Jump to content








Toggle Scoreboard
ibProArcade Scoreboard

BaaleTTaN has obtained a high score of 5 Today, 01:23 PM Playing Garage Door Tennis Play Now!                BaaleTTaN has obtained a high score of 96310 Today, 12:50 PM Playing Luigis Mini Game Play Now!                Sumeshsteephen has obtained a high score of 4.833 Yesterday, 05:43 PM Playing Mercedes Drift Play Now!                SahiL KottappuraM has obtained a high score of 51 Yesterday, 04:55 PM Playing Mini Golf 3 Play Now!                SahiL KottappuraM has obtained a high score of 9439 Yesterday, 04:36 PM Playing Mario Hill Rider 2 Play Now!                
Photo

Kids Special ~ മുത്തശ്ശിക്കഥകള്...

Kids Special മുത്തശ്ശിക്കഥകള്... malayalam stories punchapaadam

  • Please log in to reply
35 replies to this topic

#1 JayaraMeTTaN

 
JayaraMeTTaN

    Nokkukuthi

  • Royal Member
  • 36 posts
  • Interests:Internet
  • Gender:Male
  • Country: Country Flag
  • Current: Country Flag
 

Posted 04 June 2014 - 04:28 PM

ഞാന് ഇവിടെ ചില കുട്ടികള്ക്കുള്ള കഥകള് പോസ്റ്റ് ചെയ്യുന്നു.
എല്ലാ പുഞ്ചപ്പാടം സുഹൃത്തുക്കളുടെയും സഹകരണം പ്രതീക്ഷിക്കുന്നു.
 
സെക്ഷന് കറക്ടാണോ എന്നറിയില്ല....സദയം ക്ഷമിക്കുക...

  • CrispiN and JappaN KannaN like this

#2 JayaraMeTTaN

 
JayaraMeTTaN

    Nokkukuthi

  • Royal Member
  • 36 posts
  • Interests:Internet
  • Gender:Male
  • Country: Country Flag
  • Current: Country Flag
 

Posted 04 June 2014 - 04:31 PM

വെള്ളം കൊണ്ടൊരു വജ്രായുധം!
 
03096_391329.jpgഇന്ദ്രന്റെ സുപ്രസിദ്ധമായ ആയുധമാണ് വജ്രായുധം. അതേപ്പറ്റി കൂട്ടുകാര്‍ ഒത്തിരി കഥകളും കേട്ടുകാണും അല്ലേ? എന്നാലിതാ കൂട്ടുകാര്‍ ഇതേവരെ കേള്‍ക്കാത്ത മറ്റൊരു വജ്രായുധത്തിന്റെ കഥ കൂടി കേട്ടോളൂ:

പകല്‍ കഴിഞ്ഞ് രാത്രിയാവാന്‍ തുടങ്ങുന്ന സമയമാണല്ലോ സന്ധ്യ. സന്ധ്യയാവുമ്പോഴേക്കും സൂര്യഭഗവാന്‍ ആകെ അസ്വസ്ഥനാകും. പകല്‍ മുഴുവന്‍ അദ്ദേഹം മുഖത്തണിഞ്ഞിരുന്ന പുഞ്ചിരി മങ്ങിപ്പോകും. കാരണമെന്തെന്നോ? സന്ധ്യാകാലത്താണ് മന്ദേഹന്മാര്‍ എന്നു പേരുള്ള ഉഗ്രമൂര്‍ത്തികളായ രാക്ഷസന്മാര്‍ സൂര്യനെ പിടിച്ചു വിഴുങ്ങാന്‍ വരുന്നത്!

ഇങ്ങനെ മന്ദേഹന്മാരുടെ വരവുമൂലം ആകെ കുഴപ്പത്തിലായ സൂര്യനെ ബ്രഹ്മാവ് രക്ഷിക്കാന്‍ തീരുമാനിച്ചു. അദ്ദേഹം മന്ദേഹന്മാരെ ശപിച്ചു: ''എന്നും സന്ധ്യയ്ക്ക് സൂര്യദേവനുമായി നടക്കുന്ന യുദ്ധത്തില്‍ നിങ്ങള്‍ മരിച്ചുവീഴട്ടെ. ശ്രേഷ്ഠന്മാരായ ബ്രാഹ്മണര്‍ സന്ധ്യയ്ക്ക് ഓംകാരത്തോടുകൂടി ഗായത്രീമന്ത്രം ജപിക്കുമ്പോള്‍ മേല്‍പ്പോട്ടെറിയുന്ന വെള്ളം വജ്രായുധമായിത്തീര്‍ന്ന് നിങ്ങളെ നിഗ്രഹിക്കട്ടെ.'' 

അതോടെ എന്തുണ്ടായെന്നോ? ലോകത്തെമ്പാടുമുള്ള ബ്രാഹ്മണര്‍ സന്ധ്യാവന്ദനം ചെയ്യുമ്പോള്‍ മന്ദേഹന്മാര്‍ ഓടിയൊളിക്കാന്‍ തുടങ്ങി. കാരണം, അവര്‍ സൂര്യനെ നോക്കി ജപിച്ചെറിയുന്ന ജലം വജ്രായുധത്തിന്റെ രൂപം പൂണ്ട് മന്ദേഹന്മാരുടെ കഴുത്ത് കണ്ടിക്കാന്‍ വേണ്ടി ആകാശത്തേക്ക് ചീറിച്ചെല്ലും! അങ്ങനെ മന്ദേഹന്മാര്‍ ഭസ്മമാവുകയും ചെയ്യും. പിറ്റേന്ന് രാവിലെ വീണ്ടും ജീവന്‍ തിരിച്ചുകിട്ടുന്ന മന്ദേഹന്മാര്‍ അന്നു സന്ധ്യയ്ക്കും ഇങ്ങനെ ഭസ്മമായിത്തീരും!

ഇങ്ങനെ, സൂര്യഭഗവാനെ സന്ധ്യകള്‍തോറും മന്ദേഹന്മാരുടെ പിടിയില്‍നിന്നും രക്ഷിക്കുന്ന ആ ദിവ്യായുധമാണ് ദൈനംദിന വജ്രായുധം എന്ന് അറിയപ്പെടുന്നത്.

  • Varikkuzhi Soman, vijesh007, VIjayeTTan and 3 others like this

#3 JayaraMeTTaN

 
JayaraMeTTaN

    Nokkukuthi

  • Royal Member
  • 36 posts
  • Interests:Internet
  • Gender:Male
  • Country: Country Flag
  • Current: Country Flag
 

Posted 04 June 2014 - 04:35 PM

പ്രാണധരനും രാജ്യധരനും
 
03096_365484.jpg


പണ്ടുപണ്ട് കാഞ്ചിനഗരത്തില്‍ പ്രാണധരന്‍ എന്നും രാജ്യധരന്‍ എന്നും പേരുള്ള രണ്ടു തച്ചന്മാരുണ്ടായിരുന്നു. മായാസുരന്‍ എന്ന പ്രഗല്ഭനായ തച്ചനില്‍നിന്ന് അവര്‍ പല യന്ത്രപ്പണികളും പഠിച്ചെടുത്തു. അങ്ങനെ അവര്‍ ധാരാളം പണം സമ്പാദിച്ചു.

എന്നാല്‍, മൂത്തവനായ പ്രാണധരന്‍ ദുരാഗ്രഹിയും ദുഃശ്ശീലങ്ങളുള്ളവനുമായിരുന്നു. തന്റെ പണമെല്ലാം അയാള്‍ ചൂതുകളിച്ച് കളഞ്ഞു. മാത്രമല്ല, നല്ലവനായ 
രാജ്യധരന്റെ സമ്പത്തുകൂടി അയാള്‍ കൈക്കലാക്കി നശിപ്പിച്ചു. അങ്ങനെ രണ്ടുപേരും വീണ്ടും ദരിദ്രരായി മാറി. ജീവിക്കാന്‍ വേറെ വഴിയില്ലാതെ അവര്‍ രാജാവിന്റെ ഖജനാവ് കൊള്ളയടിക്കാന്‍തീരുമാനിച്ചു. 

അവര്‍ എന്തു ചെയ്‌തെന്നോ? മനോഹരങ്ങളായ രണ്ട് യന്ത്രപ്പറവകളെ ഉണ്ടാക്കി. എന്നിട്ട് അവയുടെ കാലില്‍ ചരടുകെട്ടി കൊട്ടാരത്തിലെ ജനാലവഴി അകത്തേക്ക് കടത്തിവിട്ടു. ഖജനാവിലെ പണവും ആഭരണങ്ങളും കൊക്കിലാക്കി യന്ത്രപ്പറവകള്‍ തിരികെ വന്നു. ഈ മോഷണം പതിവാക്കിയപ്പോള്‍ നല്ലവനായ രാജ്യധരന്‍ ജ്യേഷ്ഠനെ ഇതില്‍നിന്നു പിന്തിരിപ്പിക്കാന്‍ നോക്കി. എന്നാല്‍, മോഷണത്തില്‍ രസം കണ്ടെത്തിയ പ്രാണധരനുണ്ടോ ഇത് കേള്‍ക്കുന്നു? അയാള്‍ പിന്മാറാന്‍ തയ്യാറായില്ല.

ഇതിനിടെ ഖജനാവില്‍നിന്ന് പണവും ആഭരണങ്ങളും കളവുപോവുന്നത് രാജാവ് എങ്ങനെയോ അറിഞ്ഞു. കള്ളനെ കയ്യോടെ പിടിക്കാനായി രാജാവ് കാവല്‍ക്കാരെ നിര്‍ത്തി. ഇതൊന്നുമറിയാതെ പ്രാണധരന്‍ പതിവുപോലെ മോഷ്ടിക്കാനെത്തി. യന്ത്രപ്പറവകളെ ജനലിലൂടെ അകത്തേക്ക് കടത്തിവിട്ടു. പണവും ആഭരണങ്ങളും കൊക്കിലാക്കി അവ തിരികെ പോരാന്‍ നേരം രാജാവിന്റെ കാവല്‍ഭടന്മാര്‍ അവയുടെ ചരടില്‍ പിടികൂടി. പേടിച്ചുപോയ പ്രാണധരന്‍ ഓടിച്ചെന്ന് രാജ്യധരനോട് കാര്യങ്ങളെല്ലാം പറഞ്ഞു.

രണ്ടുപേരും മിടുക്കരായ തച്ചന്മാരല്ലേ? അവര്‍ വേഗം രണ്ട് വിമാനമുണ്ടാക്കി. അതില്‍ കയറി രണ്ടുപേരും രണ്ടു ദിക്കിലേക്ക് യാത്ര
യായി. അനുജനായ രാജ്യധരന്‍ കുറെദൂരം സഞ്ചരിച്ചുകഴിഞ്ഞപ്പോള്‍ വിമാനം ഉപേക്ഷിച്ച് കാല്‍നടയായി നടന്നു. 

ഇനി എന്തുചെയ്യണമെന്നു ചിന്തിച്ചു നടന്ന രാജ്യധരന്റെ മുന്നിലേക്ക് മയിലിന്റെ പുറത്തേറി ദിവ്യനായ ഒരാള്‍ പ്രത്യക്ഷപ്പെട്ടു. എന്നിട്ടു പറഞ്ഞു: ''രാജ്യധരാ, നിനക്കിതാ ഞാനൊരു ദിവ്യഗൃഹം സമ്മാനിക്കുന്നു. നിനക്ക് വേണ്ടതെല്ലാം ഈ വീട്ടില്‍നിന്നു ലഭിക്കും!'', ഇത്രയും പറഞ്ഞ് ആ ദിവ്യരൂപം അപ്രത്യക്ഷമായി. ഇതുകേട്ട് നല്ലവനായ രാജ്യധരന് സന്തോഷമായി. പിന്നീടുള്ള കാലം അയാള്‍ സന്തോഷത്തോടെ ആ വീട്ടില്‍ സുഖമായി താമസിച്ചു. ദുരാഗ്രഹിയായ പ്രാണധരനെക്കുറിച്ച് പിന്നീടാരും ഒന്നുമറിഞ്ഞില്ല!

  • Varikkuzhi Soman, CrispiN, ManaSa and 1 other like this

#4 JayaraMeTTaN

 
JayaraMeTTaN

    Nokkukuthi

  • Royal Member
  • 36 posts
  • Interests:Internet
  • Gender:Male
  • Country: Country Flag
  • Current: Country Flag
 

Posted 04 June 2014 - 04:39 PM

നാരദ മഹര്‍ഷി പെണ്ണായി!
 
03096_336734.jpg



ഒരിക്കല്‍ വൈകുണ്ഠത്തിലെത്തിയ നാരദമുനി മഹാവിഷ്ണുവിനോട് ചോദിച്ചു: ''അങ്ങെനിക്ക് മായ എന്താണെന്ന് കാണിച്ചുതരാമോ?''

''അതിനെന്താ നാരദരേ, ഇപ്പോള്‍തന്നെ കാണിച്ചുതരാമല്ലോ!'', ഇങ്ങനെ പറഞ്ഞ വിഷ്ണു നാരദരെയും കൂട്ടി ഭൂമിയിലേക്ക് പുറപ്പെട്ടു.

ഭൂമിയില്‍ കന്യാകുബ്ജം എന്ന ഒരിടത്തെ കാട്ടില്‍ എത്തിയപ്പോള്‍ അവരവിടെ ഒരു കുളം കണ്ടു. ''നാരദരേ, അങ്ങ് ഈ കുളത്തിലിറങ്ങി ഒന്നു കുളിക്കണം'', വിഷ്ണു ആവശ്യപ്പെട്ടു. നാരദന്‍ ഉടന്‍ തന്റെ കുളത്തിലിറങ്ങി. കുളത്തില്‍ മുങ്ങിയ നാരദന്‍ നിവര്‍ന്നത് മറ്റൊരാളായാണ്-സുന്ദരിയായ ഒരു സ്ത്രീയായി!

ആ സമയത്ത് കന്യാകുബ്ജത്തിലെ രാജാവായ താലധ്വജന്‍ കുതിരപ്പുറത്ത് അവിടെ വന്നു. സുന്ദരിയായ ആ സ്ത്രീയെ കണ്ട് അദ്ദേഹം ചോദിച്ചു: ''സൗഭാഗ്യസുന്ദരീ, നീ ആരാണ്? എന്താണ് പേര്? എങ്ങനെ ഇവിടെ വന്നു?''. അവള്‍ പറഞ്ഞു: ''മഹാരാജാവേ, ഞാന്‍ ആരാണെന്നോ പേരെന്താണെന്നോ ഒന്നും എനിക്കോര്‍മയില്ല. കുറച്ചു മുന്‍പ് കുളത്തില്‍നിന്ന് കുളിച്ചു കയറിയതേ എനിക്കറിയാവൂ!'' ആരുമില്ലാത്ത അനാഥയായ ആ സുന്ദരിയെ താലധ്വജന്‍ തന്റെ ഭാര്യയായി സ്വീകരിച്ചു. പേരറിഞ്ഞുകൂടാത്ത അവള്‍ക്ക് അദ്ദേഹം 'സൗഭാഗ്യസുന്ദരി' എന്നു പേരുമിട്ടു. അദ്ദേഹം അവളെ തന്റെ രാജധാനിയിലേക്ക് കൊണ്ടുപോയി.

താലധ്വജനും സൗഭാഗ്യസുന്ദരിക്കും ഇരുപത് പുത്രന്മാര്‍ ജനിച്ചു. ക്രമേണ അവര്‍ മുതിര്‍ന്നു. അവര്‍ക്കും മക്കളുണ്ടായി. അങ്ങനെയിരിക്കെ അയല്‍പക്കത്തെ ഒരു രാജാവ് വലിയ പടയേയും കൂട്ടിവന്ന് കന്യാകുബ്ജത്തെ ആക്രമിച്ചു. ഭയങ്കരമായ യുദ്ധത്തില്‍ താലധ്വജനും മക്കളും പേരമക്കളുമെല്ലാം മരിച്ചു. സൗഭാഗ്യസുന്ദരി ദുഃഖം സഹിക്കാതെ ഉറക്കെ കരഞ്ഞ് ബഹളംകൂട്ടി. സഖിമാരും ദാസിമാരും സമാധാനിപ്പിക്കാന്‍ ശ്രമിച്ചെങ്കിലും അവള്‍ക്ക് ഒട്ടും ആശ്വാസം കിട്ടിയില്ല.
ആ സമയത്ത് മഹാവിഷ്ണു വൃദ്ധനായ മുനിയായി വന്ന് സൗഭാഗ്യസുന്ദരിയോടു പറഞ്ഞു: ''ദേവീ, ഭവതീ എന്തിനാണിങ്ങനെ കരയുന്നത്? ജനിച്ചവര്‍ക്കെല്ലാം ഇന്നല്ലെങ്കില്‍ നാളെ മരണമുണ്ടാവും. എല്ലാം വിധിയാണെന്നു കരുതി സമാധാനിക്കൂ!''

അതൊക്കെ കേട്ടിട്ടും സൗഭാഗ്യസുന്ദരിയുടെ ദുഃഖം കുറഞ്ഞില്ല. അപ്പോള്‍ വിഷ്ണുഭഗവാന്‍ അവളെയും കൂട്ടി ആദ്യം കണ്ട കുളത്തിന്റെ കരയിലെത്തി പറഞ്ഞു: ''ദേവീ, ഈ കുളത്തിലിറങ്ങി മുങ്ങൂ. ഭവതിയുടെ ദുഃഖം ഉടന്‍ മാറും!''

സൗഭാഗ്യസുന്ദരി കുളത്തില്‍ മുങ്ങി. കരയ്ക്കു കയറിയപ്പോഴോ? അദ്ഭുതം! അവള്‍ മുന്‍പത്തെപ്പോലെ നാരദമഹര്‍ഷിയായിത്തീര്‍ന്നു! വിഷ്ണു കരയിലിരുന്ന വീണയും മാന്‍തോലും മുനിയുടെ കൈയില്‍ കൊടുത്ത് സ്വന്തം രൂപമെടുത്ത് പുഞ്ചിരിച്ചു. അപ്പോള്‍ മഹര്‍ഷിക്ക് താന്‍ സൗഭാഗ്യസുന്ദരിയായതും വിവാഹം കഴിച്ച് മക്കളും മക്കളുടെ മക്കളുമായി ജീവിതം നയിച്ചതും പിന്നീട് എല്ലാം നഷ്ടപ്പെട്ട് ദുഃഖിച്ചതും ഓര്‍മവന്നു. അതെല്ലാം മായയായിരുന്നു എന്നും മനസ്സിലായി. ''അങ്ങ് ഇപ്പോള്‍ മായയെ നേരിട്ടു കണ്ടില്ലേ? സത്യമല്ലാത്തതെല്ലാം മായതന്നെ!'', വിഷ്ണു പുഞ്ചിരി തൂകിക്കൊണ്ട് പറഞ്ഞു.

  • Varikkuzhi Soman, VIjayeTTan, CrispiN and 2 others like this

#5 JayaraMeTTaN

 
JayaraMeTTaN

    Nokkukuthi

  • Royal Member
  • 36 posts
  • Interests:Internet
  • Gender:Male
  • Country: Country Flag
  • Current: Country Flag
 

Posted 04 June 2014 - 04:46 PM

പൂവില്‍ പിറന്ന ദേവി
 
03096_571190.jpg

പര്‍വത രാജനായ ഹിമവാന്‍ ഒരിക്കല്‍ തപസ്സനുഷ്ഠിച്ചു. ദേവി തന്റെ മകളായി അവതരിക്കണം. അതിനുവേണ്ടിയാണ് തപസ്സ്. 

ആ കൊടും തപസ്സ് കാലങ്ങളോളം നീണ്ടു. ഒരു ദിവസം തപസ്സില്‍ നിന്നുണര്‍ന്ന ഹിമന്‍ സന്ധ്യാവന്ദനത്തിനായി പത്മതീര്‍ത്ഥമെന്ന തടാകത്തില്‍ ചെന്നു. അപ്പോഴാണ് ആ കാഴ്ച കണ്ടത്. വെള്ളത്തിനു നടുവില്‍ ആയിരത്തെട്ട് ഇതളുകളുള്ള ഒരു വമ്പന്‍ താമര വിരിഞ്ഞു നില്‍ക്കുന്നു. അതിനകത്ത് കൈകാല്‍ കുടഞ്ഞ് പുഞ്ചിരി തൂകി ഒരു കുഞ്ഞുപൈതല്‍. 

ഹിമവാന്‍ തടാകത്തില്‍ ഇറങ്ങിച്ചെന്ന് കുഞ്ഞിനെ വാരിയെടുത്തു. 

' എന്റെ തപസ്സില്‍ പ്രസാദിച്ച് ഭഗവാന്‍ തന്ന കുഞ്ഞുതന്നെ ഇത് ' 

മുഖത്ത് ദൈവിക ശോഭ കളിയാടുന്ന ആ പെണ്‍കുഞ്ഞിനെ ഹിമവാന്‍ തന്റെ കൊട്ടാരത്തിലേക്ക് കൊണ്ടുപോയി. കുഞ്ഞിനെ കണ്ട് ഹിവാന്റെ ഭാര്യ മേനാദേവിക്കും സന്തോഷമായി. 

അവര്‍ അവളെ സ്വര്‍ണക്കട്ടിലില്‍ പട്ടുമെത്ത വിരിച്ച് കിടത്തി. മനോഹരമായ ആഭരണങ്ങള്‍ അണിയിച്ചു. പര്‍വത പുത്രി എന്ന അര്‍ത്ഥത്തില്‍ അവള്‍ക്ക് പാര്‍വതി എന്ന പേരുമിട്ടു. ആ കുഞ്ഞു പൈതല്‍ തന്നെയാണ് പിന്നീട് ശിവന്റെ ഭാര്യയായി മാറിയ പാര്‍വ്വതീ ദേവി. 

  • Varikkuzhi Soman, VIjayeTTan, CrispiN and 1 other like this

#6 JayaraMeTTaN

 
JayaraMeTTaN

    Nokkukuthi

  • Royal Member
  • 36 posts
  • Interests:Internet
  • Gender:Male
  • Country: Country Flag
  • Current: Country Flag
 

Posted 04 June 2014 - 04:46 PM

മണ്ടന്‍ കുരങ്ങച്ചന്‍
അനില്‍ കുമാര്‍
03096_391325.jpg


കുരങ്ങുരാജാവിനും ഭാര്യക്കും ഒരേയൊരു മകനേയുള്ളൂ. പക്ഷേ, പറഞ്ഞിട്ടെന്താ മരമണ്ടനായിരുന്നു കുഞ്ഞിക്കുരങ്ങന്‍.

''രാജാവിന്റെ മകനായിട്ടെന്താ? കുഞ്ഞിക്കുരങ്ങന്‍ മഹാ മണ്ടച്ചാരാ...'', മറ്റു കുരങ്ങന്മാര്‍ കുരങ്ങുരാജാവ് കേള്‍ക്കാതെ പറയും. കുരങ്ങുരാജാവ് അതുകേട്ടാല്‍ കലിതുള്ളും. ''ഹും, ആരു പറഞ്ഞു! എന്റെ മോന്‍ അതി ബുദ്ധിമാനാ! ഇനി ആരെങ്കിലും അവനെ മണ്ടനെന്നു വിളിച്ചാല്‍... ഹ്ങാ!'' കുരങ്ങുരാജാവ് മറ്റുള്ള കുരങ്ങന്മാരെ ഭയപ്പെടുത്തും.

''നമ്മുടെ മോനെ മണ്ടനെന്നു വിളിക്കുന്നവര്‍ക്ക് നല്ല ശിക്ഷ കൊടുക്കണം.'', കുഞ്ഞിക്കുരങ്ങനെ കൊഞ്ചിച്ചുകൊണ്ട് അമ്മയും പറയും.

ഒരുദിവസം കുരങ്ങുരാജാവ് പറഞ്ഞു: ''ഞാന്‍ കടല്‍ത്തീരത്തെ ചാഞ്ഞ മരത്തിലേക്ക് ഒന്നു പോവുകയാ? നിങ്ങള്‍ ഇവിടിരുന്നോ.''

കുരങ്ങുരാജാവ് പോയി. കുറച്ചു കഴിഞ്ഞപ്പോള്‍ അമ്മ കുഞ്ഞിക്കുരങ്ങനെ വിളിച്ചു: ''കുഞ്ഞിക്കുട്ടാ, മിടുക്കന്‍ കുട്ടാ, ഇങ്ങോട്ടുവാ! അമ്മേടെ തല നിറച്ചും പേനാ. വാ, വാ, പേനൊക്കെ എടുത്തു 
കൊന്നേ!''
കുഞ്ഞിക്കുരങ്ങന് അതു വലിയ ഇഷ്ടമായിരുന്നു. അമ്മയുടെ തലയില്‍ നിന്ന് പേന്‍ എടുത്ത് കൊല്ലുന്നത് അവന്റെ പതിവാണ്. കുഞ്ഞിക്കുരങ്ങന്‍ ഓടിവന്നു. ''അമ്മ എന്റെ മടിയില്‍ കിടന്നോ. പേനെല്ലാം എടുത്ത് ഞാന്‍ 'ക്‌ടോ!' എന്നു കൊല്ലും.'', കുഞ്ഞിക്കുരങ്ങന്‍ പറഞ്ഞു.

അമ്മ മരച്ചുവട്ടില്‍ കുഞ്ഞിക്കുരങ്ങന്റെ മടിയില്‍ തലവെച്ചു കിടന്നു. കുഞ്ഞിക്കുരങ്ങന്‍ പേന്‍ ഓരോന്നെടുത്ത് കൊല്ലാന്‍ തുടങ്ങി.

'ഒന്നേ...ഒന്നേ...ക്ടും!'
'രണ്ടേ...രണ്ടേ...ക്ടും!'
'മൂന്നേ...മൂന്നേ...ക്ടും!'

കുഞ്ഞിക്കുരങ്ങന്‍ അങ്ങനെ പേനെടുത്തുകൊണ്ടിരുന്നപ്പോള്‍ അമ്മ ഉറങ്ങിപ്പോയി. അപ്പോള്‍ ഒരു ഈച്ച പറന്നുവന്ന് അമ്മയുടെ തലയില്‍ ഇരുന്നത് കുഞ്ഞിക്കുരങ്ങന്‍ കണ്ടു.

''അമ്മേടെ തലയില്‍ കടിക്കാതെ പോ!'', കുഞ്ഞിക്കുരങ്ങന്‍ ഈച്ചയെ ആട്ടിയകറ്റി. ഈച്ച പറന്നുപൊങ്ങിയിട്ട് പിന്നെയും വന്നിരുന്നു.

''അമ്മേടെ തലയില്‍ കടിക്കരുതെന്നല്ലേ പറഞ്ഞത്!'', കുഞ്ഞിക്കുരങ്ങന്‍ ഈച്ചയെ പിന്നെയും ആട്ടിയോടിച്ചു. എന്നാല്‍ ഈച്ച വീണ്ടും അമ്മയുടെ തലയില്‍ വന്നിരിക്കുന്നത് കുഞ്ഞിക്കുരങ്ങന്‍ കണ്ടു.

''ഹമ്പടാ...! പിന്നെയും വന്നോ? നിന്നെ ഞാന്‍ വച്ചേക്കില്ല.'', കുഞ്ഞിക്കുരങ്ങന്‍ ഒരു കമ്പെടുത്ത് ഒറ്റയടി!
''ഹയ്യോ...തല പൊളിഞ്ഞേ...!'' അമ്മക്കുരങ്ങിന്റെ തല പൊട്ടി ചോരയൊഴുകി...
''ഈച്ചയെ കൊന്നേ! ഈച്ചയെ കൊന്നേ!'', കുഞ്ഞിക്കുരങ്ങന്‍ തുള്ളിച്ചാടി.

കുറച്ചു കഴിഞ്ഞപ്പോള്‍ കുരങ്ങു രാജാവ് തിരിച്ചുവന്നു. ''അച്ഛാ, ഞാന്‍ അമ്മയെ കടിച്ച ഈച്ചേക്കൊന്നേ!'' കുഞ്ഞിക്കുരങ്ങന്‍ പറഞ്ഞു. ''എന്റെ മോന്‍ മിടുക്കനാ! മിടുമിടുക്കന്‍!'' കുരങ്ങു രാജാവ് പറഞ്ഞു. അപ്പോള്‍ അമ്മക്കുരങ്ങ് പറഞ്ഞു: ''അല്ല. അവന്‍ മണ്ടനാ! എന്റെ തല പൊളിഞ്ഞേ...!''

അമ്മക്കുരങ്ങ് ചോരയുമൊലിപ്പിച്ച് കാര്യമെല്ലാം പറഞ്ഞു. എല്ലാം കേട്ടുകഴിഞ്ഞപ്പോള്‍ കുരങ്ങു രാജാവിന്റെ മുഖം വിളറി. കുരങ്ങുരാജാവ് തലയ്ക്കു കൈവച്ചുകൊണ്ടു പറഞ്ഞു. 

''എന്റെ മകന്‍ മണ്ടനാണേ, മരമരമരമണ്ടന്‍!''

  • VIjayeTTan, CrispiN, ManaSa and 1 other like this

#7 VIjayeTTan

 
VIjayeTTan

    Nokkukutti

  • Jr Moderators
  • 7,968 posts
  • Location:Palakkad
  • Gender:Male
  • Country: Country Flag
  • Current: Country Flag
 

Posted 04 June 2014 - 04:47 PM

Very good topic Jayaram..

 

Kuttikal maathramalla, valiyavarum aaswadikkum ee muthassikadhakal..

 

Thanks for sharing


  • JayaraMeTTaN likes this


Users Awards

#8 JayaraMeTTaN

 
JayaraMeTTaN

    Nokkukuthi

  • Royal Member
  • 36 posts
  • Interests:Internet
  • Gender:Male
  • Country: Country Flag
  • Current: Country Flag
 

Posted 04 June 2014 - 04:48 PM

ദൈവം വരുന്ന വഴി
സുഭാഷ് ചന്ദ്രന്‍
03096_391127.jpgലംബുറാം മുതലാളി വെള്ളപ്പൊക്കത്തില്‍ പെട്ട കഥ കേട്ടിട്ടില്ലേ? ഇല്ലെങ്കില്‍ ആ കഥയാകട്ടെ ഇത്തവണ:
പട്ടണത്തിലെ ഏറ്റവും സമ്പന്നനായ ലംബുറാം മഹാദൈവഭക്തനും കൂടിയായിരുന്നു. എന്നും രാവിലെ എഴുന്നേറ്റാല്‍ കുളിച്ച് ശുദ്ധിയായി ഒരു മണിക്കൂറെങ്കിലും പൂജാമുറിയില്‍ കഴിച്ചുകൂട്ടിയിട്ടേ ലംബുറാം വെള്ളം പോലും കുടിക്കൂ. തനിക്ക് എന്ത് ആപത്തു വന്നാലും ദൈവം തന്റെ രക്ഷയ്‌ക്കെത്തുമെന്ന് ലംബുറാമിന് ഉറച്ച വിശ്വാസമാണ്.

അങ്ങനെയിരിക്കെ ഒരു ദിവസം ലംബുറാം ഒരു വാര്‍ത്ത അറിഞ്ഞു: നഗരത്തില്‍ വെള്ളപ്പൊക്കത്തിന് സാധ്യതയുണ്ട്! അടുത്തുള്ള ഏതോ അണക്കെട്ടു പൊട്ടിയിരിക്കുന്നു! 

''എന്തായാലും എനിക്കൊന്നും സംഭവിക്കില്ല!'', ലംബുറാം തന്നത്താന്‍ പറഞ്ഞു: ''എന്നെ ദൈവം രക്ഷിക്കും!''

കുറേ കഴിഞ്ഞപ്പോഴേക്കും ആളുകളുടെ നിലവിളിയും ബഹളവും കേട്ടുതുടങ്ങി. വെള്ളപ്പൊക്കത്തില്‍നിന്നു രക്ഷതേടാന്‍ ആളുകള്‍ പരക്കം പായുന്ന ശബ്ദമായിരുന്നു അത്. നോക്കുമ്പോഴതാ തന്റെ മണിമാളികയുടെ താഴത്തെ നില മുങ്ങാന്‍ തുടങ്ങുന്നു!
ആളുകളെ രക്ഷപ്പെടുത്തുന്ന ഒരു വള്ളം ലംബുറാമിന്റെ മാളികയ്ക്കുമുന്നിലൂടെ കടന്നുപോയി. ''ലംബുറാംമുതലാളീ, വേഗം വള്ളത്തില്‍ കയറൂ'', വള്ളക്കാരന്‍ വിളിച്ചു പറഞ്ഞു.

''വേണ്ട വേണ്ട!'', ലംബുറാം പറഞ്ഞു: ''എന്നെ ദൈവം രക്ഷിച്ചോളും!''

വള്ളം അകന്നു പോയി. വൈകാതെ മാളികയുടെ താഴത്തെ നില മുങ്ങി. ലംബുറാം ഓടി മുകളിലത്തെ നിലയിലെത്തി. അപ്പോഴാണ് അതിലേ ഒരു ബോട്ടുവന്നത്.

മാളികയുടെ മുകള്‍നിലയില്‍ ഒറ്റയ്ക്കുനില്‍ക്കുന്ന ലംബുറാമിനെ കണ്ട് ബോട്ടിലുള്ളവര്‍ ഉറക്കെവിളിച്ചു: ''വേഗം ഈ ബോട്ടിലേക്കു കയറൂ!''
ലംബുറാം പുച്ഛത്തോടെ അവരോടു പറഞ്ഞു: ''ഹും, മഹാഭക്തനായ എന്നെ ദൈവം തന്നെ രക്ഷിച്ചോളും!''

ബോട്ട് മടങ്ങിപ്പോയി. വെള്ളംപിന്നേയും ഉയര്‍ന്നപ്പോള്‍ ലംബുറാം മാളികയുടെ മേലാപ്പിലേക്ക് പിടിച്ചുകയറി അവിടെ അള്ളിപ്പിടിച്ചിരുന്നു. അപ്പോഴാണ് അതിലേ ഒരു ഹെലികോപ്റ്റര്‍ വന്നത്. വെള്ളപ്പൊക്കത്തില്‍ പെട്ടവരെ രക്ഷിക്കാനായി വന്നതായിരുന്നു ഹെലികോപ്റ്ററും. 
ലംബുറാമിനു നേരേ അവര്‍ ഒരു കയറിട്ടുകൊടുത്തു. അപ്പോഴും ലംബുറാം പറഞ്ഞു: ''എനിക്കാരുടേയും സഹായം 
വേണ്ട. എന്നെ ദൈവം രക്ഷിച്ചോളും!''

ഹെലികോപ്റ്ററും തിരിച്ചുപോയി. വെള്ളം പിന്നേയും ഉയര്‍ന്നു. പിന്നത്തെ കാര്യം പറയേണ്ടല്ലോ. ദൈവഭക്തനായ ലംബുറാം വെള്ളം കുടിച്ചു മരിച്ച് നേരേ സ്വര്‍ഗത്തില്‍ ചെന്നു.

അവിടെ വച്ച് ദൈവത്തെ കണ്ടതും അയാള്‍ ചൂടായി: ''എന്തു പണിയാ ദൈവമേ നീ എന്നോടു കാണിച്ചത്? എന്നെ രക്ഷിക്കാന്‍ വരാതിരുന്നത് മഹാമോശമായി!''

അപ്പോള്‍ ദൈവം പൊട്ടിച്ചിരിച്ചുകൊണ്ട് പറഞ്ഞു: ''നിന്നെ രക്ഷിക്കാന്‍ ഞാന്‍ ആദ്യം ഒരു വള്ളം അയച്ചു. പിന്നെ 
ഒരു ബോട്ടയച്ചു. അവസാനം ഒരു ഹെലികോപ്റ്ററും! അതിലും കൂടുതല്‍ എന്തുചെയ്യണം?''
ലംബുറാം ലജ്ജിച്ചുതലതാഴ്ത്തി.

കഥ വായിച്ചിട്ട് എന്തു തോന്നുന്നു? അതെ, ഏത് ആപത്തിലും നമ്മെ സഹായിക്കാന്‍ പല രൂപത്തില്‍ ദൈവം എത്തിച്ചേരുമെന്നുള്ള കാര്യം ഉറപ്പ്. പക്ഷേ അപ്പോള്‍ അക്കാര്യം തിരിച്ചറിയാനും അതിനനുസരിച്ച് പ്രവര്‍ത്തിക്കാനും നമുക്ക് കഴിയണമെന്നു മാത്രം!

  • CrispiN, ManaSa and JappaN KannaN like this

#9 JayaraMeTTaN

 
JayaraMeTTaN

    Nokkukuthi

  • Royal Member
  • 36 posts
  • Interests:Internet
  • Gender:Male
  • Country: Country Flag
  • Current: Country Flag
 

Posted 04 June 2014 - 04:48 PM

Very good topic Jayaram..

 

Kuttikal maathramalla, valiyavarum aaswadikkum ee muthassikadhakal..

 

Thanks for sharing

thanks for the appriciation vijayan


  • JappaN KannaN likes this

#10 JayaraMeTTaN

 
JayaraMeTTaN

    Nokkukuthi

  • Royal Member
  • 36 posts
  • Interests:Internet
  • Gender:Male
  • Country: Country Flag
  • Current: Country Flag
 

Posted 04 June 2014 - 04:50 PM

ആരും വരുന്നില്ല!
 
03096_365488.jpg


മഹാമണ്ടൂസാണ് ബിസിനസ്സുകാരനായ മത്തായിച്ചന്‍. ഒരു ദിവസം മത്തായിച്ചന്‍ ടൗണില്‍നിന്ന് വരുമ്പോള്‍ ചങ്ങാതിയായ തോമാച്ചനെ കണ്ടു.

''എന്താ മത്തായിച്ചാ, മുഖം വല്ലാതിരിക്കുന്നുണ്ടല്ലോ?'', മത്തായിച്ചനെ കണ്ടപാടെ തോമാച്ചന്‍ ചോദിച്ചു.
''ഹൊ, ഒന്നും പറയേണ്ടെന്നേ! ഞാന്‍ കുത്തുപാളയെടുക്കുന്ന മട്ടാ! ടൗണിലൊരു പെട്രോള്‍ പമ്പ് തുടങ്ങി. പമ്പില്‍ പെട്രോളടിക്കാന്‍ ആരും വരുന്നില്ല, അതാ പ്രശ്‌നം!'', മത്തായിച്ചന്‍ തന്റെ സങ്കടം പറഞ്ഞു.

''ങേ! പെട്രോളടിക്കാന്‍ ആരും വരുന്നില്ലെന്നോ? അതിന് ടൗണില്‍ വേറെ പെട്രോള്‍ പമ്പൊന്നും ഇല്ലല്ലോ?'', തോമാച്ചന് അക്കാര്യം വിശ്വസിക്കാനായില്ല.
''ആട്ടെ, എവിടെയാ മത്തായിച്ചന്റെ പെട്രോള്‍ പമ്പ്?'' തന്റെ ചങ്ങാതിയുടെ മണ്ടത്തരങ്ങളറിയാവുന്ന തോമാച്ചന്‍ ചോദിച്ചു.

അപ്പോള്‍, ആ ചോദ്യത്തിലൊന്നും വലിയ കാര്യമില്ലെന്ന മട്ടില്‍ മത്തായിച്ചന്‍ പറഞ്ഞു: ''ഓ, അതാ ഷോപ്പിങ് കോംപ്ലക്‌സിന്റെ രണ്ടാം നിലയിലാ!''

  • CrispiN, ManaSa and JappaN KannaN like this

#11 JayaraMeTTaN

 
JayaraMeTTaN

    Nokkukuthi

  • Royal Member
  • 36 posts
  • Interests:Internet
  • Gender:Male
  • Country: Country Flag
  • Current: Country Flag
 

Posted 04 June 2014 - 04:50 PM

അയ്യോ... കൊമ്പന്‍!
 
03096_365458.jpg


ഒരിക്കല്‍ ഒരിടത്ത് ഒരു അമ്മയെലിയും കുഞ്ഞും താമസിച്ചിരുന്നു.

ഒരുദിവസം കുഞ്ഞനെലി പറമ്പില്‍ ഓടിക്കളിച്ച് നടക്കുകയായിരുന്നു. അപ്പോള്‍ അവന്‍ ഒരു പശുവിനെ കണ്ടു. രണ്ടു വലിയ കൊമ്പുകളുള്ള ആ പശുവിനെ കണ്ടപ്പോള്‍ അവന് ഭയങ്കര പേടി തോന്നി!

പിന്നെ അവന്‍ കണ്ടത് ഒരു പൂച്ചയെയായിരുന്നു. 'അതിന് കൊമ്പുണ്ടോ ആവോ?', കുഞ്ഞനെലി സൂക്ഷിച്ചുനോക്കി.'ഇല്ല, കൊമ്പില്ല!' ആ പൂച്ചയെ കുഞ്ഞനെലിക്ക് വലിയ ഇഷ്ടമായി!

പശുവിനെയും പൂച്ചയെയും കണ്ട വിവരം കുഞ്ഞനെലി അമ്മയോട് പറഞ്ഞു. അപ്പോള്‍ എലിയമ്മ പറഞ്ഞു: ''കൊമ്പുണ്ടെങ്കിലും പശുവിനെ നീ പേടിക്കേണ്ട! അത് നിന്നെ ഒന്നും ചെയ്യില്ല. പൂച്ചയാണ് അപകടകാരി. അവന്‍ നമ്മുടെ ശത്രുവാണ്. അവനെ സൂക്ഷിക്കണം!''

പക്ഷേ, കുഞ്ഞനെലി അമ്മ പറഞ്ഞത് കാര്യമായെടുത്തില്ല. അവന്‍ നേരെ പൂച്ചയുടെ അടുത്തേക്ക് ഓടി. പൂച്ചയുടെ കൂടെ ഓടിച്ചാടിക്കളിക്കാന്‍ തുടങ്ങി.
പൂച്ചയ്‌ക്കോ? കുഞ്ഞനെലിയെക്കണ്ടപ്പോള്‍ സന്തോഷമായി. വിശന്നിരിക്കുമ്പോള്‍ ഒരു ഇര മുന്നില്‍ വന്നിരിക്കുകയല്ലേ! അവന്‍ കുഞ്ഞനെലിയുടെ നേര്‍ക്ക് ഒറ്റച്ചാട്ടം!

ഒരുവിധത്തിലാണ് കുഞ്ഞനെലി പൂച്ചയുടെ പിടിയില്‍നിന്ന് കുതറി രക്ഷപ്പെട്ടത്. അവന്‍ നേരെ തന്റെ അമ്മയുടെ അടുത്തേക്ക് ഓടി!

  • JappaN KannaN likes this

#12 JayaraMeTTaN

 
JayaraMeTTaN

    Nokkukuthi

  • Royal Member
  • 36 posts
  • Interests:Internet
  • Gender:Male
  • Country: Country Flag
  • Current: Country Flag
 

Posted 04 June 2014 - 04:52 PM

ലഡു സൂത്രം!
ശംഭു
03096_365452.jpg


കണ്ണന്നൂരിലെ കന്നിയമ്മയുടെ പുന്നാരമോനാണ് കണ്ണന്‍. കൊച്ചുകുട്ടിയാണെങ്കിലും ബുദ്ധിയുടെയും സൂത്രത്തിന്റെയും കാര്യത്തില്‍ കണ്ണനെ വെല്ലാന്‍ ആ നാട്ടില്‍ മറ്റാരുമില്ല! നല്ലവനായ അവനെ നാട്ടുകാര്‍ക്കെല്ലാം വലിയ ഇഷ്ടമാണ്!ഒരുദിവസം കണ്ണന്‍ ദൂരെ ഒരിടത്തുള്ള മാമനെ കാണാന്‍പോയി. കണ്ണന്‍ വരുന്നതു കണ്ട് മാമന്‍ സന്തോഷത്തോടെ പറഞ്ഞു:

''കണ്ണേ, എന്നുടെ കണ്ണാ, നിന്നെ
കണ്ടിട്ടെത്തറ നാളായി?
കയറിവരൂ നീ, തിന്നാനായ് ഞാന്‍
പലതുമൊരുക്കീട്ടുണ്ടല്ലോ!''


മാമന്‍, കണ്ണനു തിന്നാന്‍ പലഹാരങ്ങള്‍ കൊടുത്തു. ചക്കപ്പഴവും മാമ്പഴവും കൊടുത്തു. ഒത്തിരി നല്ല കഥകളും പറഞ്ഞുകൊടുത്തു. മടങ്ങാന്‍നേരം കണ്ണന്റെ സഞ്ചിയില്‍ കുറെ ലഡു ഇട്ടുകൊടുത്തിട്ട് മാമന്‍ ഇങ്ങനെ പറഞ്ഞു:

''ഒത്തിരി ദൂരം പോകാനില്ലേ?
ഒട്ടുവിശക്കുകയില്ലേ?
വയറുനിറച്ചും തിന്നാനായി
ലഡുവിതിലിട്ടിട്ടുണ്ടേ!''


കണ്ണന്‍ സഞ്ചിയും തൂക്കി നടന്നു. കുറെ കഴിഞ്ഞപ്പോള്‍ മാനം ഇരുണ്ടു. തണുത്ത കാറ്റും വന്നു. അടുത്തുതന്നെ മഴപെയ്യുമെന്ന് കണ്ണനു തോന്നി.

''അയ്യയ്യോ മഴയിങ്ങെത്തി
വയ്യിനി വേഗം പോയീടാന്‍
വെക്കം വെക്കം വീടെത്താന്‍
മറ്റൊരു വഴിയേ പോയീടാം!''


03096_365453.jpg


കണ്ണന്‍ കാട്ടുവഴിയിലൂടെ നടന്നു. അപ്പോള്‍ അതാ നില്‍ക്കുന്നു മുന്നില്‍ ഒരു പൊണ്ണച്ചാരായ രാക്ഷസന്‍! 'ഹയ്യോ ഈ മുട്ടന്‍ രാക്ഷസനില്‍നിന്ന് രക്ഷപ്പെടണമല്ലോ' കണ്ണന് ഇത്തിരി പേടിയൊക്കെ തോന്നിയെങ്കിലും അവന്‍ ധൈര്യം കൈവിട്ടില്ല.

''ഹ്‌റം! ഹ്‌റം! ഞാന്‍ നിന്നെ പിടിച്ചുതിന്നട്ടെ!'', രാക്ഷസന്‍ അലറിക്കൊണ്ട് കണ്ണന്റെ അടുത്തേക്കു വന്നു.അടുത്തെത്തിയപ്പോഴാണ് രാക്ഷസന്‍ കണ്ണന്റെ കൈയിലെ സഞ്ചി കണ്ടത്.

''ഹയ്യട... സഞ്ചിയിലെന്താണ്?
വേഗം പറയെടാ ചെക്കാ നീ!'' 


രാക്ഷസന്‍ 'ഹ്‌റം' 'ഹ്‌റം' എന്ന് ഒന്നുകൂടി അലറി. ഉടനെ കണ്ണന്‍ പറഞ്ഞു:

''മാമന്‍ തന്നൊരു
ലഡുവാണേ
മധുരം നിറയും
ലഡുവാണേ!''


03096_365454.jpg


ഹയ്യട, ഇതു തിന്നിട്ട് ഇവനെ പിടിച്ചുതിന്നാം. രാക്ഷസന്‍ സഞ്ചി തട്ടിയെടുത്ത് ലഡുവെല്ലാം 'ഞ്ഞം ഞ്ഞം' എന്നു തിന്നു. ഈ തക്കത്തിന് കണ്ണന്‍ എന്തുചെയ്‌തെന്നോ?ഉരുണ്ട ഒരു കല്ലെടുത്ത് പുറകില്‍ മറച്ചുപിടിച്ചു. രാക്ഷസന്‍ 
അത് കണ്ടു.

''പിന്നിലൊളിപ്പിച്ചതെന്താണ്?
കള്ളച്ചെക്കാ പറയുക നീ''


03096_365455.jpg


''ഇത് നീ തിന്നതിനെക്കാളും മുഴുത്ത ലഡുവാ. രുചിയും കൂടുതലാ. ഇത് ഞാന്‍ തരില്ല!''

''ഹ്‌റം! തരില്ലെന്നോ. ഇവിടെത്താടാ!'' രാക്ഷസന്‍ കല്ല് തട്ടിയെടുത്ത് മുട്ടന്‍ ലഡുവാണെന്നു കരുതി 'ഗ്ലപ്പ്' എന്നു വിഴുങ്ങി!
കല്ലു വിഴുങ്ങിയാല്‍ എന്തു പറ്റും? വയറുവേദനയെടുക്കും. രാക്ഷസനും അതുതന്നെ പറ്റി. ''ഹയ്യോ വയറു വേദനിക്കുന്നേ ഹമ്മോ...'' രാക്ഷസന്‍ വയറും തിരുമ്മി കാട്ടിലേക്ക് ഒറ്റയോട്ടം!

രാക്ഷസന്റെ ഓട്ടം കണ്ട് കണ്ണന്‍ പൊട്ടിച്ചിരിച്ചുപോയി. മഴയ്ക്കു മുന്‍പ് അവന്‍ വീട്ടിലെത്തുകയും ചെയ്തു.
മിടുമിടുക്കന്‍ കണ്ണന്‍ അവസരത്തിനു യോജിച്ച ബുദ്ധി പ്രയോഗിച്ച് രക്ഷപ്പെട്ടത് കണ്ടോ കൂട്ടുകാരേ?

  • JappaN KannaN likes this

#13 JayaraMeTTaN

 
JayaraMeTTaN

    Nokkukuthi

  • Royal Member
  • 36 posts
  • Interests:Internet
  • Gender:Male
  • Country: Country Flag
  • Current: Country Flag
 

Posted 04 June 2014 - 04:52 PM

ബുദ്ധിമാനായ ഹസ്സന്‍
വിഷ്ണു
03096_365444.jpg


അറേബ്യയിലെ ഒരു സുല്‍ത്താന്റെ മകളായിരുന്നു അതിസുന്ദരിയായ മെഹര്‍ രാജകുമാരി. അമ്മ മരിച്ചുപോയ മെഹറിനെ സുല്‍ത്താന്‍ പൊന്നുപോലെയാണ് പോറ്റിവളര്‍ത്തിയത്. മെഹറിന്റെ മുഖമൊന്നു വാടിയാല്‍ സുല്‍ത്താന് അത് സഹിക്കാനാവുമായിരുന്നില്ല.

മെഹറിന് വിവാഹപ്രായമായി. അവള്‍ക്കു പറ്റിയ ഒരു രാജകുമാരനെ തേടിക്കൊണ്ട് സുല്‍ത്താന്‍ നാടുനീളെ ദൂതന്മാരെ അയച്ചു. മെഹറിനെ സ്വന്തമാക്കാന്‍കൊതിച്ച് ഒരുപാട് രാജകുമാരന്മാര്‍ സുല്‍ത്താന്റെ കൊട്ടാരത്തിലെത്തി.

പക്ഷേ, മെഹറിന് ഒറ്റയാളെയും ഇഷ്ടമായില്ല! അവള്‍, തന്നെ കാണാനെത്തിയ കുമാരന്മാരെയെല്ലാം ഓരോ തട്ടുമുട്ടുകള്‍ പറഞ്ഞ് മടക്കിയയച്ചുകൊണ്ടിരുന്നു. ഇതൊക്കെ കണ്ട് സുല്‍ത്താന് കുറേശ്ശെ കോപംവന്നുതുടങ്ങിയെന്നു പറഞ്ഞാല്‍മതിയല്ലോ. പക്ഷേ, തന്റെ ഓമനപുത്രിയെ പിണക്കാനും സുല്‍ത്താന് മനസ്സുവന്നില്ല.

ഒരുദിവസം സുല്‍ത്താന്റെ ഉപദേശികളിലൊരാള്‍ സുല്‍ത്താനെ രഹസ്യമായി മുഖംകാണിച്ച് ഇങ്ങനെ പറഞ്ഞു: ''അങ്ങുന്നേ, അങ്ങ് കരുതുംപോലെയല്ല കാര്യങ്ങള്‍. ഹസ്സന്‍ എന്നു പേരുള്ള ചെറുപ്പക്കാരനെ മാത്രമേ താന്‍ വിവാഹംചെയ്യുകയുള്ളൂ എന്നാണ് മെഹര്‍ രാജകുമാരി പറയുന്നത്. ഞാനിത് അന്തഃപുരത്തിലെ സ്ത്രീകളില്‍നിന്ന് രഹസ്യമായി അറിഞ്ഞതാണ്!''

ഉപദേശി പറഞ്ഞതുകേട്ട് സുല്‍ത്താന്‍ പൊട്ടിച്ചിരിച്ചു. ''മിടുക്കി! അവള്‍ ഏതെങ്കിലും ദേശത്തുള്ള ഹസ്സന്‍ എന്നൊരു രാജകുമാരനെപ്പറ്റി കേട്ടുകാണണം! നാമെന്തു കരുതുമെന്നു കരുതിയാവും അവളിത് രഹസ്യമായിവെച്ചത്. ശരി, ഈ സന്തോഷവാര്‍ത്ത പറഞ്ഞതിന് തനിക്ക് തക്ക സമ്മാനം തരുന്നുണ്ട്!'', സുല്‍ത്താന്‍ ഉപദേശിക്ക് ഒരുഗ്രന്‍ പണക്കിഴി സമ്മാനിച്ചു.

പക്ഷേ, സുല്‍ത്താന്‍ കരുതിയതുപോലെയായിരുന്നില്ല കാര്യങ്ങളുടെ കിടപ്പ്. പട്ടണത്തിലെ ഒരു വ്യാപാരിയായിരുന്നു ഹസ്സന്‍ എന്ന യുവാവ്. മെഹറും ഹസ്സനും ഒരിക്കല്‍ അവിചാരിതമായി കണ്ടുമുട്ടുകയും പരസ്പരം ഇഷ്ടപ്പെടുകയുമാണുണ്ടായത്. ദൂതന്മാര്‍ വഴി ഈ വിവരം അറിഞ്ഞ സുല്‍ത്താന്‍ കലിതുള്ളിക്കൊണ്ട് അങ്ങുമിങ്ങും പാഞ്ഞു. പക്ഷേ, എന്നിട്ടും മെഹറിനെ പിണക്കാന്‍ ആ സ്‌നേഹസമ്പന്നനായ പിതാവിനു കഴിഞ്ഞില്ല.
ഒടുവില്‍ ആ പഴയ ഉപദേശി വീണ്ടും സുല്‍ത്താനെ തേടിയെത്തി. അയാള്‍ പറഞ്ഞു: ''അങ്ങുന്നേ, അങ്ങ് കോപിക്കരുത്. ഹസ്സനെ അങ്ങ് കൊട്ടാരത്തിലേക്കു ക്ഷണിക്കണം. എന്നിട്ട് ഒരു ചതിവിദ്യ പ്രയോഗിച്ച് അവനെ നമുക്ക് ഇല്ലാതാക്കാം.''

സുല്‍ത്താന് വിശ്വാസംവന്നില്ല: ''എന്തു വിദ്യ? നാം ഹസ്സനെതിരെ എന്തു പ്രവര്‍ത്തിച്ചാലും മെഹറിനത് ദുഃഖമാകും. അത് നമുക്ക് താങ്ങാന്‍ വയ്യ!''
ഉപദേശി പറഞ്ഞു: ''ഒരു സൂത്രമുണ്ട്. ഹസ്സനെ കൊട്ടാരത്തില്‍ വരുത്തിയശേഷം അവന് രണ്ട് ചുരുട്ടിയ കടലാസുകള്‍ നല്‍കണം. ഒന്നില്‍ മരണം എന്നും ഒന്നില്‍ ജീവിതം എന്നും എഴുതിയ രണ്ട് കടലാസുതുണ്ടുകള്‍. അതില്‍ അവന് ഇഷ്ടമുള്ളത് തിരഞ്ഞെടുക്കാം.''

03096_365447.jpg

ഇതു കേട്ട് സുല്‍ത്താന്‍ അട്ടഹസിച്ചു. ''എടോ വിഡ്ഢി, അവന്‍ ജീവിതമെന്നെഴുതിയ കടലാസ് എടുത്താല്‍ നമ്മള്‍ തോറ്റുപോവില്ലേ?''
ഉപദേശി പുഞ്ചിരിച്ചു. ''അതാണ് ഞാന്‍ പറഞ്ഞ സൂത്രം! നമ്മള്‍ രണ്ടു കടലാസുകളിലും മരണം എന്നേ എഴുതാവൂ!''

സുല്‍ത്താന് കാര്യം മനസ്സിലായി. സുല്‍ത്താന്‍ ഉപദേശിക്ക് കൈനിറയെ സമ്മാനങ്ങള്‍ നല്‍കി. ഹസ്സനെ കൊട്ടാരത്തിലേക്ക് കൊണ്ടുവരാനായി സുല്‍ത്താന്റെ കിങ്കരന്മാര്‍ പട്ടണത്തിലേക്ക് ചെന്നു.
പക്ഷേ, നമ്മുടെ അതിബുദ്ധിമതിയായ മെഹര്‍ ചിലതെല്ലാം ഊഹിച്ചെടുത്തിരുന്നു. അവള്‍ ഒരു പരിചാരികയെ ഹസ്സന്റെ അരികിലേക്ക് സന്ദേശവുമായി പറഞ്ഞുവിട്ടു. സന്ദേശം ഇതായിരുന്നു: ''സുല്‍ത്താന്‍ താങ്കളെ അപായപ്പെടുത്തും. ഒരിക്കലും കൊട്ടാരത്തിലേക്ക് വരരുത്.''

രാജസദസ്സ് ഒരുങ്ങി. മന്ത്രിമാരും പൗരപ്രമുഖരുമെല്ലാം തിങ്ങിനിറഞ്ഞ വേദി. എല്ലാവരും ഹസ്സനെ കാത്തിരിക്കുകയാണ്. എന്താവും ഹസ്സന്റെ ഭാവി എന്നോര്‍ത്ത് പലരും പലതും കുശുകുശുത്തുകൊണ്ടിരുന്നു. ഹസ്സന്‍ എവിടെയോ പോയി ഒളിച്ചെന്നും ചിലര്‍ പറഞ്ഞു. പെട്ടെന്ന് അതാ, പ്രധാന കവാടത്തിനടുത്ത് ഒരിരമ്പം! ഹസ്സന്‍ രാജഭടന്മാരോടൊപ്പം കടന്നുവരുകയാണ്. ഏതൊരു സുല്‍ത്താനെക്കാളും തലയെടുപ്പുള്ള സുന്ദരനായ ഹസ്സന്‍! അയാള്‍ സുല്‍ത്താന്റെ മുന്നിലെത്തി വണങ്ങി. എന്നിട്ടു പറഞ്ഞു: ''പ്രഭോ, അങ്ങ് എനിക്കു വിധിച്ച പരീക്ഷണം നേരിടാന്‍ വന്നതാണ് ഞാന്‍.''

മട്ടുപ്പാവിലിരുന്ന് ഈ വാക്കുകള്‍ കേട്ട മെഹര്‍ രാജകുമാരി തലകറങ്ങി വീണുപോയി. രണ്ടു കടലാസുചുരുളുകള്‍ വെച്ച ഒരു തളിക ഹസ്സന്റെ മുന്നില്‍ ഹാജരാക്കപ്പെട്ടു. എല്ലാവരും കണ്ണിമവെട്ടാതെ നോക്കിനില്‍ക്കെ, ഹസ്സന്‍ അതിലൊരു ചുരുള്‍ തിരഞ്ഞെടുത്ത് വായിലിടലും വിഴുങ്ങലും ഒപ്പം കഴിഞ്ഞു.

കണ്ണുകള്‍ മിഴിച്ചുനില്‍ക്കുന്ന സഭാവാസികളോട് ഹസ്സന്‍ ഉച്ചത്തില്‍ പറഞ്ഞു: ''ഇതാ, ഞാനെന്റെ വിധിയെ തിരഞ്ഞെടുത്തിരിക്കുന്നു. ബാക്കിയായ ചുരുളില്‍ 'ജീവിതം' എന്നുണ്ടെങ്കില്‍ ഞാന്‍ മരണമാണ് തിരഞ്ഞെടുത്തത്. ഇനി, മരണം എന്നാണെങ്കില്‍ എന്റെ ജീവനും മെഹര്‍ രാജകുമാരിയും എനിക്കവകാശപ്പെട്ടതാണ്.

പ്രധാനമന്ത്രി തളികയിലെ ചുരുള്‍ നിവര്‍ത്തിനോക്കി. ഉച്ചത്തില്‍ വായിച്ചു. ''മരണം!'' അപ്പോള്‍ ഹസ്സന്‍ തിരഞ്ഞെടുത്തത് ജീവിതമാണ്. ആളുകള്‍ കരഘോഷം മുഴക്കി.
താന്‍ കരുതിയതിലേറെ ബുദ്ധിമാനും ധീരനുമായ ഹസ്സന് സുല്‍ത്താന്‍ തന്റെ ഓമന മകളെ വധുവായി നല്‍കി. അവര്‍ ഏറെക്കാലം സുഖമായി ജീവിച്ചു.

  • JappaN KannaN likes this

#14 JayaraMeTTaN

 
JayaraMeTTaN

    Nokkukuthi

  • Royal Member
  • 36 posts
  • Interests:Internet
  • Gender:Male
  • Country: Country Flag
  • Current: Country Flag
 

Posted 04 June 2014 - 04:53 PM

കേടായേ!
അനില്‍കുമാര്‍
03096_365427.jpg


മഹാമണ്ടൂസാണ് ശാസ്ത്രജ്ഞനായ ബ്ലുംഗൂസ്. ഒരിക്കല്‍ ബ്ലുംഗൂസ് വീമ്പിളക്കി: ''ഞാനൊരുഗ്രന്‍ സാധനം കണ്ടുപിടിച്ചേ! കേടുമാറ്റന്‍ യന്ത്രം! നിങ്ങളുടെ കേടായ സാധനങ്ങള്‍ ഇതിനകത്തുവെച്ചാല്‍ ഉടനെ കേടുമാറും!''

''നാളെ കേടായ സാധനങ്ങളെല്ലാം ഇങ്ങോട്ടു കൊണ്ടുവന്നോളൂ!'' മുറ്റത്തു കൂടിനിന്നവരോടായി ബ്ലുംഗൂസ് പറഞ്ഞു. പിറ്റേന്ന് ആള്‍ക്കാര്‍ കേടായ മൊബൈല്‍ ഫോണ്‍, ടി.വി., ഡി.വി.ഡി. പ്ലെയര്‍, മിക്‌സി തുടങ്ങി പല സാധനങ്ങളുമായി ബ്ലുംഗൂസിന്റെ വീട്ടിലെത്തി. 

അപ്പോള്‍ തല ചൊറിഞ്ഞുകൊണ്ട് ബ്ലുംഗൂസ് പറഞ്ഞു: ''സോറി...കേടു മാറ്റുന്ന യന്ത്രം ഇന്നലെ കേടായി!''

  • JappaN KannaN likes this

#15 JayaraMeTTaN

 
JayaraMeTTaN

    Nokkukuthi

  • Royal Member
  • 36 posts
  • Interests:Internet
  • Gender:Male
  • Country: Country Flag
  • Current: Country Flag
 

Posted 04 June 2014 - 04:54 PM

നേതാവുംകിരീടവും
സുഭാഷ് ചന്ദ്രന്‍
03096_365423.jpg


തട്ടിന്‍മുകളിലെ എലികള്‍ക്കിടയില്‍ പുതിയൊരു പേടി പടര്‍ന്നു. ആ വീട്ടിലെ യജമാനന്‍ പുതിയൊരു പൂച്ചയെ കൊണ്ടുവന്നിരിക്കുന്നു. ഇതുവരെ ഉണ്ടായിരുന്ന മടിയന്‍പൂച്ചയെപ്പോലെയല്ല ഇവന്‍! എലിയെ കണ്ടാല്‍ ചടുപിടുവെന്ന് ചാടിപ്പിടിക്കും; കറുമുറു എന്ന് കടിച്ചുകീറി തിന്നുകയും ചെയ്യും!
ഗുലുമാലായില്ലേ? എല്ലാ എലികളും അന്നു രാത്രി തട്ടിന്‍പുറത്ത് അടിയന്തരമായി യോഗംചേര്‍ന്നു. പണ്ടത്തെപ്പോലെ പൂച്ചയ്ക്ക് മണികെട്ടിയതുകൊണ്ടൊന്നും ഒരു കാര്യവുമില്ല. പുതിയ എന്തെങ്കിലും സൂത്രം കണ്ടുപിടിക്കുകതന്നെ വേണം!

എലികളുടെ കൂട്ടത്തില്‍ മഹാ പൊങ്ങച്ചക്കാരനായ ഒരുത്തനുണ്ടായിരുന്നു- പൊങ്ങാണ്ടന്‍ എന്നായിരുന്നു അവന്റെ പേര്. താനൊരു കേമനാണ് എന്നായിരുന്നു അവന്റെ വിചാരം. പക്ഷേ, അങ്ങനെ വിചാരിച്ചുകൊണ്ടിരുന്നാല്‍പോരല്ലോ? നാലാള്‍ അക്കാര്യം സമ്മതിക്കുകകൂടി വേണ്ടേ?
തന്റെ കേമത്തം സ്ഥാപിച്ചുകിട്ടാന്‍ ഇതുതന്നെ അവസരം! പൊങ്ങാണ്ടന്‍ തീരുമാനിച്ചു.

''പ്രിയപ്പെട്ടവരേ, പൊങ്ങാണ്ടന്‍ പറഞ്ഞു: ''നിങ്ങള്‍ക്ക് സമ്മതമുണ്ടെങ്കില്‍ ഞാന്‍ നിങ്ങളുടെ നേതാവാകാന്‍ തയ്യാറാണ്. ഒരു നേതാവെന്ന നിലയ്ക്ക് നിങ്ങളുടെ മുഴുവന്‍ സംരക്ഷണവും ഏറ്റെടുക്കാനും തയ്യാറാണ്!''

എലികള്‍ കൈയടിച്ചു. കൈയടി താഴെ കേള്‍ക്കാതിരിക്കാന്‍ അവര്‍ ശ്രദ്ധിച്ചു.

അപ്പോള്‍ പൊങ്ങാണ്ടന്‍ എലി തുടര്‍ന്നു: ''പക്ഷേ, ഒരു നേതാവിനെ തിരിച്ചറിയണമെങ്കില്‍ ഒരടയാളം വേണ്ടേ? എല്ലാവര്‍ക്കും എന്നെ പെട്ടെന്ന് തിരിച്ചറിയാന്‍ ഏറ്റവും നല്ലത് ഒരു കിരീടംതന്നെയാണ്, എന്താ?''

എല്ലാവരും സമ്മതിച്ചു. അവര്‍ അന്നുതന്നെ ഒരുഗ്രന്‍ കിരീടമുണ്ടാക്കി പൊങ്ങാണ്ടനെ അണിയിച്ചു. ഓടുമ്പോഴും ചാടുമ്പോഴും ഊരിപ്പോകാത്തവിധം ആ വമ്പന്‍ കിരീടം പൊങ്ങാണ്ടന്റെ തലയില്‍ ഉറപ്പിക്കുകയും ചെയ്തു.

പിറ്റേന്നു പകല്‍ പുതിയ പൂച്ച തട്ടിന്‍പുറത്തെത്തി. കിരീടംവെച്ചു നില്‍ക്കുന്ന പൊങ്ങാണ്ടനെയും കിരീടമില്ലാത്ത കുറെ എലികളെയും കണ്ട് അവന്റെ വായില്‍ വെള്ളമൂറി.

''ഹും! നേതാവായ ഞാന്‍ പറയുന്നു താങ്കള്‍ മടങ്ങിപ്പോകണമെന്ന്!'', പൊങ്ങാണ്ടന്‍ ഞെളിഞ്ഞുനിന്ന് പൂച്ചയോടു കല്പിച്ചു.

പൂച്ച മുതുകു നിവര്‍ത്തി വാല്‍ വിറപ്പിച്ച് ചാടിവീണു! എല്ലാ എലികളും ഒറ്റനിമിഷംകൊണ്ട് കൊച്ചുകൊച്ചു മാളങ്ങളിലേക്ക് പാഞ്ഞുകയറി രക്ഷപ്പെട്ടു. പൊങ്ങാണ്ടനോ? തലയിലെ വമ്പന്‍കിരീടം കാരണം അവന് സ്വന്തം മാളത്തിലേക്ക് തല കടത്താനായില്ല!

അങ്ങനെ ആദ്യത്തെ ദിവസം, നേതാവായ പൊങ്ങാണ്ടന്‍ എലിതന്നെ പൂച്ചയുടെ പിടിയിലായി. കിരീടം അഴിച്ച് ദൂരെ കളഞ്ഞിട്ട് പൂച്ച പൊങ്ങാണ്ടനെ ശാപ്പിട്ടു. കണ്ടില്ലേ? അനാവശ്യമായി നേതാവ് ചമയാന്‍ നിന്നാല്‍ വന്നുപെടുന്ന അപകടം?

  • ManaSa and JappaN KannaN like this





Also tagged with one or more of these keywords: Kids, Special, മുത്തശ്ശിക്കഥകള്..., malayalam, stories, punchapaadam

0 user(s) are reading this topic

0 members, 0 guests, 0 anonymous users