതങ്ങത്ഭുതങ്ങൾക്കെല്ലാം
354 മോഹനമായിതേ ലോകങ്ങൾക്കും.
355 നാരിമാരെല്ലാർക്കും മാരൻ ജപിക്കുന്ന
356 മാരണമന്ത്രമായ് നേരേ വന്നൂ.
357 ആക്കമിയന്നവൻ പാട്ടിനേ വാഴ്ത്തുവാ
358 നോർക്കിലൊരുവർക്കുമാവൊന്നല്ലേ.
359 ആയിരമാനനമാളുമനന്തനും
360 പേയായ് വരുമത്രെ വാഴ്ത്തുന്നേരം;
 
361 മുറ്റുമിതിന്നു കൊതിക്കയൊഴിച്ചിന്നു
362 മറ്റൊന്നു വേണ്ട്വതില്ലെങ്ങളിപ്പോൾ.

  • Mazha Thulli, Serikkum Mothalali, Malar and 1 other like this


Users Awards





Also tagged with one or more of these keywords: Krishnagatha, Cherussery, കൃഷ്ണഗാഥ, ചെറുശ്ശേരി, kavitha, malayalam poem, kavitha lyrics

1 user(s) are reading this topic

0 members, 1 guests, 0 anonymous users